اللي ماعندوش خير في هدرتو موتو خير..

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#1
صباح النور ..:)
مساء الورد..:)
كي راكم الخاوة والخيات انشالله
لباس ؟؟ وديما لباس انشالله
اليوم حبيت نقلب (لساني)
ونتكلم بالدارجة لانو لو حكيت
بالفصحى مريومة راح تقطعني وتنشرني على حبال اللمة:kiss::kiss:
...
الميضوع يا سيدي على اللغة العربية ...وجمال اللغة العربية ..ورقة اللغةالعربية ...ورومنسية اللغة العربية....
(أيا خلاص علبالي ماكانش خطابة للغة العربية هنا بلا مانشكر ونكسل فيها:Love::Love:)
حبيت نتكلم بالعامية على الفصحى ( اللي مافهمش يفهم صاحبو :mad::mad:)

لأني لو نتكلم بألف كلمة وكلمة فصحى قولو على الميضوع هذا السلام والرحمة ..أكيد 100/1000 واحد من عشرة راح يقروه ولا اقصد هنا في المنتدى بل تلك الظاهرة في كل مواقع التواصل الاجتماعي..
انا وأعوذ بالله من كلمة انا تعودت نعلق بالفصحى لانني نحبها الله غالب ..لكن المشكل انو هذا الحب مش مكتمل ( ماعنديش منو كتاكيت فصيحين هي هي هي :ROFLMAO::ROFLMAO:) ،نقصد نعيا ومنتمكنش منها وهذيك غصة في قليبي ( ممكن يلزمني نطالع بزاف راني مقصرة عندي مدة)
هذي يا سيدي بعض المرات نحس فورة في راسي :mad::mad: كي يقلي كاش واحد اهدري مليح مش فاهمة روحك ..ولا منين خرجتي انتي؟؟ :sick::sick:( من جهنم تديك انشالله) ..ولا انتي بلاصتك مش هنا :X3:( دبرولي مكوك للمريخ) ..ولا هذو قوم المتنبي مزالهم حيين:unsure:( لالا ماتو وورثناهم يعطيك حمى بلمة )
...
هذا في الفيس وحاشاكم ( لا تخلوالعوالم الإفتراضية من عنزة وتيس) ..
..هذي مرة كنت نحرس على جماعة اثبات المستوى في حصة الفرنسية ( ولا يخفى عليكم اجواء الامتحانات والحراسة:devilish::cry::geek::cool::D:sleep::unsure::sneaky::oops:..
طلب مني تلميذ( عمرو 30سنة ) باه نعاونو قلتلو يا ولدي ( حكماتو عرقة ماروكوo_O) هذا النص ساااهل والاسئلة ماء خمم شوي ..قالي مانعرفش نخمم هاكي اكتبيلي وخلاص ( علاه هو خاسر فيهاحاجة؟؟)
وكنت في مادة قبل لاحظت اجابتو ولقيتو فاهم بصح حاب يتمنكر ويخرج ثم ثم وبلا تعب ووجع راس، قلتلو اشرحلي النص قال مش عارف وزملاؤو نفس الشيء ايا بديت نقرا ( ماتبيعونيش قالك ممنوع ههه) نقلهم الجملة الاولى تعرفو كذا بالفرنسية يشرحلي هذاك التلميذ ايه معناه كذا وكذا ونزيد نمشي مرة نشرح مرة نعطيهم الخط لقيت هذاك لمعلم مكمل النص وواصل لفهامة الوضعية الادماجية ، ايا وقتها كون مديتولي كلاش نتيري عليه بلا كلام...
قلتلو تتمسخر انت ؟؟ قالي والله العظيم ماكنت نظنو ساهل هاك قلتلهم علاش تفهمو كي يشرحولكم بالعربية؟؟ أيا لمزية ماتبغوش الفرنسية وعلبااالي تكونيكتو ثاني بالعربية الفصحى ( اسلوب استفزاز)
؟؟ قالولي لااااا حاشااكيد بالفرنسية استاذة؟؟
وهنا تمنيت تتشق الارض وتبلعني..
قريب يكمل الامتحان كنت انا وزميلة نحكو وكانت تلميذة وتلميذ (هذاااك بعينو) مزالهم يبدعو في التعبير قلتلها جيل الهم النص باه ياكلهم من عينيهم وهوما يتبهللوا
قالتلي التلميذة استاذة يعطيك الصحة كنت نخمم كيفاه نجاوب كي هدرتيلنا تفتحت لبواب قدامي وقال الآخر حسيت الوحي ( استغفر الله) جاء كي هدرتي؟؟ مع انو نفهم الفرونسي ونحكيها فووور وكي نشوف واحد يعلق بالعربية نضحك ولا الفصحى نموووت بالضحك؟؟؟
ايا قلتلو وانا العكس يعني انا جاهلة يا مثقف..ايا نسقسيك انت تصلي ؟؟ قالي حاجة باينة ( قلتلو باينة من شعر الفكرون وظفار القط ولبستك يا وجه العمى)(آسفة)..
وتقرا القرآن قالي ايه..قلتلو خموس عليك تصلي وتقرا بالفرنسيةخير مني ؟؟ نجي ندير دروس خصوصية عندك؟؟ ضحك وقالي لالا بصح كاين قور ومسلمين عادي...قلتلو هوما قور واسلمو .. انت تتمسخر بلغة القرآن عادي وبكلام ربي عادي وبعروبتك عادي وبلسانك اللي نصو مكسر ونصو معوج كي الغراب اللي جا يتعلم مشية غيرو نسا مشيتو عادي ..واللي ماعندوش خير في لغة القرآن باه يفتخر بيها ماكلاه يقول راني دزيري باختلاف لهجاتنا...
اللهجة لهجة واللغة لغة واللي مش عارف الفرق نعطوه درس في اللسانيات..
آسفة اطلت الموضوع بصح الهدف واضح...علموا ابناؤكم لغة القرآن واجعلوهم يفخرون بها..علموهم العربية وجمالها ..علموهم كيف يفخرون ويحموون أصولهم وفروعهم وعرض عروبتهم...
نحن لا نريد ابنك وابني متنبي ولا عنترة ولا الخليل بن احمد الفراهيدي ولا عالم لغة لكن لا نريد انسلاخا من الاصل والتشبث بتبعية غربية كادت ان تمحينا (او ان الكارثة وقعت وكفى)
أيا السلام واسمحولي على الكلمات اللي بالفصحى
قسم الدارجة ولازمو دارجة ...
...
...

تحياتي
 

Skor m@k

:: مشرف ::
طاقم المشرفين
إنضم
12 جويلية 2010
المشاركات
5,042
الإعجابات
20,556
النقاط
1,901
#2
السلام عليكم
ههههه فالاول ضحكتيني علبالك بلي مافهمتلك والو ههههههههههه
راح نديرو استثناء ليك برك ههههه
هنا في واش راح تهدر أكتبي بالفصحى ونعتامدو الموضوع نورمال هههههه
شوفي ياختي حنا فالدزاير ولات لي يهدر الفرنسية هو المتقدم
وشفت فاميلتنا يدخلو ولادهم لمدارس خاصة باش يقروهم قالك هناك يهدرو غير فرنسية
والله نحير بنتها عندها 10 سنوات وعايشين هنا فالدزاير وماتعرفش العربية غير كلمات برك
كي تقرى فمدارس خاصة يهدرو معاهم غير بالفرنسية وفي دارهم كيف كيف
قالك العربية واش دير بيها هههه هذي باينة لوكان تسقسيها على كاش صورة حافظتها
موحال تكون حافظة أصلا بلاك يماها ماتصليش بصح المشكلة راحو دارو حجة ههههههههه
أياي هذي عشر سنين ماتعرفش العربية وخوها كيف كيف حتى كبر شويا باش ولا يهدر عربية مكسرة
مي هوما هكذا يشوفو روحهم مطورين ومتقدمين خخخخخخخ
شكرا لك ختي
 

لؤلؤة قسنطينة

:: مشرفة ::
طاقم المشرفات
إنضم
13 أفريل 2013
المشاركات
12,308
الإعجابات
48,456
النقاط
1,901
العمر
25
الإقامة
قسنطينة
الجنس
أنثى
#3
السلام عليكم
اييه شوفو شكون جا يزورنا هنا في قسم واش راك تهدر مرحبا مرحبا
قبل ما ندخل في الموضوع اذا نتي تحسي نفسك ناقصة في الفصحى ولازمك مطالعة مالا انا واش نقول هههه
راني قسم النقاش قريب من عام لعام باه ندخلو نشارك فيه لدرجة لساني يتعوج وانا نحوس على الكلمة المناسبة
والله موضوعك في محلو وشبعت ضحك وانا نقرا ههههه عندك كلمات يشبهو شوي لتاع ليليا هههه
والله عندك الحق حبيبتي أحلام ولاد اليوم يفتاخرو كي يعرفو اللغات الأجنبية ويحشمو باللغة تاعهم وماعلابالهمش
بلي اللغة العربية اصعب اللغات في العالم والدليل رانا عرب وقرينا الفصحى من الصغر ومازالت للآن كي نقرا
كتاب ما نفهمش العديد من الكلمات وهذا دليل أنو لغتنا عندها قيمة كبيرة وتحتاج تعب كبير
نشوفو مثلا صحافي في التلفاز يحكي بالفرنسية مليح نفرحو بيه كي يحاور الأجانب وهو كن يجيه واحد من
البلدان العربية يحكي معاه فصحى يبقى حال فمو ويبدا يتلعثم، يعني عيب شخص عربي وتربيت على اللغة العربية
وتهردها كي تجي تتكلم بلغتك وماش حتى لغتك راهي لغة القرآن يعني هل كاين شرف اكتر من هكا؟ كاين أجانب
غير يدخلو الاسلام يتعلمو اللغة العربية يقولك حب نقرا القرآن باللغة تاعو الاصلية وحنا نحشمو بلغتها
اللغة الاجنبية مليحة كذلك تساعدك على التواصل مع الناس الاجانب ولكن أنك تفضلها على لغة بلادك هادا امر ماش مليح
يعني توصلت حتى تروح لبلدان عربية وتتكلم مع عربي كيفك بالانجليزية او الفرنسية باه تبان متطور وقاري وفاهم
وانا في نظري لي يعرف لغة الناس ولغتو ماش عارفها يبقى هادا اكبر تخلف
شكرا حبيبتي احلام على الموضوع وان شاء الله نشوفوك مرة اخرى هنا
تحياتي
 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#4
السلام عليكم
ههههه فالاول ضحكتيني علبالك بلي مافهمتلك والو ههههههههههه
راح نديرو استثناء ليك برك ههههه
هنا في واش راح تهدر أكتبي بالفصحى ونعتامدو الموضوع نورمال هههههه
شوفي ياختي حنا فالدزاير ولات لي يهدر الفرنسية هو المتقدم
وشفت فاميلتنا يدخلو ولادهم لمدارس خاصة باش يقروهم قالك هناك يهدرو غير فرنسية
والله نحير بنتها عندها 10 سنوات وعايشين هنا فالدزاير وماتعرفش العربية غير كلمات برك
كي تقرى فمدارس خاصة يهدرو معاهم غير بالفرنسية وفي دارهم كيف كيف
قالك العربية واش دير بيها هههه هذي باينة لوكان تسقسيها على كاش صورة حافظتها
موحال تكون حافظة أصلا بلاك يماها ماتصليش بصح المشكلة راحو دارو حجة ههههههههه
أياي هذي عشر سنين ماتعرفش العربية وخوها كيف كيف حتى كبر شويا باش ولا يهدر عربية مكسرة
مي هوما هكذا يشوفو روحهم مطورين ومتقدمين خخخخخخخ
شكرا لك ختي
وعليكم السلام ورحمة الله وبركاته..
ادام الله ضحكاتك..وربحت حسنة في ابتسامتك..
امممممليح الاستثناءات يسلم المعريفة الالكترونية خخخخ
لالا صرات في أول مشاركاتي بهذا القسم وكانو ديما ينبهونا للعامية( ماعلاباليش واش معناها وقاااالو ( هوما مش انا ههه) من عنوان القسم افهموا رواحكم ...
وحقيقة مقصودة وضع الموضوع عن الفصحى في قسم التداول للعامية ...
اواااه فاميلتك قور ولا يستقورو؟؟
ربي يبارك في لسانهم الفرنسي ( لمزية خلاو لسانك عربي ههه)
هههه والله ضحكتني عايلة هايلة ..ممكن حجة مفرنسة عادي تصرا ..
خليهم في تطورهم وخليني في تخلفي الله يبعثلنا حجة ياربي رانا نمووووتو ع العربية...
شكرا ربي يحفظك اخي الفاضل ..
 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#5
السلام عليكم
اييه شوفو شكون جا يزورنا هنا في قسم واش راك تهدر مرحبا مرحبا
قبل ما ندخل في الموضوع اذا نتي تحسي نفسك ناقصة في الفصحى ولازمك مطالعة مالا انا واش نقول هههه
راني قسم النقاش قريب من عام لعام باه ندخلو نشارك فيه لدرجة لساني يتعوج وانا نحوس على الكلمة المناسبة
والله موضوعك في محلو وشبعت ضحك وانا نقرا ههههه عندك كلمات يشبهو شوي لتاع ليليا هههه
والله عندك الحق حبيبتي أحلام ولاد اليوم يفتاخرو كي يعرفو اللغات الأجنبية ويحشمو باللغة تاعهم وماعلابالهمش
بلي اللغة العربية اصعب اللغات في العالم والدليل رانا عرب وقرينا الفصحى من الصغر ومازالت للآن كي نقرا
كتاب ما نفهمش العديد من الكلمات وهذا دليل أنو لغتنا عندها قيمة كبيرة وتحتاج تعب كبير
نشوفو مثلا صحافي في التلفاز يحكي بالفرنسية مليح نفرحو بيه كي يحاور الأجانب وهو كن يجيه واحد من
البلدان العربية يحكي معاه فصحى يبقى حال فمو ويبدا يتلعثم، يعني عيب شخص عربي وتربيت على اللغة العربية
وتهردها كي تجي تتكلم بلغتك وماش حتى لغتك راهي لغة القرآن يعني هل كاين شرف اكتر من هكا؟ كاين أجانب
غير يدخلو الاسلام يتعلمو اللغة العربية يقولك حب نقرا القرآن باللغة تاعو الاصلية وحنا نحشمو بلغتها
اللغة الاجنبية مليحة كذلك تساعدك على التواصل مع الناس الاجانب ولكن أنك تفضلها على لغة بلادك هادا امر ماش مليح
يعني توصلت حتى تروح لبلدان عربية وتتكلم مع عربي كيفك بالانجليزية او الفرنسية باه تبان متطور وقاري وفاهم
وانا في نظري لي يعرف لغة الناس ولغتو ماش عارفها يبقى هادا اكبر تخلف
شكرا حبيبتي احلام على الموضوع وان شاء الله نشوفوك مرة اخرى هنا
تحياتي
اهلا بنتي كي راكي ؟؟
ها قلت نزورك كل سنة مررررة باه ماتزعفيش هههه
الله يسمنك حنونة..ارواحي ندو لساناتنا لــ (لاتولي ) يسقمهم ههه.
ايا لمزية عندي لشكون نشبه ليلوش كابريسة اللمة ، وقبيلا لقيت حاجة مشتركة مع @باتنية و نص وزدت حطيت رد في موضوعين نلقاك تقول تقري في افكاري نولي نضحك ونقول هذي المصيبة راهي تخربش في مخي وتنقل عليا ههه ربي يحفظهم ويحفظك..
الصحافيين نتاعنا ثم حبسي ( سطل تعليق)..يصح نتاع الجزيرة (بكري ) والعربية والقنوات الرياضية بيان سبورت وجماعتها ثم تلقايني نسمع ونستمتع صح ..الله غالب يخربشولي أذني الحساسة خخخ..
الحق يقال من تعلم لغة قوم أمِن شرّهم ..لكن لا ان تلبس عباية خاطياتك وتقول شوفوني شباب ولا لا ؟؟
نتعلم اللغات للحاجة القصوى ولتماشي العصرنة والتكنولوجيا لكننا نبقى عرب ولساننا عربي رغم اختلاف اللهجات والاجناس..
شكرا ع المرور العسل يا حلوة..
حفظك الله وأسعد قلبك ولسانك بكل حرف عربي تتلفظين به قراءة للمصحف او ذكرا...
 
إنضم
5 جانفي 2017
المشاركات
3,486
الإعجابات
10,797
النقاط
1,441
العمر
22
الإقامة
Jijel
الجنس
أنثى
#6
السلام عليكم
عههههههههه قمر هنا يااا عيني باينة متحملتيش وكتبتي بزاف جمل بالعربيجة الفصحى راني نشوف فالدرجة عندك مكسرة هههههخخخههه
شوفي أنا لا علاقة بالفرونسي و نكرها بصح اللغات ملاح تتعلمهم راني مع الانجليزية راسي تكشرد لغويا ههههه بصح تلقاني نقول لروحي " علاه نحوس نطور نفسي فلغة اجنبية و لغة الضاد تاعنا اغلبها منفهمو فيها والو الحروف مننطقوهمش مليح تقول دارجة هههه " هذا ماش خطأنا للاسف علمونا هكذا نحتقروا لغتنا و بلادنا الكل و نركضوا وراء اشياء تجيب العار لينا و ترد اللور كتر
حتى وكي تكون تهدر لغة عربية فصحى تبانلهم فيلسوفة من العصر الجاهلي هههه و كي ما تعرفيش تهدري فرونسي بالنسبة لهم فضيحة من العيار الثقيل هههه و تسمى أميا هههه
هذي هي اختي ڨمرونة ^^ و مرسي على الموضوع كثري الدارجة ههه
 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#7
السلام عليكم
عههههههههه قمر هنا يااا عيني باينة متحملتيش وكتبتي بزاف جمل بالعربيجة الفصحى راني نشوف فالدرجة عندك مكسرة هههههخخخههه
شوفي أنا لا علاقة بالفرونسي و نكرها بصح اللغات ملاح تتعلمهم راني مع الانجليزية راسي تكشرد لغويا ههههه بصح تلقاني نقول لروحي " علاه نحوس نطور نفسي فلغة اجنبية و لغة الضاد تاعنا اغلبها منفهمو فيها والو الحروف مننطقوهمش مليح تقول دارجة هههه " هذا ماش خطأنا للاسف علمونا هكذا نحتقروا لغتنا و بلادنا الكل و نركضوا وراء اشياء تجيب العار لينا و ترد اللور كتر
حتى وكي تكون تهدر لغة عربية فصحى تبانلهم فيلسوفة من العصر الجاهلي هههه و كي ما تعرفيش تهدري فرونسي بالنسبة لهم فضيحة من العيار الثقيل هههه و تسمى أميا هههه
هذي هي اختي ڨمرونة ^^ و مرسي على الموضوع كثري الدارجة ههه
اهلا اهلا..وعليكم السلام ورحمة الله وبركاته..الله غالب قلتلكم اسمحولي على كلمات الفصحى ههههه...هاواش ندير نكتب ونكسر ساعات ننسى روحي خخخ
اهيه تعلمي لغة الغير عادي بصح مع لعرب اوقف معوج واهدر مليح كيما يقولو مش العكس
...علمونا نكرهو لبلاد وننتقدو العباد ( كيما ضرك هه) وننسلخو من جلودنا ونتبعو الغباء و...و...و...
واحنا شكون تبعنا؟؟ ويجو يعلموك ( انا عربي العربية لغتي الاسلام ديني والقرآن لساني ....)وهوما الدارجة دايرينها فصحى والاسلام مايعرفو عنو والو ( لالا يسمعو بتعاليمو بصح مايطبقوهاش؟؟)
والقرآن نهار يحفظ واحد كتاب الله يهللو ويقولو ايه ماشاء الله حافظ القرآن؟؟ علاه انت منين جاي ؟ زدت اليوم؟؟ ها احفظ مزالك صغير وراسك واش فيه؟؟(التبن ؟؟)..
...
مرحبتين الزوينة لالاالدارجة خليها غير للتعامل المباشر ههه نحب نكون من العصر الجاهلي وأنا نكتب ومايهمش شكون يقرا اذا ماقراوش ألف يقرا واحد ثمة وصلت لهدفي..
ميرسي حنونة وكثريلي من الفصحى هههه
 

GI Joe

:: عضو مُتميز ::
إنضم
9 أفريل 2010
المشاركات
1,184
الإعجابات
1,178
النقاط
71
الجنس
أنثى
#8
bravo ki derti l effort w hdarti b dardja, ana fel fossha li mtaafia hh
rana fi moudjtama3 li yjuji l 3abd 3la loughto, t imagine trohi l playess tahedri normal djazaaaaaairi may9aymoukech mais tahedri en français ykhafo w ywelou ylahelho??? goolili t3ichi kifeh les jeunes mayetkhal3ouch biha?? aw maalich ykoun mtafi yweli yel3eb roho b 2 kelmet ghaltin bech yheeff ness !! mahomch dayrin confiance fi rwahom w zed djat djma3a ta3 ba3dou lhih hna developé nahedro fr w anglais dnc m cem tetegress had l hadja malheuresement, tfol sghir meskin teteghresslo que l arabe ta3 takhalof !!

doooka nahder 3la rohi, 3andi mouuchkil 3awiss hh mana3refch ndir djomla tchebeh en arabe maais bon ça veut pas dire hachma wala nn loin de là
ki y3aytoli f telephone nebda l appel b "oui marbahan" w nkemelha b "illa li9aa" w l hadra tkoun 3arbia moufarnassa w mayhemnich kifeh ychoufouni ness la djahla wala nakra loughat l 9oran na3ref rohi w ya3eroni li yheboni :)
 

ميسم منصور

:: عضو مُتميز ::
إنضم
1 ماي 2016
المشاركات
667
الإعجابات
1,650
النقاط
51
الإقامة
عَّنِّاٍّبّْةْ
الجنس
أنثى
#9
ههه ياو تباني واعرة ختي نص الموضوع راح في الضّالات (ما نعرف اذا فهمتيها) :giggle:
المهم عندك الحق في واش قلتي ياو اذا تغلطي و تهدري كلمة فصحى تقول درتي جريمة يقولولك مين جاية و ما نعرف واش
هه و لي يهدر بلغة المستعمر تبانلهم مثقف .. ما نعرف مين جابوه هاذ القانون سبحان الله؟
و الله كي يهدرو هكاك ما نعرف علاه نشفق عليهم و يغيضوني :cry: نحسهم جاهلين ياسر
مي المشكل الكل ولاو يقدرو لي يطيشلهم قطعة بلغة اجنبية تقول طلّع صاروخ
انا عن نفسي لا استغني عن اللغة العربية هه و بودّي التعرف على كافة اسرارها (غير الاعراب لا :p )

بوركت اخيتي على الموضوع .. يعالج ظاهرة منتشرة بكثرة مع الاسف
 

Malika Tlm

:: نجمة اللمة ::
إنضم
3 مارس 2014
المشاركات
3,837
الإعجابات
11,097
النقاط
191
#10
السلام عليكم
واش نقولك ياختي التقدم الاعوج
تلقايهم يحكيو فرنسية مع ولا د هم
تعرفي مرة كنت نشر ي حوايج تلاقيت وحدة معاها بنت صغيرة مول الحانوت عطاها حلوي ماها قالتلها قوليلو ميرسي كلاني لساني قلتلها قولي شكرا بنتي حنا عرب ماها قاتلي بكل فخز زعما طلعت صاروخ لا لا بنتي تعرف تحكي فرونسي ر اها موالفا عباد جاهلين
صحا يقولك من تعلم لغة قوم امن مكرهم اوك
مي ر ان ا نشوفوا الناس ولادهم صغار يطلعوهم علي اللغات الاجنبية عندهم فخر زعما
الله يهدي عبادوا
تحياتي ختي
 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#11
bravo ki derti l effort w hdarti b dardja, ana fel fossha li mtaafia hh
rana fi moudjtama3 li yjuji l 3abd 3la loughto, t imagine trohi l playess tahedri normal djazaaaaaairi may9aymoukech mais tahedri en français ykhafo w ywelou ylahelho??? goolili t3ichi kifeh les jeunes mayetkhal3ouch biha?? aw maalich ykoun mtafi yweli yel3eb roho b 2 kelmet ghaltin bech yheeff ness !! mahomch dayrin confiance fi rwahom w zed djat djma3a ta3 ba3dou lhih hna developé nahedro fr w anglais dnc m cem tetegress had l hadja malheuresement, tfol sghir meskin teteghresslo que l arabe ta3 takhalof !!

doooka nahder 3la rohi, 3andi mouuchkil 3awiss hh mana3refch ndir djomla tchebeh en arabe maais bon ça veut pas dire hachma wala nn loin de là
ki y3aytoli f telephone nebda l appel b "oui marbahan" w nkemelha b "illa li9aa" w l hadra tkoun 3arbia moufarnassa w mayhemnich kifeh ychoufouni ness la djahla wala nakra loughat l 9oran na3ref rohi w ya3eroni li yheboni :)
هههههه ايا مليح حاولي تهدري فصحى ونحاول نهدر دارجة..وي راني معاك في انو التعامل ساعات يستوجب اللغات الأجنبية وزيد انا نقصد نفهمو لغتنا ونعتزو بيها مش لدرجة نهدرو فصحى في كل وقت ( علاه انا نهدر بيها :Love:ههههه) بصح على الاقل كي نقراو ولا نسمعو مصطلح بالفصحى ماتحكمناش عرقة ماروكو :ROFLMAO:ونسافرو لكوكب البحث عن لغتي الحبيبة..من تعلم لغة قوم أمن مكرهم فكذلك الغرب انهالوا على لغة القرآن يفسرون دروبها وضروبها ليكتشفوا اعجازها وهي اصعب اللغات تشعبا وتشبعا بمفرداتها ومترادفاتها ومتضاداتها فيكفينا فخرا ان القرآن نزل باللغة العربية ...
اوااه ليجان نتاعنا مخلوعين بكلشي حتى برواحهم ههههه:D
هههه عجبتيني بمرحبا والى اللقاء;)
ماعليهيش احكي كيما تحبي وواش يخرج على مجتمعك ..اكيد العلم ماعندوش حد..موفقة
واكيد احنا ثاني نحبوك كيما راكي ورانا نعالجو في مشاكلنا هنا برك..
حفظك الله وأنار دربك عزيزتي..

;)
 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#12
ههه ياو تباني واعرة ختي نص الموضوع راح في الضّالات (ما نعرف اذا فهمتيها) :giggle:
المهم عندك الحق في واش قلتي ياو اذا تغلطي و تهدري كلمة فصحى تقول درتي جريمة يقولولك مين جاية و ما نعرف واش
هه و لي يهدر بلغة المستعمر تبانلهم مثقف .. ما نعرف مين جابوه هاذ القانون سبحان الله؟
و الله كي يهدرو هكاك ما نعرف علاه نشفق عليهم و يغيضوني :cry: نحسهم جاهلين ياسر
مي المشكل الكل ولاو يقدرو لي يطيشلهم قطعة بلغة اجنبية تقول طلّع صاروخ
انا عن نفسي لا استغني عن اللغة العربية هه و بودّي التعرف على كافة اسرارها (غير الاعراب لا :p )

بوركت اخيتي على الموضوع .. يعالج ظاهرة منتشرة بكثرة مع الاسف
هههه واه مخبية لوعارة بين السطور وغير الواعرين اللي يفهموها طيارة ( كيفك );)
ها قلنا المهم كي نقراو ولا نسمعو الفصحى مانولوش حجرة ونحلو افامنا برك ههه
يعطيك الصحة على لسانك العربي
وربي يوفقك في التلذذ بجمالها ( ويجعل همتك مرفوعة وهمومك مكسورة خخخ وماكان لاه نكمل الاعراب)

وبوركت ع المرور الطيب...:Love::Love:
 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#13
السلام عليكم
واش نقولك ياختي التقدم الاعوج
تلقايهم يحكيو فرنسية مع ولا د هم
تعرفي مرة كنت نشر ي حوايج تلاقيت وحدة معاها بنت صغيرة مول الحانوت عطاها حلوي ماها قالتلها قوليلو ميرسي كلاني لساني قلتلها قولي شكرا بنتي حنا عرب ماها قاتلي بكل فخز زعما طلعت صاروخ لا لا بنتي تعرف تحكي فرونسي ر اها موالفا عباد جاهلين
صحا يقولك من تعلم لغة قوم امن مكرهم اوك
مي ر ان ا نشوفوا الناس ولادهم صغار يطلعوهم علي اللغات الاجنبية عندهم فخر زعما
الله يهدي عبادوا
تحياتي ختي
اهلا ملوكة..وعليكم سلام الله وبركاته..التقدم لعوج والناس لمعوجة ...
هههه والله قصة كون غير سكتت خير ..الله غالب الاساس مهدوم ومريض لانهم عندهم قلة ثقة وعدم اعتزاز بعروبتهم ولغتهم للأسف..
آمين ويهدينا اجمعين
بارك الله فيك..شكرا
 

Salah eddin

:: مشرف ::
طاقم المشرفين
إنضم
27 جانفي 2016
المشاركات
9,632
الإعجابات
40,378
النقاط
1,151
الإقامة
الجلفة
#14
السلام عليكم و رحمة الله وب ركاته

راني نعرف نهدر بالفصحى زين ههه بصح مادامنا في ركن " واش راك تهدر " نهدرلك بالدارجة

ضرك اما صراحة قريت الموضوع و ما فهمتش القصد وين ههه

يا هل ترى راكي تهدري على اهمال اللغة العربية في الوسط ... او تهدري خصيا على السيد هذاك الي في الامتحان

المهم حسبما فهمت ... صاحبنا هذاك موش معتز بلغتو ... الله يسهل عليه ... باين اصلا ما يعرفلهاش .. و يبدا يضحك كي يسمع كاش واحد يهدر بيها لانو ماهمو فاهمها قاع و قيلا

قاشي عاجبو الحال مع الفرونسي ... مليح كي تتعلم الفرنسية ... بصح ما تهملش الاصل تاعك و ما تبيعش دينك

الله يهدي و خلاص

و ضحكتيني كي قلتي شعر الفكرون ههه اصلا الفكرون ق طسطاسة ههه لا شعر لا لحية ههه
( قلتلو باينة من شعر الفكرون وظفار القط ولبستك يا وجه العمى)(آسفة)..
شكرا على الموضوع

 

قمر الوادي

:: نجمة اللمة ::
إنضم
22 فيفري 2014
المشاركات
2,164
الإعجابات
5,052
النقاط
111
الإقامة
أرض الخير
الجنس
أنثى
#15
السلام عليكم و رحمة الله وب ركاته

راني نعرف نهدر بالفصحى زين ههه بصح مادامنا في ركن " واش راك تهدر " نهدرلك بالدارجة

ضرك اما صراحة قريت الموضوع و ما فهمتش القصد وين ههه

يا هل ترى راكي تهدري على اهمال اللغة العربية في الوسط ... او تهدري خصيا على السيد هذاك الي في الامتحان

المهم حسبما فهمت ... صاحبنا هذاك موش معتز بلغتو ... الله يسهل عليه ... باين اصلا ما يعرفلهاش .. و يبدا يضحك كي يسمع كاش واحد يهدر بيها لانو ماهمو فاهمها قاع و قيلا

قاشي عاجبو الحال مع الفرونسي ... مليح كي تتعلم الفرنسية ... بصح ما تهملش الاصل تاعك و ما تبيعش دينك

الله يهدي و خلاص

و ضحكتيني كي قلتي شعر الفكرون ههه اصلا الفكرون ق طسطاسة ههه لا شعر لا لحية ههه


شكرا على الموضوع

اهلا اهلا بناس الجلفة..
ياو نحكي على الاهمال وعدم الاعتزاز بلغة القرآن وهذاك بوجهلون حبيت نجبد بيه القصة ونديروا مثال ولا عينة لشبيبتنا الله يصونهم ...
انا الجنون نشوفها قدامي كي يقلي واحد عربي مانفهمش كلمتين بالفصحى هذو الكلمات الساهلين يعني لوكان تخرجهالو بالكلمات المعقدة والمركبة يركبوا الجن ويولي حجرة؟؟؟
لالا هذاك وهي وغيرهم عينة لاصحابهم في لاصال ونظن عينة لفئة كبيرة من المجتمع والضحك مش على الهدرة في الوجه اكيد راح نستغربوا اذا كانت مش في محلها بصح تضحك على كلمات مكتوبة بالفصحى ؟؟ علاه طالياني ولا جابوني ؟؟
هاك جبتها معانا تعلم لغة الغير وماتهمل لا تبيع لغة دينك..
هههه فقتلها يا عفرتوت خضراكوس
قريتها جيت نعدل ماحبتش قلت شعر القنفود وجات فيالفكرون مسكين ديما فيه السب هههه
ماعليهش ديجا قلتها في قلبي
ايا ميرسي بوكو على الرأي نتاعك والتنقيب ثاني ههه
 

amroo47

:: عضو منتسِب ::
إنضم
16 نوفمبر 2017
المشاركات
5
الإعجابات
4
النقاط
3
العمر
25
الإقامة
alg
#16
هدا هو واقعنا المرير يا اختي
اصبحنا في زمن من يتكلم بالعربية يسمى ( كافي)
ومن يتكلم بالفرنسية مالغري مدقدقلها جد باباها يسمى ( مثقف الله يبارك )
مشكورة اختاه تقبلي مروري