مهبولة تحكي على هبالهآ { الجزء الاول }

[ضآحكة مستبشرة]

السلام عليكم و رحمة الله عالى و بركاته

ااايه وحدة مهبولة جا تحكيلكم على هبالها
ايا اسمتعوا بهبالي

كي كنت صغيرة و كان يوصل رمضان كنت دايمن نحب نصووم كيما كامل الدراري
مرة من المرات كنت نقرا في الابتدائي انا و اختي
كي صونات 11 روحنا للدار في فترة الاستراحة
قاتلنا ماما راكم صايمين قلنالها ايه انا و ختي
كان معانا وليد عمي صغير بزاف ماما جبدت تعطيلوا القفريط مجبتش لخبر حتى لقيت روحي ناكل فيه هههههههههههه
يا حوجي ماما فطرت وووووووووووووووع زعما كنت صايمة
و مرة كان باقي على الفطور كاش نص ساعة ولا ساعة
كملنا لفطور و بقينا ايا تكيت على التاقة حتى نصيب في روحي ناكل في الزريعة تاع البتيخ ايا بركاونا علبالي بلي كامل كنتو تاكلوها خخخخخ

و هادي التالية فيهم هههه
خطرة كنت انا و ختي صغار زعما عمتي عرضتنا باش نفطروا عندهم
جاو جيرانا قالولنا ايا تروحوا معانا نسرحوا بالنعاج هههههههه كنت نموتوا على الروحة معاهم خاطرش اللعب داير الظل
زعما رحنا معاهم و رانا صايمين ايه رانا نلعبو نلعبوا و زعما نسكنوا في الباطيمات
تحبوا تعرفوا وشنوهم باطيماتنا ياااو الشجر ههههه ايام روووعة
بدينا نحيو في الكرموس باش ندوه نفطروا بيه حتى نصيب في روحي نمص في الصاشي بداخلها الكرموس
منين وصلت للدار قاتلي عمتي ماشي كنتي صايمة قلتلها ايه قاتلي وعلاش راكي تاكلي قلتلها نسيت ووووع :-o:-o كنت دايمن نفطر
ايا و بعدها عطاتلنا كريم ديسار كليناه و تفرجنا خاتم سليمان

و مرة كنت عند جداتي كان عمري كاش 11 سنة
كنت نطل من البالكون و ناكل في قلب اللوز جات صاحبتي جاية من لابوباال حاشاكم
قاتلي راكي صايمة قتلها ايه و انتي قاتلي انا تاني مشات و هي تضحك
مين خزرت نلقا روحي ناكل و نكذب في رمضان :s:s
تباااا لي كم انا غبية


هاذي مقتطفات من طفولتي تاع رمضان

انتظرووووني في الاعداد السابقة
خخخخ قصدي القادمة


DZL منعرفش نخرط مليح​

 

[حروف تائهة]

رد: مهبولة تحكي على هبالهآ { الجزء الاول }

السلام عليكم
اييييه ياحسرااه على هذيك ليام هههه
و الزريعة تاع البتيخ ههههه كااامل كليناها
يعطيك الصحة أختي
في انتظار الاعداد القادمة

 

[Skor m@k]

رد: مهبولة تحكي على هبالهآ { الجزء الاول }

السلام عليكم
ههههه والله غير ضحكتيني
اليامات كامل فطرتيهم ههههه ياك ضرك راكي تصومي ولا تاكلي بالتخبيا هههههه
شحال مليحة كي ماتفيقش وتاكل تحس هذا وين بديت تصوم هههه
الروح توليلك ههههه
ومكنتيش تصومي بالنص نهار انا كنت نصوم رمضان كامل نص نهار
نلايمهم يولو نهار
هاه راكي تعرفي
يعطيك الصحة راني فالمتابعة​

 

[فيتامين سي]

رد: مهبولة تحكي على هبالهآ { الجزء الاول }

الله يبارك من صغرك دكية
انا صمت بكري مرة ولد عمي صام و شوية فطر غرت منه قلتلهم انا تاني نفطر ماما كما دارتلي حرنت نفطر ههههههه المهم نعاند

 

[AmiR@RoRo]

رد: مهبولة تحكي على هبالهآ { الجزء الاول }

هههه وكالة رمضان محروقة العظام
شحال كنا نقولوها فالصغر على لي ياكلو فرمضان
ان شا الله برك ما تكونيش درك تطيبي وتذوقي ههههه
يعطيك الصحة اسوم

 

[آمِيْرَتُه]

رد: مهبولة تحكي على هبالهآ { الجزء الاول }

السلام عليك
ههههه الصغر وحده عجبتني التالية بهدلتي بروحك يا مصفارة هههه
تصومي بالصحة

 

[سكون الفجر]

رد: مهبولة تحكي على هبالهآ { الجزء الاول }

ههههههههه والله ضحكت لحتى دمعو عيوني
والله ايام روعة هي ايام الطفولة، ربي يحميكِ حبيبتي ويسعد قلبم
بارك الله فيكِ على مشاركتنا هذه المواقف الطريفة

 

[ضآحكة مستبشرة]

رد: مهبولة تحكي على هبالهآ { الجزء الاول }

السلام عليكم
اييييه ياحسرااه على هذيك ليام هههه
و الزريعة تاع البتيخ ههههه كااامل كليناها
يعطيك الصحة أختي
في انتظار الاعداد القادمة

و عليكم السـلآم
اااااااااايه يامات زمان يامات النية و القعدات الزينة :cray01:
هههههههه لوكان قلتيلي جامي كليتها لوكان راني جيت ليك كشردتك
العفووو
ان شاء الله
نورتي​

 

[ضآحكة مستبشرة]

رد: مهبولة تحكي على هبالهآ { الجزء الاول }

السلام عليكم
ههههه والله غير ضحكتيني
اليامات كامل فطرتيهم ههههه ياك ضرك راكي تصومي ولا تاكلي بالتخبيا هههههه
شحال مليحة كي ماتفيقش وتاكل تحس هذا وين بديت تصوم هههه
الروح توليلك ههههه
ومكنتيش تصومي بالنص نهار انا كنت نصوم رمضان كامل نص نهار
نلايمهم يولو نهار
هاه راكي تعرفي
يعطيك الصحة راني فالمتابعة​

و عليكم السلام و رحمة الله
ههههههه حاجة مليحة قدرت نضحك بصماطتي خخخ
هههههههه مصمت والوو اووووووو دركا لالا نصوم واش عمبالك نقعد دايمن صغيرة واقيل :sport02: راني كبرت :love01::$
ايه حالة لانو كنا ابراء و نية ماشي كيف دروك
لالا كنت نصوم نص نهار و نجمعهم ايا ميجي يخلاص رمضان نولي صايمة 15 يوم هه
ايه نعرف
شكرا مالك سررت جدا بمرورك
نورت اخي​

 

[ضآحكة مستبشرة]

رد: مهبولة تحكي على هبالهآ { الجزء الاول }

الله يبارك من صغرك دكية
انا صمت بكري مرة ولد عمي صام و شوية فطر غرت منه قلتلهم انا تاني نفطر ماما كما دارتلي حرنت نفطر ههههههه المهم نعاند

ههههه حشمتيني :$:$ يبارك في ايامك
ههههه يخي عنادة يخي علاش تفطري بالعنآد ايا صومي ولا نديرلك الحار هههههه
نورتي هبة الكبة خخ
شكرا ع المرور​

 

[ضآحكة مستبشرة]

رد: مهبولة تحكي على هبالهآ { الجزء الاول }

هههه وكالة رمضان محروقة العظام
شحال كنا نقولوها فالصغر على لي ياكلو فرمضان
ان شا الله برك ما تكونيش درك تطيبي وتذوقي ههههه
يعطيك الصحة اسوم

ههههه علاش راكي تعايري فيا و تبهدلي فيا
احنا كنا نقولوا وحدة خطيرة منقدرش نقولها ههههه
لالا جامي نغلط راني كبرت حنونة :down: :thumb_up02:
الله يسلمك امورتــي
نورتي​

 

[ضآحكة مستبشرة]

رد: مهبولة تحكي على هبالهآ { الجزء الاول }

ههههههههه والله ضحكت لحتى دمعو عيوني
والله ايام روعة هي ايام الطفولة، ربي يحميكِ حبيبتي ويسعد قلبم
بارك الله فيكِ على مشاركتنا هذه المواقف الطريفة

ههههههههه فرحت كتير لاني ضحكتك يا غاليتي
تسلمي و يخليلي ياكي
ايه و الله ايام كتير حلوة و ما بتنتسـى
و فيكي بارك الله نورتي​

​

 

[ضآحكة مستبشرة]

رد: مهبولة تحكي على هبالهآ { الجزء الاول }

السلام عليك
ههههه الصغر وحده عجبتني التالية بهدلتي بروحك يا مصفارة هههه
تصومي بالصحة

و عليكم السلام امون
ههههههههه هاديك جامي ننساها
الله يخليك
صح سحورك غاليتي ​

 

[الزهرة الحمراء]

رد: مهبولة تحكي على هبالهآ { الجزء الاول }

سلام مصيبتي
اااااااا حبسي كيما راكي حكمك الرادار تفرطي رمضان ماتحشميش آه قولي حطي عينك في عيني وقوليلي تفطري اليوم نندبلك خخخخخ
عندك برك لا غدوا تفطري تكوني والفتي تروح تتغداي نورمال
تحياتي مصيبتي

 

[ضآحكة مستبشرة]

رد: مهبولة تحكي على هبالهآ { الجزء الاول }

سلام مصيبتي
اااااااا حبسي كيما راكي حكمك الرادار تفرطي رمضان ماتحشميش آه قولي حطي عينك في عيني وقوليلي تفطري اليوم نندبلك خخخخخ
عندك برك لا غدوا تفطري تكوني والفتي تروح تتغداي نورمال
تحياتي مصيبتي

و عليكم السلام كشرودتي
هههههه خلاص راني حبست واش خسك ؟؟
ايه خليه يحكمني كنت صغيـــــرة و منعرفش ديجا تساليني عسي روحك :down:
ههههههه خايفة غدوة نروح نطيب آه حقا غدوة ماشي نوبتي في الكوزينة
متخافيش غدوة رح نلصق هنا في اللمة
نورتي يا جمــــــــــــــــــــيلتي :love01:​

 

[مشتاقة الى الله]

رد: مهبولة تحكي على هبالهآ { الجزء الاول }


و مرة كنت عند جداتي كان عمري كاش 11 سنة
كنت نطل من البالكون و ناكل في قلب اللوز جات صاحبتي جاية من لابوباال حاشاكم
قاتلي راكي صايمة قتلها ايه و انتي قاتلي انا تاني مشات و هي تضحك
مين خزرت نلقا روحي ناكل و نكذب في رمضان :s:s
عجبتني هذي ختيتة

 

[Oussama.GF]

رد: مهبولة تحكي على هبالهآ { الجزء الاول }

ههه ضحكتني >

 

[حلم يعانق السماء]

رد: مهبولة تحكي على هبالهآ { الجزء الاول }

هههههه حتى أنا كنت نفطر ومانفيقش بروحي كانت ماما تقولي كملي صيامك نورمال

يعطيك الصحة فكرتيني بأيام الطفولة​

 

[*amani*]

رد: مهبولة تحكي على هبالهآ { الجزء الاول }

هههههههههه toooop
ننتظر المزيد

 

[نورالإيمان~]

رد: مهبولة تحكي على هبالهآ { الجزء الاول }

يالكشرودة فكرتيني ف صغري.
البراءة .....
ايام لا تنسي.