خيانة عبر... الفيسبوك....

[جمال باتو]

موضوع مليح
ربي ايجيب الخير

 

[صانعة الإبتسامة]

ختي شقيقتي تعرفت على واحد فلفيسبوك صح لكلام كان عنده حدود وانا شاهدة ومايسكنش حتى في نفس بلدتنا وتزوجو وعندها ولد وبنت معاه لا محرم لا والو وراهي عايشة اروع عيشة خرج ولد فاميلة تاع الصح

أنا حابة نشوف هاذ النماذج لراكم تحكو فيها
بسكو ليتطلق تقول علاقة فيس بوك وأنا شهدت هذه الحالات علبيها حطيت الموضوع
لوكان رانا نقتدو بزوجات الرسول عليه الصلاة والسلام لوكان رانا في نعيم ربي يغفرلنا

 

[ليليا مرام]

ختي شقيقتي تعرفت على واحد فلفيسبوك صح لكلام كان عنده حدود وانا شاهدة ومايسكنش حتى في نفس بلدتنا وتزوجو وعندها ولد وبنت معاه لا محرم لا والو وراهي عايشة اروع عيشة خرج ولد فاميلة تاع الصح

والله يا بشرى أنا عندي قناعة التربية هي صح نعرف بزاف بنات دايرين فايس بوك متربيات عاللي ما عندهمش وحاشا اليعض فالواقع وفالإفتراضي تلقاي الزين والشين يقلقوني لما يقولك فايس بوم يفسد فيه الخماج الخماج فالعقول وفالقلوب اللي عارفة روحها تدخل فايس تصيد رجال ما نحلوش خير
عندي فايس وعندي اصدقاء ونعرف روحي واش نسوى ويمى تعرفني والاهم ربي يشوف فيا العرب عندي غير زيادة لازم نجيب محرم يقعد يكونيكتي معايا هذي جداهم هذي قالتلهم أرقدوا صحاباتي بزاف تزوجو بالفايس وولاد فاميليا خطيبي عرفتو فالفايس متربي وعاقل و يوم شافني اول مرة في دارنا نهار خطبني وجامي خسر معايا كلمة الخبث فالقلوب

 

[بشرى ملاك]

أنا حابة نشوف هاذ النماذج لراكم تحكو فيها
بسكو ليتطلق تقول علاقة فيس بوك وأنا شهدت هذه الحالات علبيها حطيت الموضوع
لوكان رانا نقتدو بزوجات الرسول عليه الصلاة والسلام لوكان رانا في نعيم ربي يغفرلنا

يا حبيبتي عندك الحق والشاذ لا يقاس عليه بصح بغيت نوصلك بلي حتى حاجة ماهي سبة للاخرى كلش مكتوب ربي علاه لي تزوجو زواج تقليدي ماطلقوش? المكتوب وخلاص ماشي فيسبوك وكاين لي مايتفاهموش مايبغوش يحكو الحقيقة يحصلو فاي حاجة تجي في طريقهم

 

[بشرى ملاك]

والله يا بشرى أنا عندي قناعة التربية هي صح نعرف بزاف بنات دايرين فايس بوك متربيات عاللي ما عندهمش وحاشا اليعض فالواقع وفالإفتراضي تلقاي الزين والشين يقلقوني لما يقولك فايس بوم يفسد فيه الخماج الخماج فالعقول وفالقلوب اللي عارفة روحها تدخل فايس تصيد رجال ما نحلوش خير
عندي فايس وعندي اصدقاء ونعرف روحي واش نسوى ويمى تعرفني والاهم ربي يشوف فيا العرب عندي غير زيادة لازم نجيب محرم يقعد يكونيكتي معايا هذي جداهم هذي قالتلهم أرقدوا صحاباتي بزاف تزوجو بالفايس وولاد فاميليا خطيبي عرفتو فالفايس متربي وعاقل و يوم شافني اول مرة في دارنا نهار خطبني وجامي خسر معايا كلمة الخبث فالقلوب

انا تان قبل ما نتزوج كان عندي فيسبوك وكان عندي اصدقاء ونعم وهدرتنا في حدود تام وجامي حكينا حكايات ناقصة ابدا وكي نخطبت قالي حبسيه حبسته وخلاص المهم التربية تاعك كيفاش دايرة صح كاين لي ما يحشموش ويحوسو يطيحوك فالهاوية بلوكيهم وخلاص

 

[جمال باتو]

هاذي مواضيع حساسة يااسر
فايسبوك مش معيار تقيسو عليه
لي متربي متربي

 

[ليليا مرام]

انا تان قبل ما نتزوج كان عندي فيسبوك وكان عندي اصدقاء ونعم وهدرتنا في حدود تام وجامي حكينا حكايات ناقصة ابدا وكي نخطبت قالي حبسيه حبسته وخلاص المهم التربية تاعك كيفاش دايرة صح كاين لي ما يحشموش ويحوسو يطيحوك فالهاوية بلوكيهم وخلاص

ايوا هذي هي مش مجبرة تمشي ورا كل صديق كيما الواقع كاين اللي يعجبوها معاكسات وتشد رقم وكاين لالا مهما يديرلها
العيب مش فالفايس بوك العيب فالتربية

 

[ليليا مرام]

هاذي مواضيع حساسة يااسر
فايسبوك مش معيار تقيسو عليه
لي متربي متربي

سلام عليكم
يعطيك الصحة خويا هذا هو الفايس مش معيار التربية هي الصح
شكرا

 

[أم أحمــــد يــسّ]

أختي أنت تتكلمين عن نفس بشرية وليس عن ملاك
اكيد جلّ من لا يُخطئ...لكن النفس لها حدود فان التزمتها ابتعدت عن الزلل..
ولعلك تعرفين قصة العابد الزاهد الدي كان من بني إسرائيل فارتد عن دينه بسبب فتنة إمرأة
قصة ( برصيصا)؟؟
بل غواية الشيطان لعنه الله عليه، ونحن لا ننكر وجود الشر مثله مثل الخير..
حتى لو كانت الفتاة مؤدبة وليست لها نية للخيانة فإنها معرضة للفتنة إن لم تبتعد عن موجباتها !!
وها قد قلتم ( ان لم تبتعد عن موجباتها..وتلكم هي الحدود التي قصدتها)
وهل تعتقدين أن كل من خان كانت الخيانة في نيتهوة تجول في خاطره !!! لا هناك من فتن في رمشة عين
بعيداً عن النوايا السيئة أين هم من انفسهم وأهوائها ام ان كل ذي حاجة يلهث ورائها كل ماهوت نفسه ورغبت؟؟ وهل اقتنع بأمره ام لم يقتنع كامل اقتناعه فزلت قدمه امام ابسط عثرة؟؟؟
والواجب على الإنسان أن يتق حدود الله ولا يتجاوزها بحجة أنه يستطيع التحكم بنفسه
.... التحكم في النفس يكون باتباع حدود الله...تلكم هي زبدة الموضوع
قال النبي صلى الله عليه وسلم : إن قلوب العباد بين إصبعي من أصابع الرحمان يقلبها كيف يشاء

فعلى الإنسان أن يقر بضعفه ولا يغتر بنفسه ويقول أنا وأنا وأنا وأن يلجأ دائما إلى الله سبحانه كي لا يتركه مع نفسه
صلى الله عليه وسلم...
حاشا لله من الغرور وويلاته...هل كانت مشاركة ام فتيلاً اشعلته انا؟؟؟؟


لأن إن تركك الله سبحانه مع شيطانك بدون اعانة منه فإنه سيفعل بك العجائب وقد فعل ما أكثر بمن هم أفضل منك من خيار خلق الله ؛ حتى آدم عليه السلام لم يخطب بباله يوما أنه سيعصي ربه

ندعو الله ان لا يتركنا ويأخذ بيدنا الى طريقه المستقيم دوماً...
ان حكمنا بفشل كل العلاقات واقررنا بوجود الخيانة في كل القلوب فلنقل على الدنيا السلام...
مازال الخير في امتي وإن زلت قدم احد ما فندعو الله بتوبته وهدايته...

 

[عماد خطاب]

امممممم عجبني الموضوع
بصح لن اعلق عليه
لو اعلق عليه راح نفتح باب الوسوسة لمن مقبل علي الزواج
و راح اجد الكثير
لي يصبر نفسو بانه هو او هي كالملائكة بمعني اخر
معصوم من الأخطاء
------------------
رأيي أعرضه ولا أفرضه ، وقولي مُعْلم وليس بملزم .
------------

سلام عليكم واش راكم

حبيت اليوم نهدر على العلاقات التي تحدث عبر الفيسبوك ...يعني بعض الفتيات أول راجل يبعثلها طلب صداقة توافق وبعد يبداو عادي في الحديث أول حاجة تبدأ صباح الخير ومساء الخير ومبعد حوايج أخرين ههه
يقولها راني نحبك وهي عبالها صح يحبها لي حبك يجي لباب دار ويخطبك وكي تقول الطفلة أخطبني يقلها يما ماقبلتش بيك يعني يكذب عليها ماقال ليماه ماوالو هي حجج واهية لا محل لها في الإعراب .....

ثانيا....
صح يدخلو في علاقة ههه وبلاك يحبها وتحبو وحتى يتزوجو وأغلبهم إذا قعدوا 4 أشهر راهم ملاح ههه...يعني تبدأ المشاكل بتدريج يكون عندهم احساس بعدم الأمان هو يشك فيها وهي تشك فيه باعتبار عندهم سوابق في الفيسبوك ههه و تكثر الصراعات والنزاعات وعلى أتفه حاجة تنوض الحرب حتى أنو يوصلو للمحال ويستسلم الزوج أو الزوجة ويفكو الرابطة الزوجية وإذا كانت حامل نورمال هو مايرجعها وهي ماترجعش يعني عزة نفس وضحية أكيد الطفل لي جاي لدنيا .....

وأكثر حاجة تقتلني المرأة المتزوجة لي عندها فيسبوك وتحكي مع راجل أجنبي يعني غريب عليها وتلقاهاتحكي معاه وتشكيلو همومها الزوجية وتقول راجلي ماشي رومانسي وأنا نعاني من الحرمان العاطفي ...و ...و..الخ وهو شغل يبدأ يواسي فيها هههه ويكتلبها كلمات عن حب و خواطر وهي عاجبها الحال حتى تبادلوا نفس الشعور. ..وتلقى رجلها مسكين كالأطرش في الزفة... يخدم عليها وداير فيها كونفيونس وخيرها مابين ألاف الفتيات وجابها لدار و وبعد تهدر فيه وتقول ماشي رومانسي هي حابه تعيش كي المسلسلات التركية عنبالها صح ياك راهم غير يمثلو ...وأكيد إذا اكتشف بلي تخون فيه وطلقها أنا معاه في رايو سورتو إذا كان إنسان لاباس بيه .....سؤالي لهذه المرأة ....بعد ما خنتيه ...كي يجي زوجك لدار كيفاه تقدري تشوفي فيه ؟ وأكيد ربي راح يحاسبك إلا إذا تبتي وهو سامحك....

و كاين رجال يخونو نساهم عن طريق فيسبوك ...يبدأ يهدر ويقول أنا ماشي متزوج ويحكي مع لبنات نورمال ويخون في مرتو لي معمرتلو الدار وتلقاها دير البسيبل باش يرضى عليها وهو معلابالوش أصلا ...علابالي ربي محللكم 4 نساء بصح في الحلال ماشي في الحرام ...وإذا اكتشفت الزوجة وناظت الحرب يقولها أنا ربي محللي 4
نورمالمو يقلها اسمحيلي لالا يزيد يكمل عليها ...أغلبية النساء يصبروعلى الخيانة سورتو إذا كان عندهم دراري ...


أنا شخصيا معنديش فيسبوك وعمري مادرتو ومراحش نديرو أبدا هذا وعد قطعته على نفسي .....

أنا لا أظلم أحد ولست أعمم كاين نساء ورجال الله يبارك عليهم...

المهم إليكم الخط شاركوني أرائكم

​

 

[ليليا مرام]

امممممم عجبني الموضوع
بصح لن اعلق عليه
لو اعلق عليه راح نفتح باب الوسوسة لمن مقبل علي الزواج
و راح اجد الكثير
لي يصبر نفسو بانه هو او هي كالملائكة بمعني اخر
معصوم من الأخطاء

------------

​

اهلا خونا عماد
النتيجة فآخر كلامك اللي معصوم نن الخطأ هوما الملايكة احنا بشر وكيما قالت اختنا قمر الوادي لو نشكوا فڨاع الناس واحد ما يهدر مع لاخر وكيما قلت تولي وسوسة المتزوج يشك في مرتو والعازبة ما دير لامان فواحد وبالتالي عمرها ما تتزوج لالا صديق يهدر معايا هنا او الفايس مراحش يجبرني على شي الا لو برضايتي معناها رامي كبيرة ونعرف صوالحي هذي هي
وشكرا لك وللجميع الخبث والفساد فقلوبنا وفعقولنا ما عندو ما دخلوا الفايس

 

[عماد خطاب]

وعليكم السلام @ليليا مرام
عفوا
حاب نرد عليك ولكن لا اريد الخوض في النقاش
لأني حقيقة حاد في الرد
وعندي القصف علي كلامك الاخير ( ما عندو ما دخلوا الفايس)
للأسف أصبحت لا أهتم بالنقاش لأني كل من أجادله بالواقع المر اجده مصر ويلح بأن يفرض رأيه
ولهذا اعتزلت النقاش لأنني وجدت نفسي ندور في حلقة دائرية
واكتشفت بان أن تناقش الأمور بالعقل والدليل فهذا لا ضير فيه ، ولكن استخدام أسلوب الاستهزاء وتكذيب البراهين الواضحة فإنه يقود صاحبه الى عواقب وخيمة
قال تعالى: "ثُمَّ كانَ عاقِبَةَ الَّذينَ أَسَاءُوا السُّوأَى أَن كَذَّبُوا بِآياتِ اللَّهِ وَكَانُوا بِهَا يَسْتَهْزِئُونَ"

ولهذا يا اخت ليليا لن اناقشك حتي لا نخسر الود
دمتي بخير

اهلا خونا عماد
النتيجة فآخر كلامك اللي معصوم نن الخطأ هوما الملايكة احنا بشر وكيما قالت اختنا قمر الوادي لو نشكوا فڨاع الناس واحد ما يهدر مع لاخر وكيما قلت تولي وسوسة المتزوج يشك في مرتو والعازبة ما دير لامان فواحد وبالتالي عمرها ما تتزوج لالا صديق يهدر معايا هنا او الفايس مراحش يجبرني على شي الا لو برضايتي معناها رامي كبيرة ونعرف صوالحي هذي هي
وشكرا لك وللجميع الخبث والفساد فقلوبنا وفعقولنا ما عندو ما دخلوا الفايس

​

 

[ليليا مرام]

وعليكم السلام @ليليا مرام
عفوا
حاب نرد عليك ولكن لا اريد الخوض في النقاش
لأني حقيقة حاد في الرد
وعندي القصف علي كلامك الاخير ( ما عندو ما دخلوا الفايس)
للأسف أصبحت لا أهتم بالنقاش لأني كل من أجادله بالواقع المر اجده مصر ويلح بأن يفرض رأيه
ولهذا اعتزلت النقاش لأنني وجدت نفسي ندور في حلقة دائرية
واكتشفت بان أن تناقش الأمور بالعقل والدليل فهذا لا ضير فيه ، ولكن استخدام أسلوب الاستهزاء وتكذيب البراهين الواضحة فإنه يقود صاحبه الى عواقب وخيمة
قال تعالى: "ثُمَّ كانَ عاقِبَةَ الَّذينَ أَسَاءُوا السُّوأَى أَن كَذَّبُوا بِآياتِ اللَّهِ وَكَانُوا بِهَا يَسْتَهْزِئُونَ"

ولهذا يا اخت ليليا لن اناقشك حتي لا نخسر الود
دمتي بخير


​

والله يا اخ عماد كل حر في رأيه وتنا لا اجادل أحد يناقشني أو الومه على رأيه بالنسبة ليا ما عندو ما دخلوا الفايس وابدا ما تقولش انو نستهزا بآيات الله هذا كلام كبير وواحد ما عندو حق يحاسبني الا خالقي يعني هذا الأمر بيني وبين مولاي
اما القصف انا لا اقصف انا اناقش ويبقى الإحترام سيد الموقف
احترم رأيك ورأي كل من شارك ولا أحب من يتدخل في آرائي
شكرا لكم

 

[عماد خطاب]

أحترم رأيك
لأني قولي الاخير الاستهزاء بايات الله لم اقصدك انتي بل قصدت من التقيت بهم
في بعض الأحيان أحب انهاء النقاش ب
جزاك الله خيرا
كلمة تسر القلوب



------------

والله يا اخ عماد كل حر في رأيه وتنا لا اجادل أحد يناقشني أو الومه على رأيه بالنسبة ليا ما عندو ما دخلوا الفايس وابدا ما تقولش انو نستهزا بآيات الله هذا كلام كبير وواحد ما عندو حق يحاسبني الا خالقي يعني هذا الأمر بيني وبين مولاي
اما القصف انا لا اقصف انا اناقش ويبقى الإحترام سيد الموقف
احترم رأيك ورأي كل من شارك ولا أحب من يتدخل في آرائي
شكرا لكم

​

 

[الفارس النبيل]

سبحان الله !! الفايسبوك ومواقع التواصل أخطر من الواقع

 

[الفارس النبيل]

اهلا خونا عماد
النتيجة فآخر كلامك اللي معصوم نن الخطأ هوما الملايكة احنا بشر وكيما قالت اختنا قمر الوادي لو نشكوا فڨاع الناس واحد ما يهدر مع لاخر وكيما قلت تولي وسوسة المتزوج يشك في مرتو والعازبة ما دير لامان فواحد وبالتالي عمرها ما تتزوج لالا صديق يهدر معايا هنا او الفايس مراحش يجبرني على شي الا لو برضايتي معناها رامي كبيرة ونعرف صوالحي هذي هي
وشكرا لك وللجميع الخبث والفساد فقلوبنا وفعقولنا ما عندو ما دخلوا الفايس

الخبث ليس في القلب فقط بل في الأفعال أيضا ؛ فصلاح القلب يظهر في الجوارح

أما هاديك تاع ندير رايي وقلبي بيض ، هادي لا يقبلها أي عقل سليم

وأنا نقول كي الفايسبوك كي الواقع ، ما الفرق بين من تلتقي بالشباب في الخلوات وتلتقي بهم على الخاص ؟

وما الفرق بين الكلام في الفايسبوك والكلام في الهاتف !!!!!!!!

وأما إمرأة متزوجة ولديها أصدقاء في الفايسبوك ، فهده كارثة لا استطيع أن أتصورها

 

[ضيوف وسـنغادر]

السلام عليكم ورحمة الله تعالى وبركاته
يعطيك الصحة أختي موضوع حساس
ووش قلتيه منتشر بكثرة
تع قضية وسائل التواصل الاجتماعي في حد ذاتها مهيش عيب العيب فلللي يستخدم وكيفاه يستخدمها
انا ضد هاته العلاقات وربي يثبتنا برك
الانسان كي يلعب بالنار لازم يكون متاكد بلي راه تحرقو فالنهاية هكاك الفايسبوك وجماعتو
ربي حرم العلاقة بين المراة والراجل خارج اطار الزواج واحنا نشوفوا الطفلة رجعت عندها البويفراند وهو عندو الغيرلفراند
الراجل متزوج عندو مرتو وعندو صديقتو فالفايسبوك المراة مزوجة وكما قلتي عندها صديقها وو وحتى يكون اي واحد تنشا تنشأ مشاعر وخيوط وخزعبلات ووو
منقولش الفايسبوك خرب البيوت بل هوما خربوا بيوتهم بيدهم
انا وحدة من الناس فتحت فايسبوك قبل عامين
وصلوني ديزانفيتاسيون وصلوني ديميساج وماقبلت منها حتى وحدة حتى بن عمي.. بن عمتي..بن خالتي..بن جدي..
ماقبلتهمش.انتهى!
_ القطرة على القطرة تصبح غديرا_
كنت دايرتو غير حكي مع صحاباتي
وكان لعدد كبير شوية انا لقيتو مش في صالحي صحاباتي جيحوني على شغالاتي اموري حياتي.. بلوكيتو
الانسان مالازمش يعلق قلبو لازم يتحكم فيه ولازم يثبت على دينو او يروح للهاوية تع مثلث برمودا
وخلاصة الكلام اللي جبل مآيهزو ريح
و
ماتدخل للغابة ماياكلوك الذيابة
تقبّلي مروري في امان الله​

 

[الفارس النبيل]

ندعو الله ان لا يتركنا ويأخذ بيدنا الى طريقه المستقيم دوماً...
ان حكمنا بفشل كل العلاقات واقررنا بوجود الخيانة في كل القلوب فلنقل على الدنيا السلام...
مازال الخير في امتي وإن زلت قدم احد ما فندعو الله بتوبته وهدايته...

نعم أختي هدا هو ما أقوله وكان دلك رد على كلامك الأول حينما قلت : أن الدي يثق في نفسه وتربيته لابأس أن يدهب إلى مقر الفتن (الفايسبوك )

 

[ليليا مرام]

الخبث ليس في القلب فقط بل في الأفعال أيضا ؛ فصلاح القلب يظهر في الجوارح

أما هاديك تاع ندير رايي وقلبي بيض ، هادي لا يقبلها أي عقل سليم

وأنا نقول كي الفايسبوك كي الواقع ، ما الفرق بين من تلتقي بالشباب في الخلوات وتلتقي بهم على الخاص ؟

وما الفرق بين الكلام في الفايسبوك والكلام في الهاتف !!!!!!!!

وأما إمرأة متزوجة ولديها أصدقاء في الفايسبوك ، فهده كارثة لا استطيع أن أتصورها

اولا مش عارفة علاه تقتبسوز فردودي غير انا كي شغل انا برك فالبلاد اللي عندي فايس بوك اسيدي روحو كامل للجنة وانا نروح للنار مبروك عليكم
ثاني شي يا أخ يا كريم هذي ندير رايي ما ندير رايي راجعة ليا انا وقلبي ابيض أو أكحل واحد ما راه راجلي احنا شعب واحد نشوفوه يعاني نتفرجو فيه بصح لما نجو للتدبار ماكانش كيما احنا نقولك حاجة ليك وللي داير فراسو حاجة عليا انا عشت سنوات من غير أب وكنت مراهقة لما مات والدي وعشت أعوام وحدي انا ويمى وماكانش منعانا راجل الحمد لله نرفع راسي ونعرف راي جيراني فيا ونعرف روحي قبل راي ناس وما يهمني حتى واحد في وقت شفت بنات عندهم عرش نتاع رجال فالدار ودارو رايهم الحمد لله
ثالث شي انا قلت الفايس كالواقع كالتلفون العيب مش فوسيلة التواصل العيب فالتربية اللي دير الأمور هذي فالواقع ماراح يشدها شي فالإفتراضي عليها ما نلعبوهاش ونقولو الفايس فسدنا وصدقات فالفايس مع رجال راهي تدي للحرام باغيين بالذراع نقول لصديق ياو اسمع غدوة نتلاقاو راهم فالمنتدى قالك لازمك تغلطي مع صديق الفايس باه نصدقو يا اخ ويا إخوة انا عندي قناعتي ويا سيدي روحو للجنة جهنم تبقى فارغة
الجنة والنار مزية نتاع ربي سينو لو جات ليكم والله تشروهانا
اما هذيك متزوجة وعندي فايس ما عنديش راجل لا من قريب ولا من بعيد لا خاطب ولا صديق ولا حبيب ولا زبيب ما ينفعوا في والو وما نحتاجهمش
ومن فضلكم ردوا على الباقي انا خلوني في حالي رايي وانا حرة فيه

 

[cosette]

السلام عليكم

رانني جيييييييييت عندي الكلمة هههههه
ياحنونتي واش تحبينا نهدرو
منحلش فيس بوك مزالني صغيرة ومنحلش حتى ونكبر
بسكو مشاكل بزاف صراو لناس منها اقرب صديقاتي
منها صحبتي لي بيراطاوها ونشرو صورها مع تهديد
فيها سلبيات كثر من ايجابيات
منها ايجابيات كاين لي تزوجو
راها ختي مخطوبة منو هههههههه
مديريش عليا غير نزعق
عندي بنت عمي انخطبت وتزوجت زواج فيسبوكي لا تقليدي لا عن حب ههههههههههههههههه
ربي يعين
هههههههههه
قتلك نكتب جرنان غ تمسخرت بيك برك هههه​