قالتلكم أنا حرة نحكي وش نحب؟؟

[همس الوُرود]

السلام عليكم ورحمة الله وبركاته
أهلا ناس وش راك تهدر وش أحوالكم؟؟ إن شآء الله تكونوا بخير وبصحة جيدة
بالنسبة ليا راني حاصلة مع ليكونترول ديجا غدوة عندي المات و مازال مابديتش نقراها ~
هبطولي المورال أصحاب الدوزياماني قالولي أقراي ولا أقعدي الأصفار كامل تدوها فالأخير
ربي يوفقنا وييسرلنا يا رب كلنا يلي عندنا مشاغل

إيه اليوم جيت نحكيلكم على وحد الأمر حيرني ومش غير حيرني شوكاني بزاف
لدرجة أني حددت معارفي وحصرت الصداقات ~
وليت نحكي مع مجموعة صغيرة من البنات


دوك نحكيلكم

كنت قاعدة في راحة بال وطمئنينة وعايشة في سعادة وهناء العصافير تزقزق و الأرانب تقفز
حتى الورد وكان يفوح بالعبير الجميل و كانت قطرات الندى تضفي رونقا جذابا على هامش حياتي

قالو كاينة مجموعة تع بنات جامعتنا ~ وإيكزاكت بنات البيوجولي ~أقصد البيولوجيا
المهم يحكوا على القراية ويتعاونوا وكلش
عجبني الحال قلت ندخل فالمجموعة دخلتني صاحبتي
بداو يحكو فالبداية على الدراسة وكل شيء
وبعدها نلقى البنات ناضوا يسبو و يهدرو في كلام الله لا يشوفكم فيه والله لا يسمعكم بيه
لا حول ولا قوة إلا بالله
في حياتي لم أسمع ولم أر كلاما كهذا
ونورمااال عاجبهم الحال ويحكوا أنا حتى حسبتهم ذكور أو ما شابه لم أفهم شيئا
أنا كنت بالهاتف وماعرفتش كيفاش نخرج من المجموعة بالهاتف
وكلامهم بقى يتمركالي فالهاتف وصراحة تشوكييييييييت بكل معنى الكلمة
قلت ماعليش دوك ننصحهم
البنات ولاو يسبو فيا
فسكت حبيت نخرج ماقدرتش

بعدها سكتو هدنت الحالة
آل شووو إحنا أحرار نتكلم أي شي بنحبووو

ومبعد زادو دخلو يسبو

أنا ماتحملتش فكتبتلهم

خسارة أنني نلقى بنات يهدرو كلام مش مليح كيما هكا
بنات مافيهمش ريحة حشمة

وتنطقلي طفلة منهيك أسمعي نتي وش راكي تمعني

قلتلها أنا حرة نحكي وش نحب وين نحب أنتي ماعندك مادخلك

وكملت أنا نكتب قلت
معلابالهمش بلي هوما يكتبوا والملائكة وراهم تسجل فوش راهم يديرو
​

ماعلابالهمش بلي ربي قادر يغضب عليهم
​

معلابالهمش بلي هذا الكلام ممكن يكون سبب في دخولهم إلى النار

وتبدا هاديك تسب فيا بكل أنواع الكلام الفاحش
,,,,,,,,,,,,,,,
,,,,,,,,,,
,,,,
وتقولي لاعبتيها علينا إمامة و و و.....

لم أحتمل

فخرجت من المجموعة بسرعة البرق


الله يهدينا ويعافينا ويسترنا يا رب

صراحة تشوكيت بزاف ماقدرتش نتحمل

كاين صح عباد كيما هكا؟؟

كاين صح هكا عباد؟؟

كاين صح كلام كيما هكا يتهدر؟؟

لا حول ولا قوة إلا بالله​

 

[Skor m@k]

السلام عليكم
ربي يهديهم لي عودة أختي​

 

[همس الوُرود]

وعليكم السلام ورحمة الله وبركاته

آمين يآ رب

شكرا على إعتماد الموضوع

أرجو تعديل الجملة ماعلابالهمش بلي ربي قادر يغضب عليهم ~​

 

[راضية بقدري]

والله يا أختي بنات هاد الوقت معظمهم رجعوا يمشيو بهاد العقلية الا من رحم ربي خطرة صرالي موقف كيما هكا جيت ننصح رجعت في خالوطة ليس لها اول من اخر نقولو الله يهدي هدا ماكان

 

[آمِيْرَتُه]

السلام عليك
والله فوائد القروبات قاع تبدلو تلقيهم نتاع تعليم بصح يهدرو هدرة طلاق زواج طلبات صداقة و زواج
دي في بالك نصهم راهم لا علاقة بالبيولوجيا واقيلا غير داخلين يتوقتو برك
ربي يهدي الجميع

 

[الصحافية الساخرة]

ربي يهدي من خلق , يا اختي انتيا نهيتيهم والباقي عليهم هوما لعل كلامك قد يمس احداهن وتتوب عن كلامها , لا عجب تجدين الكثير منهن بالشارع والفاظهم وقحة

 

[Hakan]

ياحسراه ضركي البنات راهم يسبو خير مني وخير منك ههه
غير ما تقلقيش روحك خاصة في الجامعة كل يوم تكتشفي حاجة جديدة
العام اللي فات تقابضو زوج بنات في البيس
وكنت انا في البيس هيا وتبدا معاها وحدة طيط طيط طيط
ولخرى طيط وطيط وطيط
ومن بعد جا راجل كان راكب معانا
قالهم احشمو راكم اصحاب التاء المربوطة
ومن بعد سكتو وحكيم خوك قعد بلا راس
حتى لقاولهلي صحابي في هذيك الليلة نهار حكاولي بعض المعلومات عن جنس الاناث الجديد
ومن ثم كي تخرج حاجة جديدة نقلهم هاتو الجديد سلام ربي يحفظك بعدي عليهم ​

 

[همس الوُرود]

والله يا أختي بنات هاد الوقت معظمهم رجعوا يمشيو بهاد العقلية الا من رحم ربي خطرة صرالي موقف كيما هكا جيت ننصح رجعت في خالوطة ليس لها اول من اخر نقولو الله يهدي هدا ماكان

آمين يآ رب ~ ربي يعافينا يآ رب ~

والله هذا أمر يُحزن .. كيفاش يحكوا هكا وتجيهم نورمال

حتى أنهم يسبو ويضحكوا ...
عافانا الله​

 

[همس الوُرود]

السلام عليك
والله فوائد القروبات قاع تبدلو تلقيهم نتاع تعليم بصح يهدرو هدرة طلاق زواج طلبات صداقة و زواج
دي في بالك نصهم راهم لا علاقة بالبيولوجيا واقيلا غير داخلين يتوقتو برك
ربي يهدي الجميع

وعليكم السلام ورحمة الله وبركاته~
يا أختي أنا زعما كيما شفتها مجموعة خاصة بالبنات فقط قلت أكيد مليحة رانا بيناتنا غير بنات ونتعاونوا
مي خسارة والله غير خسارة
ربي يهدينا يا رب ويعافينا ~
بارك الله فيك أختي ~ ربي يحفظك​

 

[همس الوُرود]

ربي يهدي من خلق , يا اختي انتيا نهيتيهم والباقي عليهم هوما لعل كلامك قد يمس احداهن وتتوب عن كلامها , لا عجب تجدين الكثير منهن بالشارع والفاظهم وقحة

آمييين يا رب ~
إن شآء الله يا رب
والله غير ربي يسترنا ويعافينا ~
أنا صح صح تشوكيت ​

 

[همس الوُرود]

ياحسراه ضركي البنات راهم يسبو خير مني وخير منك ههه
غير ما تقلقيش روحك خاصة في الجامعة كل يوم تكتشفي حاجة جديدة
العام اللي فات تقابضو زوج بنات في البيس
وكنت انا في البيس هيا وتبدا معاها وحدة طيط طيط طيط
ولخرى طيط وطيط وطيط
ومن بعد جا راجل كان راكب معانا
قالهم احشمو راكم اصحاب التاء المربوطة
ومن بعد سكتو وحكيم خوك قعد بلا راس
حتى لقاولهلي صحابي في هذيك الليلة نهار حكاولي بعض المعلومات عن جنس الاناث الجديد
ومن ثم كي تخرج حاجة جديدة نقلهم هاتو الجديد سلام ربي يحفظك بعدي عليهم ​

الحمد لله يا رب أنا أكتر سبة عندي هي قول ماتحشمش أو ماعندك مادخلك ~ هذي أكبر حاجة عندي وإن شآء الله ربي يعافينا ويسترنا
آااه والله كارثة ~ راهم حاسبين روحهم قاويين بصح ماعلابالهمش بلي راهم كسروا الدنيا بسوء أخلاقهم
أكيد نبعد على هذي الأنواع على قد مانقدر ~ مانتحملش نقعد مع ناس مافيهمش ريحة الحياء
ربي يعافينا يا رب ويهديهم
والله صح شوكاوني
إنا لله وإنا إليه راجعون
بارك الله فيك ~ شكرا على المرور ​

 

[Skor m@k]

السلام عليكم
انت راكي مليحة كي قريتيها بلكتيبة برك أحمدي ربي يعدك عليهم فالواقع
تلقايهم فلقروب يسبو ويهدرو برك تقول ربي مراهوش يشوف فيهم
ولا يتخباو برك مور العضوية تاعهم
عدت نشوف بزاف باجات زعما تاع قرايا مي هوما فالأصل ماتستفادي منهم والو
أنا نقولك حاجة واحد مايفيدك فالفايس
أدخلي للمكتبة وأقراي كتب ولا هناك تناقشي مع صحبتك في الدروس
خاطرش هذو القروبات ولاو تاع تمسخير برك
يجوزو بيهم الوقت بإسم لقراية والدين والزواج
ربي يهدينا ختي​

 

[أم أُنٌَيسة]

السلام عليكم و رحمة الله تعالى و بركاته
اتمنى ان تكوني بالف خير ان شاء الله يارب
نسال الله الهداية لنا و لكل المؤمنين و بارك الله فيكي و جزاكي خيرا لنصائحكي و هن نسال الله الهداية لهن و لكل المؤمنين و المؤمنات

السؤال :

أصدقائي وزملائي في الفصل يتحدثون بالكلام البذيء، وهذا يجعلني أتحدث مثلهم، فماذا أفعل لتفادي الكلام البذيء، علما بأنهم أقرب الناس إليّ؟ وأريد دليلا على أن الكلام البذيء حرام، وأريد حكمه إن كان حراما؟ وشكرا.


الإجابــة
الحمد لله والصلاة والسلام على رسول الله وعلى آله وصحبه، أما بعد:

فلا يجوز لهؤلاء التحدث بالكلام البذيء، ولا يجوز لك أن تشاركهم في ذلك، ولو كانوا أقرب الناس إليك، لأنه لا طاعة لمخلوق في معصية الخالق، كما جاء في الحديث الصحيح، بل إن الأقربين هم أولى الناس بالنصح، فعليك أن تحاول مناصحتهم بأسلوب طيب وتذكرهم بأن الله تعالى يبغض الفاحش البذيء، وأن الفحش ليس من صفات المؤمنين، فإن لم ينتهوا فلا تجالسهم إلا مع الإنكار عليهم، فإن كنت محتاجا للجلوس حيث يجلسون كالفصل الدراسي فلا أقل من أن تنكر عليهم بقلبك، وتتجنب الحديث معهم في الفحش، ومن الدليل على حرمة التحدث بالكلام البذيء ما جاء في الحديث من أن الله يبغض الفاحش البذيء، ففي سنن الترمذي عن أبي الدرداء: أن النبي صلى الله عليه وسلم قال: ما شيء أثقل في ميزان المؤمن يوم القيامة من خلق حسن، وإن الله ليبغض الفاحش البذيء. صححه الألباني.

قال في سبل السلام: البغض ضد المحبة وبغض الله عبده به إنزال العقوبة به وعدم إكرامه إياه، والبذيء فعيل من البذاء وهو الكلام القبيح الذي ليس من صفات المؤمن كما دل له الحديث الآتي. انتهى.

يعني بالحديث الآتي ما روى الترمذي: عن علقمة عن عبد الله قال: قال رسول الله صلى الله عليه وسلم: ليس المؤمن بالطعان ولا اللعان ولا الفاحش ولا البذيء. والحديث صححهالألباني أيضا.

ومن هذا يعلم أن التحدث بالكلام البذيء حرام ، لكنه ليس مكفرا.

والله أعلم.

المصدر : اسلام ويب
تحياتي احترامي و تقديري لشخصكم الكريم
في امان الله

 

[salah.f]

الله يستر انتشرت بزاف هاد النوع من الكائنات البرمائية
ربي يحفظ كل بنت مزال فيها الحشمة و النية

 

[الصحافية الساخرة]

آمييين يا رب ~
إن شآء الله يا رب
والله غير ربي يسترنا ويعافينا ~
أنا صح صح تشوكيت ​

امييين ... هذا هو الحال للاسف ...

 

[GI Joe]

eviti les regroupement kaamel alr la m3a ness ma ta3erfihomch !! w entre nous oui rahi hora allah yssahel 3liha w 3lihom k wahed yba3ed 3la had le3bad w khlass
aallah yahdina nchllh

 

[Msb security]

ربي يجيب الخير للبلاد والعيباد وربي يهدينا انشاء الله
شيء محزن واش راو يسرا في الجامعات الجزائرية و ما خفي اعضم التربية اختي و دور الوالدين وين راهم وقت الفتن حصني نفسك قدر ما تنجمي وماتبرونشيش للناس ربي يهدي كل واحد
ربي يهدينا

 

[الامين محمد]

للأسف هاي الأنوثة المفقودة كيما رانا نشوفوا الرجولة المفقودة
بنات تحسبيهم رجال سكرانين سب و كلام فاحش حتى
أفسق , اخشن راجل ما يقولهش
تلقى بنت اللي في الأصل هي مخلوق معروف بالحيا و الحشمة و الرقة
لكن الفطرة تغيرت لأن بنات و اولاد الحرام راهم بزاف و صوتهم مسموع
و هوما جداتهم فرنسا و زريعتها
نبتت و جابت هاذ الزقوم و الشوك

 

[زهرة اللمة]

السلام عليكم
واش نقول ربي يهديهم
صح الناس تبدلت ما بقات حشمة الا ما رحم ربي
وين تروح تلقى العجب

 

[الورد الأحمر]

السلام عليكم ورحمة الله وبركاته

كاين شيمن بنات يا أختي من كثر ما يهدرو هك تنساي بلي بنات وكاين لي كي يهدرو هك يستراحو وكاين لي مش فارقة معاهم صورتهم وكاين لي ما تهمهم أنوثتهم. يعني الإنسان مش ملاك إلا ما نكونو غلطنا بشي كلمة بصح مش نزرعو الهدرة قدام أي كان. الوحدة لا طاح مستوى كلامها للرض خلاص راحت عليها الأنوثة. ومع الأسف كاين يشوفو الأسلوب هذا تحضر.

تجي تنصحك يقولك تفتي علينا مالا ادعي ربي يهديهم وخلاص ما باليد حيلة.

ما تتخلعي ما تنصدمي مازال تشوفي لي كاليثي في الجامعة ما يكملوش.

مغسي ع الموضوع.