تقدرو تتخيلو رمضان بلا باب الحارة هههه

الورد الأحمر

:: أمينة اللمة الجزائرية ::
طاقم الإدارة
إنضم
6 مارس 2008
المشاركات
18,270
نقاط التفاعل
14,172
النقاط
671
محل الإقامة
سكيكدة
الجنس
أنثى
السلام عليكم ورحمة الله وبركاته

مساء الخير عليكم ان شاء الله راكم ملاح ؟

درك وأنا نتفرج في التيليفيزيون بدون وجهة تاع حابة نتفرج وخلص

باه نضيع الوقت وحاطة ام بي سي بوليود نتبع في لهنودا يشطحو :X3:

وكيما علابالكم ام بي سي مشهورة بكل شوية فاصل إعلاني لقيتهم ديجا
بداو مع إعلانات رمضان ولقيت بلي مازالو مع باب الحارة :oops: لعجب والله

اتخيلو راهم في باب الحارة 9وشافية بلي عندهم عام ما داروهش فيه يعني

باب الحارة 1 عليه عشر سنين :ROFLMAO::LOL: وقت كنت صغيرة مازال ما وصلتش

لعشرين سنة :LOL: والله الرقم يخوف :cry:

اممم درك حبيت نحكو على الأمور لي ما تقدروش تتخيلو رمضان بلا بيها:unsure:


بالنسبة ليا الشي لي ما نقدرش نتخيل رمضان بلا بيه هو الخدمة :cautious: يس
راني قلت الخدمة مستحيل نتخيل روحي قاعدة في الدار كونجي واحنا

في رمضان !! معرف وعلاه مع أني نموت ع الغيابات بصح في رمضان
يومي نروح نخدم والكل يتقابضو ع الكونجي في رمضان غير أنا عاجبتني

الشي الثاني لي ما نقدرش نتخيل رمضان بلا بيه هو داك الصحن تاع
الجاري فريك :D لي مع أني من الجماعة لي تعاني وبشدة من القولون

بصح ما نقدرش نتخيل روحي نفطر بلا الجاري فريك فوق الطابلة مع أني
ناكل غير شوية منو بصح لازمني ولا ما نقدرش نفطر ومع أنو مرات ننضر

ويديوني لسبيطار ورا لفطور بصح ثاني يوم نزيد ناكلو ويزيدو يديوني
المهم ما نفرطش في الجاري تاعي مستحيييييل بلا بيه يقيم لفطور :Love:

وطبعا ما نقدرش نتخيل رمضان بلا هذيك اللمة لحلوة لي نتلموها عايلة
كاملة على خاطر قليل وين ناكلو مع بعض بصح في رمضان نتلمو كامل

وانتوما تقدرو تتخيلو رمضان بلا باب الحارة ؟ :unsure: ااه قصدي واش الشي
لي ما تقدروش تتخيلوا رمضان بلا بيه :unsure: اتفضلوا شاركونا :)

واللهم بلغنا رمضان :coffee:
 
السلام عليكم ..
ههه باب الحارة لازمة من لوازم رمضان خخ بلا بيه ما تحلاش السهرية :giggle:
رمضان فيه بزاف حوايج كون ما يكونوش ما نحسوحش رمضان مثلا البوراك .. لفلون تع التشيكولة :D .. لي كاميرا كاشي تع دزاير مام و يعيّيو :rolleyes: مي نشوفهم ..
هاذيك الهملة تاع الليل (الخرجات اون فامي بيان سور) .. و لمة المائدة تاع لفطور وحدها بحكم اننا عام كامل كل واحد ياكل وحدو ..
و في الاخير اللهم بلغنا رمضان لا فاقدين و لا مفقودين .. دمتم بألف خير ..:giggle:
 
هههههههههه رمضان يا رمضان والله الدمعة طيح كي نتفكر رمضان
خااصة السحور لانو كنت ديما نتسحر عند جداتي ام الوالدة ونفطر في الدار
مي كي كبرت يعني عندها 3 سنين هكاك حبست سحور عند جداتي ههه
انا ما نتخيلش رمضان بلا الهبطة نتاع البلاد في الليل ياي اقتليني المهم نروح ندور في الليل
ما نقدرش نتخيل رمضان بلا خاتم سليمان مالغري راهم حبسو فيه وقيلا
المسلسلات وغيرها نحبسهم في رمضان لانو هاكي تعرفي يخصرو الصوم
العام اللي فات برك تفرجت باب الحارة بعد ما حبست في الجزء الرابع يعني ثلاث اجزاء راطيتها
الطابلة :
ما نقدرش نتخيل رمضان بدون فلفل حاار ياي في الصيف نعرق وناكلو ههه مالغري المصران داير حاالة
الشربة فرييك والمشروبات الغازية ما نقدر نتخيال رمضان بلا بيت جدي
ياي نخلص المايدة نروح نجري ليهم نقلهم صحا فطووركم ونشرب القهوة عندهم
ههه هذا رمضاان واكيد رمضان بدون كوناكسيون مستحيللللللللللللل
ربي يهنيك
 
Mustapha Bita، تم حظره "حظر دائم". السبب: مخالفة القوانين / ما تؤمن به يجب أن يعلمك على الأقل احترام الغير أم أن بوب مارلي لم يخبرك بهذا !
مساء الخير

زمان كنت لااتخيل رمضان بدون مسلسلات او افلام
ولاكن الان اصبح كل شيء ليس له معنى.الا الاكل يصبح مميز على بقية الشهور الاخرى واجتماع الاقارب والاصدقاء.
بدات افقد تلك اللذة سنة وراء سنة.
 
السلام عليكم ..
ههه باب الحارة لازمة من لوازم رمضان خخ بلا بيه ما تحلاش السهرية :giggle:
رمضان فيه بزاف حوايج كون ما يكونوش ما نحسوحش رمضان مثلا البوراك .. لفلون تع التشيكولة :D .. لي كاميرا كاشي تع دزاير مام و يعيّيو :rolleyes: مي نشوفهم ..
هاذيك الهملة تاع الليل (الخرجات اون فامي بيان سور) .. و لمة المائدة تاع لفطور وحدها بحكم اننا عام كامل كل واحد ياكل وحدو ..
و في الاخير اللهم بلغنا رمضان لا فاقدين و لا مفقودين .. دمتم بألف خير ..:giggle:

وعليكم السلام

تسمى مازالك متبعة باب الحارة أنا حبست في الجزء ربعة حسيتهم شغل يتمسخرو بينا ويطولو في لحكاية وبزاف ممثلين كرهو ما بقاوش كاينين بلا لي قتلهم المخرج بلا لي ماتو صح مالا رجع سامط .

كيما قلتي مام سكاتشاش لالجيري نتفرج منهم شوية على خاطر ما توالينيش كل يوم نتفرج بما أني غسالة لماعن ههه.

أنا مش من النوع لي نحب نخرج في الليل معرف علاه نعجز نحب نحكم فراشي خير ولا عندنا السهرة في البالكون نطلو ع لبحر مليحة مادام رمضان في الصيف عادت تحلالي نخرج لليالكون بكاس تاي وشوية مكسرات وتحلى السهرة.

مغسي اختي ع المرور.
 
هههههههههه رمضان يا رمضان والله الدمعة طيح كي نتفكر رمضان
خااصة السحور لانو كنت ديما نتسحر عند جداتي ام الوالدة ونفطر في الدار
مي كي كبرت يعني عندها 3 سنين هكاك حبست سحور عند جداتي ههه
انا ما نتخيلش رمضان بلا الهبطة نتاع البلاد في الليل ياي اقتليني المهم نروح ندور في الليل
ما نقدرش نتخيل رمضان بلا خاتم سليمان مالغري راهم حبسو فيه وقيلا
المسلسلات وغيرها نحبسهم في رمضان لانو هاكي تعرفي يخصرو الصوم
العام اللي فات برك تفرجت باب الحارة بعد ما حبست في الجزء الرابع يعني ثلاث اجزاء راطيتها
الطابلة :
ما نقدرش نتخيل رمضان بدون فلفل حاار ياي في الصيف نعرق وناكلو ههه مالغري المصران داير حاالة
الشربة فرييك والمشروبات الغازية ما نقدر نتخيال رمضان بلا بيت جدي
ياي نخلص المايدة نروح نجري ليهم نقلهم صحا فطووركم ونشرب القهوة عندهم
ههه هذا رمضاان واكيد رمضان بدون كوناكسيون مستحيللللللللللللل
ربي يهنيك
هههه ما تتخيلش رمضان بلا خاتم سليمان بصح ما تتفرجوش ومش عارف كان مازالو يفوتوه ولا نو.

قلت كنت نساحر عند جداتي وكي كبرت عندها 3 سنين وليت كا نساحرش تم في اللول ما فهمتش كنت رح نقولك انت لي كبرت من ثلات سنين ولا جداتك ههههه مبعد فهمت بلي جداتك كبرت وولات ما تقدرش تديرلك السحور مالا هنيتها من شقاك :D.

الحار والكولون ما يتفاهموش خلاص او تموت ايقرحك :rolleyes:

المشروبات الغازية بالعادة ما نشربهاش مي في رمضان :Love: نرجع كل يوم نشربهم ونخرج بزوج كيلو زيادة في اللخر تاع رمضان :).

اييه رمضان فيه بزاف أمور وعندو جو خاص وفيه سكينة وطمأنينة خاصة وبنة ما نحسوهم غير فيه.

يا ربي يكتبلنا عمر نزيدو نعيشو بزاف رمضانات :).

مغسي ع التواجد .
 
مساء الخير

زمان كنت لااتخيل رمضان بدون مسلسلات او افلام
ولاكن الان اصبح كل شيء ليس له معنى.الا الاكل يصبح مميز على بقية الشهور الاخرى واجتماع الاقارب والاصدقاء.
بدات افقد تلك اللذة سنة وراء سنة.
مساء النور أخي

وي المسلسلات أصلا تبدلت على مسلسلات زمان درك والله ما تفهم تتفرج في مسلسل ولا تشوف في صحانية وجوه وقلة حياء وبالاك بكل لا لبنادم يفسدلو صيامو من ورا المسلسل لي يتفرج فيه.

الأكل أكيييد بزاف أمور تتبدل فيه ولي عمرها دخلت الكوزينة تطيب تحلالها في رمضان تدخل وتتفن في سبيل السخفة العبد كي يعود صايم يسخف على كلش.

مغسي أخي ع التواجد.
 
السلام عليكم
بصح يا جدك ام بي سي يخدمو على العام
و عادل امام مش راح يكره اكل
ههه
عفاريت عدلي علام
ههههههه
ياودي ام بي سي ردمو الامة العربية بالمسلسلانذت و الافلام
ههه
المهم ...كيما راكي تسقسي في سوالك قلتي محال رمضان بلا باب الحارة
ياو نقلك محال رمضان بلا شربة فريك ق كيفاه دايرة و معاها زوج قرع تاع كوكا و معاهم زوج شكاوي تاع شربات
هههه
هذي هي الحوايج لي ما نقدرش نتخيل رمضان بلا بيها
هههه
و الله يسلكها على خير
ههه
ايا صح رمضانكم على البكري
ههه
 
السلام عليكم
بصح يا جدك ام بي سي يخدمو على العام
و عادل امام مش راح يكره اكل
ههه
عفاريت عدلي علام
ههههههه
ياودي ام بي سي ردمو الامة العربية بالمسلسلانذت و الافلام
ههه
المهم ...كيما راكي تسقسي في سوالك قلتي محال رمضان بلا باب الحارة
ياو نقلك محال رمضان بلا شربة فريك ق كيفاه دايرة و معاها زوج قرع تاع كوكا و معاهم زوج شكاوي تاع شربات
هههه
هذي هي الحوايج لي ما نقدرش نتخيل رمضان بلا بيها
هههه
و الله يسلكها على خير
ههه
ايا صح رمضانكم على البكري
ههه
الشاربات ا صلااح فشلتني هههههههههههههههههههه
صحا رمضاانك ياودي اصيل ربي يهنيك
 
الشاربات ا صلااح فشلتني هههههههههههههههههههه
صحا رمضاانك ياودي اصيل ربي يهنيك
ههه
الله يحفظك خويا حكيم
هاك
زيد افشل
upload_2017-5-31_14-43-51.jpeg
هههه
 
السلام عليكم
بصح يا جدك ام بي سي يخدمو على العام
و عادل امام مش راح يكره اكل
ههه
عفاريت عدلي علام
ههههههه
ياودي ام بي سي ردمو الامة العربية بالمسلسلانذت و الافلام
ههه
المهم ...كيما راكي تسقسي في سوالك قلتي محال رمضان بلا باب الحارة
ياو نقلك محال رمضان بلا شربة فريك ق كيفاه دايرة و معاها زوج قرع تاع كوكا و معاهم زوج شكاوي تاع شربات
هههه
هذي هي الحوايج لي ما نقدرش نتخيل رمضان بلا بيها
هههه
و الله يسلكها على خير
ههه
ايا صح رمضانكم على البكري
ههه
وعليكم السلام

أهلا أخي صلاح ...

أواه راكم فهمتو الموضوع غلط ياو خاطيني باب الحارة راني نضحك عليهم لي مازالو لدرك وراها والجزء الأول كي نتفكر بلي كنت مولات مام با عشرين سنة نضحك خخخ .

ايييه الشوربة فريك والكولا يا يما وكي يجيبوها باردة واحنا مازال صايمين وتشوف القرعة بداو يخرجو فيها القطرات هذوك كي قاستها السخانة وتبدا تسيل وانت تتفرح فيها اااه .

ولا لي يقتلني في رمضان الدلاع لحلو لي كي يحلوه باه يقطعوه من بعيد تشم ريحتو وتعرف بلي حلو ومبعد كي يقرب لفطور ويجبدوه من لفريجيدار بارد وريحتو وصلت لخشمك وتتخيل فيه في فمك ويطلق الماء لحلو تاعو البارد في فمك ويبردلك العطشة :oops: روووعة.

مغسي خويا ع التواجد هنا :)
 
السلام عليكم
اسمحيلي اختي سمطوها بزاف ههه
كل عام نقولو الجزء الاخير يزيدو يطلعونا
بجزء جديد هههههه
أنا الجزء الثالث حبست كل مرة يموت
واحد ومنباعد في الجزء لي بعدو
يعاود يرجع دوخونا ولله
اما باقي المسلسلات كامل يشبهو
لبعض
أنا اكثر حاجة نحبها في رمضان
سهرات وخرجات تاع الليل نموت
فيهم خاصة لبحر في الليل رووووعة
 
الشاربات ا صلااح فشلتني هههههههههههههههههههه
صحا رمضاانك ياودي اصيل ربي يهنيك

ههه
الله يحفظك خويا حكيم
هاك
زيد افشل
مشاهدة المرفق 63287
هههه

الشاربات باردة بعد ما تنزل المغرف اللخرة تاع الشبعة وتدخل عليها كاس ورا كاس ما تتشبعش :cry:
 
وعليكم السلام

أهلا أخي صلاح ...

أواه راكم فهمتو الموضوع غلط ياو خاطيني باب الحارة راني نضحك عليهم لي مازالو لدرك وراها والجزء الأول كي نتفكر بلي كنت مولات مام با عشرين سنة نضحك خخخ .

ايييه الشوربة فريك والكولا يا يما وكي يجيبوها باردة واحنا مازال صايمين وتشوف القرعة بداو يخرجو فيها القطرات هذوك كي قاستها السخانة وتبدا تسيل وانت تتفرح فيها اااه .

ولا لي يقتلني في رمضان الدلاع لحلو لي كي يحلوه باه يقطعوه من بعيد تشم ريحتو وتعرف بلي حلو ومبعد كي يقرب لفطور ويجبدوه من لفريجيدار بارد وريحتو وصلت لخشمك وتتخيل فيه في فمك ويطلق الماء لحلو تاعو البارد في فمك ويبردلك العطشة :oops: روووعة.

مغسي خويا ع التواجد هنا :)

ههه
و الله راكي صورتي المشهد تاع الدلاع روعة يا بنت عمي
هههههه
تبارك الله
راكي رايحة تولي مخرجة وقيلا
هههههههه
 
وعليكم السلام

أهلا أخي صلاح ...

أ
ايييه الشوربة فريك والكولا يا يما وكي يجيبوها باردة واحنا مازال صايمين وتشوف القرعة بداو يخرجو فيها القطرات هذوك كي قاستها السخانة وتبدا تسيل وانت تتفرح فيها اااه .

ولا لي يقتلني في رمضان الدلاع لحلو لي كي يحلوه باه يقطعوه من بعيد تشم ريحتو وتعرف بلي حلو ومبعد كي يقرب لفطور ويجبدوه من لفريجيدار بارد وريحتو وصلت لخشمك وتتخيل فيه في فمك ويطلق الماء لحلو تاعو البارد في فمك ويبردلك العطشة :oops: روووعة.

مغسي خويا ع التواجد هنا :)
علابالك لوكان تحكيلي هذي الهدرة في نهار رمضان وانا صايم قادر ندوخ ونفطر هههه قمة الوصف هههه
 
السلام عليكم
اسمحيلي اختي سمطوها بزاف ههه
كل عام نقولو الجزء الاخير يزيدو يطلعونا
بجزء جديد هههههه
أنا الجزء الثالث حبست كل مرة يموت
واحد ومنباعد في الجزء لي بعدو
يعاود يرجع دوخونا ولله
اما باقي المسلسلات كامل يشبهو
لبعض
أنا اكثر حاجة نحبها في رمضان
سهرات وخرجات تاع الليل نموت
فيهم خاصة لبحر في الليل رووووعة
وعليكم السلام ورحمة الله

سمطوها برك ! ياو فاتو السماطة لبعيد والضربة مازالو يتفرجو فيهم الناس انا حبست في الرابع وما تفرجتوش يعني متابعتو تاع عارفة برك وقتها واش صرا بصح ما تبعتوش نهاودهم نجيب ولدي وهوما مازالو حاكمين يدهم بينا .

معرف علاه أنا ما نحبش الخرجات لا للبحر لا للسهرات في كاش دار في رمضان نحب نبقى في فراشي العزيز ولا سهرتي ع البحر نديرها في البالكون مقابل لبحر نخرج شي ناكلو للسهرة ونسهر حتى كي نعيا ندخل.
مغسي اختي ع التواجد.
 
السلام عليكم
سمعت بباب الحارة جيت
علابالك انا باب الحارة حبستو من نهار بدلو معتز ههه كنت من الناس لي قاتلة روحي عليه :Love:
ايه رمضان يا رمضان كل عام راهي تنص حاجة
انا الحاجة لي مانتخيلش بلا بيها رمضان اكيد الماكلة الحريرة و البورااك يم يم
و زيديلهم لمة العايلة احلى شيء و الله
ههه نموت على لاكريم بعد الفطور و ذيت الشاربات اه اه اه
و رمضان عندي هو السحور ههه المخزن ياااه
و زيديلها مسلسل درامي في اليتيمة مالقري يعيي بصح معليش
هههه و بعد الجمعي جا عاشور العاشر ههه
ايا صحيتي على الموضوع و لو نبدا مانكملش
اللهم بلغنا رمضان لا فاقدين و لا مفقودين
صح رمضانكم مسبقااا
 
ههه
و الله راكي صورتي المشهد تاع الدلاع روعة يا بنت عمي
هههههه
تبارك الله
راكي رايحة تولي مخرجة وقيلا
هههههههه
هههههه راحتلي كاغياغ في الاخراج مالا

ياو صورت المشهد من كثر ما يقتلني في رمضان وهذي هي المعاناة لي نعاني منها في رمضان كي يكون فيها افاغ دلاع :D.
 
علابالك لوكان تحكيلي هذي الهدرة في نهار رمضان وانا صايم قادر ندوخ ونفطر هههه قمة الوصف هههه

ههههه نلتقي في رمضان مالا ونحكيلك ع الدلاع البارد لحلو :LOL:

أي معاناة كبيييييرة نعاني منها في رمضان في سبتو :sneaky:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top