كرسِي التعٙـآرف العددُ الخآمس ( Skor m@k )

[أم أُنٌَيسة]

السلام عليكم ورحمة الله تعالى وبركاته
جميل ،اهلا بك اخي مالك
ساتابع فقط
تحياتي احترامي وتقديري
في امان الله وحفظه​

 

[ضآحكة مستبشرة]

السلام عليكم و رحمة الله تعالى وبركاته
مساء الخير
واش مالك هربت واقيل هههههه خلعوك الأسئلة
راني عاودت جيت و في بالي اخر أسئلة لانو غدوة نفحت كيما قالتها إيمان خخخخخخ


- اقتراحاتك للمنتدى ؟
- افضل قسم لديك في المنتدى ؟
- الأكلة المفضلة لديك ؟
- ما هي رياضتك المفضلة ؟
- هل تمارس الرياضة ؟
- هل تحب التسوق ؟
- اجمل بلد ولاية زرتها ؟
- ما هو الزواج برايك ؟
- ماهي الاخوة برأيك ؟
- ما هي المسؤولية برأيك ؟
- كلمات لمن توجهها الى اعضاء المنتدى :
- الحب ؟
- الخيانة ؟
- الطمع ؟
- الشجاعة ؟
- التفاؤل ؟
- الطمانينة ؟
- الغدر ؟
- التسامح ؟
- الفضيلة ؟
- الصبر ؟
- الصداقة ؟
- الاحترام ؟


و ان شاء الله منكونش ثقلت عليك بالأسئلة علبالي بلي راني كثرت فيها ههههه​

 

[زاد الرحيل]

اهلا بك اخي في الله
داىما ليليامرام تستفزك و هي تكن لك حب اخوي و احترام و مزاح فماذا مكانتها عندك

 

[Skor m@k]

كلمات اثرت فيك .. ولن تنساها ابدا ؟
أدمنتك وانتهى الأمر خخخخخخخخخخ
مكان تحب الذهاب اليه؟
هذي عندنا في قمة الجبل طل على كل المدينة من الأعلى

مكان تكره لذهاب اليه ؟
؟؟؟؟؟؟؟
قمة الراحه النفسيه لديك اذا ..؟
خرجت من الدار ولقيت صاحبي ههههه
احسن عطله مرت عليك ؟
عطلة الصيف تاع العام 2015
فتره تعتبرها ذكريات جميله بالنسبه لك ؟
اليمات لي جوزت فيهم الباك
احلى صوره لك اين التقطتها ؟ وهات تشو نشوفها خخخ
التقطتها نهار رحت لحاسي مسعود

اين ذهبت يوم امس ؟
كنت نكونكتي حتى عيطلي وليد عمتي قالي نروحو نخدمو فالعاصمة
خدمنا من 2 حتى للمغرب وولينا لدار ههههههه

 

[Skor m@k]

اكله مميزه لن تنساها من شدة لذتها ؟
لحم لحلو هههه
هل تخاف من القطط والحشرات ؟
ههههه جامي حسبتيني طفلة هههه
شخص يحمل الكثير من صفاتك .. وشخصيته مقاربه لشخصيتك ؟
ههههه مزال مالقيتش كاين بصح شويا صفات برك
كم عدد الافراد الذين يسكنون معك في منزلك ؟
أنا وبابا ويما وخويا صغير
شخص تتمنى مرافقته في رحلة سياحيه ؟
صاحبي السعيد ليوم تلاقيت بيه كان عندي موووودا ماتلاقيتش بيه
راجل آنورمال هذاك هههههه تتوقع كل حاجة منو
هل تتصرف احيانا بطفوليه ؟
لالا قليل بلاك مرة في العام ولا زوج ههههههه
هل انت شخص غيور ؟
لالا مانغيرش هههههههه
شخصيتك تميل الى الهدوء ام الانطلاق والمشاركه ؟
كل مرة وكيفاه وتانيت معامن نكون
كاين وين نشوف عباد نكون معاهم نهار كامل هدرة مانهدرهاش
على كل حال على حساب الناس لي نكون معاهم مريح ولا خدام معاهم
هل انت شخص متحدث ام مستمع ؟
كيما قلتلك على حساب الناس لي نكون معاهم هههه
بصح في الكثير نكون مستمع مانحبش نجادل بزاف

يعطيك الصحة ختي جويدة على الأسئلة الجميلة والخفيفة

 

[Skor m@k]

خير من اخترتم
اتمنى لأخي العزيز ان يعينه الله على اسئلتكم التي اراها مكثفه بشكل غير ملحوظ
واتمنى له اقامة طيبه مقرونة بتحيتي لمن اختاره ليجلس على هذا الكرسي المغري ..
وبودي لو أسأله ...
كيف ترى مستقبل الجزائر اقتصاديا على المدى القريب في وقت اصبح التقشف هو السمه البارزه في اقتصاديات دول العالم من وجهة نظرك الخاصه ؟
شكرا ...

السلام عليكم
ههههه والله صح ياخويا راح يعصروني مع السخانة هذي ههههههه
مستقبل الجزائر كمستقبل سفينة بدون رئيس ماذا يحصل لها
بغض السياسة المنتهجة على التقشف المشكلة هي كي كنا ملاح كانو ياكلو غير هوما المال العام
وكي أابنا التقشف لم يتغير شيء بقاو غير هوما ياكلو
حنا جامي سمعنا بالتقشف يا أخي
من بكري وحنا كيف كيف معلباليش واش معناتو التقشف هذا
هل يصيبنا نحن أم يصيبنا نحن فقط
كيما قال القدافي كي سقساوه أغنى بلد في العالم قالهم الجزائر
من الاستقلال وهوما ياكلو ويسرقو فيها ومزالهم عايشين ​

 

[Skor m@k]

السلام عليكم
اخا على اختنا فيولا الناس راقدة وهي تحوس تقرعج ههههه
مرسي ختي و اهلا بالضاحك و ماهموش يخرجو سنانيه
سؤال واحد نطرحه ونخلي الدالة للاخرين ونقرعج ههههه

• واش حاب تكون بعد سنين ؟

وعليكم السلام
ههههه شفتي شحال يحبو التقرعيج تقول فاقتلي بلي كنت فلعرس هههه
لالا يا ختي سناني راهم يبانو ههههه
غير أسئلي نورمال مانطلبش الدراهم انا ههههههههه
السؤال لي من صغري وانا نحوس عليه واش تحب تخرج كي تكبر نقولك الصح
والله ماعلبالي ههههههه الله غالب ​

 

[Skor m@k]

السلام عليكم و رحمة الله تعالى وبركاته
صباح الخير مالك ان شاء الله تكون بخير ؟؟

مشاهدة المرفق 62619

هذو شوية طرااافيك ماشي أسئلة نخلو الأسئلة للاعضاء لي ميعرفوكش مليح خخخخخ



في امآن الله ​

1 - من هو العُضو ؟! الذي استفدتَ منهُ كثيرًا ؟
@ابو ليث
@أم منيــــــر

2 - من هو العُضو ؟! الذي ترتاح في الحديث معه - مناقشته - ؟
@لؤلؤة قسنطينة

3 - من هو العُضو ؟! الذي تشعر أنه - مثقف - حقا ؟
@بقايا إنسان


4 - من هو العُضو ؟! الذي تود لقاءه في الواقع ؟
@hakim story


5 - من هو العُضو ؟! الذي حدث بينكم سوء تفاهم و تتمنى تصالحه ؟
@habchisalaheddin


6 - من هو العُضو ؟! الذي تشعُر أنه يتوافق مع أفكارك ؟



7 - من هو العُضو ؟! الذي تعجبك طريقة حديثه ؟
@"viola" @كارلا
@الصحافية الساخرة

8 - من هو العُضو ؟! الذي تتمنى أن يذهب كل الخير إليه ؟
@المتفآئلة
@ليليا مرام


9 - من هو العضو ؟! الذي لا تتوقع تماما أن يحدث بينكما شجار و لو من الحجم البسيط
@لؤلؤة قسنطينة


10 - من هو العُضو ؟! الذي تود بقاءه أكثر في المنتدى لأنك تعلم أنك ستستفيد منه ؟
@ابو ليث


11 - من هو العُضو ؟! الذي تشعُر بفقدانه حين يغيب عن المنتدى ؟
@الزهرة الحمراء


12 - من هو العُضو ؟! الذي تشعر أنه أخوك الذي لم تلده أمك ؟
@hakim story
​

 

[Skor m@k]

علابالك الحاجة الوحيدة اللي ماتوقعتهاش في هذا الموضوع هو انو تكتبو فيولا هههه نياالك يا مالك واش درتلها في العتبة نتاع الباب ههه
هههههه علاه يا خويا حكيم تتهم فيا حبت تقرعج كي شافتني كنت فلعرس
هذا مكان ههههههه ولا واش قلتي فيوليتا هاهاه
المهم ياخويا مالك نعرفو عليه بعض الاشياء فقط لكن نحب نزيد نسقسيه اسئلة :
نرجعولك بأسئلة اخرى بحول الله وقوته ...
​

ماهي احب مدينة اليه في بومرداس بعد المدينة اللي راهو عايش فيها ؟
هههههه ماتعجبني حتى مدينة في بومرداس ههههه
ماهي الشريحة نتاع الاتصال للي تحب تخدم بيها ؟
ههههه انا مع الدولة عندي زوج تاع موبيليس ههههه
واش رايك في الفيديو نتاع مانسوطيش واسكو سوطيت اليوم ولا ؟
ههههه الفيديو حذاك والله عجبني كنت مع الأولين لي شافوه خاطرش مآبوني معاه فاليوتوب كنت ندور حتى خرجلي هههه
أواه حسبتني شيات هههه
ديجا بابا مقبيل كنا نتغداو كان يتمسخر قالي واقيل نترشح ههههه
قلتلو والله مانفوطي عليك ههههه

مالك راك بديت تحكي على الحب والتعلق بالناس والدليل توقيعك اسكو مالك وقع في المشكل نتاع الحب ؟
مشكلتنا حنا الواحد لي يحب يحصلو فيه بلي راك تهدر على حب تاع طفلة
ههههه بصح فيها وعليها هاهاها
الطفلة اللي حبيتها زينة ولا والو هههه ؟
هذي بيناتنا ممبعد نقولهالك وحدنا هههههه
مالك يحب الفوتبول ويحب المرينغي اسكو تلعب لي ماتش ولا نو ؟
كنت نلعب مي منهار بديت نخدم مالعبتش خخخ
وليت فنيان ​

 

[Skor m@k]

اهلين مليكو واخيرا طحت بين يدينا نياهاهاها زعما ضحكة شريرة
نتمنالك اقامة ممتعة ومتفرح موالو راني نرجع ونكرهك بالاسئلة ههه
تحيااتي وشكراا فيوليتا على اعاادة فتح الموضوع ​

اوووووووووووو شكون هنا هههه
مرحباااااااااااا بك كارليتا واش حوالك مع الشخصيات والتواريخ ولا راكي ناويا تكوبييهم هههههه
كيما حالت خييك نهار الباك هههههههه
علاه ضحكة شريرة يابن الناس واش درتلك انا ههههه
شفتي كي حكموني فاقولي رحت لعرس هههههههههه
ياك نتوما النساء لي تقرعجو انا خاطيني
اهلا بك وبأسئلتك هاههاهاها
​

 

[Skor m@k]

ههههههههههههههههههههههه يا بن عمي خليتني لتحت خلاص ههه قالت ثلاثة يهز و نظن الناجون هوما سكون الفجر وحكيم وفيولا (المتفائلة علابلي درتها الثانية خاطش هي صاحبة الاسئلة مبغيتش تحشمها ههههههههههههههه ) هكا انا خليت الفقاقير ياكلني وانا عقابو "ما تحبوشش اللي مايسوطيوش " ههه سوف اصبح رئيسة يوما ما ونباصيك هههههههههههههه ربي معانا لكان غرق المنتدى @الورد الأحمر اللي ساهلرة علينا ماتسلكهاش امحاينك خلات عليك خويا @Fethi.dz خليته ما رايحش يرحمك ههههه

هههههه أحمدي ربي كي جبتك لتحت هههه
لوكان هكذاك راكي تضربي السنيترا فلبابور كيما التيتانيك ههههه​

 

[Skor m@k]

واش هي مواصفات الزوجة المثالية في نظرك?

كاين بزاف مواصفات سورتو الى شرطت هي بزاف هههههه
تكون بنت أصل ومن عائلة محترمة
وتكون تخاف من ربي ماشي من عبادو وهذا هو الأهم
والة كانت عندا مارسيداس ودار مانقولش لالا ههاهاههاههاها​

 

[Skor m@k]

و عليكم السلاام و رحمة الله
خخخخ يا هلا يا هلا اصبر نبداهالك بالشعر راهي نافحتلي عليه هاذوا ليامات مهم قالك يا طويل العمر خخخخ
يا مرحبا مرحبا يا مرحبا بكـم يا مرحبا ذات تبذير وإســراف
وإن تكن مرحبا إكثارها سرف ف ليس إكثارها فيكم بإسراف
و شكرا خخخ
و ثان ما عندك ما تنتقم انا يومين و نسكيفي نرجع مورا لجنة الاهلة ان شاء الله هههه توت فاصون نعطيك مهلة للتفكير في خطة انتقام مليحة حتى و منخافش انا اصلا ههههه
هايا نبداو بحاجة حلوة ...علابالي وقت الفطور بصح كول و اسكت خخخخ و مكاش البقلاوة امشي علابالك فنيانة قتلي بقلاوة شد كعك و احمد ربي على نعمه الدائمة ههههه

و ضركا شوية اسئلة و مبعد نشوفوا
احم
هايا شوية و نرجع خوو اتهلا ^^​

قولي سوطيت و لا ما سوطيتش قبل خخخ اك قتلي نتضامن ...و علاقة مالك بالسياسة ؟
خصارا عليك التضامن مزال متواصل هههه
بصح المرة الجاية
نسوطي حبة بقلاوة من غوغل ماجبتيلي واع واع واع
أنا والسياسة مانتلاقاوش هههه فالتلفزيو مكان حتى قناة تاع أخبار هههه
وفالفايس لي يهدرو على السياسة كامل منحيهم

اعطيني 3 صفات تكرها في مالك ؟
منذاك نجادل ناس مايستهلوش ندخل روحي معلباليش علاه ههههه
كي نعاون كاش واحد ممبعد مايقيمنيش نحلف مانزيد نعاونو ممبعد يغيضني
؟؟؟؟؟
تسمع غنا ؟ و اذا ايه وش تسمع ؟ تقولي راي نبيراطيك خيي ^^
أخ اخ اخ مانسمعش غنا بزاف مي الى سمعت نسمع راب
راي جامي في حياتي سمعتو ولا طلعتو في البرتابل

كلمة تقولها بزاف ؟
وليد عمتي لي لسقهالي الكلمة هذي هههه
كي نخدم كاش حاجة وخرجت مليحة ولا كاش حاجة شابة
نقوللها زفطة ههههه
وش هي نقطة ضعفك خخخخ هذا السؤال اجباري باه نتفاهموا :p
نتفنين في وقت الصح ههههه وين مالازمش
صف الحياة في بلادنا في ثلاث كلمات؟
ميسي أسقط لاعبا
في لبلاد لازم دير الموحال باش تكون أنت ميسي ماشي تكون لاعب
فهمتيها ياخي خخخخخخخخ
كلمة تشتيها في هدرتنا خخخخ قصدي اللهجة الجلفاوية
سامج خخخخخ تقولو الدوا سامج يعني مر ولا حامض خخخخ هكذا فهمتها
علاه تشتي تقصف البنات هههه و مدلي 3 صفات تكرها فالجنس الآخر ..
نحب نقصفهم خاطرش منذاك نتخايلهم من كوكب آخر يخرجو خرجات من لقصب ههههه
طفلة خطبوها
وطفلة خطبوها
وطفلة خطبوها
مانحبش نتلاقى بيها ولا نهدر معاها لوكان غير يتزوجو ديراكت ههههه
تقرا كتب و لالا ؟
للأسف مانقراش
وش هي الكذبة لي كنت مصدقها في صغرك و كي كبرت عرفت باللي خرطي خخخخ
كي تموت تعاود تزيد مرة أخرى طفل خخخخخ
كنت حاب نموت باش نجي لعند يما الأولى ههههههه​

 

[Hakan]

ياخويا اولا انا نحبك وربي شاهد
ثانيا الكلام اللي قلتو كبير وعزيز ويشرفني واكيد اللقاء هذا الصيف بحول الله وقوته فيها فيها راني حاب نروحو انا واياك لتلمسان اك عارف هههه بيناتنا ما تققولهمش
نجيوك لبعض الاسئلة :
مالك والصلاة نتاع الجماعة وصلاة الفجر ؟
واش هي الحاجة اللي راك حاب ديرها في الجزاائر ؟
واش تلبس غالبا يعني ملابس رياضية ولا ملابسي نتاع سروال وغيرها ؟
واش هي الشركة اللي تحب تشري المنتجات نتاعها نايك ولا اديداس ولا المهم تكون مليحة ؟
مالك والمنتدى احكيلنا واش هي الحاجة اللي تخليك تدخل للمة وكيفاش حتى دخلت ليها ؟
لوكان كتب المكتوب وفرضا عجباتك عضوة من اللمة شكون تخيرها تكون شريكة حياتك ؟
يا خويا نكتفي بهذا القدر والسؤال الاخير ركزلي عليه بيسك يهمني ههه راني عاطيك ختي باش ما تغبنهاش باللمة ههه​

 

[بنفسج]

اوووووووووووو شكون هنا هههه
مرحباااااااااااا بك كارليتا واش حوالك مع الشخصيات والتواريخ ولا راكي ناويا تكوبييهم هههههه
كيما حالت خييك نهار الباك هههههههه
علاه ضحكة شريرة يابن الناس واش درتلك انا ههههه
شفتي كي حكموني فاقولي رحت لعرس هههههههههه
ياك نتوما النساء لي تقرعجو انا خاطيني
اهلاق بك وبأسئلتك هاههاهاها
​

ههههه يابن عمي رح تبقى طول مهبول ...هههه قتلتني بالضحك قالك تكوبيهم خخخخ
خاطينااا هاااسي حنااا عاقلين ههه ^_^​

 

[miss victoria]

السلاااام عليكم
مرحباا بضيفنا الكريم نورتنااااااا و نبدا بالاسئلة
1-واش هو لونك المفضل
2- واش هي الميزة لي تحب تلقاها في جميع الناس
3-اكلتك المفضلة
4-ما هو هدفك في الحياة
5-اصعب موقف صرالك في حياتك
هادي هي اسئلتي
تحياااااتي

 

["viola"]

كي تموت تعاود تزيد مرة أخرى طفل خخخخخ
كنت حاب نموت باش نجي لعند يما الأولى ههههههه​

ههههههههههههههههه لقد مرمدتني يا اخ العرب هههههههههه
مالصغر تتمنى الموت دزيري حر ياوسمك خخخخ
نزيدو شوية كواستشنز ان انقلش :p

علاه راك اطّول ماتجاوب خخخ
لا سيريو قولي مالك مالنوع الصريح جدا و لا ساعات و تقدم مجاملات على وجه ربي ..
كون تجيك فرصة تروح للخارج تعطيها و لا تريّح هنا ؟ ماتقوليش هاني مرحتش لروسيا نقتلك -_-
احكيلنا على موقف محرج صرالك خخخخ
قلتلنا من قبل انك تندم على انك دخلت في جدال مع ناس خاطية ..صحا قولي نتا مالنوع لي ينسحب حتى بأنك مقتنع بفكرتك و لا تحاول تفرض رايك
و هذا يقودنا الى سؤال اخر خخخ مالك راسو خشين و لالا
عادة حاب تتخلى عليها
وش راك داير الصونري تاع التيليفون خخخ
و سؤال على طريقة اسما ..كلمة للفيولا لي ما عندها زهر خخخ

مبعد نرجع متقلقش خخخ ^^​

 

["viola"]

لوكان كتب المكتوب وفرضا عجباتك عضوة من اللمة شكون تخيرها تكون شريكة حياتك ؟​

خخخخخخخخخ الزفيطي يا محاينك هههههههه حكيم نتا خويا و ماشي صديقي ههههههههه ​

 

[ضآحكة مستبشرة]

السلام عليكم

حبيت نسقسيك مالك

- من 2015 حتى هذه اللحظة آسكو تبدلت أنت ؟ تبدلت عقليتك ؟؟
و اذا تبدلت فـواش هوما الحوايج لي تبدلت فيهم ؟؟

- شكون الأقرب ليك عمومك و لا خوالك ؟؟ و علاش ؟؟

- مالك يقدر يتزوج بوحدة سيفيليزي هههه قصدي ماشي محجبة هههه ؟؟
​

 

[Skor m@k]

السلام عليكم ورحمة الله
واش حوالك ؟
واش رايك فى روحك؟
كاش اقتراحات عندك بخصوص اللمة ؟ واش يخصها ؟


تقدرى تسلفلي 5 ملاين ^^ !
^^

​

السلام عليكم
الحمد لله سوال عليك خويا
ههههه هذا سؤال صعب جدا واش رايك في روحك هههه
مانقدرش نحكم على روحي ههههه شوف انت واش رايك فيا هههه

اللمة والله زيانت هكذا والأخ فتحي مشكور على واش كامل زاد فاللمة من مميزات
نظن راهي هايلا هكذا أحسن

خصارا عليك خويا 5 ملاين برك هههههه ​