وعلاه آ خويا وعلاه ...

[Hakan]

السلام عليكم خاوتي اهل اللمة ان شااء الله تكونو بخير
البارح اصيب صديقي بكسر في انفه اثناء مباراة كنا نلعبوها في لاسيتي رحت انا واياه للمستشفى نديرو راديو ونعالجوه الحمد لله كان الكسر خفيف دعواتكم له ..
لكن المشلكلة لما رحنا تلاقينا مع زوج شباب مضروبين بسكين واحد في الوجه والآخر في الذرااع المهم خليناهم يخيطو جروحهم وتأسفت للوضع نتاعهم
بصح اسوأ منظر شفتو والله ماهو هذاك الوجه المفتوح بسكين ولا ذاك الدم اللي يخرج من الذراع لكن المنظر هو انو لما كنت خارج تلاقيت مع" والدة ووالد " احد هؤلاء الشباب
امراة كبيرة في سن الخمسين واب كبير في الستينات على عكااز
تشقق قلبي والله تفتح لما الامن نتاع المستشفى كان يستجوب في المراة قلها خالتي واش تحتاجي ؟؟
قاتلو وانا قاعد نشوف في عينيها وليدي "راهو هنا " ..
انا تدمرت في تلك اللحظة خلاص ما نجمتش نمشي وعلاه آخويا علاه توصل روحك حتى باش يماك وباباك في آخر العمر توقفهم في غرفة الانتظار بالمستشفى
في ذاك الليل وعلاه آ خويا مش يمااك راهي قاعدة في دارها وتستنى فيك باش تفرحها بشوفتك ووجهك سليم
ناس يتامى بدون آباء وامهات يتمناو يوقفو دقيقة مع والديهم وغاشي حابين يقتلو الأباء نتاعهم وهوما حيين
والله حرام اخويا تجيب المشاكل لبيتكم
والله ساعات نسمحو في ناس يطيحولنا الهدرة وياذونا غير باش ما نجيبوش المشاكل لوالدينا وناس تدخل في عراكات بالسكين وعلاه اخويا ما تفرحش يماك بالتزامك وبرك ليها
يخي ما قاتلك جيبلي الذهب ولا طيحلي بالقمر والله كل حاجة يتمناوها الوالدين كي يشوفونا فرحانين ومع آخر العمر كاين شي ناس يضرو والديهم لاحول ولا قوة الا بالله
ربي يهدي الناس ..​

 

[❤️كلي أمل❤️]

السلام عليكم
ولله صح واش راك تقول
كاين بزاف شباب وبنات يخلو والديهم يذلو ويتهانو وعندهم عادي مايشوفوش ليهم حتى
واش يتعبو ويضحو بشبابهم وراحتهم وصحتهم باش يكبرو ولادهم وفي الأخير كي يكبر هادك الطفل ولا طفلة يخلي كرامة وعرض والديه في أرض مرمي ويضحك عليه لي يسوا ولي مايسوا للاسف مممممممم
ربي يهديهم

 

[4algeria.com]

حقيقة حتى انا نقول "وعلاه آ خويا وعلاه ..."
يماك من يوم ولدت و هي تنتظر تراك رضيعا فطفلا فشابا فرجلا يعيشها في نعيم الدنيا
باباك اللي كان يبكر 6:00 صباحا للعمل و لما يرجع ليلا مرهقا يقدر تكون نائم. و عزيمته كانت ليراك رجلا يعتمد عليه في كل شيء
والديك اللي كانو يحلمو انو ولدهم راح يكبر و يكون اسرة و يقوم بيهم.
لماذا خيبت أملهم؟ هل هذا ما تجازيهم به؟ مشاكل و طريق الليالي الحمراء...
اللهم يهدينا و نتمنى من الاخوة مشاركة هذه القصة مع اصدقائهم لعلها تصل لشخص ارتكب اخطاء في حق والديه و جاء الوقت ليراجع نفسه و قد يتغير بسببك انت من شاركت معه المعلومة

 

[Hakan]

السلام عليكم
ولله صح واش راك تقول
كاين بزاف شباب وبنات يخلو والديهم يذلو ويتهانو وعندهم عادي مايشوفوش ليهم حتى
واش يتعبو ويضحو بشبابهم وراحتهم وصحتهم باش يكبرو ولادهم وفي الأخير كي يكبر هادك الطفل ولا طفلة يخلي كرامة وعرض والديه في أرض مرمي ويضحك عليه لي يسوا ولي مايسوا للاسف مممممممم
ربي يهديهم

ربي يهديهم والله غير حاجة صعيبة بزااف تشوف والديك يترماو في المستشفيات ع جال مشاكلك اللي قادر تبعد عليهم ..والله عيب وقمة العار تذل والديك وناس تشوف فيهم هكذاك يارب نموت وما نكونش سبب في ذل والديا ..ربي يهدينا اجمعين

 

[Hakan]

حقيقة حتى انا نقول "وعلاه آ خويا وعلاه ..."
يماك من يوم ولدت و هي تنتظر تراك رضيعا فطفلا فشابا فرجلا يعيشها في نعيم الدنيا
باباك اللي كان يبكر 6:00 صباحا للعمل و لما يرجع ليلا مرهقا يقدر تكون نائم. و عزيمته كانت ليراك رجلا يعتمد عليه في كل شيء
والديك اللي كانو يحلمو انو ولدهم راح يكبر و يكون اسرة و يقوم بيهم.
لماذا خيبت أملهم؟ هل هذا ما تجازيهم به؟ مشاكل و طريق الليالي الحمراء...
اللهم يهدينا و نتمنى من الاخوة مشاركة هذه القصة مع اصدقائهم لعلها تصل لشخص ارتكب اخطاء في حق والديه و جاء الوقت ليراجع نفسه و قد يتغير بسببك انت من شاركت معه المعلومة

اهلا بالاخ الكريم والله شي صعيب لوكان تجيك في حاجة خارجة عن مقدورك نقولو والديك ولازم يوقفو معاك بصح انو ديما الانسان يجيب المشاكل لدارهم من خلال رفقة السوء وطريق الشر هذي فا يرضاها الرب ولا العبد ...والديك تشوف وجوههم صفراء شاحبة من الخلعة وكل ليلة يستنى في خبر موت ابنو والله غير هذا عقوق ما بعده عقوق ..ربي يغفرلنا ..يارب..​

 

[4algeria.com]

اكيد انو يوجد القضاء و القدر و لا يصيبكم الا ما كتب الله لكم
و قد وقعت لنا مصائب و اتفتحنا في الراس و تجرحنا و تخيطنا لكن اما كنا نلعبو في الصغر او وقع شيء لا دخل لك او جاو ولاح الحرام سرقوك او ...
و هذا يتفق فيه الجميع
لكن نحن هنا نتكلم عن الأشخاص اللي يسهرو حتى لـ 2 صباح مع رفقة السوء او يتناولون جميع انواع المهلوسات او..

 

[ريحـان]

السَلآْم عَلْيُكّمٌ وٍرٍحَمُةّ الله وٍبُرٍكآتُهْ


بارك الله فيك اخي على الموضوع
بصح يبقى هذ الشي نقطة في بحر
الاف القصص التي تروي قساوة الابناء على الوالدين، ف الله اوصى بطاعتهما بعده
خاصة عند الكبر فهم من تعب وربى عند الصغر
حنا وش نقولو نطلبولهم الهداية برك

دمتم بخير​

 

[صدام بكل فخر]

السلام عليكم
شفى الله صديقك و بارك فيك على وقوفك مع صديقك ...
للاسف فعلا أمر مأسف و محزن و مبكي أكثر ما يحز في نفسك ليست تلك الدماء كما قلت
و إنما دموع تلك " الأم " و خذلان ذلك " الأب " فبدل ان يكرما في اخر حياتهم تجدهم في قاعات
الانتظار و منتظرين أمام أبوبة السجون و المحاكم ... حقا أمر مأسف ( بدون تعليق )
ربي يهدينا أجمعين ​

 

[السلطانة]

وعليكم السلام ورحمة الله وبركاته
صح كاين ابناء يوصلوا والديهم للمشاكل ويدمروهم عند كبرهم
كيما لي حكيت عليهم هاذو ربي يهديهم
وربي يشفي صديقك ان شاءالله طهورا

 

[Malika Tlm]

السلام عليكم
خويا حكيم بزاف والدين راهم يعانيييو مع ولادهم
والولد لي يوقف باباه ويماه قدام باب السجن وهو ما ديستناو ويسمعوهم فالكلام الجارح
والولد لي يطيح فعروسة متصلحش خبيثة تجرح والديه بالكلام ووووو وميقدرش يكون راجل ويدافع عليهم
عينات بزاااااااف الوالدين مساكن ينجرحوا ويتهانوا
حسبنا الله ونعم الوكيل
الله يهديهم ياااااارب هذا واسم نقولوا

 

[همس الوُرود]

السلام عليكم ورحمة الله وبركاته
معاناة الأمهات كبيرة بزاف تربي إبنها من صغرها تحاول تخرجو راجل تفرح وتفخر بيه
كبدتها من كيما يكون بيبي وهي معاه فاللخر كي يكبر يولي يديرلها المشاكل ويخلعها كيما هكا
الله يهديهم الأولاد و يصبر آبائهم عليهم
ربي يشفي صاحبك و هادوك 2 و يصبر الأم والأب على وليدهم يا رب
​

 

[HAMZA USMA]

ربي يرجعهم الى الطريق الصواب
​

 

[الامين محمد]

للأسف حبيبي صلاح هذا اللي راه حاصل
أمهات أنفطرت قلوبهن خوفا و روعا من حال أبنائهم
سهر و خمر و مخدرات و سكاكين و أولاد الحرام
ليش يا شاب ما تكونش من أهل القرآن و أهل المساجد إذا غبت تعرفك والدتك أنك في المسجد
أو مع أصحاب الخير
واش نقول ربي يهدي شبابنا

 

[حلم كبير]

السلام عليكم

قصة محزنة
للأسف أصبحت روتين أسبوعي لبعض العائلات
وحتى أن بعض العائلات إذا لم يحصل شيء لابنهم لأكثر من شهر استغربو
الاسر التي يخرج منها مثل هؤلاء دوما يكون الوالدان في غفلة في وقت بداية المراهقة ولا يراقبان صداقات أولادهم
نعم أنا من يختار اصدقاء ابني وابنتي ،منذ نعومة الاظافر لكي يتعود الولد على نوعية الاصدقاء فلا يميل في مراهقته إلا لتوعية الشباب التي تعود عنها منذ صغره ....
للأسف الشديد .... من يتعذب هما الوالدان
انصح كل أب وكل أم نصيحة لوجه الله
ربيا أبناءكم في الصغر واتعبا في شبابكما في تربيتهم لكي تجنو الثمار في كبركما وتعيشا شيخوخة مريحة
حتى البر لكما يتعلموه وهم صغار فيكبرو بارين لكما....
ربي يقدر كل والدين
ويهدي الشباب المسلم يارب ....
بارك الله فيك اخي الكريم على الموضوع
إحترامي وتقديري
​

 

[Hakan]

للاسف حال الاولياء من سيء الى اسوأ لكن نقولو انو ابائنا ما قراوش وممكن ما عرفوش يربو لكن شباب اليوم راهم مع التكنلوجيا كل يوم يفوت عليه منشور لبر الوالدين ...ربي يهديهم نشالله ..راني بالهاتف لي عودة ان شاء الله

 

[السلطانة]

تفكرت وحد العايلة الاب والام صالحين اما الابن فمنحرف طول عمرهم جايبلهم البلا ويتاجر بالمخدرات وحد النهار بلغو عليه ناس وحكمو عليه بعشرين سنة حبس هوما يسكنو قراب لينا غاضتني غير امو وكيفاه كانت تبكي وتعيط على ابنها وتجبد فيه باه ميدوهش !! حرقلها قلبها

 

[صانعة الإبتسامة]

والله معك حق خويا
للأسف بعض شباب اليوم لا يكترثون لأوليائهم ...أنا شخصيا لأجل والدايا الكرمين نضحي حتى بسعادتي ...وأتركهم يفتخرون بإبنتهم هم عانو وتعبو حان دورنا لرد ولو القليل القليل مما فعلوه لأجلنا ... ربي يعيننا على برهم ويحفظ والدينا ويرحم المتوفين وشفي المرضى منهم
بارك الله فيك

 

[أم محمد وأمين]

السلام عليكم قصة مؤثرة وقس على ذلك ياما سمعنا حكايات مثل هذه ربي يهدي راني أم أو راني حاسة بكل أم لها ولد عاق لن نعرف حق الوالدين صح صح حتى نكونوا والدين ربي اوفقنا لطاعة والدينا أو يوفقنا في تربيةاولادنا يارب