ربحتوا غير الذنوب ..

الصحافية الساخرة

:: عضو بارز ::
أحباب اللمة
إنضم
5 جانفي 2017
المشاركات
3,482
نقاط التفاعل
8,102
النقاط
946
العمر
28
محل الإقامة
Jijel
الجنس
أنثى
السلام عليكم و رحمة الله

تخونك الكلمات و يضيع لسانك ، و القلب المتضرر نامبر وان :cry:

و الله طاحتلي الدمعة اليوم كي رانا نشوفوا فالرخس و ساكتين

واحد يديرلك فيديوا ما نسوطيش و واحد راه زعفان

حطوا الخماج كامل فالدولة و اللي حاكمين

زعما يقولوا كلمة الحق و يحبوا البلاد ، ايييه فهمنا

و الشعب اللي رخاس حاشا البعض ماشي كامل


ايه حطوا عينيهم غير على وزير كي عوج كلمة و خرجوا فيه العجب

شافوا وزيرة الثقافة كي شطحت في عرس

شافوا او يحيا كي طلع وزير اول و رجعوه طحان و سراق

شافوا غير للسياسة ، كلاشي فالدولة و زيد ايه

غني على الرايس و طيح الكلام

كيما تحب ، رانا فايقين ماناش جايحين

تجي تنعتلنا أنت غير البارح وين تخرجت من الجامعة


كي داير هذا الشعب و اللي يشركوا في فمهم


حتى أنت كفنان راك تاكل فرزق ماشي من حقك

كي تروح تعوجلي لاطاي تاعك باش تدير حلقة من مسلسل تاع رخس

واش دراهمك حلال ؟ مندخلوكش مع جماعة اللي باغيين يغرقوا

البلاد ؟

عميتوا على الرخس و الخماج اللي دخلوه للبلاد

واحد يغني من تحت الصرة و وحدة بكلام العيب تشبح فالغرجومة تاعها

ومتحشمش ،، وينهم الرجال لوكان كاين رجال صح والله ما خلاوا

الشاب جليل و المخنثين من أمثاله و الغناء تاع الخماج يبان

على التلفزيون ، تشطحلي فالكباري و تعري و تجي تنشر خماجها فكل بلاص

افطنوا واش حابين يرجعوا بلادكم تاع خماج راهم يدوخوا فيكم

اللي يجي يفتيلك باربع دقايق و يتفلسف ومن بعد غدوا

تلقاه متصور مع عريانة و يخمس على اللي هدر فيهم البارح

واش يسوى ؟

هذوا اللي يشركوا في فمهم كل يوم حلقة جديدة فلا فايدة

زعما يحبوا بلادهم ، ياو غدوا تجيههم اوكازيون باش يخرجوا من البلاد يولوا

يجروا ..

كي تخلى واش يفكخا هذوا الضفادع ؟ ولا الهدرة تاعهم

آخرتها ياكل المطرق انت يا الضعيف و تترخس النساء

كما اللي فاتوا و تخربت حياتهم كاملة على جال عباد ما تفهمش

اللي حاب الشهرة يشوف جهة خلاف ياو شبعنا

حابين نعيشوا في سلام طرطقتولنا ودنينا كل يوم غنية جديدة

راها فانية ما يدوم حتى شي ، اللي سرق و اللي قطع في واحد

، اللي كذب و حب يدير الفتنة والله علابلنا بكلشي راه يصرى

علاه تظلوا تعاودوا فهدرة مافيها حتى فايدة ، شغل ذرع حابين تديروا

فوضى ..

اخطونا ، هذي ماشي حرية تعبير ، هذي فتنة راكم تديروا فيها

راكم تشوشوا فعقول الشباب و تلعبوا بيهم شكون يصدقوا راها تخلطت

علينا كامل ،، حبسوا الهدرة ،، حبسوا ..

هنا كنتم و غدا تحت التراب تعرف بلي خسرت عمرك و طاقتك

في لا شيء ،، ربحت الذنوب ،، ربي يهدي الجميع

و ربي يحفظ بلادنا و اللي باغي الشر يلحق ببلادي يا ربي رد

كيده في نحره يااا رب


"فطوم"
 
السلام عليكم ورحمة الله وبركاته
والله يا فاطمة نرفعلك القبعة يعطيك الصحة يعطيك الصحة
قلتي كامل واش في قلبي، السياسة معوجة صح والنظام مخرب صح بصح يا درا نتا ونتا لي تهدرو في الحكم والسياسة
لو يحطوك في بلاصة الناس هادو لي خربو هل رايح تصلح؟ شوفي ناس فيهم غير اللسان، ويعرفو التغيير في الغير
أما في نفسهم لالا، يقولك كاين فقراء في بلادي ماعندهمش واش ياكلو وهو يشوف جارو ضايع لقمة ماعندوش
ويروح يصرف دراهمو في حفلات الشطيح والرديح، يشوف ختو ضايعة طرف خبز ماعندهاش باه توكل ولادها
يقولك واش عندي فيها عندها راجلها يعني حنا بعد مدايرين الشر في بعضانا ونحوسو الدولة تدير فينا الخير
وكيما قلتيها واحد حط فيديو مانسوطيش زعما على الفوط قلنا نورمال، بالاك يفطن في الشعب باه مايفوطيش
هيا زاد التاني تعاند عليه تقول ضراير هههه ودار فيديو راني زعفان، هيه يا سيدي راك زعفان رانا معاك بصح علاه ماراكش
زعفان كي تخرج برا مع ختك وتسمع الكلام الفاحش في كل بلاصة علاه ماراكش زعفان كيما قلتيها الشعب
يسمع في فنانين الفسق وعاجبهم الحال، صحيح أنك تزعف ولكن تقدر تغير العوج من عندك وتبدا بنفسك
علاه الطب كي راهو متدهور ماشي الاطباء لي مسؤولين عليه؟ والتعليم ماشي المعلم لي مسؤول عليه صح وزارة
الصحة والتعليم عندهم يد في تطوير المجتمع ولكن حنا تاني مسؤولين عليها، وزيد لي يقولك راني زعفان حنا رانا عايشين نعمة
مقارنة بالبلدان لخرين، كاين لي عايش في الحرب يرقد غدوة تطرطق في راسو بومبا تديلو عايلتو، حنا ينوض الصباح
على 12 يوقف في نص الطريق يعس في لي رايح وجاي والمصروف من عند باباه ويقولك راني زعفان كي راك زعفان
نوض اتحرك، صدقيني ناقصين احترام واخلاق مع احترامي للجميع ونحصلو كلشي في الدولة ونقولو رانا زعفانين
هيه زعفانين خاطر نص العيب فينا ونص العيب في الدولة بصح حنا بلا ضمير نحصلو كلشي في الغير
كن نكمل نهدر نزيد ندير موضوع هههه مالا نحبس هنا برك
شكرا فطومة على الموضوع
تحياتي

 
السلام عليكم
هاوليك أول موضوع ماخلطتيش فيه المواضيع ههههههههه
شفت يا ختي زعما حنا معلباناش واش راهو صاري باش هو يجي يقولنا
الشعب كامل علبالو مي المشكلة الشعب لي ماشي مربي
كيما قلت علاه مايعايرش الفنانين ولا المخنثين
علاه مايعايرش الاساتذة لي راهم يتغيبو بلا سبة ويطلبو من الدراري يجو يديرو ليكور عندهم بالدراهم
علاه ماهدرش كيما قلت على الأطباء لي يدخل للسبيطار غير بالمعريفة
وعلى الأطباء والممرضين لي راهم يسرقو فالأدوية ويعاودولها البيع
علاه ماهدرش على لي ينوض على 12 تاع النهار يروح يدراقي لبنات فالطريق وفلليل يبات شارب وزاطل
ياك ماشي الدولة لي راهي دير هكذا
انا قلتلك لي مافيهش الفايدة غير أرميه عليك
كيما هذا انس كان يعجبني شويا برك ضرك كمل عليها كامل هههههه
صحيتي ختي فطوم
 
السلام عليكم

أعتقد ان قصر النظر هو الذي جعلكم تضخمون الأمور لان البودكاستور هو يوصل رسالة فقط أو ينتقد آفة اجتماعية

بطريقته الخاصة استغربت لأنكم منزعجين من الفيديو فلازعفان ولافرحان سيخفي الكارثة التي وصلت إليها اللبلاد

حتى هؤلاء الشباب هم ليسوا معارضة حتى نقول انهم فتنة حتى المعارضة في حد ذاتها لاتوجد في جزائر كل الأحزاب هم بنات النظام

الشأن السياسي هو بعيد كل البعد عن هذه التفاهات الفيسبوكية فلا يجب ان نخلط الأمور و مصير البلد على شفى بركان

الجزائر اليوم تعاني بكل المقاييس و نحن سندخل في 2018 ولا نزال نعاني من تشتت سياسي و اقتصادي و اجتماعي و

في كل شيء أينما تنظر تجدها مخربة يعني حتى الفساد و النهب الذي كان في العقود الماضي أقل بكثير مما هو عليه اليوم

عندما نقول أن المجتمع فاسد ورخيس فالمجتمع هو نحن فمن قال إن الناس هلكوا فهو أهلكهم

هل كل واحد فينا يطرح على نفسه أسئلة يقيّم فيها ذاته إذا كان حقا إنسان صالح ويقدم نفعا لنفسه و لوطنه أم انه بدون فائدة .

 
السلام عليكم و رحمة الله و بركاته

على كل هذا الي دار الفيديو" راني زعفان " راه يعبر على وجهة نظر هو يشوف فيها

و واحد ما يقدر يقولو علاه ... و الي عندو راي يتفضل و يقولو و نسمعو رايو كيما سمعنا الاراء الاخرى

اما كي نقولو علاه ما هدرش على كذا و علاه ما هدرش على كذا ... صح ... هي كاين هذي الظواهر المدرحة

بصح في الحقيقة كلنا مسؤولون و كلنا معنيون بتغيير المنكر و باستنكاره

صاحب الفيديو على الاقل تجرأ و تحدث على امور و منكرات كاينة منها

لذلك ...هذا ما هوش سبب كافي باه ننتقدوه انتقاد لاذع ... السيد هدر على حوايج كاين منها و حقيقية 100% ...

اما امور اخرى ... هو حر ... يهدر عليها ولا ما يهدرش هذاك شغلو ... و هو ما سيفش على الناس باه تشوفو الفيديو تاعو ..هو نشرو في اليوتوب

و الي يحب يشوف يشوف ...

تقبلو مروري
 
عندك الصح صحافيتي الماهرة هههه
انا تان ماعجبنيش لا هو لا مانسوطيش..
سوطي ولا تخد انت وياه قاعدين تكشفو فينا قدام ڨاع العالم عند بالهم صراحة هادي كيما قال اخي @aljentel دع المخلوق للخالق.. كل واحد يخلص على واش دار وهدا واش ضيع لبلاد في عوض لي يروحو يخدمو لبلاد عاسين بعضهم ويعيرو بعضهم والعالم يسمع ويتفرج....
الله يهدينا وخلاص...
 
السلام عليكم
أعتذر على التدخل فقط حبيت ندير تعقيب على رد الأخوين
@habchisalaheddin و @الأزرق الملكي لأنو لقيت ردودهم متشابهة تقريبا
واستغربو لماذا جينا ضد فيديو أنس تينا وأنا حبيت نتكلم نيابة عن صاحبة الموضوع لأنو رأيي من رأيها تقريبا
أولا حنا مارانا لا ضد أنس تينا ولا ديزاد جوكر ولا لي يسوطي ولا لي يزعف ولا يفرح ولا حتى ضد الشعب
بصح الشي لي خلانا نتكلمو هكا هو بسبب هاد الشعب المنافق مع احترامي للجميع ولكن شعبنا منافق تاع الصح
ربما نأكد على آخر سطر قالو الأخ عصام أنو كل شخص يسأل نفسو واش قدم لبلادو وهادا هو لب الرد تاعي السابق خاطر هاد الشعب
قبل ما يقول راني زعفان واش قدم هو ساع لبلادو؟، ربما صح أنس تينا هو مجرد بودكاستور وصل آفة اجتماعية عن طريق مواقع التواصل الاجتماعي
ولي قبلو وصل رسالة ويجي واحد بعدو يوصل رسالة وآبوني وبارتاجي ومن بعد؟ وينهي النتيجة؟ هاد الناس راهم يلعبو على الوضع الحساس تاع الشعب
هادا أنس تينا ولا غيرو كي يخلص تصوير الفيديو يروح يرقد تحت الزورة في الدفء والزاوالي تاع الصح يبات يبكي ويتفكر مرارة معيشو، مالا اذا حاب
توصل فكرة مليحة أعطينا حل نطلعو بيه للقمر ماش تجي تحكيلي على وضع البلاد خاطر كامل عارفينو ومانحتاجوش لي يزيد علينا، اما فيما يخص أنو هادي تفاهات
فايسبوكية، والله يا أخي لو جات هاد الفيديوهات وصلت لناس مثقفين نقولك صح يعتابروها تفاهات بصح باه شعب دير معاه سبر آراء تقولو واش رايك
في الماهاتما غاندي كمدرب جديد للمنتخب الوطني ويزيد يجاوبك ويقولك نعم موافق عليه وهو لاعب جيد تما أعرف بلي راك تتكلم مع شعب مديه الريح
حنا كامل نعرفو أنو بلادنا راحت فيها وراهي في كارثة عظمى وراهي في طريق الانهيار ومانحتاجوش عبد يقولنا راهي رايحة تنهار نحتاجو عبد يديرلنا حل
مانحتاجوش عبد يبكي علينا ويقولنا راكم زواولة نحتاجو عبد يعاونا، وانا علاه قلت هاد الشعب منافق هاد الناس لي تقولك انا كذلك راني زعفان على بلادي
وزعما جايبو النيف على بلادو وهو مرتو تخرج بملابس مانهدرش احسن صار ماجاكش النيف على عرضك وشرفك يجيك النيف على بلادك، وهاداك
لي يتحجج ويقولك جايبيلنا ايليسا ونانسي عجرم وهو الأول لي يروح يرمي دراهمو عليهم ويتفرجهم، ردودكم راهي في محلها وصح البلاد راهي في وضع كارثي
وربما شخص حب يعبر على رايو عن طريق اليوتيوب ربي يسهل عليه ولكن لما يكون الشعب مثقف ويعرف معنى أنو يجيب حقو وأنو يغير نفسو لكن مع شعب كيما هذا
لي يروح يخسر مليون ونص على لي ماسك لوجهو ولشعرو (سواء ذكر أو أنثى) ويقولك راني زعفان هادا في نظري منافق وكن تقوم فتنة في البلاد والله كامل يهربو
للخارخ، حتى هاداك لي يدعي الوطنية، ربما ردي يحتمل الخطأ أو الصواب ولكن لي نعرفو لو هادو لي راهم يتكلمو على الدولة لو حطوهم في هاد المناصب الحساسة
كن دارو ما كثر خاطر الشعب بعد ماعندوش ضمير بينو وبين نفسو ومقصر في حق ربي ويحوس ربي يفرجها عليه
أعتذر على تدخلي حبيت نبين وجهة نظرنا فقط وكذلك هدفي المناقشة لا أكثر ولا أقل وربي يحفظ بلادنا من كل سوء
تحياتي
 
عندك الصح صحافيتي الماهرة هههه
انا تان ماعجبنيش لا هو لا مانسوطيش..
سوطي ولا تخد انت وياه قاعدين تكشفو فينا قدام ڨاع العالم عند بالهم صراحة هادي كيما قال اخي @aljentel دع المخلوق للخالق.. كل واحد يخلص على واش دار وهدا واش ضيع لبلاد في عوض لي يروحو يخدمو لبلاد عاسين بعضهم ويعيرو بعضهم والعالم يسمع ويتفرج....
الله يهدينا وخلاص...
الصراحة راحة و الساكت عن الحق شيطان أخرس
هي لخلات البلاد تزيد و تزيد
مناش مع الفتنة بصح رانا مع الحق كون جيت شير أنا تاني نخرج و نعبر عن شعوري
هما قالو الحق و نتوما حابين تقولو للعالم رانا أسعد الشعوب
باش رانا سعداء بالواوي واي بهواري منا و ريم الباتنية لكاشفينا بالفيديو نتاوعهم
بالغناء الهابط لولينا نسمعوه في ديار في البيس في الطاكسي وكي تهدر يقولك شكون قالك ركبي معايا روحي تمشي على رجليك
بالجيل الثاني لكتاب فيه درس و كتاب مافيهش
غير قولي و شمسو و انيس غادي وحدهم يخدمو البلاد كون منوقفوش ضد الفساد
النواب قبلو قاع القوانين يقلعو من الخلصة نتاع الزوالي إلا قانون الضريبة جاو ضده علاه لأنهم تقريبا الكل عندهم الحوانيت و الشركات
مناش أغبياء أختي
 
على هذي نكرهم نكرهم نكرهم بهالل
على بالنا بحال بلادنا وين وصلت منسحقوش لي يفكرونا
تعجبني فتاة مغربية كي نتفر فيديوهاتها دايما تقول منسحقوش لي يدير فيديو و لا يجي يحكي و يديرلنا كأااابة نسحقو لي يخلي هذا الشعب يخمم و يفكر كفاش يطور روحه
منسحقوش لي يقول شعب فيه و فيه و الرئيس نكرهوه
نسحقو لي ينعتو للشباب كفاش يدو بلادنا للقدام
اما هما برافو تصوير و غدوا تلقاه يدور مع كاش قناة و من بعد يزيد يطلع و يطلع و تطفر في لي سمعلهم الكلام اش دخلني فيك ولا في ه و لا في الراسة تاعكم كما جيتو اذا نسيتو انا نفكركم قوله صلى الله عليه و سلم /الفتنة نائمة لعن الله من ايقضها / و اذا نسيتو نفكركم بلي يخرج عن الحاكم عن ربي واش يسوى
رانا في بلادنا نصلو و نصومو و ندعو ربي واش خصنا و الفقر و الحقرى راها في العالم ماشي غير في دزاير
و انا نقولك نهار يتسقم الشعب بلادنا تتسقم
كي راني نخرج برا نشوف الشعب خاسر ماشي دزاير و ماشي الدولة و لي يحقر الشعب غير من الشعب
رايحة نسرقهالك *.*
 
الصراحة راحة و الساكت عن الحق شيطان أخرس
هي لخلات البلاد تزيد و تزيد
مناش مع الفتنة بصح رانا مع الحق كون جيت شير أنا تاني نخرج و نعبر عن شعوري
هما قالو الحق و نتوما حابين تقولو للعالم رانا أسعد الشعوب
باش رانا سعداء بالواوي واي بهواري منا و ريم الباتنية لكاشفينا بالفيديو نتاوعهم
بالغناء الهابط لولينا نسمعوه في ديار في البيس في الطاكسي وكي تهدر يقولك شكون قالك ركبي معايا روحي تمشي على رجليك
بالجيل الثاني لكتاب فيه درس و كتاب مافيهش
غير قولي و شمسو و انيس غادي وحدهم يخدمو البلاد كون منوقفوش ضد الفساد
النواب قبلو قاع القوانين يقلعو من الخلصة نتاع الزوالي إلا قانون الضريبة جاو ضده علاه لأنهم تقريبا الكل عندهم الحوانيت و الشركات
مناش أغبياء أختي
ڨاع من جميع الردود بانلك غير ردي لي ماعجبكش، قراي رد لؤلؤة لي قبل ردك تفهمي قصدي باسكو قصدت تماما واش راهي تقول ماشي كيما راكي فاهمة هدرتي...
 
السلام عليكم ورحمة الله وبركاته
والله يا فاطمة نرفعلك القبعة يعطيك الصحة يعطيك الصحة
قلتي كامل واش في قلبي، السياسة معوجة صح والنظام مخرب صح بصح يا درا نتا ونتا لي تهدرو في الحكم والسياسة
لو يحطوك في بلاصة الناس هادو لي خربو هل رايح تصلح؟ شوفي ناس فيهم غير اللسان، ويعرفو التغيير في الغير
أما في نفسهم لالا، يقولك كاين فقراء في بلادي ماعندهمش واش ياكلو وهو يشوف جارو ضايع لقمة ماعندوش
ويروح يصرف دراهمو في حفلات الشطيح والرديح، يشوف ختو ضايعة طرف خبز ماعندهاش باه توكل ولادها
يقولك واش عندي فيها عندها راجلها يعني حنا بعد مدايرين الشر في بعضانا ونحوسو الدولة تدير فينا الخير
وكيما قلتيها واحد حط فيديو مانسوطيش زعما على الفوط قلنا نورمال، بالاك يفطن في الشعب باه مايفوطيش
هيا زاد التاني تعاند عليه تقول ضراير هههه ودار فيديو راني زعفان، هيه يا سيدي راك زعفان رانا معاك بصح علاه ماراكش
زعفان كي تخرج برا مع ختك وتسمع الكلام الفاحش في كل بلاصة علاه ماراكش زعفان كيما قلتيها الشعب
يسمع في فنانين الفسق وعاجبهم الحال، صحيح أنك تزعف ولكن تقدر تغير العوج من عندك وتبدا بنفسك
علاه الطب كي راهو متدهور ماشي الاطباء لي مسؤولين عليه؟ والتعليم ماشي المعلم لي مسؤول عليه صح وزارة
الصحة والتعليم عندهم يد في تطوير المجتمع ولكن حنا تاني مسؤولين عليها، وزيد لي يقولك راني زعفان حنا رانا عايشين نعمة
مقارنة بالبلدان لخرين، كاين لي عايش في الحرب يرقد غدوة تطرطق في راسو بومبا تديلو عايلتو، حنا ينوض الصباح
على 12 يوقف في نص الطريق يعس في لي رايح وجاي والمصروف من عند باباه ويقولك راني زعفان كي راك زعفان
نوض اتحرك، صدقيني ناقصين احترام واخلاق مع احترامي للجميع ونحصلو كلشي في الدولة ونقولو رانا زعفانين
هيه زعفانين خاطر نص العيب فينا ونص العيب في الدولة بصح حنا بلا ضمير نحصلو كلشي في الغير
كن نكمل نهدر نزيد ندير موضوع هههه مالا نحبس هنا برك
شكرا فطومة على الموضوع
تحياتي


و عليكم السلام و رحمة الله

اهلا مريومة ^^ اييه راكي جيتي معاي في صفي ما نخافش ههههخخهههه
ايه مريومة يقولوا اللي يسكت على الحق شيطان اخرس بصح ما شافوش هذاك اللي قالهم شكون حنا و معرف واش مسحلهم تاريخ و شهداء و ابطال قالك ما عندنا لا تاريخ لا بطولات و مايحشموش يضخكوا و يشركوا في فمهم احشم احشم اللي رجعولك بلادك شكون باش راك مكسل تاكل و تشرب و تلبس. وتعمر في كرشك غير بالسمانة يديرلك حصة تاع اضحك على بلادك و اخلص ملاير و تجي توريلي وجهك اووو بركات رانا عارفين احوال البلاد و من برى راهم يضحكوا علينا خاطر حابين العرب و المسلمين يسفكوا دم بعضاهم البعض عليها رجعوهم هذا ياكل في هذا واحد يصرالوا مشكل مع قناة يولي يسب في الطاقم كامل وواحد معرف واش بيه يقصف فالدولة و اونبليس راهم يحوسزا غير على الشهرة ياو خلينا خلينا كامل راهم ياكلوا فدراهم الشعب ، لوكان تروحي تشوفيبهم تلقاهم معمرين دراهم وجايين يهدروا على الواقع زعما امشي روووح شبعان وجايي تتقيا خماجك على الجيعان ( حاشكم) ،،
( ومنيش نهدر على انس ولا ديزاد جوكر كاين بزاف ام يتمسخروا بالناس غير هدرة اللي يهدر الحق يبقى راجل ما يهربش من بلادو ويخاف كي هدر كلمة حق يتسجن اها ابقى راجل وواجه

مرسي مريومة على الرد حبيبة ^^ راكي زينتيلي الموضوع بردك الجميل معليش كمليها موضوع مكمل لتاعي عادي ههههه

السلام عليكم
هاوليك أول موضوع ماخلطتيش فيه المواضيع ههههههههه
شفت يا ختي زعما حنا معلباناش واش راهو صاري باش هو يجي يقولنا
الشعب كامل علبالو مي المشكلة الشعب لي ماشي مربي
كيما قلت علاه مايعايرش الفنانين ولا المخنثين
علاه مايعايرش الاساتذة لي راهم يتغيبو بلا سبة ويطلبو من الدراري يجو يديرو ليكور عندهم بالدراهم
علاه ماهدرش كيما قلت على الأطباء لي يدخل للسبيطار غير بالمعريفة
وعلى الأطباء والممرضين لي راهم يسرقو فالأدوية ويعاودولها البيع
علاه ماهدرش على لي ينوض على 12 تاع النهار يروح يدراقي لبنات فالطريق وفلليل يبات شارب وزاطل
ياك ماشي الدولة لي راهي دير هكذا
انا قلتلك لي مافيهش الفايدة غير أرميه عليك
كيما هذا انس كان يعجبني شويا برك ضرك كمل عليها كامل هههههه
صحيتي ختي فطوم

و عليكم السلام و رحمة الله

اهلا خويا مالك هذي غبينة ااه نقصد غيبة هههه

يقولك خلطها تصفى هكاك انا كي نخلطها تصفى على هذي توجور يختمولي مواضيعي بالتميز ياااه ههخخخههه

أنا ميعجبني حتى واحد ههههه نهار كانل وهوما بعاودوا كاسيت وحدة ، اللي يسمع يظلوا يخمموا في بلادهم ، لوكان صح يخمموا على هذي البلاد والله ما هكذا تزيد تريبها بهدرتك و تخرج من مور كاميرا تلعبهالي راجل و كي تولي فالروشارش تهرب كي الفار و تتخبى ايبه خاطر علابلهم بلي لوكان تتخلط هوما بح يتخبوا والضعيف اللي سمعولهم ياكلوا المطرق و الرخس و يتعذبوا ايبيه .. الحق ما ينقالش هكذا و بنفس الغنية تهدرلي فالسياجسة و على قناة نهار مامل موضوع واحد تفرع بعقلك شوف للواقع كامل و اجمع النقاط كاااملين و اهدر ، تفلسف نشوف كيفاه ، الحق قوله في روحك قبل تديرلي عرس بالملايين و تقولي دراهم هذوك تعبك اوووو تتمسخر بيا منين جبهتم غدوا نلقاك كما بنت سلال وليدك عندو ابارتوما تاع اربع ملاير في باريس اووو ياحسرا كامل نتحطوا قدام اللي خلقنا دير بيدك ماشي بفمك وريلنا الحق هذا كيفاه يتخدم ماشي يتنطق برك بويسك حتى اللي راهم يهدروا فيهم ماهمش سامعين بيهم ويحبوا ينفوهممن الدنيا هذي في ثانية بصح كلشي مكشوف فيها حوايج بزاااف يتخدمو من تحت لتحت مادابيهم نتشتتوا و نولوا في فوضى مالا ربي يشتتهم هوما الل باييين تولي فبلادنا الفوضى ان شاء تولي حياتهم فوضى ماشي البلاد هذي اللي تمرمدوا اهلها بزاااف يكفي هنا

مرسي على المرور اخي مالك ^^
تحياتي لك
عندك الصح صحافيتي الماهرة هههه
انا تان ماعجبنيش لا هو لا مانسوطيش..
سوطي ولا تخد انت وياه قاعدين تكشفو فينا قدام ڨاع العالم عند بالهم صراحة هادي كيما قال اخي @aljentel دع المخلوق للخالق.. كل واحد يخلص على واش دار وهدا واش ضيع لبلاد في عوض لي يروحو يخدمو لبلاد عاسين بعضهم ويعيرو بعضهم والعالم يسمع ويتفرج....
الله يهدينا وخلاص...

اللهم امين
اختي بشرى ^^ هذي هيا كما قلتي الله يهدينا وخلاص
، رانا مضحكة و كل واحد راه ياكل في خوه حنا بين بعضانا ماش ملاح شوفي غير دولة عربية مسلمة يصرا معاها مشكل برك يرجعوها فاسدة الكل و يولوا يد وحدة مع الكفار ضدها تخيلي ، متقوليش الدولة تان خاطر رانا نشوفو تعليقات الشعب واراءهم خلي برك
ربي يحمي البلاد هذا ما كان
 
السلام عليكم

أعتقد ان قصر النظر هو الذي جعلكم تضخمون الأمور لان البودكاستور هو يوصل رسالة فقط أو ينتقد آفة اجتماعية

بطريقته الخاصة استغربت لأنكم منزعجين من الفيديو فلازعفان ولافرحان سيخفي الكارثة التي وصلت إليها اللبلاد

حتى هؤلاء الشباب هم ليسوا معارضة حتى نقول انهم فتنة حتى المعارضة في حد ذاتها لاتوجد في جزائر كل الأحزاب هم بنات النظام

الشأن السياسي هو بعيد كل البعد عن هذه التفاهات الفيسبوكية فلا يجب ان نخلط الأمور و مصير البلد على شفى بركان

الجزائر اليوم تعاني بكل المقاييس و نحن سندخل في 2018 ولا نزال نعاني من تشتت سياسي و اقتصادي و اجتماعي و

في كل شيء أينما تنظر تجدها مخربة يعني حتى الفساد و النهب الذي كان في العقود الماضي أقل بكثير مما هو عليه اليوم

عندما نقول أن المجتمع فاسد ورخيس فالمجتمع هو نحن فمن قال إن الناس هلكوا فهو أهلكهم

هل كل واحد فينا يطرح على نفسه أسئلة يقيّم فيها ذاته إذا كان حقا إنسان صالح ويقدم نفعا لنفسه و لوطنه أم انه بدون فائدة .


السلام عليكم و رحمة الله و بركاته

على كل هذا الي دار الفيديو" راني زعفان " راه يعبر على وجهة نظر هو يشوف فيها

و واحد ما يقدر يقولو علاه ... و الي عندو راي يتفضل و يقولو و نسمعو رايو كيما سمعنا الاراء الاخرى

اما كي نقولو علاه ما هدرش على كذا و علاه ما هدرش على كذا ... صح ... هي كاين هذي الظواهر المدرحة

بصح في الحقيقة كلنا مسؤولون و كلنا معنيون بتغيير المنكر و باستنكاره

صاحب الفيديو على الاقل تجرأ و تحدث على امور و منكرات كاينة منها

لذلك ...هذا ما هوش سبب كافي باه ننتقدوه انتقاد لاذع ... السيد هدر على حوايج كاين منها و حقيقية 100% ...

اما امور اخرى ... هو حر ... يهدر عليها ولا ما يهدرش هذاك شغلو ... و هو ما سيفش على الناس باه تشوفو الفيديو تاعو ..هو نشرو في اليوتوب

و الي يحب يشوف يشوف ...

تقبلو مروري


و عليكم السلام و رحمة الله

اهلا خاوتي الزرقاش و المير خضراكوس هههه
اقتبست ردكم في زوج مع بعض خاطر لكما نفس الراي

يعني حبيت نوضح بلي مانيش على انس ولا واحد خلاف راني نحكي على كثير من الناس اللي تحاول تضخم فالمشاكل اما انا مانيش نضخم فالموضوع ابدا راني نشوف في ناس تركز غير على المشاكل برك و ما تشوفش السبب الرئيسي جتاع المشاكل هذي و شكون الفاسد الاول ،

ما شفتش بلي الناس فاسدة شفت بلي حنا اللي نهدروا تان فاسدين يعني عوض ما تروح تنتقد غيرك شزف نفسك هذي اللي حبيت نوصلها

حنا اللي يجي يشوف فالراس الكبير والحوايج اللي بعاد عليه بصح الخماج اللي تحط قداموا ما يشوفش ليه و يفوت عليه و لا على بالو ،، تهدرلي على الدولة و هي ماهيش سامعة بيك تحب تمحيك تمحيك بصح هوما يخلوك تهدر تهدر و كي تكره تولي هارب متخبي في بلاد الكفار و تسب فالشعب هذي هي رانا شايفين كيفاه اخرتها تصرى ..

قوات الهدرة بزااف بالتطياح ، تصورلي جهة وحدة فاسدة برك ؟ و الجهة الاخرى عميتوا عليها"حنا و انتم" كامل نشركوا غير فمنا برك على هذي رانا غير نهلكوا فالبلاد هذيا بايدينا و تخمامنا اللي يجيبلنا غير الفساد و العذاب

كل واحد حر في رايوا اكيد هذي هي ، أنا قلت رايي وماشي فيديوا راني زعفان هو اللي نطقني خاطر بزااف حوايج نطقوني راهم مخبيين هذوك اللي حابين تتخلط البلاد و حنا رانا كيما الدمى تبع هذا ومن بعد كي تتخلط عليك تبدل الجهة تعاود تروح لجهة خلاف وهكذا ندوروا و ندوروا و ما نلقاوا روحنا في حتى نقطة نتوقفوا فيها غير رانا نتعبوا في ارواحنا عوض ما نحاولوا نشوفوا حل نزيدوا نشعلوها كتر و كتر هنا راني نقول : "علاش؟؟؟ " ..

شكرا لكما على المرور ^^
تحياتي لكما
 
الصراحة راحة و الساكت عن الحق شيطان أخرس
هي لخلات البلاد تزيد و تزيد
مناش مع الفتنة بصح رانا مع الحق كون جيت شير أنا تاني نخرج و نعبر عن شعوري
هما قالو الحق و نتوما حابين تقولو للعالم رانا أسعد الشعوب
باش رانا سعداء بالواوي واي بهواري منا و ريم الباتنية لكاشفينا بالفيديو نتاوعهم
بالغناء الهابط لولينا نسمعوه في ديار في البيس في الطاكسي وكي تهدر يقولك شكون قالك ركبي معايا روحي تمشي على رجليك
بالجيل الثاني لكتاب فيه درس و كتاب مافيهش
غير قولي و شمسو و انيس غادي وحدهم يخدمو البلاد كون منوقفوش ضد الفساد
النواب قبلو قاع القوانين يقلعو من الخلصة نتاع الزوالي إلا قانون الضريبة جاو ضده علاه لأنهم تقريبا الكل عندهم الحوانيت و الشركات
مناش أغبياء أختي

والله يا أختي سامحيني نتدخل في ردك فقط
كلامك كلو صحيح، ماراناش أسعد الشعوب وكذلك كاين مغنيين تاع الفساد ولي لا علاقة لهم بالأخلاق
وكاين وكاين وكاين، لكن فقط سؤال شكون لي راهو يسمع في هادو حثالة المجتمع؟ بوتفليقة؟ ولا الوزراء؟
ولا راهم يسيفو عليهم يسمعو الواي الواي؟ الدولة راهي فاسدة هيه وألف بالمائة والشعب؟ نزل من السماء؟
راني معاك يا ختي وكامل علابالنا كاين فساد ولكن هل الفساد نحيوه بهاد الشعب لي هو نفسو مفسد
هاد الفنانين تاع الراي عمرنا لا تفرجناهم وعمرنا لا سمعناهم ومانعرفوش حتى وجوهم لكن شكون لي خلاونا نعرفوهم؟
ماش الشعب؟ راكي قلتيها بعد نكونو في السيارة نسمعو الغناء الفاسد شكون هنا المسؤول؟ الدولة؟
اذا نتا كرجل بشلاغمك تسمح لنفسك تسمع كلام قليل الحياء الله غالب الدولة ماش رايحة تعاود تربيك ونتا شارف

شوفي ختي بصراحة حنا ماراناش مع الدولة وهادو لي بودكاستور حبو يوصلو صوتهم بالفيديوهات راهم حرين وواحد ما يسالهم
لكن اذا كانت فيديوهاتهم فيها فائدة من غدوة نديرو كامل فيديوهات وخلي تخرج بلادنا من الذل والميزيرية
واذا كانت مجرد فيديوهات للترفيه مشاعر الناس ووضعهم الحساس ماراهيش للعب، انا نهار شفت فيديو مانسوطيش تقست وغاضني
خاطر حسيت بميزيرية الشعب من بعد وراها باشهر يجيني واحد خلاف يعاود نفس الفيديو ويقولنا شوفو الجزائر واش عايشة
وبعد أشهر يزيد يجي واحد خلاف والنتيجة؟ وين لحقنا؟ الشعب تاعنا يا ختي يمشي بالعواطف يشوف فيديو كيما هكا يزيد يحقد
خاطر ماراهمش واعيين حنا شعب يخسر في مباراة كرة قدم يكسر الدنيا ويكسر سيارات ناس لا ذنب لهم كيفاه تحبيه يجيب حقك وحقي
وصدقيني يا اختي الشعب هادا لي ينعت في روحو ويقولك راني زعفان كن تنحيلو اغاني الراي يومين يقتل روحو ولا ينتحر
على هادي نقدرو نعبرو على راينا ولكن لما نتاحدو باه نلقاو نتيجة ماش نزيدو نضغطو على جرح بعضانا ونسكتو
نتمنى تكوني فهمتيني اختي، الدولة فاسدة صحيح ولكن الفساد نتحملو منو جزء حنا تاني
يومك طيب ان شاء الله :)

 
على هذي نكرهم نكرهم نكرهم بهالل
على بالنا بحال بلادنا وين وصلت منسحقوش لي يفكرونا
تعجبني فتاة مغربية كي نتفر فيديوهاتها دايما تقول منسحقوش لي يدير فيديو و لا يجي يحكي و يديرلنا كأااابة نسحقو لي يخلي هذا الشعب يخمم و يفكر كفاش يطور روحه
منسحقوش لي يقول شعب فيه و فيه و الرئيس نكرهوه
نسحقو لي ينعتو للشباب كفاش يدو بلادنا للقدام
اما هما برافو تصوير و غدوا تلقاه يدور مع كاش قناة و من بعد يزيد يطلع و يطلع و تطفر في لي سمعلهم الكلام اش دخلني فيك ولا في ه و لا في الراسة تاعكم كما جيتو اذا نسيتو انا نفكركم قوله صلى الله عليه و سلم /الفتنة نائمة لعن الله من ايقضها / و اذا نسيتو نفكركم بلي يخرج عن الحاكم عن ربي واش يسوى
رانا في بلادنا نصلو و نصومو و ندعو ربي واش خصنا و الفقر و الحقرى راها في العالم ماشي غير في دزاير
و انا نقولك نهار يتسقم الشعب بلادنا تتسقم
كي راني نخرج برا نشوف الشعب خاسر ماشي دزاير و ماشي الدولة و لي يحقر الشعب غير من الشعب
رايحة نسرقهالك *.*

الدولة متربيش دزاير كومبلي لي مربي مربي و لي ماشي مربي معندها مديرله

خههههههههه فيتامين بديتي بالكره هههههه اييه يا ختيتوا هذيك هي بدل ما يزيدو يشعلوها كتر و كتر يشوفوا الحل ماشي تظل ترحي علينا كل مرة غنية جديدة ، رانا عايشين غير هنا وعلابلنا بالحالة بصح يا خويا متظلش تهدر و تهدر واحد ما سامع بيك اخرتها اللي يقولك نعم راني معاك يرقد الليلة غدوا ينوض ينسى واش هدرت ، زيد يبان واحد خلاف يهدر و يهدر يرجعوا معاه و يطنشوا لخرين يولو منافقين زعما بعد ما كانوا في نظرهم أئمة و ناس تاع حق
و هكذا وندوروا في حلقة مفرغة تجيبلك غير الدوايخ و شيبة الراس ، و اللي على الكرسي راه هاني وشابع راحتوا و كرشوا و يقولك : " اهدر و زيد يا بوزيد ما عندك ما تدير " ههخخخخه

ايا فيتامينة مرسي و السرقة ديراكت بعدا اقترضي مني ههههه
 
السلام عليك
لخلا الشعب رخيس كيما راك دقولي هما لحاكمين البلاد

الصراحة راحة و الساكت عن الحق شيطان أخرس
هي لخلات البلاد تزيد و تزيد
مناش مع الفتنة بصح رانا مع الحق كون جيت شير أنا تاني نخرج و نعبر عن شعوري
هما قالو الحق و نتوما حابين تقولو للعالم رانا أسعد الشعوب
باش رانا سعداء بالواوي واي بهواري منا و ريم الباتنية لكاشفينا بالفيديو نتاوعهم
بالغناء الهابط لولينا نسمعوه في ديار في البيس في الطاكسي وكي تهدر يقولك شكون قالك ركبي معايا روحي تمشي على رجليك
بالجيل الثاني لكتاب فيه درس و كتاب مافيهش
غير قولي و شمسو و انيس غادي وحدهم يخدمو البلاد كون منوقفوش ضد الفساد
النواب قبلو قاع القوانين يقلعو من الخلصة نتاع الزوالي إلا قانون الضريبة جاو ضده علاه لأنهم تقريبا الكل عندهم الحوانيت و الشركات
مناش أغبياء أختي

السلام عليكم
اميرته اهلا ختي ^^ شحال ما شفتك ان شاء بخير ؟

اولا ختي ربي ما راحش يعذر حتى واحد يعني ما تقولش بسبب هذا ولا الشعب رخيس ياو غدوا قدام ربي سبحانه راح نتحاسبوا على افعالنا مكاش هذا يحصل في هذا ، انت مسؤول على نفسك تتحاسب ، عندك بعد مسؤولية نفسك مسؤوليات خلاف تتحاسب عليهم امالا متقوليش بسبب الدولة ،، رخسنا رواحنا بارواحنا ..

كي هذاك ضحك علي الشعب و البلاد قالك شكون حنا ما عند لا تاريخ لا بطولات لا هوية محى كلشي في دقايق ضحكوا و عجبهم الحال معمبلهمش بلي رخسهم ، حنا نتبعو كلشي اللي يجي يجرنا من ودنينا اسمع لواحد تاع بارح تفلسف ويجي قولي الفساد هي الدولة وحنا نسينا ارواحنا نحوسوا غير على الدراهم والسكنة باش نحبوا بلادنا و نفرحوا فيها لازم ناكلو بنان و نخلصو خمس ملاين فالشهر ااه نعيش فقير ومن بعد ااه صعبوها على ارواحهم يحبوا ياكلو اللحم ويلبسوا الحطة تاع برى ويمشطوا يديرو عراس كبار يشروا قش غالي و يسكنوا في ابارتمو وحدهم مع الولاد اااه منقنعوش بالقليل نحبو حتى حنا نعيشو فرفاهية شوف لفلان فالوزارة عندو فلة ففرنسا ووووو ومن بعد ياك رزقوا حتى وان كان بالسرقة والنهب ماش دخلني هذيك مولاه ربي انا نضرب على ذراعي نسوى فحل ونشطار وندير رايي ماشي بالهدرة ..

وتاع الواي الواي و ووووو .... هذاك وي طحين و رخس عاجبه الشعب الحال وفرحان قوليها لهذا الشعب اللي ساكت على المنكر و اللي راهم يشركو في فمهم على اللي حاكمين البلاد الفساد ماشي غير من الدولة من الشعب بدرجة كبيرة تان نقولك علاه بدرجة كبيرة ؟ اوكي الدولة وين تلقا الشعب حط رجليه وقلبه تحط عنده ، الشعب يشجع فالمغنيين و يشهرلي في خالد و جماعته الدولة تدعم بالدراهم من جهة تربح هي ومن جهة اخرى يربح الفنان
زوووو الامثلة بزااف ختي
وهذا اللي تقولي يخدم البلاد راه يريب فيها اخرتها يهرب ويخلي البلاد و الشعب موراه منذوب

و اللي يهدر كلمة حق ما يخافش و يهرب يقعد في بلادو و يهدر و يسمع صوتو ماشي كي يجو ليه بالمطرق يتخبا و يولي من خارج البلاد يحل في فمو و يترجل ..

ربي يهدينا
 
آه لوكان جيتي تعرفي بلي هواري منار حقوقو كافلها الدستور الجزائري
ولوكان جيتي تعرفي بلي الشراب يحميه الدستور الجزائري
آه لوكان جيتي تعرفي بلي بيوت الدعارة اللي تدفع الضرائب يحرسوها الامن نتاع بلادنا من التخريب
لوكان جيتي تعرفي بلي المساواة نتاع الرجل والمراة يكفلهم القانون الجزائري
اه لوكان جيتي تعرفي بلي البطاطا ماهيش غالية بسبب الشعب والخضر ماهيش غالية بسبب
الشعب ولكن لانو الدولة والحكومة حابة تعوض الخسائر نتاعها بدراهم الشعب
ماكيش انت اللي عندك ديبلوم ماستر 2 ومريحة في دراكم وكي تحوسي على خدمة تلقاي فتيحة قبلك في عمرها عشرين سنة
ماكيش انت اللي تفوتي العام نتاع الخدمة الوطنية فقط لانو خوك ولا بن عمك ماهوش جنراال
راني زعفان بيسك الامن هذا ما عطاوهش لينا عن قناعة وانما عن استكراه عطاولهنا بالكف وبالرجالة اللي ماتت في التسعينات
اه لوكان تعرفي بلي الوزير والحاكم دايما يحكيو على الارهاب وهوما يصنعو في الارهاب
قالها علي بل حاج يوما ما يخوفو فينا ايه ضركي راهم يخوفو فينا بالامن قالك ياتقبل بهواري منار
انت تقولي لازم نحاربو الفسااد ضضركي انا كشعبي كيفاش نحارب الفساد
كي تلبس طفلة الميني ونخرج برا للشارع ونلقاها عريانة ونقلها عيب عليك وتسبني وتخليني وينو التغيير
كي نقول لهواري مناار عيب عليك وينو التغيير كاين شي نااس وغالبية النااس
يمشو بالقاانون يااختي اذا جينا في اصلاح النفس لوكان ربي سبحانو ما نزلش القرآن
لوكان ما قالش للرسول على حكم الزاني وحكم شارب الخمر وحكم السارق وحكم قاطع الطريق
الشعب لا يصلح الا بالقانون وقانون المسلمين هو القرآن اللي راهو مغيب على الشعب الجزاائري
حنا رخسنا فقط لانو طالبنا بالسكنة وطالبنا بالغاز وطالبنا بالامن لكن اهم شيء هو المطالب بحقنا في انو شرع ربي يحكمنا
هذا مكاان انت حكيتي على انس تينا اسكو شفتي فيديواتو كامل نتاع المحامي والطبيب والفام دوميناج نتاع السراق نتاع الشعب
يعني ماداكمش النيف على كامل الفئات اللي انتقدهم انس تينا ولا ديزاد جوكر وتقلقتو كي دارو على حفنة الاشرار جماعة الانتخابات
حبينا نسقو البلاد باه نسقموها بالسحر ولا باه لوكان ما تستعملش قوة الحاكم ما تتسقمش البلاد حتى الصحابة لو لم يحكمهم قانون الشرع
لم يكونو ليستقيمو ا ابدا لوكان شافو سيدنا رسول الله مائل هاك ولا هاك يتعوجو حتى هوما
ممكن الشعب يصلح حالو الناس كامل تصلي الناس كامل ترونكيل بصح يااختي مظالم الناس شكون يرجعها
كي يغتصبو ختي في الشارع وما يتحاكموش الاشرار هذو شكون يرجعلي حقي
كي يقتلو خويا ولا يختطفوه مالغري يصلي ومسكين ما يخالفش القانون ...شكون يرجعلي حقي
تكذبو على رواحكم تقولو اصلح نفسك ابدأ بنفسك مكانش منها وما تصراش وجامي صرات
هذي تصرى غير في الجنة برك حتى في عهد الصحابة كانت تقع تجاوزات المجتمع المثالي مكانش منو
الحاجة الوحيدة اللي يمكن تصرى هي تطبيق القانون على الجميع الصالح والفااسد
مشكلتكم تضنو انو القانون يطبق غير على الفساد من الناس حتى الصالحين يطبق عليهم القانون
والقانون هنا هو شرع ربي ... الامن يجي بعد ما يطبق القانون والعدل
 
نزيدك حاجة :
ما تقوليليش الشعب الاماراتي خير منا ولا المغربي خير منا ولا تونسي خيرمنا ولا موزمبيقي خير منا
باش بلادهم تهرب بعيد من ناحية البنى التحتية لا بل لانو عندهم حكام ملاح يسرقو ويخدمو
في حين انو بلادنا نهبوها وسرقوها وما خلاوش الشعب نتاعها يمشي للقدام ..
 
آه لوكان جيتي تعرفي بلي هواري منار حقوقو كافلها الدستور الجزائري
ولوكان جيتي تعرفي بلي الشراب يحميه الدستور الجزائري
آه لوكان جيتي تعرفي بلي بيوت الدعارة اللي تدفع الضرائب يحرسوها الامن نتاع بلادنا من التخريب
لوكان جيتي تعرفي بلي المساواة نتاع الرجل والمراة يكفلهم القانون الجزائري
اه لوكان جيتي تعرفي بلي البطاطا ماهيش غالية بسبب الشعب والخضر ماهيش غالية بسبب
الشعب ولكن لانو الدولة والحكومة حابة تعوض الخسائر نتاعها بدراهم الشعب
ماكيش انت اللي عندك ديبلوم ماستر 2 ومريحة في دراكم وكي تحوسي على خدمة تلقاي فتيحة قبلك في عمرها عشرين سنة
ماكيش انت اللي تفوتي العام نتاع الخدمة الوطنية فقط لانو خوك ولا بن عمك ماهوش جنراال
راني زعفان بيسك الامن هذا ما عطاوهش لينا عن قناعة وانما عن استكراه عطاولهنا بالكف وبالرجالة اللي ماتت في التسعينات
اه لوكان تعرفي بلي الوزير والحاكم دايما يحكيو على الارهاب وهوما يصنعو في الارهاب
قالها علي بل حاج يوما ما يخوفو فينا ايه ضركي راهم يخوفو فينا بالامن قالك ياتقبل بهواري منار
انت تقولي لازم نحاربو الفسااد ضضركي انا كشعبي كيفاش نحارب الفساد
كي تلبس طفلة الميني ونخرج برا للشارع ونلقاها عريانة ونقلها عيب عليك وتسبني وتخليني وينو التغيير
كي نقول لهواري مناار عيب عليك وينو التغيير كاين شي نااس وغالبية النااس
يمشو بالقاانون يااختي اذا جينا في اصلاح النفس لوكان ربي سبحانو ما نزلش القرآن
لوكان ما قالش للرسول على حكم الزاني وحكم شارب الخمر وحكم السارق وحكم قاطع الطريق
الشعب لا يصلح الا بالقانون وقانون المسلمين هو القرآن اللي راهو مغيب على الشعب الجزاائري
حنا رخسنا فقط لانو طالبنا بالسكنة وطالبنا بالغاز وطالبنا بالامن لكن اهم شيء هو المطالب بحقنا في انو شرع ربي يحكمنا
هذا مكاان انت حكيتي على انس تينا اسكو شفتي فيديواتو كامل نتاع المحامي والطبيب والفام دوميناج نتاع السراق نتاع الشعب
يعني ماداكمش النيف على كامل الفئات اللي انتقدهم انس تينا ولا ديزاد جوكر وتقلقتو كي دارو على حفنة الاشرار جماعة الانتخابات
حبينا نسقو البلاد باه نسقموها بالسحر ولا باه لوكان ما تستعملش قوة الحاكم ما تتسقمش البلاد حتى الصحابة لو لم يحكمهم قانون الشرع
لم يكونو ليستقيمو ا ابدا لوكان شافو سيدنا رسول الله مائل هاك ولا هاك يتعوجو حتى هوما
ممكن الشعب يصلح حالو الناس كامل تصلي الناس كامل ترونكيل بصح يااختي مظالم الناس شكون يرجعها
كي يغتصبو ختي في الشارع وما يتحاكموش الاشرار هذو شكون يرجعلي حقي
كي يقتلو خويا ولا يختطفوه مالغري يصلي ومسكين ما يخالفش القانون ...شكون يرجعلي حقي
تكذبو على رواحكم تقولو اصلح نفسك ابدأ بنفسك مكانش منها وما تصراش وجامي صرات
هذي تصرى غير في الجنة برك حتى في عهد الصحابة كانت تقع تجاوزات المجتمع المثالي مكانش منو
الحاجة الوحيدة اللي يمكن تصرى هي تطبيق القانون على الجميع الصالح والفااسد
مشكلتكم تضنو انو القانون يطبق غير على الفساد من الناس حتى الصالحين يطبق عليهم القانون
والقانون هنا هو شرع ربي ... الامن يجي بعد ما يطبق القانون والعدل

السلام عليكم

اهلا خويا حكيم ^^
منحبش نعرف كامل هذوا واش هدرت خاطر انت بمفهومك الدولة سبب الفساد برك ،، ولوكان تقولي هذا اللي يدير فيديوا ويقول راني زعفان وووو و ما يجبدش الاسماء غير يخلط بالهدرة زعفان وي كامل زعفانيين ،،
ونرجع لهدرتك كي الدولة هي سبب الفساد علاه ترخس تدخلك الشراب وتفرح بيه تولي تصرف دراهمك عليك ، تغلي البطاطا وانت تبيعها بالطين وتوزن معاها حجرة باش تزيد تبيع كيلوات اخرين وتربح

وربي سبحانه قال " لن يغير الله ما بقوم حتى يغيروا ما بانفسهم"... ،،

وشفت فيديوهات تاع جياحة نقولك قارن بين فيديوهات تاع الطبيب و الكحامي ووو اللي دايرينهم مع تاعالسياسة تلقى بلي الشعب صح رخيس حاشا البعض يغلط و يسب الدولة بصح اللي صح فاسدين تان اييه يضحكوا برك

انت هذا رايك بصح راك تجبد من جهة وحدة وهذا واش هلك العباد
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top