تبا ...؟

السلام عليكم
شح قتلك نروح و محبيتش تديني معاك كُحهم ضركا :p
نتمسخر خويا .. والله تحساب روحك داخل للمارشي نوار و لا رايح يبيعلك الكافيار هو خبز بايت و ربي عالم باش معمرو تاكلو تحكمك طوكسيكاسيو سوربلاص
الناس لاهفة ..و كي شافو الشعب عاد ميشريش من عندم دوروها للما ..تحسب راح يبيعلك ما زمزم ..
مبعد كي تزيدلهم الدولة فالاسعار تاع الخضرة يقولك كفاه ...ياه كي ترحم نتا خوك ترحمك الدولة مالفوق -__-
و الله علابيها بابا كل عام يقولنا الله غالب مكاش كفاه .. يكون واحد شهار ميعرف يروح بيها و لا يعيش بيها 5 ايام ثما
و مش فالبحر برك اي بلاصة تاع سياحة زعما تلقاها تحط يدك تلهب ..
و يقولك النهوض بالسياحة ..تنفير وي
حتى الناس فاقتلهم عام يلملها حاجة زينة و يعطيها للترك و لا تونس فالصيف اوموا تحويسة زينة و يعوم في بحر مش قهوي -_-
شكرا موضوع فالصميم

 
الشعب الذي ينتهز الفرص في الأزمنة لاتنتظر منه الرحمة في الأماكن إلا من رحم الله وقليل ماهم
والدليل على ذلك شهر رمضان ترى الأسعار تزيد وهذا يدل على جشع التجار
لكن لايصلك إلا ماكتب الله لك
 
اولا مبغيتش نقولك انت غبي باش متزعفش
بصح دايما كي تروح لسياحة ادا شريت من البحر انت غبي :LOL: دير روحك ولد البلاد يعني تعرفها و موالف تشري كي يمدلك بري غالي قوله وقتاش زادو فيها و خرج متشريش تاني حاجة شري من لافيل ماشي من جهة البحر ولا جيهة الحدائق
انا ساكنة في البحر بارح برك رحنا لمدينا جديدة شرينا و كي وصلنا لبلاصة حدا وين نسكنو (بلدية حدانا ) شفنا حانوت فيه نفس الحاجات لي كما شريناهم و ماما قالتلي وقيلة ضيعنا وقت باطل :sleep: يعني شقا تاعساعة و نص تروح و ساعة و نص ترجع بلا منحكو كل bus باش يقلع ب 66 كشفة بلا منحكيلك الركبة :devilish: تلقا العباد كما النمل .. دخلنا سقسينا :sick: حكمنا الشوك :censored: و الخلايع و جينا خارجين نضحكو على رواحنا بعد مديجا ضحكنا بسبت الركبة و طلعنا في الشمس و نضحكو :sleep: و نزيدو نتشوطو في الشمس و نضحكو ثمن دوبل و كاين فايت الدوبل :eek: نخدمو عليهم مع حنا منبانوش من وهران o_O صافي يزيدو يخلعونا :devilish: و حنا نزيدو ديك الضحكة الصفرا :X3: هذو خليناهم من مورانا و الشيطان لي قراكم حنا قريناه و سلعتكم خلوها ليكم و لا تحكي على الما :ROFLMAO::ROFLMAO::ROFLMAO: خرجت مع صحباتي الما 30 و يع ديك البنة :oops: رغم قراونا الما مفيش ذوق ولا رائحة مي لقيت العكس هههههه غاضتني ال 5 دج لي زدناها في كل قرعة صغيرة
كنا رايحين للماناج :sneaky: شرينا كلش من برا :unsure: كلش حساب :censored: فيها باش ترجع باش توصل 1 دج يلعب دور لقينا حطينا دراهم :sleep: في كل حاجة يزيدلك 10 20 بلا منحكو على لي يزيد الدوبل
ديفوا نروحو للمرشي يخلعوك حاسبينك جاي للبحر يبدو يغلو هههه ياو بيعو بسكات رانا غير حداكم ..اما درك تقريبا كلشي نشروه من لافيل (وهران ) هنا غير الخلعة برك .
علاش يديرو هكدا الله اعلم تنجم تقول يبغو يغبنو العباد و يفرحو كي يضرو الناس و كون غير يبيعلك حاجة تستهل
كي تروح تحوس شري من قبل متوصلو للبحر و كي يغلي عليك متشريش هما انتهازيين برك و كي انا نشري و نتا و كل واحد يشري يزيدو يغبنونا خلي سلعتهم تخسر عندهم كاين حوانت لي ملاح و يبيعو بثمن معقول على الاقل يزيد غير تاع طروسبور ماشي تحسب يبيعلك ذهب ^^ ...
 
  • أعجبني
التفاعلات: Hakan
في الغرب أحسن من الشرق من ناحية الأسعار
العام اللي فات رحت لوهرن يعني الأسعار إلى حد ما معقولة تلقاها زيادة على وسط البلاد لكن
قرعة ما ب 30 دج و الجاجة ب70 ألف الخبز بـ 10 دج و تلقا حتى كسكروت كرانطيطا أو كرانتيكا بـ 30 دج و طلع و قرعة جي بـ 10ألاف
مش بهاذيك الزيادة اللي تخلع في الشرق الاسعار زيادة و لازم تكون مع مجموعة باش تتعاون معاهم

بلاك احسن في الثمن ^^ بصح في النضافة الشرق خير و الاحترام هنا تحس روحك راك في اسبانيا :sick: كي مزال رانا بلا كوارث طبيعية نحمدو ربي صباح و عشيا
 
  • أعجبني
التفاعلات: Hakan
السلام عليكم خاوتي وبارك الله فيكم
عى المشاركات الطيبة والنافعة باذن الله
خدعونا بيسك حنا قلنا مكاش واش تدي
تدي الماء يسخن تدي الاكل يخسر يعني تريسكي بدراهمك
وماتخسرش صحتك
بصح هذو اليهود اللي مغليين المعيشة على الزواولة هذو ربي وكيلهم واحد واحد
لانو صراحة هما سباب انو السياحة بالعة فيي بلادنا
والوزارة نتاع السياحة راقدة على هذا الشي واللي نورمالمون تراقبهم وتعاقبهم
حتى بليزوتال االلي ننجمة مايستاهلوهاش لازم ييتعاقبو على الخدمات السيئة
اذا كان االشهار والتاجر مايلحقش بالسياحة وقتاش يلحقق الزوالي
ولا لازم ييخرج من هذي الدنيا شاهي يشم نسمة نتاع بحر اه يا ربي
تغيظك وحد المعاملات نتاع خوك كثر ما تغيضك للوكان جاات من يهودي
الله غالب مكانش اللي يسمع.بارك الله فيكم كاامل

 
  • أعجبني
التفاعلات: Hakan
دعوة الشر يروح العبد يبرد في gـوايمه يحرقوله جيبه ..
 
  • أعجبني
التفاعلات: Hakan
دعوة الشر يروح العبد يبرد في gـوايمه يحرقوله جيبه ..
الله غالب هذي حالة بلادنا اللي نورمالمون اهلها هم اولى بها لكن
يعيش غير الي دراهمو ما يتحسبوش ..
 
j pense hadi mich ghir fl es plages wala mich ghir f l wilaya li roht liha,, makanch li y3esshom donc ydirou rayhom ged ma ya9edrou w ygolek rez9i bghit techri bghit tmout b le3tach
exemple bark techri sandwich godem dar w f la garre routiere tgoul,, ykoun zayed 50da ki walou mais tellment chayfin ness obligé techri li f trig twila
kif kif la kanet pattiserie wala 9ahwa f cartier normal w fi cartier mouvementé " ta3 des villas"
EN TT CAS KABER GUELBEK W KHLASS W HAD NESS ALLAH YAHDIHOM
 
  • أعجبني
التفاعلات: Hakan
السلام عليكم و رحمة الله

ها وانتم كي يلحق العيد اشوي جد باباهم الكبش ب عشرملاين ياه ههههههه

و الله لوكان جات من ناحية الاسعار برك ياو السياحة عندنا ما تشبه لوالو لا تنظيم لا هم يحزنون حط فالجيب و خلاص ،، حنا و كلاونا و زيد بلاك راكم تشروا على تاع الطريق يا ودي هذوك حابين يربحو فنهار و يقولك الدولة سباب هذا الغلا و هوما كي تجي فيدهم يشوا حتى الجار ربي يهديهم .. كون كل واحد يربع يداه و خلي دراهميه فجيبه و الله يترباو بصح حنا مكانش مشكل المهم عمر الكرش و ربي يسهل .. جايي تفاكونسي و لا لرحلة خلي دراهميك فجيبك اخدم و جمع دراهم ملاح و خدم مستقبلك و ضربها تحويسة فبلاد خلاف خير و خير و الله بلادنا خاطيهم الكومارس و كلشي رابحين بالحرام علابلك كامل اللي راه يبيع قرعة ما بعشر الاف راه رابح حرام مزال غافلين على حوايج بواف العيباد ربي يصلح الاحوال هذا مكان و ان شاء الله ربي يسر عليكم خاوتي ..
 
j pense hadi mich ghir fl es plages wala mich ghir f l wilaya li roht liha,, makanch li y3esshom donc ydirou rayhom ged ma ya9edrou w ygolek rez9i bghit techri bghit tmout b le3tach
exemple bark techri sandwich godem dar w f la garre routiere tgoul,, ykoun zayed 50da ki walou mais tellment chayfin ness obligé techri li f trig twila
kif kif la kanet pattiserie wala 9ahwa f cartier normal w fi cartier mouvementé " ta3 des villas"
EN TT CAS KABER GUELBEK W KHLASS W HAD NESS ALLAH YAHDIHOM
انعم هي بكري يقلك الحاجة ام الاختراع مي حاليا الحاجة ام السراق والمبتز
ناس تستغل في لوكازيون باش تقدم خدمات مليحة وتربح معاها بصح ناس تستغل في الفرص باش تسرق جيوب المواطن البسيط اللي قدو قد روحو
يااختي انت اذا راكفي مكان سياحي راك تمثل سمعة بلد وتمثل سمعة هذيك المنطقة اذا صرا وسرقت هذو السياح كيفاش رايحة تكون نظرتهم للبلاد هذي
شكرا ختي على الرد هذا وين شفتوو السماح على التاخير
 
السلام عليكم و رحمة الله

ها وانتم كي يلحق العيد اشوي جد باباهم الكبش ب عشرملاين ياه ههههههه

و الله لوكان جات من ناحية الاسعار برك ياو السياحة عندنا ما تشبه لوالو لا تنظيم لا هم يحزنون حط فالجيب و خلاص ،، حنا و كلاونا و زيد بلاك راكم تشروا على تاع الطريق يا ودي هذوك حابين يربحو فنهار و يقولك الدولة سباب هذا الغلا و هوما كي تجي فيدهم يشوا حتى الجار ربي يهديهم .. كون كل واحد يربع يداه و خلي دراهميه فجيبه و الله يترباو بصح حنا مكانش مشكل المهم عمر الكرش و ربي يسهل .. جايي تفاكونسي و لا لرحلة خلي دراهميك فجيبك اخدم و جمع دراهم ملاح و خدم مستقبلك و ضربها تحويسة فبلاد خلاف خير و خير و الله بلادنا خاطيهم الكومارس و كلشي رابحين بالحرام علابلك كامل اللي راه يبيع قرعة ما بعشر الاف راه رابح حرام مزال غافلين على حوايج بواف العيباد ربي يصلح الاحوال هذا مكان و ان شاء الله ربي يسر عليكم خاوتي ..
وعليكم السلام اهلا بيك ختي الصحافية
هاكي تشوفي لا سياحة لا والو يزيد يسرقلك جيبك
قالولي في المطارات القرعة نتاع 250سل ماء ب 16الف وين رانا رايحين بهذا الاجرامي اللي كل يوم يزيد شيئا فشيئا
وكيما قلتي اجمع دراهمك وخبيهم لتحويسة مليحة في تركيا ولا المجر المهم مش في دزاير ..
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top