أختي، رأيك على الرّاس وف العين وفوق الحاجب. بصح طالما راكي برا الميدان، ما تقدريش تفوّتي آمالك وتوقعاتك على أنّها حاجات بسيطة.
الحاجات اللي راكي تقول الوالدة الله يحفظها دارتهم، راهي مثالية مكانش منها. قاع نشروا للتلاميذ، توصل وين تشريله تريكو وطابلية، ما نحكيش ع الأدوات برك.
وقاع نضحكوا معاهم ونتصوروا معاهم ونديرولهم الباتيسري. بصح ماشي كل يوم من كل شهر في كل حصة.
المثال اللي جابه الامين، الأستاذة أكيد جديدة، وإلا كانت تصرّفت بعقلانية أكبر. والأستاذ الزاوج لو كان مش موصي ع الطفل ما يعاملوش بالحنية والاهتمام ذاك.
وراني عارف بلي هدرتي تبان بلي راني ناكل ف التلاميذ بالهراوة صباح وعشية ههههه بصح والله غير لا.
أيام تفوت غاية خاطرش الأستاذ إنسان، يكون المورال طالع. وأيام تفوت ماشي مليحة، خاطرش مجددا الأستاذ إنسان، المورال يكون تحت الصفر.
المهم في الأخير أنّ من الغباء واللاّإنسانية تضرب طفل تعوّقه. بصح من السّذاجة واللاّواقعية أنّك تتوقع تحضنهم قاع وتقارع العام يكون بنفسجي ومعمر بالورد.
