|[فًيً بًيًتًنًاً عًرًوًسً]| مع عرْوُسَـةُ اَلْلَمـةُ : Lovely ღ smile

[{مُدَلَّلَتُهُ}]

عذرا ، استوجب علي ان اذهب
الاميرة العروس نتابع ما بدانا

خسارة كنت متمنية تكملي معانا القعدة الحلوة هاذي

نبداو باسم الله

من الشائع عندنا قبل كل خطبة تصلي الفتاة صلاة الاستخارة ، كيف حدث معك انتي

صليت استخاراااااات مش وحدة برك و صلاها والدي أيضا و في كل صلاة مفروضة كنت ندعي أنه إذا كان ولد حلال يسرلنا ربي الحلال و إذا لا ربي يعوضني بأحسن منه وو الحمد الله يسرها ربي و سهلها

* اهم نقاط جعلتك تقتنعين بعريسك
اتبعت حديث نبينا صلى الله عليه وسلم 'إذا جاءكم من ترضون دينه و خلقه فزوجوه" حتى و نعرفه بصح لوكان ما توفروش فيه هاذ الصفتين أكيد ما كنتش رح نقبل نرتبط بيه

هل هو قريبك ام غريب عن عائلتك ؟
لا هو غريب عن العائلة

اشياء تجعلك قلقة من الزواج ؟

المسؤولية الملقاة على عاتقي . . بيت جديد طبايع جدد عادات جديدة بصح ان شا الله يسهلها ربي من عنده

ستسكنين مع زوجك واهله ام انتما الاثنين فقط ؟

لا رح نكون مع أهله ان شا الله

كم دامت او ستدوم فترة الخطوبة ؟

ستدوم ان شااا الله سنة و نصف هاكاك و من بعد العرس اذا كتب ربي

 

[{مُدَلَّلَتُهُ}]

الف الف مبروك حبيبتي
ان شاء الله تفوتيه بالهنا والفرح ويكونلك هاد الزوج كيما راكي متمنية
مادا يعني لك الزواج?

الله يبارك في عمرك حبيبتي بشرى ربي يفرحك و يرزقك بالذرية الصالحة ان شا الله

اللهم أمين ربي يفتح عليك

الزواج هو أول شيء مسؤولية لازم نعرفو حجمها و نوجدو رواحنا باه نتحملوها . . استقرار.. مودة ورحمة بين شخصين .. نهار ضحك نهار تشناف . . نهار تتنازلي و نهار يتنازلو . . بصح لازم دايما يكون كاين الإحترام

 

[{مُدَلَّلَتُهُ}]

السلااام عليكم و رحمة الله
اوووو هدهود عروسة ؟؟؟ يااا عمري و ما قلتوليش ههه
مهم بالباراااكة ختيتي و ربي يهنيييييك و يكملك
كي تجي راني نحط اسئلتي ان شاء الله ^^
مرسي اسوم ​

و عليكم السلآم

فيوليتا المهبولة توحشتك حنونتي

هههههههههه الله يبارك فيك الزينة عقوبة ليك ان شا الله

مرحبا بيك في كل وقت أمون تنوري القعدة

 

[{مُدَلَّلَتُهُ}]

السلام عليكم و رحمة الله و بركاته
الف مبروك لاختي الغالية و ربي يهنيك و لازم تعرفي بلي الزواج مسؤلية كبيرة و راح تكباري عشرة اعوام في تفكيرك حبيت نسال على الزوج و علاقته بالدين ما هي لانها راح تتبنى سعادتك
ورا ح
نرجع للتجهيزات ما الجديد فيها مع التصديرة العازبات بغاو يشوفوا تصديرتك و كاينة الشخشوخة انتاع غدائك ولا لالا عندك تكوني بخيلة و تدي القاطو هذا ما كان

و عليكم السلآم و رحمة الله وبركاته
بارك الله فيك حبيبتي ميلينا ربي يفتح عليك حنونتي و يفرحك

الحمد الله علاقته بالدين مليحة يعني هو شخص يخاف ربي . . الله يثبته ويثبتنا معاه
التجهيزات راني مازال ما بديت واااااالو مازلت نستنى في الخلصة تدخلني ههههههه
أما الشخشوخة حنا في الغرب ما عندناش هاذ العادة كل منطقة و كيفاه عادتهم​

 

[{مُدَلَّلَتُهُ}]

مرحبا وألف مبروك،وعقبال لذرية الصالحة ،انا نحب نسقسي على ذهب واش راح تدي ، وواش لازم تشري الذهب هذا لي شغل بالي ونتمنا تجاوبيني ختيتو شكرااا

ترحب بيك الجنة حبيبتي
الله يبارك في عمرك الزينة عقوبة لكااامل البنات ان شا الله
اللهم أمين أجمعين

الذهب رحت نسقسي مخي ماركالي erreur الله يبارك كل شي غالي الي توشيها تشويك

مع هاذيك الخلعة مازال ما قررت راني نشوف و نطلع في الحسابات شريت سنسلة كبيرة و منقوش تع بلايز و bracelet و ما نعرف شا نزيد حصلت

 

[cosette]

اهلا اختي نور الهدى تشرفنا بك
شكرا اختي المتفائة على القعدة الجميلة مع عروستنا
اختي :
1-ماهو الشيء الذي ترينه ضروري لأخذه معك إلى منزل زوجك من الناحية المادية[ملابس..] والناحية المعنوية[الدين والأخلاق]

 

[{مُدَلَّلَتُهُ}]

وعليكم السلام ورحمة الله وبركاته
اختيار موفق اسوم ^^
نرحبو بعروستنا الحلوة

كيف ترين العمل والحياة الزوجية ؟
لما تجيبي اطفال ان شاءالله وين تفكري تخليهم في الروضة او عند دار راجلك او داركم ؟
ربي يهنيك ان شاءالله حبيبتي ​

ترحب بيك الجنة أم ياسمين ربي يهنيك حنونتي نورمالمو انت نحطوك في موضوع باه نستفادو من خبرتك و تنحي علينا علامات الإستفهام التي تسبق الزواج

العمل و الحياة الزوجية = أعمال شاقة .. لازم تكوني امرأة خارقة باه توفقي بين الأمرين هاكاك و تلقاي روحك مقصرة في بعض الجوانب . . الله يجيب الخير

ان شا الله ناوية نخلي اولادي عند جدتهم "أم زوجي" دارنا ماكانش كيفاه رح يكونو في ولاية و انا في ولاية و تربية الروضة ما تعجبنيش ماا نكذبش على اختي

مرحبا بيك في كل وقت حنونتي

 

[{مُدَلَّلَتُهُ}]

واخيرااا جات الاميرة نور الهدى عروسة اللمة
يا ستي مرحبا وربي يوفقك ففالتكوين

​

الله يفتح عليك سمسووومة ترحب بيك الجنة ان شا الله

اللهم أميين

 

[{مُدَلَّلَتُهُ}]

اهلا اختي نور الهدى تشرفنا بك
شكرا اختي المتفائة على القعدة الجميلة مع عروستنا
اختي :
1-ماهو الشيء الذي ترينه ضروري لأخذه معك إلى منزل زوجك من الناحية المادية[ملابس..] والناحية المعنوية[الدين والأخلاق]

أهلين بيك الأنيقة تاعنا الشرف لي

معنويا لازم تكون العروسة هاذيك أحسن ممثل لتربية والديها و اختيار زوجها لأنها عند ناس أغراب عليها كاين شي طبايع الي كانو فيها في دارهم تنساااهم في دار راجلها و كاين صوالح غافلة عليهم لازم تتفكرهم ..من ناحية الدين لازم تكون محافظة على صلاتها هاذي أهم حاجة .. تعرف حقوقها و واجباتها و تحاول قد ما تقدر أنها تلتزم بحدود الشرع

أما ماديا كل وحدة و طاقتها هي صح العرب يهدرو بصح انت تدي معاك ما يسكتو ما تديش ما يسكتو اللهم تتهلاي في والديك و ما تكثريش عليهم تمشي على قدك مشي تتزوجي و تخليهم غارقين في الديونات موراك

 

[آمِيْرَتُه]

السلام عليك
مرحبا بعروستنا الحلوة منورة الضيافة
ماهو انطباعك على فترة الخطوبة ؟

 

[Soumia hadj mohammed]

السلام عليكم يا قوم / الشابات تع اللمة /
وسونزوبليي المادام حلقومي لوفلي سمايل مهم راني غير نجيب اللقب من عالمي الافتراضي المزاحي لاضفاء المرح لا غير
الحمد لله على كل حال واعوذ بالله من حال اهل النار ، نسال الله السلامة في ديننا ودنيانا

كل التمني بالسعة والخير للاخت نور الهدى عروستنا اللماوية
ساتابع الاسئلة

تاسعا : اختي بعد خطبتك ، هل ترين ان حياتك تسير كما هي وهذا الشان هو زاد اي الزواج بمعنى زاد انه دخل على حياتك بشكل عادي وتستقبلينه كمرحلة قد هيئت نفسك وانتظرتها سابقا ، ام ترينه كشان الحق بمسيرتك الى التغير
اوضح اكثر لك سؤالي ، هل شان الخطبوة غير من طباعك وطريقة تعاملك مع حياتك ام انت استقبلته وتسيرين على خطاك بما يوافقه

عاشرا : شاع في مجتمعنا على مان تتم خطبة الفتاة في العائلة ان لا يخرج الخير الى اقتراب الزفاف وذلك راجع الى افعال شرانية يفعلها الذين لا يخافون الله في عباده
اخبرينا عنك اختي ؟

11 / من المعروف واغلب الناس يحدث معهم مثل هدا الامر عند مثل هذا الحدث يعني خطبة وزواج يقع ما يسمى بالحساسية النسوية اي اننا نشعر بوجود تحسس من كلا الطرفين اهل الزوج مع الفتاة المراد خطبتها حيث تصبح المعاملة بالرسمية والشروط مثلا لازمك تسكني مع الاهل ويشرطو عليك اهلو ، هل وقع معك مثل هدا وبرايك كيف يمكن للفتاة المقبقلة على الزواج ان تكسر هذا التٍّحساس وتكون المعاملة طبيعية جداً

12 اختي ، طيلة خطوبتك هل تتواصلين مع خطيبك ، عددي لنا كيف ؟ وهل نسبة تواصلكما كبيرة جدا ؟

13 هدهد الانيقة ، جهازك ، تخصصين له اياما لتذهيبي للشراء ام ان لا مشكلة لديك تخرجين في اي حين وتشتري حسب الرغبة
قولينا على عاداتكم شويا بخصوص جهاز العروس وش تدي معها ، وانت بعيدا عن العادات والتقاليد براييك اعطنا ما هو كاف لتاخذه الزوجة الى بيت زوجها ؟

14 هل تعانين في بشرتك من مشاكل ومتخوفة منها مستقبلا ؟

 

[{مُدَلَّلَتُهُ}]

السلام عليك
مرحبا بعروستنا الحلوة منورة الضيافة
ماهو انطباعك على فترة الخطوبة ؟

و عليكم السلآم و رحمة الله وبركاته
أهلا بيك الأميرة منيني

القعدة منورة بوجودك الله ينورك

فترة الخطوبة = فترة تخمام "شا نشري شا ما نشريش " + هدرة زايدة "هاذي وين عرفاته و منين جابته "+تنقريش"نوضي اقضي الصوالح هاذي راكي عندي وغدوة في دار الناس كي تديري" بصح يقولو عليها أحلى فترة ما نعرف اصبري نتزوج و نحكم عليها لاهي صح حلوة ولاا يهفوا فينا برك

 

[Soumia hadj mohammed]

15 راكي ناوية تصبغي شعرك ؟
16 كيفاه تحبي لي غوب د ماغياج تكون منفوخة ولا مفشوشة ههه ، فيها دونتال ولا العقاش او ما يسمى بالمور او السمق ؟

 

[Soumia hadj mohammed]

ضيافة العروس يا لبنات متحشموناش ها كيسموها عطاتها بهربة والاخرى راحت لقسم واش راك تهدر ووحدة شافت غوسات
هيا التحقوا يك رانا معرسين لا ؟

دخلو دخلو مرحبا راهي جات @آمِيْرَتُه اييه و @"viola" عاش من شاف هذيك البوطنة الخضرا / زعما مكونكتيين / نتنمى راكم غاية
احطيب تعطير للضيافة بالخزامى وتواجد الاخوات اكيد احلى تطيب

وحدة كانت جايبتها وراي وتقلي نحي صباطك راني مسيقة نقلها نحي صباطك راني مسيقة

 

[ام تسنيم واحلام]

السلام عليكم ورحمة الله وبركاته
يويويويو لماويات معرسين وانا لاخبر هههه
مبروك عليك ان شاء الله ربي يكملك بالخير
سؤال وش ركي نوية ديري حوايج التصديرة
تحبي ديري عرس كبير ولا غير مع لافامي

 

[بشرى ملاك]

الله يبارك في عمرك حبيبتي بشرى ربي يفرحك و يرزقك بالذرية الصالحة ان شا الله

اللهم أمين ربي يفتح عليك

الزواج هو أول شيء مسؤولية لازم نعرفو حجمها و نوجدو رواحنا باه نتحملوها . . استقرار.. مودة ورحمة بين شخصين .. نهار ضحك نهار تشناف . . نهار تتنازلي و نهار يتنازلو . . بصح لازم دايما يكون كاين الإحترام

الله يبارك يا لغزالة
انا لي نوصيك عليها الصبر ثم الصبر باسكو الخطبة ماشي كيما الزواج غاديين في زوج تكتاشفو حقيقة كل واحد ولازم الصبر باش كل واحد يتاقلم مع محاسن وعيوب الاخر وزيد تصبري ادا كاش ماقالك ولا كاش مازعف عليك كيما قتلك هدرة الخطبة قاع نسيها مبعد وما تستغربيش ادا ماسمعتيش منه لكلام الزين (تاع الحب والعشق) لي نبغوه حنا النسا وتقولي سايي ماولاش يبغيني لا بالعكس باسكو الراجل مايعبرش على المشاعر بالكلام كيفنا وانما يعبر بالاهتمام... والله يوفقك

 

[{مُدَلَّلَتُهُ}]

السلام عليكم يا قوم / الشابات تع اللمة /

و عليكم السلآم الحلوة تع اللمة


وسونزوبليي المادام حلقومي لوفلي سمايل مهم راني غير نجيب اللقب من عالمي الافتراضي المزاحي لاضفاء المرح لا غير

هههههههه جبتيها في الصواب حتى انا نموت على الحلقوم

الحمد لله على كل حال واعوذ بالله من حال اهل النار ، نسال الله السلامة في ديننا ودنيانا

اللهم أميين


كل التمني بالسعة والخير للاخت نور الهدى عروستنا اللماوية

أمين أجمعين ان شا الله

ساتابع الاسئلة

باسم الله

تاسعا : اختي بعد خطبتك ، هل ترين ان حياتك تسير كما هي وهذا الشان هو زاد اي الزواج بمعنى زاد انه دخل على حياتك بشكل عادي وتستقبلينه كمرحلة قد هيئت نفسك وانتظرتها سابقا ، ام ترينه كشان الحق بمسيرتك الى التغير
اوضح اكثر لك سؤالي ، هل شان الخطبوة غير من طباعك وطريقة تعاملك مع حياتك ام انت استقبلته وتسيرين على خطاك بما يوافقه

ما تغيروش بزاف طباعي من حيث المعاملة مع الناس من بكري كنت محافظة . . من ناحية الشغل تع الدار راني نولف في روحي بالشوية باه ما نتغلبش كي نروح لدار الناس و يقولو شا جاب هاذا ؟ .. راني نتعلم بالشوية نكبر قلبي و نتجاهل الحوايج و نتغاضى على حوايج و نكظم الغيض خاطر هااذو أساسيات للحياة


عاشرا : شاع في مجتمعنا على مان تتم خطبة الفتاة في العائلة ان لا يخرج الخير الى اقتراب الزفاف وذلك راجع الى افعال شرانية يفعلها الذين لا يخافون الله في عباده
اخبرينا عنك اختي ؟

الله أعلم لحد الساعة الحمد الله ماكانش هاذ الحوايج و راني ساعة على ساعة نتفكر رووحي برقية في الما نشربهاا بصح الحساسيات و الهدرة الطالعة الهابطة "التي لا تسمن و لا تغني من جوع" فيها فيها


11 / من المعروف واغلب الناس يحدث معهم مثل هدا الامر عند مثل هذا الحدث يعني خطبة وزواج يقع ما يسمى بالحساسية النسوية اي اننا نشعر بوجود تحسس من كلا الطرفين اهل الزوج مع الفتاة المراد خطبتها حيث تصبح المعاملة بالرسمية والشروط مثلا لازمك تسكني مع الاهل ويشرطو عليك اهلو ، هل وقع معك مثل هدا وبرايك كيف يمكن للفتاة المقبقلة على الزواج ان تكسر هذا التٍّحساس وتكون المعاملة طبيعية جداً

لا لا بالعكس نحكوا معااهم عاادي بكل أريحية هوما ناس بساطا و حنا ثاني الحمد الله . . نصيحتي اممم ما نعرف ما طحتش في هاذ الموقف بصح نقوللها خليها للوقت باينة بالشوية بالشوية يتوالفوا و يولو عادي

12 اختي ، طيلة خطوبتك هل تتواصلين مع خطيبك ، عددي لنا كيف ؟ وهل نسبة تواصلكما كبيرة جدا ؟

واه نتواصل معاه بصح مانيش من القوم تع 24 ساعة و انا رافدة هاذاك المغبون و ألو اخباارك ألو كيراك . . نحكي باعتدال

13 هدهد الانيقة ، جهازك ، تخصصين له اياما لتذهيبي للشراء ام ان لا مشكلة لديك تخرجين في اي حين وتشتري حسب الرغبة

ههههههههههه هدهد الأنيقة مازال ما بدات تجهز راهي تقارع للخلصة و طولت عليها ..


قولينا على عاداتكم شويا بخصوص جهاز العروس وش تدي معها ، وانت بعيدا عن العادات والتقاليد براييك اعطنا ما هو كاف لتاخذه الزوجة الى بيت زوجها ؟

امم عاداتنا عندنا الفراااااااااااااش يا شا يبغو الفراش ههههه و البلوزة الوهرانية لازم لازم و القفطان راه مسيطر ماكانش الي ما تديهش اممم و العمور "النايلي" بما أننا قراب للنوايل جغرافيا اغلبية العرايس يدوه و ركزيلي على التروسو تع الحمام الي راهي نايضة عليه الحرب انا نقوللهم ياو مانروحش للحمام و هوما يقولك عيب كيفاه عروس ما تروحش للحمام -_-
برايي انا تدي الأساسيات برك هاذاك الشكيل مبعد و تديره و كاين حوايج يديموداو و انت غي مازال ما لبستيهم تالمو الي تدي معاك بزاف صوالح تنسايهم -_- بصح راكي عارفة العادات عادات


14 هل تعانين في بشرتك من مشاكل ومتخوفة منها مستقبلا ؟

في البشرة لا. . شوية آثار حب الشباب في ظهري راني نعالج فيهم بالشوية

يعطيك الصحة سمسومتي على اسئلتك الزينة

 

[{مُدَلَّلَتُهُ}]

السلام عليكم ورحمة الله وبركاته

و عليكم السلآم أهلين بأم تسنيم و أحلام عقوبة لنهار نفرححو ببناتك ان شا الله

يويويويو لماويات معرسين وانا لاخبر هههه

مبروك عليك ان شاء الله ربي يكملك بالخير

هههههههه الله يبارك في عمرك و يفرحك ان شااا الله

سؤال وش ركي نوية ديري حوايج التصديرة

امم في خاطري قسنطينية ولا كاراكو .. بلوزة هاذي باينة.. قفطان شباب .. و روبة قبايلية ♥ اممم و ما نعرف شا يدو ثاني لحد السااعة هاذو هوما الي راهم في بالي

تحبي ديري عرس كبير ولا غير مع لافامي مشاهدة المرفق 61225

يا الحنونة كي تديريه غي مع لافامي تصيبيه عرس كبير الله يبارك لافامي بزاف ههههههه ماذابيا يكون عرس فيه الناس القراب الفرحة تكون شابة بلا مشاكل بصح الوافع أكيد مختلف

 

[{مُدَلَّلَتُهُ}]

الله يبارك يا لغزالة
انا لي نوصيك عليها الصبر ثم الصبر باسكو الخطبة ماشي كيما الزواج غاديين في زوج تكتاشفو حقيقة كل واحد ولازم الصبر باش كل واحد يتاقلم مع محاسن وعيوب الاخر وزيد تصبري ادا كاش ماقالك ولا كاش مازعف عليك كيما قتلك هدرة الخطبة قاع نسيها مبعد وما تستغربيش ادا ماسمعتيش منه لكلام الزين (تاع الحب والعشق) لي نبغوه حنا النسا وتقولي سايي ماولاش يبغيني لا بالعكس باسكو الراجل مايعبرش على المشاعر بالكلام كيفنا وانما يعبر بالاهتمام... والله يوفقك

الله يبارك في عمرك نصيحتك على عيني و على راسي و أكيد هاذ الموضوع هو مساحة ليكم باه تمدولي نصائح و توجهوني للطريق الصواب

الله يفرج عليك ان شا الله و يفرحك ​

 

[Soumia hadj mohammed]

السلام عليكم ورحمة الله وبركاته
عزيزتي العروس
جبتلك بعض الصور من اختياري اتمنى لو تختاري واحدة ونعملك توقيع ديرو الاخت الشاعرة الفرنسية كي تضعيها بالصورة الرمزية على اللمة
والقرار راجع اليك

.
يتبع