|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : Lovely ღ smile

[Soumia hadj mohammed]

 

[{مُدَلَّلَتُهُ}]

15 راكي ناوية تصبغي شعرك ؟

اممم في الوقت الحالي لا .. بالاك مبعد نبدل رايي ما نعرف ههه

16 كيفاه تحبي لي غوب د ماغياج تكون منفوخة ولا مفشوشة ههه ، فيها دونتال ولا العقاش او ما يسمى بالمور او السمق ؟

نبغيها منفوخة و تكون بلادونتال الله الله مشي تبرقش كيما رواد الفضاء نكره التبرقيش هاذاك

شابة هاذي عجبتني ♥ بصح وييين تصيبي هاكاك وييين

 

[{مُدَلَّلَتُهُ}]

ضيافة العروس يا لبنات متحشموناش ها كيسموها عطاتها بهربة والاخرى راحت لقسم واش راك تهدر ووحدة شافت غوسات
هيا التحقوا يك رانا معرسين لا ؟

دخلو دخلو مرحبا راهي جات @آمِيْرَتُه اييه و @"viola" عاش من شاف هذيك البوطنة الخضرا / زعما مكونكتيين / نتنمى راكم غاية
احطيب تعطير للضيافة بالخزامى وتواجد الاخوات اكيد احلى تطيب
وحدة كانت جايبتها وراي وتقلي نحي صباطك راني مسيقة نقلها نحي صباطك راني مسيقة

ههههههه راكي تشوفي راحو مازادوش رجعو هايا تفضلو تفضلو الضيافة راهي على حساب سمية ♥
الله يفتح عليك سمسومة ♥

 

[{مُدَلَّلَتُهُ}]

السلام عليكم ورحمة الله وبركاته
عزيزتي العروس
جبتلك بعض الصور من اختياري اتمنى لو تختاري واحدة ونعملك توقيع ديرو الاخت الشاعرة الفرنسية كي تضعيها بالصورة الرمزية على اللمة
والقرار راجع اليك
يتبع

ياعمريي ربي يفرحك حنونتي و يعطيك ما تتمناي ♥

امم عجبتني هاذي

 

[ضآحكة مستبشرة]

اهلين بعروستنا الحلوة ​

اللون لي تحبي تخدمي بيه جهازك ؟
واين تحبي تروحي شهر عسل ان شاء الله ؟
- واش هي عوايدكم في الشوفة ؟
- واش تلبس و كيفاش تمشط العروس في الخطبة ؟
- باش تخرج العروس عندكم من دار باباها ؟
- شكون يخرج العروس من دارهم باباها ولا شيخها ؟
- تحبي تسكني وحدك ولا مع عجوزتك ؟
- واش هي انواع الحلوى لي تاخذها العروس لدار زوجها في عوايدكم ؟
- في منطقتك واش هو الشي اللازم في تروسوا العروس ؟
- كيفاش تفضلي المشطة ديالك بالصورة لو امكن ؟
- بواش تحبي تخرجي من دار باباك يعني اللباس ؟


ان شاء الله تعجبك الضيافة​

 

[Soumia hadj mohammed]

ياعمريي ربي يفرحك حنونتي و يعطيك ما تتمناي ♥

امم عجبتني هاذي

امين يارب
مقلتيليش وش نكتبولك عليها ؟

 

[ضآحكة مستبشرة]

عالسلآمة جيتي لآلة لعروسة عالسلآمة جيتي هههه

مرحبا بيك

- واش تحبي تلبسي في الدار ؟
- بديتي تجهزي ولا مزال ؟
- زوجك وسيم خخخخ ؟
- واش يدلعك واش تدلعهيه ؟

- وآش تحبي تسمي اولادك هههه ؟
- وين تفضلي تقضي شهر العسل ؟
- وآش هوما أكثر شيء من الحوايج درتيه في الجهآز ؟
- في عوايدكم يباتو شوية من اهل العروس معاها في بيت زوجها ليلة العرس ؟
- و آسكو عندكم عادت الكبش و لا لالا ؟


- واش هي الاكلات لي تعرفي تطيبيهم ؟
- زعما راكي تشوفي في روحك مرا تاع دار بامتياز ؟
- واش هي نصيحتك للي راهم يجهزوا مثلا واش هي الحاجة لي تأكيدلهم عليها يدروها في الجهاز ؟؟
- لو خيروك بين تسافري لدبي و لندن في شهر العسل واش تخيري ؟​

- كاين بعض العرائس راهم يديو صالونات معاهم انتي رح تدي ؟​

- واش هو الشيء لي يعجب سوسو في الاعراس ؟
- تقاليد اعرس تاع اي دولة يعجبوك ؟
- اسكو كاين اعضاء فاللمة تعرفيهم في الواقع ؟
- شحال درتوا من عرس فالدار ؟
- في عراس خاوتك واش تلبسي ؟
- و في عراس خياتك واش تلبسي ؟
- تحبي تلبسي حجاب و لاغوب في الخرجاآت ؟
- واشمن الستيل تحبي فـي لاغوب بلونش الحوتة ولا gـــــونفلي ؟
- واش عوايدكـــــم في سبوع العروس ؟




​

 

[{مُدَلَّلَتُهُ}]

امين يارب
مقلتيليش وش نكتبولك عليها ؟

اممم نخليلك الخيار ليك

ضوك نرجع نجاوبك على اسئلتك

 

[{مُدَلَّلَتُهُ}]

اهلين بعروستنا الحلوة
​

أهلا بيك أسومة عاش من شافك

اللون لي تحبي تخدمي بيه جهازك ؟​

راني بين الأزرق و الـgرونا مازال ما ديسيديت

واين تحبي تروحي شهر عسل ان شاء الله ؟
مازال ما بينلي النية اذا كاين شهر عسل ولا لا بصح انا باغية اذا في الجزائر تلمسان ولا بجاية و إذا خارجها ما نكثرش عليه مسكين المروك نضربو فيها تحويسة شابة و نجو

- واش هي عوايدكم في الشوفة ؟
ما نكذبش على اختي ما نعرف انا مينهم بعاد داروا الشوفة مع الخطبة مع الخاتم ما فهمت والو

- واش تلبس و كيفاش تمشط العروس في الخطبة ؟
تمشط simple و ماكياج خفيف باه يشوفوها ناس دارها naturelle و تلبس قفطان شباب نورمالمو هاكا

- باش تخرج العروس عندكم من دار باباها ؟

تخرج بـ la robe blanche مع البرنوس طبعا ♥ و كاين لي يبغوا يخرجوا بالشدة كل وحدين و كيفاه


- شكون يخرج العروس من دارهم باباها ولا شيخها ؟

في عادتنا يخرجها شيخها من دار باباها بصح ضروك الأغلبية راه يجي رااجلها يخرجها


- تحبي تسكني وحدك ولا مع عجوزتك ؟

كل وحدة عندها إيجابيات و سلبيات بصح المليحة هي كي تكوني غي انت و راجلك تعيشي غايا


- واش هي انواع الحلوى لي تاخذها العروس لدار زوجها في عوايدكم ؟
​

البقلاوة لازم و المقروض و لخرين ضوكا راه كل مرة يخرج زي جديد يعني النوع الجديد و الشباب تخدمه و تديه :d

- في منطقتك واش هو الشي اللازم في تروسوا العروس ؟
​

البلوزة لااااااازم ماكانش الي ما تديهااش معاها

- كيفاش تفضلي المشطة ديالك بالصورة لو امكن ؟

راني معلقة في تاقة ههههههه كيفاه تبغي نجيبلك صورة بصح نحوس على حاجة ما تكونش خيمة فوق راسي حاجة شابة شيك و simple لأنني أعشق البساطة

- بواش تحبي تخرجي من دار باباك يعني اللباس ؟

اممم لاغوب مع البرنوس ♥ تجي هايلة :Love:


ان شاء الله تعجبك الضيافة​

نورني القعدة حنونتي ♥​

 

[{مُدَلَّلَتُهُ}]

عالسلآمة جيتي لآلة لعروسة عالسلآمة جيتي هههه

الله يسلمك حنونتي


مرحبا بيك

ترحب بيك الجنة ان شا الله


- واش تحبي تلبسي في الدار ؟

حاليا نبغي نلبس البيجامات بصح صايي لازم نولي نلبس البدعيات "القنادر"

- بديتي تجهزي ولا مزال ؟

مازاااااااااال:unsure:

- زوجك وسيم خخخخ ؟

ههههه في عينيااا داير كي الغزال


- واش يدلعك واش تدلعهيه ؟

أسرار الدولة هاذو :LOL:


- وآش تحبي تسمي اولادك هههه ؟

اممم اصبري عليا نتزوج مبعد نخمم فيهم . . الطفل ياسر و الطفلة ماا نعرف

- وين تفضلي تقضي شهر العسل ؟

جاوبتك الفوق :giggle:


- وآش هوما أكثر شيء من الحوايج درتيه في الجهآز ؟

مازال ما درت والو :ROFLMAO:


- في عوايدكم يباتو شوية من اهل العروس معاها في بيت زوجها ليلة العرس ؟
نعم نععم مشي شوية قولي بزاف


- و آسكو عندكم عادت الكبش و لا لالا ؟​

شاهي عادة االكبش ؟كبش العقود قصدك ؟اذا هو واه عندنا العاادة هاذي

- واش هي الاكلات لي تعرفي تطيبيهم ؟

راني نتعلم بالشوية بالشوية مازال ما حطيت يدي في الحلويات -_-


- زعما راكي تشوفي في روحك مرا تاع دار بامتياز ؟

مشي بامتياز راني لساع مبتدئة بصح ان شا الله نكون امرأة صالحة

- واش هي نصيحتك للي راهم يجهزوا مثلا واش هي الحاجة لي تأكيدلهم عليها يدروها في الجهاز ؟؟

انا خصني شكون ينصحني أناا وراسك

- لو خيروك بين تسافري لدبي و لندن في شهر العسل واش تخيري ؟

دبي :Love:
​

- كاين بعض العرائس راهم يديو صالونات معاهم انتي رح تدي ؟

وااه ان شا الله لازم


- واش هو الشيء لي يعجب سوسو في الاعراس ؟

شكون سوسو ههههه ؟ يعجبني الزهو

- تقاليد اعرس تاع اي دولة يعجبوك ؟

امم المغرب ♥

- اسكو كاين اعضاء فاللمة تعرفيهم في الواقع ؟

واااه كااين

- شحال درتوا من عرس فالدار ؟
انا الكبيرة في اخوتي معناتها انا الأولى

- في عراس خاوتك واش تلبسي ؟
- و في عراس خياتك واش تلبسي ؟

مازال ما زوجتهم هههه

- تحبي تلبسي حجاب و لاغوب في الخرجاآت ؟

واش من خرجات ؟قصدك كي نخرجو برا هاكا يعني ؟كنت بالحجاب و ضوكا راني بالجلباب

- واشمن الستيل تحبي فـي لاغوب بلونش الحوتة ولا gـــــونفلي ؟

الgونفلي تجي أنيقة تحسي روحك صح عروسة


- واش عوايدكـــــم في سبوع العروس ؟

شا هو سبوع العروس ؟




​

عصرتيني أسوم هههه يعطيك الصحة​