دبر على روحك .. ?

[الصحافية الساخرة]

السلام عليكم و رحمة الله و بركآته

?

رجعت إليكم حبيت نجرب نكتب مع هذا الستايل الجديد ههه @Fethi.dz هذي

إشارة سبيسيال ليك ^-^ .. ( الباقي ماكلاه الغيرة و الهدرة .. ? )


عودة تمنشيرية مالغري علابلي بلي اهدر ولا عيط وواحد ماهو سامع بيك

سيرتوا الى هدرت لواحد فالدين يا ويلك يشوف فيك من الفوق لتحت ، ويتفكر

الباسي تاعك و يبدا ،، واي واي شوف لبستك قبل متعارضة مع الدين

واي واي واقيلا قليل ما درت ووووو .. المهم جرب تهدر و تتفلسف شوي

من عندك تلقى الضربة و ردة الفعل قوية من عند خوك المسلم ?


...

سيرتوا الطفلة اييه وحدها هذي لازمها موضوع طويل وعريض و فيها الاعدادات

اللازمة للتصدي ، فهي تشتعل تم تم و تقدر تعرف خرايبك في ضربة و تجبدلك

عيوبك كامل و تقولك : " نسيت روحك " ? واه نسيت يا طفلة حبيت ننصحك لوجه الله

? .. و هي تتفكر القول المعروف عندنا بزاف كي تحب تنصح واحد يجبدلك جده

ديراكت " لا تنهى عن خلق عظيم وتأتي بمثله " و المشكل ما يكملوهش الحمد لله ? و الى طلعت لهم يكملوه يحرفوه بقولهم : " لا تنهى عن خلق عظيم و تأتي

بأعظم منه " ??? هنا بلا يماك تنصرف كالبرق وتسكت بلا جدك ?


...

المهم عزيزي القارئ اسمحلي تعور عينيك شوي الأزرق × الأزرق " مكانش صوت

و بدون مشاهدة " اقرى برك " إقرأ " ? ..

احتفلوا بعيد الدب و ما شابه .. انتيا يا طفلة ديري ماكياج مام غدوا كي تتزوجي

زيدي كتري منه مليح يفاجي على قلوب الناس كي يشوفوك ديجا كي اللي شافو

فيلم كوميدي ?

و انت يا رجل اسمحلي علاباي ما تحبش يهدروا عليك ولا يقولولك واش لازم

وواش ما لازمش ? .. كمل رقادك فالنهار و ليلك ساهر ذيك النعمة يااه ..

و كتر من المسلسلات التركية ما دام المدام هي اللي تطيب ما عندك من واش

تخاف ? .. دير الكيراتين باش تولي مدامة و هكا تضمن تلقى خدمة


" دبر عل روحك " .. OK


"فطوم" ​

 

[لؤلؤة قسنطينة]

السلام عليكم
مساء النور فطومة وان شاء الله احوالك بخير؟
الكتابة لي كتبتي بيها جاتني كيما نكتبو بقلم الحبر على الورقة ههه
وصراحة موضوعك في محلو، وهو لما تجي تنصحي ناس وتقوليلهم على خطأ معين
يقولك دبري على روحك ولا ماش نتي نادبتلها وجاية تفتي علينا
وبالاك أنا غلطت صح وماش حابتك نتي تغلطي كيفي وجيت ننصحك باه ماتوقعيش في نفس
الفخ، ماش شرط أنو انسان يكون نادبلها ويجي ينصحك معناها راهو يفتي قادر ماش
حابلك الضرر لي تلقاه هو وحاب يساعدك، هادي من جهة ومن جهة ثانية للنصيحة قواعد
يعني كي يجيك إنسان نادم كيما كنت نقول وحابلك الخير وجايك بهدف النصيحة معليش
بصح كاين ناس يعيط عليك ويتكلم معاك بطريقة كلي نتا حرقت الجوامع وهو راهو يجهر بالمعصية تاعو
نورمال، ونعطيك مثال بسيط، مثلا وحدة ماكانتش محجبة ولا كانت دير منكرات مثلا
ومن بعد تابت وجات تنصح انسانة خلاف على حاجة مليحة على الحجاب مثلا مالازمش نقابلو نصيحتها
بالفضح ولا نقولولها نسيتي روحك كيفاه كنتي وجايا تفتي وووو لأنو ربي ويغفر وحنا واش دخلنا
اما أنو انسان مثلا يشرب الخمر ومايصليش ويجي يتمسخر مثلا بشخص خلاف ولا يقولو واش بيك
مارحتش لصلاة الجمعة البارح ويبدا يعاير وهو اصلا مفسدها من كل جهة، هنا شوي
خاطر النصيحة أنواع لي تشوف منكر وتحب تغيرو بحسن نية معليش بصح لي تخفي أخطاءها خلف
عيوب الناس هنا لي ماش مليح، كيما دركا نعودو نشوفو جزء من البنات تقولك نقعد بلا حجاب
ونيتي صافية مع ربي خير ما وحدة دايرة الجلباب وتدير المعاصي، يعني باه تروح تستر نفسها تدير في اعذار
لا معنى لها وتعيب في الحجاب والجلباب بدل ما تعيب الانسانة لي لابستو، يا سيدي روحي البسيه وحسني
صورتو ماشي تفضلي تبقاي في معصية باه ماتديريش معصية خلاف، يعني كاين تناقض
وانا في النهاية النصيحة لي تجيني نتقبلها بصدر رحب وكي تعود نصيحة تفيدني معليش
شكرا فطومة على الموضوع بارك الله فيك
تحياتي​

 

[زهور الأمل]

للاسف عقلية مخدومه كيماهاك واش راح نديرو

 

[امنيات]

السلام عليكم
مساء النور فطومة وان شاء الله احوالك بخير؟
الكتابة لي كتبتي بيها جاتني كيما نكتبو بقلم الحبر على الورقة ههه
وصراحة موضوعك في محلو، وهو لما تجي تنصحي ناس وتقوليلهم على خطأ معين
يقولك دبري على روحك ولا ماش نتي نادبتلها وجاية تفتي علينا
وبالاك أنا غلطت صح وماش حابتك نتي تغلطي كيفي وجيت ننصحك باه ماتوقعيش في نفس
الفخ، ماش شرط أنو انسان يكون نادبلها ويجي ينصحك معناها راهو يفتي قادر ماش
حابلك الضرر لي تلقاه هو وحاب يساعدك، هادي من جهة ومن جهة ثانية للنصيحة قواعد
يعني كي يجيك إنسان نادم كيما كنت نقول وحابلك الخير وجايك بهدف النصيحة معليش
بصح كاين ناس يعيط عليك ويتكلم معاك بطريقة كلي نتا حرقت الجوامع وهو راهو يجهر بالمعصية تاعو
نورمال، ونعطيك مثال بسيط، مثلا وحدة ماكانتش محجبة ولا كانت دير منكرات مثلا
ومن بعد تابت وجات تنصح انسانة خلاف على حاجة مليحة على الحجاب مثلا مالازمش نقابلو نصيحتها
بالفضح ولا نقولولها نسيتي روحك كيفاه كنتي وجايا تفتي وووو لأنو ربي ويغفر وحنا واش دخلنا
اما أنو انسان مثلا يشرب الخمر ومايصليش ويجي يتمسخر مثلا بشخص خلاف ولا يقولو واش بيك
مارحتش لصلاة الجمعة البارح ويبدا يعاير وهو اصلا مفسدها من كل جهة، هنا شوي
خاطر النصيحة أنواع لي تشوف منكر وتحب تغيرو بحسن نية معليش بصح لي تخفي أخطاءها خلف
عيوب الناس هنا لي ماش مليح، كيما دركا نعودو نشوفو جزء من البنات تقولك نقعد بلا حجاب
ونيتي صافية مع ربي خير ما وحدة دايرة الجلباب وتدير المعاصي، يعني باه تروح تستر نفسها تدير في اعذار
لا معنى لها وتعيب في الحجاب والجلباب بدل ما تعيب الانسانة لي لابستو، يا سيدي روحي البسيه وحسني
صورتو ماشي تفضلي تبقاي في معصية باه ماتديريش معصية خلاف، يعني كاين تناقض
وانا في النهاية النصيحة لي تجيني نتقبلها بصدر رحب وكي تعود نصيحة تفيدني معليش
شكرا فطومة على الموضوع بارك الله فيك
تحياتنا
انا وحدة والله تعبت من هذا الأمر ،حتى مع أقرب الناس تنصيحهم ولا توريلهم غلطاتهم يحكموا عليك بالاعدام ،مجتمع منافق ،يحب الكذب ​

 

[cosette]

نتي ضوك مااتعقاليش هههه
من بعد نولي ليك

 

[الصحافية الساخرة]

نتي ضوك مااتعقاليش هههه
من بعد نولي ليك

ههههههه
لا لا شعارنا العمل يحيا الهبال قبل العمل ???

 

[Oussama.GF]

سلاموووو
اهلا ختيتو فطيمة
مرحبا بيك من جديد دايمن بموضيع زينة تاعك هنا
وش نحكي وش نخلي
هادا مجتمع مبقاش كلام معاه
تحكي معاه يشنف عليك ويبدا يعيط ويسب ودير حس كبير حتان تندم علاه تنصحو
ملاة خليهم على حالهم يبقى غير دعوة برك لله هو لي راح يحاسبهم ياك ماشي حنا
ياك في كي نترفعو عند ربي كل واحد وين يروحو هوما طريق وحنا طريق
واحد لازم يشد طريقو وخلاص مبقاش نصائح في هذا بلاد وناس تحولت رجال يتحولو ونساء تاني :poop:
بلاد انقلبت مبقاش شي يصلح
مهم دعوة ليهم وخلاص​

 

[red rose]

و عليكم السلام
ان شاء الله تكوني بخير
بصراحة بالاك شوية وجهة نظري
مختلفة عليك
هي الواحد و اسلوپو بعد يلعب دور
زعمة يجيك واحد و يبدا ينثح فيك
على اساس هو معصوم من الخطا
ولا يهدرهالك باستفزاز
ولا يجيني فوفت خاطي
يا بنتي ماشي غير نشعل فيه
نشعل فيه و ناكلو بسناني و نجبدلو خرايبو و خرايب العايلة الكريمة و ميبردش قلبي ?
اما بولنسبة ليا منيش اي حد ننصحو
كي نشوف حد متقبل الآخر و يقدر يتأثر و لازم نخير الكلمات باس نهدر باش منحطش روحي فموقف بايخ
سلام

 

[حلم كبير]

السلام عليكم ورحمه الله وبركاته
موضوع مميز الأخت الكريمة بارك الله فيك
النصيحة عندها قوانين لازم الإنسان يتقيد بيها ،وإلا ما ينصحش
مثلا ميش هو يرمي ڤدام الخلق فالمهملات فالارض وينصح واحد شافوا يدير في هذا الفعل ويڨولو ما ترميش فالارض ...هاذي نصيحتو يروح يلوحها في سلة المهملات
وثاني الناصح لازم يكون يعرف يلعب بالكلمات باه ما تبانش راه يأنب فالمنصوح لأنو هكذا ينفر منو وما يسمعلوش
النصيحة أو الهدرة لازم تكون راس للرأس مع المنصوح واحد ما كان باه ما يحسش بالاحراج نهائيا ...
وحاجة أخرى إذا ما نعرفش العبد اللي رايح ننصحو يعني ما كانش من معارفي من الاحسن نبدا نتعرف بيه بالشويه قبل النصيحة المباشرة ممكن نلڨى روحي غالط فيه أو راه يدير في هاذيك الحاجة لغرض معين أنا جاهلو ..

الناس تتناصح دائما وهذا أمر مليح يزيدهم معرفة وينبهم لأخطاء ممكن كانو حاسبينها حاجة عادي ...
بارك الله فيك على الموضوع القيم
إحترامي وتقديري