وعليكم السلام ورحمة الله تعالى وبركاته
ليليا ماتقوليش خاطيني ،، سيد المدير أرواح أديها وهنينا منها ههههه
اهلا وسهلا لالة اللي خلات القناص ينزل من الغاريتا
واش من مدير قصدك فتحي ههههه راه فالطريق
بالنسبة للموضوع تاعك والله بارك الله فيك راك جبتيها قد قد،،، المستوى يا اختي مايتقاسش بالقراية والا الخدمة أنا عندي يتقاس بالتربية والثقافة،، يعني الصح الصح رانا قرينا في الجامعة وشفنا أشكال وألوان كاين لي مايستهلش مستوى حتى تاع ابتدائي ،،
طبيب يدي طبيبة ( هاذي أكبر كذبة) طبيب معروف بزااف عندنا متزوج بطبيبة ومؤخرا تزوج عليها قالها انا راني حاب مرا كي نروح نلقاها تستنى فيا في الدار ( ايه ايه تزوج بوحدة قاعدة في الدار)
وهذا اللي تعرفسه وعلاه ما جاش داني انا راني فالدار على الاقل انا مريضة خير من خسارة الطاكسي للسبيطار هو قدامي هههههه
طبيي اللي يعالجني مرة قتلو اسمع انت مش ناوي تتزوج على مرتك ضحك قالي بلاك قتلو اياك تخمم فغيري نذبحك راني نداوي عندك عندي 17 سنة ليا الاولوية بزاف نظل رايحة وجاية عندك اديني واتهني وهنيني هههه ضحك قالي مهبولة مزية نعرف نيتك هههه
خالي صيدلي تزوج بوحدة شرط فيها ماتخدمش وتريح في الدار
خويا أستاذ ومرتو ماحبش يخليها تخدم وماحبش يخلي تكمل ماستر
وليد خالتي ماشي قاري ومرتو قارية
وليد عمي واقيل حبس في الابتدائي ومرتو جامعية
وبزاااف امثلة
ايه الله يبارك لافامي نتاعكم
شوفي خاوتك والا وليد عمك والا خالك اللي جا هاني هنا هههه
أنا اليوم جا خطبني واحد ماشي قاري بالصح خاوتي شكرولي فيه التربية والاخلاق وزيد خدام وفحل ( يادرا اذا يكتب ربي ، أدعيلي ربي يبينلي الخير)،
يويويويوويووييييييييييييييييييييييي ان شاء الله تكتب اليوم خطبوك كي شكروه خاوتك املا صح خاطر الراجل يعرف الراجل ربي يكلمك حنونة والعاقبة لكل بنات المنتدى ان شاء الله
هي صح مرات مايكونش توافق بين زوج مختلفين في المستوى التعليمي بالصح كيما قتلك المستوى راه في التربية وكل شيء بالمفاهمة نهار الأول
حقا ليليا سمعت المدير قالك أنا مانديهاش مشرفة ،، راه حاب عضوة متميزة تريحلو في الدار ههههههههههه
)
