ناس و ناس

[أسينات]

السلام عليكم و رحمة الله و بركاته

مانيش موالف نكتب مواضيع ياسر في الركن العام ... لكن حبيت هذي المرة برك نجرب نكتب و نشوف ...

بسم الله ....
حنا عادة ننتقدو التصرفات تاع الناس و نحاولو نحطو الظواهر " المدرحة " تحت المجهر و نشوفو الآراء و المداخالات المختلفة حول هذا الشي ...
لكن اليوم حبيت ندير العكس ... قلت نشوف كاش ظاهرة زينة و حميدة ... و نحاول نسلط عليه الضوء و نشوفو اذا نتوما ثاني لاحظتوها ولا لا ...
كاين نوع من العباد ... أقل ما يقال عنهم ... أنهم ناس متحضرين و راقيين و الله يبارك

مثلا ... يهدر معاك في المعقول ... يقسر معاك و يضحك معاك بصح في حدود ...

ما يحاولش يسقسيك على حاجة أنت ماكش حاب تحكي فيها ....

مثلا عندما يطرح معاك موضوع ... و يشوف ما عندكش القابلية باع تدي معاه و تجيب في هذاك الموضوع .. يبدل و يشوف وجهة اخرى

كي توريلو كاش صورة في تلفونك و تقولو " شوف هذي " ... يشوف هذيك الصورة برك ... و ما يروحش يقلب و يشوف الصور الاخرى

كي يصوني تلفونك و هو في يدو ... ما يشوفش شكون الي يكلم فيك ... يعطيك ديراكت التلفون
و كي تهدر في التلفون ... ما يسقسيكش مع من هدرت و لا وش قالولك
...
يعني هذا النوع من العباد ... ناس راقية و فاهمة و عارفة حودوها

و اذا عندكم ناس تعرفوهم فيهم هذي الصفات ... حافظوا عليهم لأنهم من النادر تلقاوهم

و السلام عليكم
​

موضوع اكثر من رائع فعلا يستحق تسليط الضوء عليه …قليل جدا ان تجد شخص بكل المواصفات كل صديقاتي لا توجد فيهم هذه المواصفات وانا اتقبلهم رغم دلك ليقيني ان الصديقة المثالية غير موجودة … فمن يبحث عن صديق خالي من الاخطأ عاش وحيدا

 

[Salah eddin]

أهلا حبيبي صلاح
و الله جيت على الوتر الحساس
نعرف راجل يعني رااجل بأتم معنى الكلمة
لو تكلمت أمامه عن أي واجب يقول لك أنا معاك
لو ذكرت أي مريض يزوره
لو وجد صاحب سيارة سيارته معطلة يترك ما في يده و يقدم المساعدة
لو وجد غرباء في البلدة لقدم لهم العون
لو وجد عابر سبيل لرحب به و أكرمه
إذا دققت عليه الباب وقت الأكل ستدخل و تتناول معاه ما كان يأكله
في رمضان تجده يتحسس الطريق ربما هناك من تأخر عن الإفطار فيكرمه
سباق قي تنظيف المساجد
سباق في الاصلاح بين الناس
و العجب أن صاحبي عاطل عن العمل و بدون دخل

وهناك ظواهر سلبية أصبحت منتشرة بسبب قلة الوعي و نقص الأخلاق و أحيانا تعمل
كنوع من النية و الهبال و الكارثة هته الأقتحامات لم تنحصر في الهواتف أو الكلام بل وصلت
إلى إقتحام البيوت و غرف النوم
فتجد ولد خالت عمت جدك يأتي يوم العيد من أجل الجدة أو صهر أخ زوج أختك
و لا يتوقف في الصالون بل تجده يمر إلى منطقة وزارة الداخلية و هو المطبخ
و الله حتى أني رأيتم يفتحون الثلاجة و يأخذون منها الأكل و الماء و يجلسون في المطبخ
بل يقتحمون البيوت في أوقات حرجة جدا كالأعراس و القيلولة و في الليل
بسبب القرابة و ينسى أنها قرابة بعيدة و عندها حدود و أوقات

صحيح اخي امين

العطاء و السخاء ... لا يقتصر على الاغنياء ... انما حتى البسطاء من القوم يمكن ان ينالو حظا من السخاء
و الكريم وين كان تلقاه يعرف حدودو و مولى اصول
و كاين من الناس كيما قلت ... لاحيا لا حشمة
الله يهدي
شكرا​

 

[Salah eddin]

وعليكم السلام ورحمة الله
وكيما قالو لولين عاش من عرف قدره
وقداش تعجبني النوعية هاذي من الناس والناس هاذو هما للي يفرضو رواحهم عليك ويفرضو عليك باش تحترمهم وتقدرهم وترفعهم اكثر
والاخلاق والتصرفات للي ذكرتها في موضوعك صلاح كلها تجي من العزة تاع النفس و الانسان الي عزيرة عليه نفسو ما يوصلش روحو وديما يكون حريص ومايقدر يحير حتى شخص ولو بمثقال ذرة

وبالصح ثاني كاين تصرفات ساعات نشوفوها حنى اخطاء وتجاوزات ولكنها في لحقيقة تكون من حسن نية

يعطيك الصحة خويا دحمان
صح ساعات تصرفات خاطية تكون عن حسن نية
لكن ... اذا كان مولاها معروف عليه حست التعامل اكيد رايحين نعذروه
شكرا خويا​

 

[Salah eddin]

ايه ماشاء الله على الناس الفاهمة والعاقلة نحب هذا النوع ....
المشكلة انه الكل يقول انا من هادا النوع وين راحوا هادوك ؟؟

ههه
وش قلقلك نتا اصحابي
ههه
احمد ربي لي كاين ياسر ناس من هذا النوع​

 

[Salah eddin]

هاي الفئة بتنحط ع العين والراس والله

قليل ما اعطي تلفوني لحدا وما يعمل جولة فيه
مشكور عالطرح

شكرا اختي على ردك الجميل
شرفينا بمرورك ساعة على ساعة
​

​

 

[Salah eddin]

موضوع اكثر من رائع فعلا يستحق تسليط الضوء عليه …قليل جدا ان تجد شخص بكل المواصفات كل صديقاتي لا توجد فيهم هذه المواصفات وانا اتقبلهم رغم دلك ليقيني ان الصديقة المثالية غير موجودة … فمن يبحث عن صديق خالي من الاخطأ عاش وحيدا

صحيح ... فئة قليلة تستحق حسن المعاملة
الله يرزقك نشالله بأصدقاء كيما هاك هه
و من يبحث عن الكمال خاب سعيه
شكرا اختي

​

 

[salah.f]

ههه
وش قلقلك نتا اصحابي
ههه
احمد ربي لي كاين ياسر ناس من هذا النوع​

مجرد سؤال بريء على ما أظن راهم سكان زمبابوي
ايه الحمد لله كاين بزاف هههه

 

[Tama Aliche]

السلام عليكم و رحمة الله
هذا موضوع هايل ^^
ايه ركزلي على كي توريلي لكاش ةاحد فوطوا يحوس يشوفهم كامل هههههه هذي الظاهرة موجودة و بكثرة للاسف هههه
بلا ما نقولوا حنا و حنا الصراحة لازم عقلنا يعاود يتنسطالى على التنظيم و الفكر السليم و الراقي. ، خاصنا نفهموا حاجة حاجة متعجبكش لوكان يديروهالك ليك اودي متديرهاش للناس
مثلا : تاع كي يعيطولك فتيليفون و يقولولك شكون عيطلك تتقلق انت مالا اعرف بلي الناس تان تتقلق كي تسقسيها هذا السؤال ( كما انت كما الناس )
هذي هي و مرسي عليك

 

[Tama Aliche]

@ميلينا
@Malika Tlm
@aljentel
@Twinkle Stars
@لؤلؤة قسنطينة
@محمد التبسي
@قمر الوادي
@Soumia hadj mohammed
@chirine zina
@dahman kz
@قلم مغرور
@ملامح شاعر
@صمت المشاعر
@الامين محمد
@ربي اغفرلي
@صدام بكل فخر
@بشرى ملاك
@الصحافية الساخرة
@السحاب العابر
@الأزرق الملكي
@حلم كبير
@rycerz
@سلام نفسي[/US
@*حزن النبلاء*
@ليليا مرام
@يزيد 05
@أم ياسمينdz

شكرا على الاشارة
ومتنساش حتى انا فمواضيعي ديرلي اشارة للڨروب هذا من القاشي واش قال صلاح القاشي هههه

 

[Salah eddin]

السلام عليكم و رحمة الله
هذا موضوع هايل ^^
ايه ركزلي على كي توريلي لكاش ةاحد فوطوا يحوس يشوفهم كامل هههههه هذي الظاهرة موجودة و بكثرة للاسف هههه
بلا ما نقولوا حنا و حنا الصراحة لازم عقلنا يعاود يتنسطالى على التنظيم و الفكر السليم و الراقي. ، خاصنا نفهموا حاجة حاجة متعجبكش لوكان يديروهالك ليك اودي متديرهاش للناس
مثلا : تاع كي يعيطولك فتيليفون و يقولولك شكون عيطلك تتقلق انت مالا اعرف بلي الناس تان تتقلق كي تسقسيها هذا السؤال ( كما انت كما الناس )
هذي هي و مرسي عليك

شكرا اختي الصحافية على مرورك الجميل
صح الواحد لازم يحب لاخيه ما يحب لنفسو
و لكن هيهات
ههه
شكرا على مرورك القيم​

 

[Malika Tlm]

السلام عليكم
خويا ربي يجازيك
تعرف كاين عباد فضوليون انا نعرف وحدة زعما ر ان ي نحكي مع ختي تجي تدخل ديراكت هههه علامن راكم شكون واش بيه هههه نبقي غي نشوف فيها ومستعجبة
انا واعوذ بالله من كلمة انا منحوس ندخل فامور خاطييني من تدخل فيما لا يعنيه سمع ما لا يرضيه
تحياتي اخي
تجياتي

 

[Salah eddin]

السلام عليكم
خويا ربي يجازيك
تعرف كاين عباد فضوليون انا نعرف وحدة زعما ر ان ي نحكي مع ختي تجي تدخل ديراكت هههه علامن راكم شكون واش بيه هههه نبقي غي نشوف فيها ومستعجبة
انا واعوذ بالله من كلمة انا منحوس ندخل فامور خاطييني من تدخل فيما لا يعنيه سمع ما لا يرضيه
تحياتي اخي
تجياتي

و عليكم السلام
اهلا اختي مليكة
صح الواحد يتجنب امور خاطياتو خير
لان من حسن اسلام المرء تركه ما لا يعنيه
جزاك الله خيرا اختي
بارك الله فيك​

 

[قلم مغرور]

موضوع ايجابي ومميز كمن هم ايجابيون ومميزون في حياتنا
و الحمد لله ان وهبني الله 3 اصدقاء و أنا فينا من الصفات ما كتبت