|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : Lovely ღ smile

الحالة
مغلق ولا يسمح بالمزيد من الردود.

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
proxy.php


السلام عليكم ورحمة الله تعالى وبركاته
do.php



اهلاا بكن عسولات في منتدى اللمة




تجـهيـز الـعـرائـس

لـتـعمـيـق أواصـر المحـبـة و التـعــارف بيـنـنـا وبينـكـن عـزيـزاتـي ..

نفتتح كـل أسبـوع .. استضـافـة لمتمـيـزة مـن متمـيـزات ..



اللمة الجزائرية

في برنامجنا الاسبوعي


|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ




لـتـعمـيـق أواصـر المحـبـة و التـعــارف بيـنـنـا وبينـكـن عـزيـزاتـي ..

نفتتح كـل أسبـوع .. استضـافـة لمتمـيـزة مـن متمـيـزات ..

اللمة الجزائرية


في برنامجنا الاسبوعي


|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ

أهـلا و سـهـلا بكـن أحبتـي

تطـل اليـوم عـلى مشـارف -[ منتدى تجـهيـز الـعرائـس]-

مبدعه مـن مبـدعـات هـذا الـصـرح الـغـالي ..

متميزه بأخلاقها العالية وبوجودها الرائع ..

أعطت الكثير من مجهودها وإبداعها للمنتدى ومازالت تعطي..

متشوقون جدا للتعرف أكثر على أختنا الحبيبه اللتي ستزورنا هذا الأسبوع ..


:..:.. لنـرحـب جميـعـاً بضيفاتنـا لـهـذا الأسبـوع ..:..:

@Lovely ღ smile


قـوانيـن المشـاركـة


:: احتـرام الضيـفة و المُشـاركـات بالمـوضـوع ..

:: الابتعـاد عـن الاسئـلـة المحـرجـة و للضيـفه الحـريـة بـعـدم الـرد عـلى أي سـؤال تجـده تدخـلا بشـيء مـن

خصوصيـاتهـا ...


في امان الله

proxy.php
 
آخر تعديل بواسطة المشرف:
السلام عليكم و رحمة الله
كيف احوالك اختي ؟
اهلا بك يا معنا اختي
اولا نرحبوا بيك كيما يلزمـ

{ قلتيلي المرة لي فاتت مانيش قاعدة قتلك كي توصل العطلة امالا وجدي روحك حبيبتي راكي ضيفة عزيزة بزاف عليا و على لبنات }
xsXa8.jpg


4b864f6033.jpg

tumblr_mi3322SgyG1r1iv4bo1_500.jpg
%D8%A7%D9%84%D9%82%D9%87%D9%88%D8%A9-%D8%A7%D9%84%D8%AA%D8%B1%D9%83%D9%8A%D8%A9-8.jpg
رايحة نباشر في الاسئلة ان شاء الله يعجبك الحآل ؟
أولا مبروووك أختي و لعقوبة للبنات كامل
بزيــــــــآن السعد و ربي يهنيك يا اجمل عرووووووس عروستنـــآ هُدَىْ
- الاسم الحيقي ؟
- العمر ؟
- الولاية ؟
- الوظيفة ؟
- الهويآت ؟
قداه مالزال عرسك ان شاء الله ؟؟
كم دامت فترة خطوبتك؟؟
تعرفتي على خطيبك أم زواج تقليدي؟؟
رايحة تسكني وحدك ولا مع عجوزتك؟؟
وش الحاجة اللي تعجبك في خطيبك؟؟
وش الحاجة الي تعجبو فيك ؟؟
خدامة ولا قاعدة في الدار؟؟
ان شاء الله تعجبك القعدة
 
يعدو ببعدو تشو من الطريق
بيــــــــــــــــــــــــــــــــــــو ن شطاخ
السلام عليكم ايه الاحبة الغاليين على قلبي صار دايرين قصرة مع الاخت لوفلي سمايل ويا ختي لوفلي سمايل توحشتك راكي مغيبة عليا قاع
الحمد لله حمدا كثيرا
مشكورة هي الاخت المتفائلة على مجهودها في هذا الصرح
وفرحتي كبيرة لاني علمت للحين ان اختنا لوفلي سمايل ستكون عروسا ان شاء الله اسال الله ان يتم على خير ويبارك لكما ويوفقكما
اهلا في هذا الملتقى الطيب والجلسة النسوية والدردشة التي احبها كما تحبها اختنا لؤلؤة قسنطينة اتمنى انها بخير اهلا بالاخت والعروس لوفلي سمايل
هدا ترحيب ايا وجدي روحك هه للاسئلة يا عروستنا
do.php


do.php


do.php


 
السلام عليكم
لولولولولو الف مبروك عندكي متعرضيناش
حبيبتي هل انت مستعدة لبناء اسرة؟
واش هي الحاجة لي تمنيتيها فخطيبك ولقيتيها فيه؟
بيناتنا تحبيه ههه؟
راجي موجدة التروسوا نتاعك كامل ولا مزال؟
حبيبتي تعرفي طيبي واش تعرفي ديري باش نشوفوا عروستنا يلا شاطرة ههه؟
ربي يزين سعدك يارب
دوك نوليلك
تحياتي
 
عروستنا الحلوة ونتمنى نشوفها بالطرحة البيضاء
مرحبا بيك مجددا يا صاحبة التاج سمو الاميرة

قرات اسئلة الاخت الطيبة المتفآئلة ، ساتابع واتمنى ان تتلقى اسئلتي رحبك وان لا تكن محل ازعاج لك

هل ترى الاخت لوفلي سمايل انها كفىء لبناء اسرة طيبة وتحمل المسؤولية ، كم هي هي نسبة قناعتك ؟
ما هي النقاط التي ترينها تنقصك ولا بد ان تكون فيك في دخولك لهذا المجال الطيب او بالاحرى النعمة الطيبة التي اسماها عزوجل بالميثاق الغليظ يتبع
 
السلام عليكم
أووووووه عرس هنا ومتعرضونيش
إيه محبيتوش نجي
هاو راني جيت
نحب نسأل الأخت :
الحياة الزوجية ماذا تعني لك ؟
هل هي واجبات
أم هي واجبات وحب متبادل وصداقة
كيف تصفينها وكيف ترينها وكيف تتمنينها مستقبلا ؟
سلام
 
عذرا ، استوجب علي ان اذهب
الاميرة العروس نتابع ما بدانا
من الشائع عندنا قبل كل خطبة تصلي الفتاة صلاة الاستخارة ، كيف حدث معك انتي
* اهم نقاط جعلتك تقتنعين بعريسك
هل هو قريبك ام غريب عن عائلتك ؟
اشياء تجعلك قلقة من الزواج ؟
ستسكنين مع زوجك واهله ام انتما الاثنين فقط ؟
كم دامت او ستدوم فترة الخطوبة ؟
 
الف الف مبروك حبيبتي
ان شاء الله تفوتيه بالهنا والفرح ويكونلك هاد الزوج كيما راكي متمنية
مادا يعني لك الزواج?
 
السلااام عليكم و رحمة الله
اوووو هدهود عروسة ؟؟؟ يااا عمري و ما قلتوليش ههه
مهم بالباراااكة ختيتي و ربي يهنيييييك و يكملك
كي تجي راني نحط اسئلتي ان شاء الله ^^
مرسي اسوم :)
 
السلام عليكم و رحمة الله و بركاته
الف مبروك لاختي الغالية و ربي يهنيك و لازم تعرفي بلي الزواج مسؤلية كبيرة و راح تكباري عشرة اعوام في تفكيرك حبيت نسال على الزوج و علاقته بالدين ما هي لانها راح تتبنى سعادتك
ورا ح
نرجع للتجهيزات ما الجديد فيها مع التصديرة العازبات بغاو يشوفوا تصديرتك و كاينة الشخشوخة انتاع غدائك ولا لالا عندك تكوني بخيلة و تدي القاطو هذا ما كان
 
مرحبا وألف مبروك،وعقبال لذرية الصالحة ،انا نحب نسقسي على ذهب واش راح تدي ، وواش لازم تشري الذهب هذا لي شغل بالي ونتمنا تجاوبيني ختيتو شكرااا
 
وعليكم السلام ورحمة الله وبركاته
اختيار موفق اسوم ^^
نرحبو بعروستنا الحلوة

كيف ترين العمل والحياة الزوجية ؟
لما تجيبي اطفال ان شاءالله وين تفكري تخليهم في الروضة او عند دار راجلك او داركم ؟
ربي يهنيك ان شاءالله حبيبتي
 
السلام عليكم

اسمحولي هاذا وين شفت الموضوع راني مع التكوين و الحاالة ادعولي ربي و زيد الكونيكسيو ماكانش في الداار بصح نجاوب على أخواتي ان شا الله:)

اول حاجة نشكر اسومة على الترحيب و كااامل البنات ربي يحفظكم حنوناتي و ضوك ندور على الأسئلة نجاوبكم :)
 
السلام عليكم و رحمة الله

و عليكم السلام و الرحمة و الإكرام


كيف احوالك اختي ؟

في رحمة ربي الحمد الله السوال عليكم

اهلا بك يا معنا اختي
اولا نرحبوا بيك كيما يلزمـ

أهلين بيك ترحب بيك الجنة ان شا الله


{ قلتيلي المرة لي فاتت مانيش قاعدة قتلك كي توصل العطلة امالا وجدي روحك حبيبتي راكي ضيفة عزيزة بزاف عليا و على لبنات }

ههههههه ساعا جيتيني مع التكوين و الكونيكسيو ماكانش هههه. ..ربي يعزك حنونتي


الحمد الله شفت الموضوع اليوم كي دخلت على غفلة خاطر ماجاياش هاذ الترحيب كامل و ما نكونش حاضرة

رايحة نباشر في الاسئلة ان شاء الله يعجبك الحآل ؟

باسم الله.. أكيد كي نكون مع خواتاتي يعجبني الحال

أولا مبروووك أختي و لعقوبة للبنات كامل

بزيــــــــآن السعد و ربي يهنيك يا اجمل عرووووووس عروستنـــآ هُدَىْ

الله يبارك في عمرك ان شا الله و عقوبة ليك و لكاااااامل العويتقات :)

- الاسم الحيقي ؟

نور الهدى :)

- العمر ؟
23 سنة

- الولاية ؟

تـــيـــــــــــــــآرت :)

- الوظيفة ؟

أستاذة تعليم متوسط

- الهويآت ؟

الكتابة و المطالعة بصح يا حسراااه شحال عندي ما مارستهمش

قداه مالزال عرسك ان شاء الله ؟؟

مازااال عام و شوية ان شا الله

كم دامت فترة خطوبتك؟؟

امم ضروك راه عندي شهر خطبة :oops:


تعرفتي على خطيبك أم زواج تقليدي؟؟

امم نعرفه:oops:

رايحة تسكني وحدك ولا مع عجوزتك؟؟

مع عجوزتي ان شا الله

وش الحاجة اللي تعجبك في خطيبك؟؟

يخاف ربي و طايع والديه

وش الحاجة الي تعجبو فيك ؟؟
يقول شخصيتك هههه ما نعرف

خدامة ولا قاعدة في الدار؟؟

خدامة :giggle:


ان شاء الله تعجبك القعدة

ربي يحفظك اسومتي ان شا الله يعجبوك الأجوبة
 
يعدو ببعدو تشو من الطريق
بيــــــــــــــــــــــــــــــــــــو ن شطاخ
السلام عليكم ايه الاحبة الغاليين على قلبي صار دايرين قصرة مع الاخت لوفلي سمايل ويا ختي لوفلي سمايل توحشتك راكي مغيبة عليا قاع
الحمد لله حمدا كثيرا
مشكورة هي الاخت المتفائلة على مجهودها في هذا الصرح
وفرحتي كبيرة لاني علمت للحين ان اختنا لوفلي سمايل ستكون عروسا ان شاء الله اسال الله ان يتم على خير ويبارك لكما ويوفقكما
اهلا في هذا الملتقى الطيب والجلسة النسوية والدردشة التي احبها كما تحبها اختنا لؤلؤة قسنطينة اتمنى انها بخير اهلا بالاخت والعروس لوفلي سمايل
هدا ترحيب ايا وجدي روحك هه للاسئلة يا عروستنا


هههههههههه رانا بعدنالك من الطريق سمية
و عليكم السلآم مرحبا بيك سمية الجمعة بلا بيك أكيد ما تحلاش الله يدوم جمعتنا و فرحتنا و عقوبة لخواتاتي كاااااااااملين

تتوحشك الجنة حنونتي راني هنا ندور برك

راني واجدة اتفضلي برك
 
السلام عليكم

و عليكم السلآم و رحمة الله وبركاته

لولولولولو الف مبروك عندكي متعرضيناش

الله يبارك في عمرك ربي يحفظك. . كيفاه ما نعرضكمش عندي غيركم ؟

حبيبتي هل انت مستعدة لبناء اسرة؟

على بالي انه هاذي مسؤولية كبيرة انك تبني عائلة و تولي مسؤولة على دار و راجل و اولاد ان شا الله نكون على قدها لأنه كامل على بالنا بلي كي تكون المرأة صالحة يكون البيت صالح و العكس صحيح يعني هي الأساس


واش هي الحاجة لي تمنيتيها فخطيبك ولقيتيها فيه؟

نبغي الراجل الحنين و الحمد الله لقيتها فيه ما نعرف هاذيك الحنانة تع ضروك برك ولا رح يكمل هكاك هههههههههه

بيناتنا تحبيه ههه؟

ههههههه ها شوف الحشايم حشمت حشمت مبعد نخبرك


راجي موجدة التروسوا نتاعك كامل ولا مزال؟

مازال ما بديت فيه أصلا o_O

حبيبتي تعرفي طيبي واش تعرفي ديري باش نشوفوا عروستنا يلا شاطرة ههه؟

الحمد الله نعرف نطيب بصح مازال كاين صوالح ما جربتهمش في يدي برك


ربي يزين سعدك يارب
دوك نوليلك
تحياتي

اللهم أمين ربي يخليك حنونتي :) مرحبا بيك كل وقت
 
عروستنا الحلوة ونتمنى نشوفها بالطرحة البيضاء
مرحبا بيك مجددا يا صاحبة التاج سمو الاميرة

ترحب بيك الجنة سمية :)


قرات اسئلة الاخت الطيبة المتفآئلة ، ساتابع واتمنى ان تتلقى اسئلتي رحبك وان لا تكن محل ازعاج لك

لا أكيد رح نجاوبك و عمرهم أخواتي لا يكونو محل إزعاج لي بالعكس


هل ترى الاخت لوفلي سمايل انها كفىء لبناء اسرة طيبة وتحمل المسؤولية ، كم هي هي نسبة قناعتك ؟

المسؤولية راهي مخوفتني و هذا ما يحصل لأغلب العرائس لكن راني واعية بحجم المسؤولية و ان شا الله نكون قدها .
نسبة القناعة في الوقت الحالي تقدري تقولي راني مقتنعة بنسبة 60% اني نقدر نتحمل هاد المسؤولية ال40 الباقية مع الوقت تجي ان شا الله


ما هي النقاط التي ترينها تنقصك ولا بد ان تكون فيك في دخولك لهذا المجال الطيب او بالاحرى النعمة الطيبة التي اسماها عزوجل بالميثاق الغليظ يتبع

خصني نتعلم نشد فمي هاذي هي النقطة الي لاازم نركز عليها لأن الساكت تكون عنده هيبة و انا نبغي نحكي و نضحك لازم نترزن شوية كيما يقولوا

مرحبا بيك سمية في كل وقت عجبوني أسئلتك في الصميم
 
السلام عليكم
أووووووه عرس هنا ومتعرضونيش
إيه محبيتوش نجي
هاو راني جيت
نحب نسأل الأخت :
الحياة الزوجية ماذا تعني لك ؟
هل هي واجبات
أم هي واجبات وحب متبادل وصداقة
كيف تصفينها وكيف ترينها وكيف تتمنينها مستقبلا ؟
سلام

و عليكم السلآم مرحبا بيك سنآيآ منورة القعدة حنونتي

الحياة الزوجية هي مسؤولية و استقرار و مودة و رحمة
هي حقوق و واجبات ، حب و صداقة هي كل هذا متمنية ان شا الله نكون لزوجي كل شي و هو ثاني يكون لي كل شي "أكتفي به و يكتفي بي "
 
الحالة
مغلق ولا يسمح بالمزيد من الردود.

المواضيع المشابهة

لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top