حياتي ابنتي
:: عضو منتسِب ::
- إنضم
- 28 جوان 2016
- المشاركات
- 43
- نقاط التفاعل
- 97
- النقاط
- 5
محتاره في امري والله لم أجد حل لمشكلتي غير الدعاء و البكاء طبعا.......عزوجتي باغية اعلاني و تخرجني من عقلي.....تصرفاتها معايا زادو......وليت نروح نطل عليها تلبس جلابتها من تهرب و انا ندير روحي ماعلاباليش و لا نجي نديرلها الشغل تاع الدار تقولي لا لا ماكان والو غير خلي.....و اللي راها قاتلتني بناتها تاني كي يشوفوني جيت يروحو .......و هي كي نجي تبدا فالمعاني راني خارجة ليوم ماكان ما قعدني.....و اليوم غير فطرت قالي راجلي روحي لعندها نوصلك.فطريقي.....مالقينا حتى واحد لدار و راجلي خرج و خلاني مع بنتي و كي جا شيخي قالي راها عند بنتها و انا قعدت فشومبرا مع بنتي نسمع في شيخي عيطلها فالتليفون قالها باللي راني تما(عليا)....و منين عرفتني تما طولت ماجاتش حتى مور العشا(رغم انها ماتقعدش عند بناتها)و للعلم بنتها هادي تسكن غير حداها و ماقاتليش ارواحي تقعدي معانا.....و كانو قاع بناتها مجتمعين و شوية من الاقارب.....و كي جات لقيتها بالضحكة عاادي.و لكن المصيبة راجلي يبغيني كل يوم نروح و هوما مايبغونيش نجي....وانا مانحكيلهش ........والله غير دمرت حياتي امه منافقة لابعد حد و كيما تديري معاها ماتسلكي
