يا لبنات راكم بايرين غير ادخلو باش تزوجو

[AmiR@RoRo]

رد: يا لبنات راكم بايرين غير ادخلو باش تزوجو

السلام عليكم
غبت يامات نلقى دعوه مخلطه وسكر افندي يكلاشي من جهة واسما من جهة واسما التانية من جهة ( بنقابي افتخر)ههههه غيلخير وش كاين
بون هي صح قليل وين تقلى دروك من بنات اليوم وحده تخدم وصفات غير هكاك بلا كتاب وبلا فيديو وبلا يوتوب وسميرة هههه
يعني الا ما ولازم تتبع شويا باش تحكم ماشي من اول مرة لازم تجيبها قدقد
مرة نحكي مع خالتي قلتلها نورمال راه كاين كتب الطبخ وكاين اليوتوب يكتر خيرو
قاتلي ايه فدار عجوزتك قلها اصبري نروح نشوف الفيديو كيفاش يدير ونطبق عليه ههههه
ديجا ماشي شرط كل وحدة تطيب حاجه تحطها هنا باش تعرفوها بلي شاطره احم
وانا وحدة نطيب فدارنا ولي بلا الله الله بصح ما نحطش هنا ماعنديش الوقت والخنوق باش نبدا نصور المراحل ومش عارفه نتقلق فيسع هههه
وراكم غي ماتعرفوش بنات اللمة الفحلات كل صبح ب عشر صنعات ماشي غي صنعة
وانت سكر افندي يا راك شاف سعداتها لي تديك تعاونها وترفد عليها شوي وتقلشها بلي بلا عتع المطاعم خخخ
يعطيك الصحة خويا
اودي غير اتزوج واعرصنا ما يهمش المهم نعرسو ونفرحو كرهنا ياو هههه
سلام

 

[فيتامين سي]

رد: يا لبنات راكم بايرين غير ادخلو باش تزوجو

عمو سكر ستيلو شباب بزاف خليك في الاسود خرج عليك كما قالت طاطانا الاسود يليق بك
المهم منطولش عليك واش قلت ياوجه الكوكوطة حنا منعرفوش نطيبو نونونو نعرفو مي نخافو من العين راك فاهم مجاياش كلش نصوره ........علاش علاش علابالك ياربي تدي وحدة لا علاقة بالمطبخ و تجي تفرغ قلبك في قسم هذاك و انا نستشفا فيك نهاهاها يا راس البرقوق
المهم واش قلنا تاني اوه نتفكر صبر دقيقة
اوه تفكرت سترى نروحو لقسم الطبخ و قسم المراة و تبقا وحدك تبرح
باي باي سكر افندي

 

[فيتامين سي]

رد: يا لبنات راكم بايرين غير ادخلو باش تزوجو

اوه مزال باقيلي بزاف كلمات بورطابلي جاع نوكله شوية و ساعود
يا ربي اختي تدخل تكمل عليك

 

[ام راس يابس]

رد: يا لبنات راكم بايرين غير ادخلو باش تزوجو

يا كبرها عند الله يا اخ العرب
شكون قالكم يا القرعاجين بلي ما نعرفوش نطيبوا
انا وهيبه فوق ما كل اصبع بصنه عندنا اوبسيون زيادة و هي لسان طويل
يعني احنا خير من الي تعرف تطيب
يااه على هيبه مسكينه من الخلعه خدها الزاوج انتفخ رجع فيها 3 وجوه
علابالك عمو ملح كون ماشي البورطابل و كون ماراهمش دايرين عليا حظر تجول (الباك قرب) كون راني كليتك بلا خبز
المهم
االطياب للبنات برك
؟؟!
ااه يا الدابه نتا وياه وياه
علاش نتوما بوبال تستهلكو برك متنتجوش
وين راها ابداعاتكم ورونا نوروكم حبه بحبه
ديجا علابالك
البورطابل راه معمر بالتصاور تاع الابداعات
لي تارت
تارتولات
القاطو
الرهج لي يحبو قلبك
مي رافتا بكم محبيتش نحطهم
شفتو شحال نخمو فيكم يا اللماويين
و نتوما تعرفو غير التجريح
على هاذي زكارة فيكم
غدوة غادي نزوق تارت و منعطيكمش تاكلو يا ريسان الخرشف
موتو قهر

 

[سكون الفجر]

رد: يا لبنات راكم بايرين غير ادخلو باش تزوجو

اسمح لي لأني سأتحدث بلهجتي هيهيهيهيي ههههههه
والله متت من الضحك العنوان لحالوو جلطني، قلت هاد عبد المالك ناويها شر الزلمة
لادخل وشوووف شو حاكي، هههههه لقيتها كلها قصف جبهات وابصر شو كمان
اي ليك على سيرة الله يرزقني برجل جزائري، ياخي انا لا عاد بدي جزائري ولا بطيخي
هيك خليني احسنلي، منشان اعرف اطبخ منيح هههههه
لكان جوووعان يا عيني وما عم تلاقي مين يطعميك، ييي عليّ ان شاء الله كيف هيك ما حدا عم يهتم فيك
خلص من اليوم وصاعد قررت اجتهد منيح بقسم الطبخ، لك يا سيدي عندي تلت وصفات بالجهاز
وكل ما بدي ارفع الصور وباشر بالعمل بيجيني ابوي بدو شي مني وكأنو عم يراقبني
وناوي ما يخليني نزل هالوصفات هههههه
بس ولا يهمك الايام الجاية رح تكون منيحة مو بس مني من البنات كماااااان
ما هيك بنوتاتي حبيباتي؟!
هههههه والله شكلي رح اكل شي بهدلي منهن هلأ عهههههه

قنابلك واسلحتك النووية كترانة هالكم يوم خيوو شو صايرلك هاااااه
واللا حاطط عينك على شي وحدة وهالوحدة ما بتعرف تطبخ ممممم هات احكيلي بيني وبينك
من اخ لاختوو ما حدا رح يعرف، لك يمكن حتى علملك ياها كيف تطبخ هااا بس احكي ولا تخبي :$

الله يوفقك خيوو ويسرلك امورك لو تعرف اديش فرحت وقت شفت اسمي هوون
يا الله الله يحميك ويحفظك

 

[Djaouida]

رد: يا لبنات راكم بايرين غير ادخلو باش تزوجو

سلام عليكم
هههههه والله غير ضحكتني يا خويا نعرف نطيب 5 في عينيك ههههههه
وراه جاي رمضان ونوريلك شطارتي احم احم هههههههه
ياو طيطي كل صبع بلكلافي واليوتوب
هههههه صار هاك معليش ههههههه
ربي يهنيك خويا
سلام

 

[فيتامين سي]

رد: يا لبنات راكم بايرين غير ادخلو باش تزوجو

ام راس يابس متحطيش و موتو بغيضكم
سكون و جويدة في رمضان لازم لازم تحطو صور علابالكم مع يولو يتوحمو تخدت عليهم هع هع هع