العدد الثاني:لؤلؤة قسنطينة ضيفة كرسي الضيافة الرمضانية

الحالة
مغلق ولا يسمح بالمزيد من الردود.

Oussama.GF

:: عضو بارز ::
أحباب اللمة
إنضم
5 مارس 2015
المشاركات
12,216
نقاط التفاعل
19,240
النقاط
2,862
العمر
22
محل الإقامة
Numidia
الجنس
ذكر

do.php



do.php




رمضان مبارك لكل المسلمين ورواد اللمة الجزائرية خصوصا .
اخواني اخواتي طيلة شهر رمضان سنستقبل كل 3 أيام ضيف كريم عضو من أعضاء اللمة
كما درجت العادة وضيفة العدد الثاني هي الأخت :

@لؤلؤة قسنطينة


ستجلس على كرسي الضيافة لمدة 3 ايام

اتهلاو فيا مليح و كثروا الاسئلة :D:D:D
الأسئلة عامة وتكون عن شهر رمضان
نتمنى لك قضاء وقت ممتع برفقتنا

ننتظر تفاعلكم





do.php
 
السلام عليكم
شكرا خويا أسامة على الاستضافة الطيبة
جاتني إشارة حتى نلقى اسمي مكتوب فيها هههه
شكرا لاختياري ان شاء الله نكون خفيفة عليكم
خلال هاد الايام
وصح فطوركم وصح رمضانكم جميعا
 
السلام عليكم
الله الله شكون ضيف سهرتنا اليوم اغلى اخت و صديقة
احسنتم الاختيار خويا أسامة
هههههه بصح زعما واش رح نسقسي نعرف عليك كلشي واقيل نبقى في المتابعة برك و كاش سؤال رآني منبخلش عليك هههههه
منورة الكرسي مريومتي ^^
 
السلام عليكم
الله الله شكون ضيف سهرتنا اليوم اغلى اخت و صديقة
احسنتم الاختيار خويا أسامة
هههههه بصح زعما واش رح نسقسي نعرف عليك كلشي واقيل نبقى في المتابعة برك و كاش سؤال رآني منبخلش عليك هههههه
منورة الكرسي مريومتي ^^

وعليكم السلام ورحمة الله وبركاته
اهلا حبيبتي اسومة
حسب الشوفة درك واحد مايشارك كامل يعرفوني بالاك كتر من نفسي :LOL:
ربي يحفظك ياقلبي السهرة حلوة وطيبة بتواجدكم :giggle:
خلي نحكيو شوي مع بعض نرجعوه موضوع دردشة هههه
شكرا اسومتي ربي ينور ايامك غاليتي
 
و
السلام عليكم
الله الله شكون ضيف سهرتنا اليوم اغلى اخت و صديقة
احسنتم الاختيار خويا أسامة
هههههه بصح زعما واش رح نسقسي نعرف عليك كلشي واقيل نبقى في المتابعة برك و كاش سؤال رآني منبخلش عليك هههههه
منورة الكرسي مريومتي ^^
سقسيها وش كليتي بارح ههه
 
السلامم عليكم ورحمة الله تعالى وبركاته
يعطيك الصحة خويا جبتلنا وش نحتاجو :LOL:
مريم يا مريوومة عمبالك تالمو نعرفك بلاك انا نجاوب على اسئلة في بلاصتك :ROFLMAO:
الموهم راني نخمم في كاش ما نسقسيك

صح فطوركمم :))
 
و

سقسيها وش كليتي بارح ههه

سؤال مليح هذا هههه
وبالمقابل نستغل الفرصة باه كي تسقسيني نزيد نسقسيها
واش كلات البارح :LOL:
بالمناسبة الاشارات هادوك لازم تنحيلهم النقطة هاديك لي قبلهم
وتحط علامة @ باه تلحق الاشارة
 
السلامم عليكم ورحمة الله تعالى وبركاته
يعطيك الصحة خويا جبتلنا وش نحتاجو :LOL:
مريم يا مريوومة عمبالك تالمو نعرفك بلاك انا نجاوب على اسئلة في بلاصتك :ROFLMAO:
الموهم راني نخمم في كاش ما نسقسيك

صح فطوركمم :))

وعليكم السلام ورحمة الله وبركاته
هههه عجبتني جبتلنا واش نحتاجو ههه يسمى حابة تريشيني واقيلا هههه
هههههه يخي مصيبة والله ضحكتيني الله يعطيك الربح
عجبتني تجاوبي في بلاصتي
معليش حبيبتي الحاجة لي تجيك لي في بالي سقسي
والله يسلمك صح فطورك نتي تاني حبيبتي​
 
السلام عليكم
وش راكم لاباس بخير؟ وصح رمضانكم
موضوع كالعادة مميز ورائع
وشكرا للأخ أسامة على الطرح
واهلا وسهلا بالغالية مريم
هذي شوية اسئلة ليك ??

برنامج لؤلؤة في رمضان ماهو؟
هل انت من عشاق النوم في رمضان??؟
اكلتك المفضلة في رمضان؟
برنامج تشاهدينه نال اعجابك ماهو؟

منكتروش عليك الأسئلة ??
وصح فطوركم
 
حبيبتي @*amani* صح فطورك
وشكرا على تواجدك واسئلتك
غدوة نرجع نجاوب عليك ان شاء الله غاليتي
وصح سحورك مسبقا​
 
اممم شكون هنا مريم بشحمها ولحمها ...
ايا نسقسيك اسئلة رمضانية :
تعرفي طيبي الشربة ولا ؟
تعرفي تخدمي طاجين حلو ولا ؟
الفلون واش تعرفيلو ولا ؟
وقتاه يغلبك الصيام ؟
واش تسحري عادة ؟
تتقلقي في رمضان ولا نو؟
هذا مكان نرجعلك من بعد ان شااء الله
 
صح فطوركم
شكرا فاعل خير ومرحبا بلؤلؤة قسنطينة

منطلقش اليوم يا ميمي ههه
لي عودة مع باقة من الاسئلة ان شاء الله​
 
السلام عليكم حبيبتي مريم
صح فطورك و فطور جميع الاعضاء
هاني جيت نهبلك شوية هههههه

- مريم و رمضان ؟ يغلبك ولا تغلبيه ؟
- مريم و الكوزينة ههههه ؟!
- باش يتميز رمضان في قسنطينة ؟!
- طبق مشهورة بيه ولايتك ؟
- و عادة مهمة في رمضان عندكم ؟


حاليا هذا واش عندي
و لي عودة ^^
 
:-p:-p:-p:-p:-p الو الو بورتو شكون الضيف
ياه بنت ال 25

مالا جيت نسقسي :

-قسنطينة معروفة بعدة اطباق رمضانية قوليلنا اشهرها ؟
-مسجد مشهور في قسنطينة ؟
-واش تخدمي في رمضان في الدار ؟
-يجيوكم الضياف في السهر ولا لا ؟ ووين تروحو في رمضان ؟

صحا صحورك وفطورك
 
ياهلا بمريومة العسل ^^
جيت نقرعج عندي سؤال خفيف برك منكثرش علابالي تدوريها جوغنال ههه
زعما تعتبري روحك تعرفي تطيبي ؟
ايا هادا واش جا فبالي لا يصلح ولانن
سلام
 
رمضان كريم يا لؤلؤة كما أحب أن اسميك
ما درجة التعب عندك في رمضان
هل هناك نرفزة عندك و مما
هل تجدين وقت للفراغ
بكل صدق و امام الجميع حلمك الذي لم يتحقق و لا زلت متمسكة به ما هو
 
السلام عليكم
وش راكم لاباس بخير؟ وصح رمضانكم
موضوع كالعادة مميز ورائع
وشكرا للأخ أسامة على الطرح
واهلا وسهلا بالغالية مريم
هذي شوية اسئلة ليك ??

برنامج لؤلؤة في رمضان ماهو؟
هل انت من عشاق النوم في رمضان??؟
اكلتك المفضلة في رمضان؟
برنامج تشاهدينه نال اعجابك ماهو؟

منكتروش عليك الأسئلة ??
وصح فطوركم

وعليكم السلام ورحمة الله وبركاته
صباح النور حبيبتي أماني ونهارك طيب وصح رمضانك
والحمد لله يسقسي عليك الخير ان شاء الله نتي راكي لاباس؟
وأهلا وسهلا بيك حبيبتي راكي منورة الموضوع ^^
ومرحبا بيك وبالأسئلة تاعك
نبداو الإجابة بسم الله


برنامج لؤلؤة في رمضان ماهو؟
بالنسبة للبرنامج تاعي في رمضان سبق وحطيتو في موضوع من قبل لكن رايحة نقولك على برنامجي لهاد العام
بصراحة هاد العام نحيت حاجة وهي السهرة بين الصلاة العشاء والفجر خاطر كنت نسهر حتى للفجر نصلي ونقرا قرآن
ومن بعد نرقد والصباح نوض بصح تعبانة وفاشلة، وهاد العام بصح عدت نرقد بكري غير تلحق 11 نرقد وكأقصى حد 12 اللخر
وبما أنو الفجر يأذن على 3 و45 دقيقة نوض تقريبا بين 2 ونص إلى 2 و45 إما نتوضا ونصلي ومن بعد نوجد السحور
وإلا نوجد السحور ونوضهم يتسحرو ونروح نصلي ونقرا القرآن وساعات نحفظ القرآن خاطر مخي يكون خفيف حتى يأذن نصلي الفجر
ونرقد الصباح نوض بين 8.30 حتى 9 نقرا الاذكار تاعي ونقوم بأعمال منزلية يومية وساعات مانجي نوض نلقى ماما قامت بيها باه مانكدبش
اذا كان عندنا فطور فيه بزاف أعمال نوجد جزء صغير منو وندخل للمة هاني نكونيكتي حتى يلحق الظهر نصلي ونقرا القرآن ونزيد ندخل للمة
اذا كانت عندي اعمال كبيرة كيما قلت في الكوزينة مانطولش بزاف بعد الظهر في اللمة واذا عندي حاجة خفيفة نقعد حتى للعصر كي يأذن نصلي
ونقرا قرآن ونحفظ القرآن اذا قدرت ونقرا الأذكار وندخل للكوزينة حتى يبقى على المغرب نص ساعة هكاك نوجدو طاولة الافطار وغير يأذن نفرق الصيام
برك ونوض نصلي المغرب وكي نخلص نكمل فطوري وغير نكملو كامل نوض نغسل لماعن نظف الدنيا (طبعا اذا كانت دالتي تاع لماعن هههه)
ومن بعد نقعد مع عايلتي نتفرج شوي برامج تلفزيونية حتى يلحق العشاء نصلي العشاء وساعات نقرا القران وراه وساعات لالا باه مانكدبش
من بعد اذا كاين فاكهة ولا تحلية ناكلها ونروح نغسل اسناني هههه وندخل للمة نقعد ساعة هكاك ونرقد وهكذا


هل انت من عشاق النوم في رمضان??؟
بالنسبة للنوم خاطيني يعني حتى في القايلة لي من المفروض نرقد فيها ومانرقدش على هادي النوم مايتغلبش عليا في الصيام ولا في الفطور

اكلتك المفضلة في رمضان؟
أنا ناكل كلشي ماعنديش مشكل هههه بصح في رمضان أكثر حاجة نحب ناكلها هي الجاري والبوراك نحسهم هوما ريحة رمضان مع أني
الجاري مانحبو ما نكرهو بصح في رمضان نولي نموت عليه هههه تاني نحب الكفتة في رمضان وكذلك واحد الاكلة عندنا نسميوها gناوية :love: تهبل
غير هاد الشي ناكل كلشي في رمضان اي حاجة من عند ربي فهي نعمة ولو طرف خبز وكاس حليب


برنامج تشاهدينه نال اعجابك ماهو؟
البرامج صراحة بالاك بكري كي كنت صغيرة نتبع وكلشي بصح درك نورمال، انا من عادتي في رمضان نحب كي نكون قاعدة نحط
قناة طبخ حتى ولو مارانيش نتبع هههه تجيني كي نحطها خير من مسلسل، البرامج لي نفضلها ربما تاع الفكاهة بكثرة كيما عاشور العاشر هههه
والا نحب البرامج الدينية ولا البرامج لي يديرو فيهم تجارب للمجتمع يعجبوني بزاف غير هاد الشي نتفرج بعشوائية ماعنديش حاجة متبعتها طول


شكرا حبيبتي على تواجدك وصح فطورك كذلك وشكرا على اسئلتك الطيبة
نهارك طيب
تحياتي





 
اممم شكون هنا مريم بشحمها ولحمها ...
ايا نسقسيك اسئلة رمضانية :
تعرفي طيبي الشربة ولا ؟
تعرفي تخدمي طاجين حلو ولا ؟
الفلون واش تعرفيلو ولا ؟
وقتاه يغلبك الصيام ؟
واش تسحري عادة ؟
تتقلقي في رمضان ولا نو؟
هذا مكان نرجعلك من بعد ان شااء الله

هههه نعم مريم بشحمها ولحمها وهبالها :LOL:
اهلا بيك خويا حكيم صباح النور ويومك طيب ان شاء الله
هيا نجاوبو على الاسئلة ان شاء الله


تعرفي طيبي الشربة ولا ؟
أكيد نعرف نطيبها سواء كانت بيضاء أو حمراء ههه يعني جاري بيض ولا حمر


تعرفي تخدمي طاجين حلو ولا ؟
هيه حنا نقولولو طاجين العين، باه مانكونش كذابة طاجين العين بالاك جربتو مرة ولا زوج في حياتي كامل هههه
خاطر عندنا سنوااات مادرناهش في الدار والديا مراض بالسكر وختي ماتحبوش وانا ناكلو فن برك هههه يعني
نذوق منو في المناسبات، وهاد العام قاتلي ماما نديرو شوي منو سخفت عليه قتلها راهي سخفة لحظية برك قتلها تفوتي تفطري تنسايه
قتلها وتبقا غير الحلاوة تضرك ساع تبعتني وغير فطرت وشبعت قاتلي عندك الحق قاتلي سخفت في دقيقتها بصح درك نورمال
المهم خلاصة القول ( خاطر حكيت قصة حياتي) هيه نعرف نطيبو هههه اصلا طيابها ساهل خلاص


الفلون واش تعرفيلو ولا ؟
هههههه هيه نعرفلو، أصلا الفلون أصعب حاجة في الطبخ :LOL:
خاصة خاصة كي تستناه يغلي هههه


وقتاه يغلبك الصيام ؟
والله الصيام مايغلبيش عادة غير كي تعود السخانة خلاااص مثلا درجة 40 ولا كتر تما ساعات مايجي يلحق المغرب
يا يطحلي السكر يا نولي نتمايل ههههه بصح في باقي الايام عادي خلاص حتى لآخر دقيقة قبل المغرب وانا في كامل قواي الجسدية والعقلية هههه


واش تسحري عادة ؟
نتسحر بكاس ماء هههه، من الفطور مانزيد ناكل والو حتى للفطور تاع غدوة غير ساعات في السهرة
ناكل فاكهة وإلا مرة على مرة حاجة حلوة بصح في بقية الايام غير الماء برك


تتقلقي في رمضان ولا نو؟
لا بالعكس في رمضان نكون كالم خلااااص مانتقلق ما نغضب قلبي يبرد خلاص هههه الجو بعد يكالميني معرف كيفاه


شكرا خويا حكيم على مرورك وعلى اسئلتك الطيبة بارك الله فيك
وصح فطورك ويوم طيب ان شاء الله




 
صح فطوركم
شكرا فاعل خير ومرحبا بلؤلؤة قسنطينة

منطلقش اليوم يا ميمي ههه
لي عودة مع باقة من الاسئلة ان شاء الله​

اهلا فطومة صباح النور ويومك طيب ان شاء الله
ومرحبا بيك كذلك في اي وقت ومرحبا بباقة اسئلتك الزكية
ان شاء الله حبيبتي انتظر عودتك

تحياتي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top