- إنضم
- 23 أفريل 2016
- المشاركات
- 1,022
- نقاط التفاعل
- 3,889
- النقاط
- 171
ها قد عدنا ايها البائسون في بلاد الملل .. يا سيدي خبز يتمشى دار حكاية في المنتدى وناس كامل هات لاسويت هات لاسويت حسبتكم تستناو في الحلقة الجاية تاع الفايكينغ ولا تاع لوفي .. المهم ديما ديما تيري عليهم
صحيت ما تخلي حتى واحد يقرا في الموضوع على قيد الحياة تعرفوا علاه ؟؟؟ .. كي نكون صايم نتقلق ..
في الحلقة السابقة من خبز يتمشى ..
صاحب الموضوع : واش جابو من الكوزينة للدوش واش راه يمشي فيه
السمراء (لا بخينات كاتبة هي )هاا واش حكاية الخبز فالدوش امم ممكن مخلوقات اخرى معاااك نياهاهاها
زهرة الزئبق : اما جنية راهي ساكنة وراهي طيبلك وبصحتك واما طاش طومبة راهي هناك فلاببارتمو على التخربيش راهي خدايمها
فيولا : بصح هذا الشينيغامي لي يحط الخبز في لافابو موسوس نظافة حتى الخبز و حب يغسلو و لا كفاه
لؤلؤة قسنطينة : نقولك هادي ماتكون غير عايلة تاع فيران ولا كاش حشرات خدامة في الليل نتا تاني علاه عليه قتلتهم بالشر مساكن حتى ولاو يسرقو الخبز
رابط الحلقة السابقة لمن فاتته : ..
http://4algeria.com/forum/threads/448281-5/
http://4algeria.com/forum/threads/448281-5/
الجزء الثاني والاخير
ايا المرة لي فاتت قلت ليكم لقيت تيبانة خبز كاملة
اخخخخ هناك اشباح عندنا ..
لكن يا راجل وش بيك الاشباح يهزو حاجة مادية ارجع لعقلك هكاك يهزو تلفونك وانت راقد ويفحتو بيه ولا يضربوك بيه للراس
لكن يا راجل وش بيك الاشباح يهزو حاجة مادية ارجع لعقلك هكاك يهزو تلفونك وانت راقد ويفحتو بيه ولا يضربوك بيه للراس
امام كثرة التوسويس عيطت لواحد يسكن تماك شيخ كبير يعرف علم القبار والبحار والفنون والتقشف والابار والطريق السيار
.. حكيتلو حكايتي قالي شوف يا اوني ولا كي يسموك كل الدلالات لي راهي هنا تقول بلي كاش حية ترفد الخبز مي سمعت أي كاينة واحد الطومبة
اهم كيما دارو ليها محكموهاش يمكن هربت لعندك ..
لكن يا شيخ بالله عليك طومبة تهز تيبانة كاملة ومن الكوزينة للدوش اعقل ..
ايا قالي تقدر تروح حلبتك بما فيه الكفاية اغرب عن وجهي
لكن يا شيخ بالله عليك طومبة تهز تيبانة كاملة ومن الكوزينة للدوش اعقل ..
ايا قالي تقدر تروح حلبتك بما فيه الكفاية اغرب عن وجهي
عاودت دخلت للدوش ونشوف مليح نلقى واحد الغار متخبي بالتويو لي يجي طالع هذاك .. تماك لقيت دليل الجريمة ولي هو المكان الحساس
.. اممم صار هكا تاكلي انت وولادك يمالا اني حفظت الدرس يا واحد الطومبة الخبزة هاد المرة ما نرميهاش نخليهالك هنا في الدوش باه متزيديش ترجعي للكوزينة وسكرت باب الدوش مليح وغلقت المنافذ ... وعطيتها برقدة وفي الليل نسمع في فوضى كبيرة تماك تحساب عرس وانا من عادتي ما نخسرش للناس عراسهم
.. نضت صباح نلقى هاديك التيبانة كلات منها وقدمتها للغار تاعها.. شوف تاخر الزمان طومبة ومتعلمة التفنيين تجيها حتى لفم الباب باه متعياش
المهم خرجت الصباح شريت في الغراء تاع الفيران وشوي كمونبار وكاين واحد المثقف هكا
الله يجازيه يتبع الكوناكسيون ويامن بلي عمك غوغل عندو الحل قالي اشريلها شوي كوكا كولا أي تحبها وكي تشربها تموت
.. ايه والله ما خليتها في خاطرو المهم درتلها مأدبة عشاء مليحة وحطيت الغراء هذاك على كاغط وفيه الخبز تاعها ولكمونبار والكوكا اتهليت فيها ورحت نكوناكتي في الليل نسمع فيها تعيط
... ااااااااااااااااااااااااااه يا واااااااحد الصالوبريو ااااااااااه هدا راكي انت لي عيشتيني فيلم رعب في ويكاند صار هكا اه
جاء الجزء الممتع .. ايا قلبت عليها الكاغط هذاك كي شغل كفنتها بيها ونجيب الفروطوار ونحط فيها على الزعاف تاكلي الخبز ااه تاكلي الخبز ااه ويخي كانت تعيط وتبكي تحساب ولد صغيير
..
المهم وتمت العملية بنجاح وغلقت الغار هذاك بالاسمنت المسلح .. وعشت حياة سعيدة هههه
المهم وتمت العملية بنجاح وغلقت الغار هذاك بالاسمنت المسلح .. وعشت حياة سعيدة هههه
بلا ما ننسى هنيت الناس من كابوس مرعب دام لأشهر .. خربت في الافريقي ماتت الطومبا هاذي.
خلاصت الحكاية لي وسوستني ووسوستكم نتمنى استمتعو تحياتي
وصح فطــــــــــــــــــــــــــوركم
