السلام عليكم
كي قريت العنوان شبعت ضحك رايحة نقول كاش كادنة خلاف جابها خونا مالك؟
انا غير قريت بسم الله الرحمن الرحيم والسلام عليكم
واللون الاسود يخبط خلعت ههههههه قلت واشوا هادا لا الوان ولا الوجوه المضحكة ونلقى القصف من هيه
علاه ا خويا مالك واش درنالك يخي رانا مسالمين وخاطينا علاه تبهدل فينا العبد كبار والشيب بدا ينوض على الاقل
خليلنا نسبة أمل صغيرة هههههه يخي مصيبة اصلا خلطت فينا درك نفك معاك عقد الشراكة تاع قسم واش راك تهدر
مانحبش الهدرة على بنات اللمة اطونسيو هههه
والله يا خويا مالك العبد مايكدبش، انا تاع طياب نطيب ماعنديش مشكلة معاه لكن القاطوات وخاصة لي راهم يخرجو
درك خاطيني، راهم يجيبولك عجينة وفجأة تخرج على شكل فراشة ولا راس عبد وانا وين نعرف كيفاه؟ لازم نتبع
الخطوات، درك نساء بكري وراهم يتبعو قناة سميرة ماش خاطر خايبات بصح درك دخل الابداع على الطبخ
سلاطة على شكل سمكة وصحن شخشوخة على شكل راس عبد، الناس ولات تنوع وباه تبع هاد التطور لازم
تعليمات، حتى بنات اليوم لي زعما يطيبو راهم يتبعو على النت مستحيل زادو معلمين ولا والديهم علموهم
خاطر والدينا علمونا التقليدي اما العصري من النت، هنا ماش نقصد بنات اللمة لي يدورو في المطبخ اصلا بنات
فحلات وكل صبع بصنعة ماعندي مانقول عليهم بصح نص البنات لي اليوم تطيب وتبدع راهي من النت وهادي
ماش عيب درك وسيلة التعلم ولات بالنت رانا نتبعو النت، وزيد كل واحد وامكانياتو كيما قتلك طياب عادي مافيهش
مشكل بصح القاطو لي رنا نشوفو فيه درك كاين لي يتطلب ادوات ومكونات بزاف وكل واحد ومقدورو وزيد كاين
لي ماعندوش باه ينقل الطبخة، انا مثلا عمري لا وضعت موضوع في قسم الطبخ اصلا باه نصور ونحط؟ عندي تيليفون
يخرج التصويرة تقول الماكلة محروقة هههههه ولا تصورت في عهد الفراعنة هههه على هادي نبعد على قسم الطبخ
يعني كل واحد وكيفاه استنا نشري تيليفون جديد ونديرلكم الغزو هههه
واصلا شكون دركا لي عاد يهتم بمرأة تعرف تطيب -_- راهي ديرلو كادنة ياكل الحديد نورمال هههههه
راهم يديو فيهم مسوفجين خلي يا الطبخ، واصلا شكون قالك بايرين اصبر اسبوع وتسمع بخطبتي ههههه
شوي جناح ناموسة وشوي شفار كبش ورجل فار شايب وانا جبت عريس هاهاها وزيد مايتشرط ماوالو
شكرا خويا مالك على الموضوع راك نسيت بصح رقية حتى هي ماشاء الله كل صبع بصنعة
وبالاك تزيد تخلط في بنات اللمة اصلا درك يديرو عليك هجوم ههههه وجد روحك
وربي يهني كل واحد ووحدة وربي يرزقك بوحدة بيضة ماتعرفش تطيبها هههههه
تحياتي
