مشاركة في مسابقة مهبول و مهبولة 2 ( الصحافية الساخرة )

الصحافية الساخرة

:: عضو بارز ::
أحباب اللمة
إنضم
5 جانفي 2017
المشاركات
3,482
نقاط التفاعل
8,102
النقاط
946
العمر
28
محل الإقامة
Jijel
الجنس
أنثى
و أخيرا وصل رمضان لأكتشف أجواء رمضان في اللمة ، ندير دورا معاكم

مي الدعوة راها ماهيش تبان دورة راقية ، ياو دورة مهابل امحاينك

واش جابني هنا ؟ اه تفكرت ياو المليار وما دار فيا ، الذاكرة تاعي و تبخرت

،..

" ربحت مليار و تشومرت " ، متصدقوش علابلي تقولوا هذي بلاك

شافت مليار فالمنام ، مشفتوش سمعت بيه برك ، ديجا كي سمعت

بلي ربحت مليار ، أول حاجة جات فبالي : يا ترى كيفاه مداير مليار هذا ؟

معرفتش اسك ورقة كما ميات الف ولا دايريلنوا طرز مختلف ياو مليار

واش بيكم كي تسمع بيه تشك تروحلك الغبينة كامل تولي الأحلام

و ما تشقاش ، شو بيك اطلب كلشي بين يديك ، و ماتشقاش حتى تتخيل

ديجا راك باين جيعان ، المليار و ما عرفكش هههه رايح يبدا يهبط ياو

يهبط ، تخمم تشري هذي و تدير هذي و كس تطلع حسابك ما يكفيش

المليار ههخههخ

نحكيلكم القصة الكاملة كيفاه ربحت مليار ، زمان كانوا يقولونا

نسقسيك سؤال لوكان تجيبه نعطيك عشرة الاف وكنا نطيروا كي نسمعوا

حكاية الدراهم بنة ياه ، ايوا صراتلي أنا بصح تبدلوا الارقام برك خخخ

كي هبطت من البيس طاحت عليا جماعة من الناس اشكال و الوان

يبانوا مهابل و سيريوا فنفس الوقت ههخخه ، معاهم كاميرا و ميكرفون

اواه قلت : اليوم النهار دايخ و لا انا اللي دايخة ، ايا قرب ليا اللي

عنده الميكرفون و قالي : معليش الاخت نسقسيك سؤال لوكان تجيبيه

تربحي معانا مليار ". تالموا ما نستعملش كلمة مليار فحياتي دخلت

فروحي ، قعدت نشوف فيهم و نشوف فروحي و السيد زاد اكدلي على

المليار مليح : متخلعيش ، ها ليك الشكارة مليار اييبه مليار ، اكيد مارايحاش

تديه بالساهل ، السؤال صعيب " ، وأنا امنت كي زدت شفت الغاشي

متلايم قلت : اواه نجرب حظي و نشوف المليار اللي جامي فات فالمخيلة

تاعي ، توجور تحبس فميات الف "


جابولي شيخ يرعش و الرغاوي خارجة من فمو و قالي : هذا حلمه يتزوج

بوحدة صغيرة ، مقبلت بيه حتى وحدة ، ايوا حنا درنا مبادرة تربح مليار

مقابل تحقق رغبة انسان ، وانتيا تقدري تربحي مليار مقابل تحققي رغبة

هذا الشيخ ، واش جوابك ؟ "

تحسبوني خممت تالموا المليار مزال يلعب داخلي ياو قلت : اييه نقبل

مليار و الشيخ زيده لعجزوة اوه قصدي نتزوج بيه نورمال .. ( كنت حابة

نلعبهالهم ندي مليار ونهرب هههه بصح قالولي اليوم نعقدولكم هخخخه)

وا حاوجي مازالي موجدتش روحي ، بلعقل ندي ملبار ومن بعد نمشط

و نتحف روحي و هكذا يروحولوا الرغاوي هذا الحلزون


منجحتش الحيلة تاعي ، و قبلت واش تدير ، المليار ياو ههخهه

بديت نخمم فالرفاهية هههه ونبني فالقصووور ياه

كان تما الامام باش يفتحلنا هههه و فجأة كي قال : اعوذ بالله من الشيطان

الرجيم ، فطنت تفكرت والديا و خاوتي ، كيفاه نجيبلهم شيخ هكا و انا

رافدة مليار تخلا اليوم عليا ، ايا و من بعد زادت جاتني صورة خلاف

، و بديت نتخيل دارنا كي يشوفوا مليار العرس يركب هههههه

حتى الشيخ مسكين ندزوه للكولوار يرغي هههههه


ايا عطيتهم الاوكي ... و لكن فجأة يخرجولي مجانين و يبداو يعيطوا

و يصفرو في وذنيا : اه تبغي المليار .. تحبوا الدراهم انتوما واعرين .،..


ياااو تبردلت كانت لعبة واااع واااع ، ربحت مليار و تشومرت ، و تبهدلت

تان ، اه حاوجي واش جيت رايحة ندير ، اواااه انا نروح نرمي روحي لكاش

واد


المهم هنا خلاصت الحكاية ، وبيناتنا حكيتهالكم غير انتم بالاك تلحق الهدرة

لدارنا تخلى ياااو ..



ايا كانت هذي محاولتي ، نخليكم دوك عندي شغل ، وربي يقبل صيامكم

ان شاء الله

تشاااااو ...
 
السلام عليكم ورحمة الله تعالى وبركاته
هههههههههههههههههههه
وتقولي عليا مهبولة
هههههههههه
والله عييت حبيبة
بالتوفيق ان شاء الله
تحياتي​
 
هههههه المليار يا محاينك
مزياااا جاو دوك الجنون ولا راكي مع سي الشيخ
قصة فوور يعطيك الصحة
ومتخافييش سرك في بيير منقولهاش لداركم ههه
تحكياتي
 
السلام عليكم فطوم
هههه هههه يا الطماعة على جال مليار سمحتي في داركم ههههه لوكان غير تزوجتي و طفرتي المليار خاطرش الزواج باطل كي محضرتيش الاب لي هو الولي هههههه
المهم ان شاء الله في الحلقة القادمة تربحي مليار جديد هههههه​
 
السلام عليكم
هههههههههه يخي فطومة يخي قبلتي تدي شايب سنانو طايحين على جال مليار؟
بصح عجبتني فكرة الصحة هادي لي يمدلك مليار ويزوجك بشايب ههههههه
راهم يحوسو ينحيو العنوسة خلاص من البلاد ويزوجو الشايبين مساكن يديو فيهم اجر

المهم ضحكتيني الله يعطيك الربح
بالتوفيق ان شاء الله
 
السلام عليكم

ههههه
الشيخ و المليار وش درتي
فينا ا فطومة
قصة جميلة

بالتوفيق
 
ههههههه مشكورين على المرور ، سمحولي من بعد نرد عليكم واحد واحد راه الشغل طاح علينا ياو انا وليت نرغي ههعههعههه
 
السلام عليكم ورحمة الله تعالى وبركاته
هههههههههههههههههههه
وتقولي عليا مهبولة
هههههههههه
والله عييت حبيبة
بالتوفيق ان شاء الله
تحياتي​

وعليكم السلام و رحمة الله

هههههه ايه انتيا صايي دارولك ختم للمهابل هههه

شكرا على المرور ☺
 
هههههه المليار يا محاينك
مزياااا جاو دوك الجنون ولا راكي مع سي الشيخ
قصة فوور يعطيك الصحة
ومتخافييش سرك في بيير منقولهاش لداركم ههه
تحكياتي

ههههههههه شفتي قريب لقيت روحي مع شيخ خخهخخ

مرسي على المرور "كارليتا" ☺
 
السلام عليكم فطوم
هههه هههه يا الطماعة على جال مليار سمحتي في داركم ههههه لوكان غير تزوجتي و طفرتي المليار خاطرش الزواج باطل كي محضرتيش الاب لي هو الولي هههههه
المهم ان شاء الله في الحلقة القادمة تربحي مليار جديد هههههه​

ههههههههههههه شفتي الطمع من الدرجة المليارية

مهم سلكت من الشيخ ههههه

مرسي على المرور "أسومة" ☺
 
هههههه والله ظحكتيني فطومة. وهذاك الشيخ واش بقالو من حيات *_ هههه بالتوفيق

هههههههههه شفتي الطمع داني موليتش نخمم بعقلي ، خممت بالمليار ياه ههههه
ان شاء الله ، موفقة انتي كذلك اختي ☺
 
السلام عليكم
هههههههههه يخي فطومة يخي قبلتي تدي شايب سنانو طايحين على جال مليار؟
بصح عجبتني فكرة الصحة هادي لي يمدلك مليار ويزوجك بشايب ههههههه
راهم يحوسو ينحيو العنوسة خلاص من البلاد ويزوجو الشايبين مساكن يديو فيهم اجر

المهم ضحكتيني الله يعطيك الربح
بالتوفيق ان شاء الله

وعليكم السلام و رحمة الله

هههههههه معرفتش جامي شفت مليار حبيت نخوض

مغامرة من نوع اخر ههههههه

واقيلا فكرة باش نقضوا على العنوسة ههخههخه
مرسي على المرور "مريومة" ربي يحفظك
 
السلام عليكم

ههههه
الشيخ و المليار وش درتي
فينا ا فطومة
قصة جميلة

بالتوفيق

وعليكم السلام ورحمة الله

الله غالب عماني مليار هههخهه
الاجمل مرورك يا غالية ، كي شفتك فرحت مدة مكانش
، ان شاء الله تكوني بخير ، و تهلي ديريلنا قصة تاعك
ايا
 
السلام عليكم
هههههههه شيخ وملياااار مليحة هادي
يعطيك الصحة فطوووومة عجبتني قصتك
بالتوفيق

وعليكم السلام ورحمة الله
هههههه الله يسلمك ، شكرا لك على المرور "عبيرتنا"
موفقة انت كذلك ☺
 
السلام عليكم
ياوعليكم المليار هههههههههههههههههههههههههه
ههههه قصة روعة جبتيها فور
هذي اللي قالك تحبو الدراهم هههههههههههههههه
بصح تغيض التقوقيو تاع الغاشي فالاخير
بصح ماشي خصارة فالمليار ياجدك ههههههههه
لو انا كيفك نديرها مليار وعجوزة هههه
نتزوج والى بغا تتخلط هههههههههههههههههههههههههههههههه
وهذي في خاطر الفطوم والمليار ياحوجي ياه ههههه
بالتوفيق
 
السلام عليكم
ياوعليكم المليار هههههههههههههههههههههههههه
ههههه قصة روعة جبتيها فور
هذي اللي قالك تحبو الدراهم هههههههههههههههه
بصح تغيض التقوقيو تاع الغاشي فالاخير
بصح ماشي خصارة فالمليار ياجدك ههههههههه
لو انا كيفك نديرها مليار وعجوزة هههه
نتزوج والى بغا تتخلط هههههههههههههههههههههههههههههههه
وهذي في خاطر الفطوم والمليار ياحوجي ياه ههههه
بالتوفيق

و عليكم السلام

هههههههههخ ههههههههههههه

واه انت خويا من المليار عهههخههخ ، المليار راه دوخنا

كتر على الشمس ، هههه ..

مرسي على المرور ، و صح سحورك دافونس ☺
 

المواضيع المشابهة

لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top