- إنضم
- 10 أوت 2013
- المشاركات
- 10,922
- نقاط التفاعل
- 47,048
- النقاط
- 1,706
- الجنس
- ذكر
السلام عليكم
قبل لا نروح نرقد قلت ندير موضوع طازج ما حكاوش فيه وقيلا
المهم مؤخرا راهي صايرة بلبلة على احد الدعاة اللي زارو الجزائر
وقناة النهار هي المسؤولة على هذي الببليسيتي اسم الشيخ وسيم يوسف
يا جماعة هذا داعية ماهوش عالم هذي اولا وفي موضوعي مارانيش رايح نحكي على هذا الشاب
لانو ماهوش شيخ لكن يخدم الدين بمقدورو مي رايح نحكي على البلبلة اللي صارت مع هذا الشاب
ماشاء الله شعبنا ما يسمع خطب وما يسمع دروس يتفرجو الليل مع النهار مسلسلات ساعات برك باش يتفرجو كاش داعية
هيا ومن بعد نمشي في الشارع سبحان الله صليت الفجر في المسجد خرجت من الجامع تلاقيت مع زوج خالتي قالي
حكيم الشيخ وسيم راهو في بليدة اوهوه ماشاء الله خبر حصري وعينيه كانو يرقرقو من الفرحة
يعني حسيت في هذيك اللحظة انو مجتمعنا ناقص بزااف في المجال الدعوى وما نكذبوش على رواحنا ياجدكم كاامل
اذا حبينا نستقيمو او نحركو قلوبنا نروحو نتبعو مشائخ الخليج ودعاة الخليج او المصريين مع احترامي لكامل هذو الناس
لكن ياخاوتي بلادنا مساحة فوق زوج ملاين 40 مليون نسمة ما قدرتش تخرج داعية يعرف يهدر
ياخاوتي مانيش نقول عالم لكن داعية تكون عندو قناة خاصة يدعي الناس كيما راهم يديرو الخليججين والمصريين
الله اعلم بالنيات لكن بعد اللي شفتو صراحة تاكدت انو في الجزائر نتاعنا وزارة الشؤون الدينية فشلت فشلا ذريعا
الكليات نتاع الشريعة فشلت فشلا ذريعا المساجد نتاعنا فشلت فشلا ذريعا واش هي السبة برك
راهو فرق بين داعية وعالم ماشاء الله بلادنا فيهم مشائخ لكن دائما هذو المشائخ يكونو مريزارفيين لبعض الفئات من المجتمع
برك
اما عاامة النااس راهو شمس الدين يديباني فيهم حتى يفرج ربي
يعني حسيت ونقولها صراحة بالرخس نتاع الصح كي شفت هذاك وسيم يمشي ويحكي على الجزائر كانو هذا وين دخلنا للاسلام
بيسك هذي المظاهر نتاع الناس كامل مخلوعين في داعية شفتها غير في افريقيا الوسطى وجماعة فيتنام واندونسيا اللي مازالهم بعاد على الاسلام بدرجة لكن بلاد عبد الحميد بن باديس عيب الشعب نتاعها يتخلع في داعية بسيط عندو حصة تلفيزيونية بسيطة سعرو بسعر
اي طالب متخرج من اي كلية من كليات الشريعة نتاع الجزائر لكن وين راهم ابنائنا اللي اختارو طريق الدين باش ينصحو الناس
علاش ما نصيبوهمش في المجال الدعوى علاش في دزاير نتاعنا نرفضو رفضا قاطعا كل ماهو جزائري حتى في مجال الدعوة
سبحان الله شعب كل جمعة يرخس امام الجمعة ومن بعد يجيه اصغر داعية في اي بلد من بلاد المسلمين يصنفو كانو عقبة بن نافع رايح يفتح الجزائر علاه ياخاوتي رانا هكاك واش اللي صاري في بلادنا العزيزة انا مانيش ضد وسيم يوسف ولا ضد اكبر داعية في الوطن العربي لكن لما نشوف الشعب مخلوع في داعية ويسكرو قاعات السنما وغيرها هنا نتحسر على الدعوة في بلادنا لانو فشلت فشلا ذريعا
لوكان واحد من دزاير يروح داعية للسعودية او الكويت او مصر ياي الغاشي نتاع هذاك الحي اللي راهو فيه بالاك ما يحضرولوش اذن اي الخلل سلام..
قبل لا نروح نرقد قلت ندير موضوع طازج ما حكاوش فيه وقيلا
المهم مؤخرا راهي صايرة بلبلة على احد الدعاة اللي زارو الجزائر
وقناة النهار هي المسؤولة على هذي الببليسيتي اسم الشيخ وسيم يوسف
يا جماعة هذا داعية ماهوش عالم هذي اولا وفي موضوعي مارانيش رايح نحكي على هذا الشاب
لانو ماهوش شيخ لكن يخدم الدين بمقدورو مي رايح نحكي على البلبلة اللي صارت مع هذا الشاب
ماشاء الله شعبنا ما يسمع خطب وما يسمع دروس يتفرجو الليل مع النهار مسلسلات ساعات برك باش يتفرجو كاش داعية
هيا ومن بعد نمشي في الشارع سبحان الله صليت الفجر في المسجد خرجت من الجامع تلاقيت مع زوج خالتي قالي
حكيم الشيخ وسيم راهو في بليدة اوهوه ماشاء الله خبر حصري وعينيه كانو يرقرقو من الفرحة
يعني حسيت في هذيك اللحظة انو مجتمعنا ناقص بزااف في المجال الدعوى وما نكذبوش على رواحنا ياجدكم كاامل
اذا حبينا نستقيمو او نحركو قلوبنا نروحو نتبعو مشائخ الخليج ودعاة الخليج او المصريين مع احترامي لكامل هذو الناس
لكن ياخاوتي بلادنا مساحة فوق زوج ملاين 40 مليون نسمة ما قدرتش تخرج داعية يعرف يهدر
ياخاوتي مانيش نقول عالم لكن داعية تكون عندو قناة خاصة يدعي الناس كيما راهم يديرو الخليججين والمصريين
الله اعلم بالنيات لكن بعد اللي شفتو صراحة تاكدت انو في الجزائر نتاعنا وزارة الشؤون الدينية فشلت فشلا ذريعا
الكليات نتاع الشريعة فشلت فشلا ذريعا المساجد نتاعنا فشلت فشلا ذريعا واش هي السبة برك
راهو فرق بين داعية وعالم ماشاء الله بلادنا فيهم مشائخ لكن دائما هذو المشائخ يكونو مريزارفيين لبعض الفئات من المجتمع
برك
اما عاامة النااس راهو شمس الدين يديباني فيهم حتى يفرج ربي
يعني حسيت ونقولها صراحة بالرخس نتاع الصح كي شفت هذاك وسيم يمشي ويحكي على الجزائر كانو هذا وين دخلنا للاسلام
بيسك هذي المظاهر نتاع الناس كامل مخلوعين في داعية شفتها غير في افريقيا الوسطى وجماعة فيتنام واندونسيا اللي مازالهم بعاد على الاسلام بدرجة لكن بلاد عبد الحميد بن باديس عيب الشعب نتاعها يتخلع في داعية بسيط عندو حصة تلفيزيونية بسيطة سعرو بسعر
اي طالب متخرج من اي كلية من كليات الشريعة نتاع الجزائر لكن وين راهم ابنائنا اللي اختارو طريق الدين باش ينصحو الناس
علاش ما نصيبوهمش في المجال الدعوى علاش في دزاير نتاعنا نرفضو رفضا قاطعا كل ماهو جزائري حتى في مجال الدعوة
سبحان الله شعب كل جمعة يرخس امام الجمعة ومن بعد يجيه اصغر داعية في اي بلد من بلاد المسلمين يصنفو كانو عقبة بن نافع رايح يفتح الجزائر علاه ياخاوتي رانا هكاك واش اللي صاري في بلادنا العزيزة انا مانيش ضد وسيم يوسف ولا ضد اكبر داعية في الوطن العربي لكن لما نشوف الشعب مخلوع في داعية ويسكرو قاعات السنما وغيرها هنا نتحسر على الدعوة في بلادنا لانو فشلت فشلا ذريعا
لوكان واحد من دزاير يروح داعية للسعودية او الكويت او مصر ياي الغاشي نتاع هذاك الحي اللي راهو فيه بالاك ما يحضرولوش اذن اي الخلل سلام..
آخر تعديل:
واش من موضوع درتو هنا فالمنتدى!!!!
