العدد الثاني:لؤلؤة قسنطينة ضيفة كرسي الضيافة الرمضانية

الحالة
مغلق ولا يسمح بالمزيد من الردود.
السلام عليكم حبيبتي مريم
صح فطورك و فطور جميع الاعضاء
هاني جيت نهبلك شوية هههههه


- مريم و رمضان ؟ يغلبك ولا تغلبيه ؟
- مريم و الكوزينة ههههه ؟!
- باش يتميز رمضان في قسنطينة ؟!
- طبق مشهورة بيه ولايتك ؟
- و عادة مهمة في رمضان عندكم ؟



حاليا هذا واش عندي
و لي عودة ^^

وعليكم السلام ورحمة الله وبركاته
أهلا أسومة صباح النور ويومك طيب ان شاء الله
هههه مرحبا بيك وبأسئلتك أصلا انا وياك مهابل دوريجين هههه
هيا نجاوبو على الاسئلة


- مريم و رمضان ؟ يغلبك ولا تغلبيه ؟
لا الحمد لله دائما نغلبو عمري لا اشتكيت من رمضان ولا خفت منو يعني من ناحية الصيام والجوع
الامر ما يقلقنيش خلاص بالعكس الصيام نعمة


- مريم و الكوزينة ههههه ؟!
وعلاه حطيتي الضحكة هاديك قدام الكوزينة :cautious: قولي :mad:
امم علاقتي بالكوزينة دائما أنا وياها متصالحين، خاصة في رمضان تنزل عليا واحد المحبة :love: ههههه
تولي تبانلي الكوزينة حلوة معرف اذا قفازة ولا سخفة :LOL:


- باش يتميز رمضان في قسنطينة ؟!
رمضان يتميز في قسنطينة كونها قسنطينة في حد ذاتها :giggle:
يكفي أنك داخل مدينتك لي تعشقيها ومابين ناسك لي تحبيهم هادا وحدو يخلي رمضان مميز


- طبق مشهورة بيه ولايتك ؟
النسبة للطبق هوما تقريبا ناس الشرق يشتاركو في قداه من حاجة
يعني معظم االطباق لي رايحة نطبقها تلقاي جيرانا كذلك يديروها
بالنسبة لقسنطينة كاين جاري فريك وشخشوخة الظفر والتريدة وشباح الصفرة والgناوية ووو بزاف أطباق


- و عادة مهمة في رمضان عندكم ؟
بالنسبة للعادة والله مانكدب عليك ماعنديش حاجة هكا نقدر نذكرها
ربما في ولايتي كيما باقي الولايات نبداو النهار الاول بالحلاوة يعني طاجين العين وكلشي
كذلك الجاري والبوراك، تحكيلي ماما تاني قاتلي بكري في وقتهم كي يخلصو الفطور يحطو صينية تاع القهوة
فيها الزلابية والسفنج الله يبارك قاتلي كنا نوجدو صينية تاع الفطور وقدامها صينية تاع القهوة
كانت الناس تسهر مع بعضها العايلات كامل فليل يزورو بعضاهم هادي قهوة وهادي تحلية
بصح دركا كي الفطار كي الصيام نفس الشي للأسف


شكرا أسومة على اسئلتك الجميلة وعلى مرورك الطيب
صح فطورك حبيبتي ويومك طيب
تحياتي






 
السلام عليكم
نورت الكرسي حبيبتي لؤلؤة
اش خبارك مع سيدنا رمضان ؟
برنامجك في الشهل الفضيل؟
تدخلي الكوزينة ناشطة ولا نعسانه هههه؟
بيناتنا طيابك بنين فرمضان؟
تروحي تصلي التراويح؟
ديري الصدقة في الشهر الفضيل؟
ختمتي ولا مزال؟
نتمني منكونش طولت عليك
صح فطورك حبوبتي
 
:-p:-p:-p:-p:-p الو الو بورتو شكون الضيف
ياه بنت ال 25

مالا جيت نسقسي :

-قسنطينة معروفة بعدة اطباق رمضانية قوليلنا اشهرها ؟
-مسجد مشهور في قسنطينة ؟
-واش تخدمي في رمضان في الدار ؟
-يجيوكم الضياف في السهر ولا لا ؟ ووين تروحو في رمضان ؟

صحا صحورك وفطورك

اهلا حبيبتي أم ياسمين مساء النور ويومك طيب ان شاء الله
مرحبا بجارتي :giggle: اهلا بيك وبأسئلتك الطيبة
ونجاوب عليهم على بركة الله

-قسنطينة معروفة بعدة اطباق رمضانية قوليلنا اشهرها ؟
تقريبا نفس طياب ناس الشرق كامل جاري فريك وبوراك وطاجين العين وطاجين الزيتون
والكفتة والgناوية هادي أهمها وهادي لي نديروها تقريبا دائما في دارنا كل رمضان ما عدا طاجين العين (اللحم الحلو)
خاطر كيما سبق وذكرت والديا مراض بالسكر اذا نحيناه من القائمة ههه


-مسجد مشهور في قسنطينة ؟
مسجد الامير عبد القادر، كان أكبر مسجد في افريقيا قبل بناء المسجد الاعظ تاع العاصمة
هو أشهر وأكبر مسجد في قسنطينة


-واش تخدمي في رمضان في الدار ؟
والله نخدم كلشي الطياب والتنظيف وتجهيز الطابلة هههه وغسيل لماعن يعني كلشي

-يجيوكم الضياف في السهر ولا لا ؟ ووين تروحو في رمضان ؟
نصليو العشاء ونطيحو نرقدو ههههه لا ضياف لا والو هههه
ساعات نهبطو لدار جدي ورا الفطور نقعدو معاهم حتى يخلص بابا الصلاة ونروحو يعني نسهرو معاهم
بصح نديروها مرة ولا مرتين في الشهر باقي الايام نصليو ونرقدو يعني مايجينا حتى عبد وما نروحو حتى عند عبد


شكرا حبيبتي على تواجدك وعلى اسئلتك الطيبة
والله يسلمك صح فطورك وسحورك نتي تاني مسبقا
ويومك طيب
تحياتي

 
صباح الخييير
آه مريومة الغالية جات دالتك هههه
بوون اسئلتي ممممم
شحال في عمرك؟؟?
واش ديري في حياتك؟؟؟?
تحبي تغسلي لماعن؟؟؟?
واش تتسحري عادة؟؟؟
كاش نهار غلطتي وكلتي في نهار رمضان؟؟؟??
واش الاكلة المفضلة عندك؟؟?
تسهري في رمضان ولا ترقدي؟؟?


لي عودة ونسقسيك بزاااف ههه
صح صيامك وصح فطووورك
 
ياهلا بمريومة العسل ^^
جيت نقرعج عندي سؤال خفيف برك منكثرش علابالي تدوريها جوغنال ههه
زعما تعتبري روحك تعرفي تطيبي ؟
ايا هادا واش جا فبالي لا يصلح ولانن
سلام

ويا هلا بمن أحلى من العسل :love:
مساء النور لأحلى كارلا ويومك طيب عزيزتي
ان شاء الله احوالك بخير؟
ههههه مرحبا بيك وقرعجي كيما تحبي ومرحبا بأسئلتك
فقط معلومة قادر نصف سؤال وندير عليه جرنان :LOL:
المهم نجاوب على سؤالك وأكيد يصلح اي حاجة من عندك مقبولة :giggle:


والله درك ذوق الناس هوما لي يقولو اذا نعرف نطيب ولالا، أنا ماما طيابها عسل كل شي من يدها يجي مليح
السلاطة كي ديرلها لاصوص والناس تموت عليها فمابالك طياب وانا هزيت عليها فنون الطبخ زعما هههه
طياب البرمة والطبخ التقليدي نعرفو اما العصري شوي شوي راني جرب مرة على مرة والحمد لله الحاجة لي نديرها
تصلحلي، يعني مانقولكش راني شاف نعرف لكلشي ولا نقولك مانعرف لوالو يعني في الوسط
وحسب الناس لي ذاقو ماكلتي قالو طياب بنين، وهاد الناس هوما عايلتي بعد هههه معرف اذا صح طياب بنين
ولا كل ماكلة خنفوس عند عايلتو بنينة :LOL::ROFLMAO:


شكرا حبيبتي على تواجدك وربي يهنيك
وصح فطورك مسبقا ويومك طيب
تحياتي

 
رمضان كريم يا لؤلؤة كما أحب أن اسميك
ما درجة التعب عندك في رمضان
هل هناك نرفزة عندك و مما
هل تجدين وقت للفراغ
بكل صدق و امام الجميع حلمك الذي لم يتحقق و لا زلت متمسكة به ما هو

رمضان مبارك عزيزتي ميلينا
ومساء النور لأم الغالي إسلام كما أحب أن أسميك ^^
يومك طيب اختي


ما درجة التعب عندك في رمضان؟
بصراحة في رمضان تكون الطاقة والنشاط عكس الايام العادية وهادا من عند ربي
بلا مانروح ليا عندي ماما في الفطار تفطر الصباح بالحليب وكلشي ماتجي تلحق
11 تولي ترعش يطيحلها السكر بصح في رمضان صدقيني نادرا ماتتسحر وتخدم في رمضان
ماتحبش تقعد تحب تدخل للكوزينة وهكاك مايطيحلهاش السكر خلاص انا كي نشوفها هي لي مريضة هكا
فمابالك انا، على هادي في رمضان مانتعبش خلاص الا في حالة كانت حرارة مرتفعة جدا تما نفشل


هل هناك نرفزة عندك و مما؟
بصراحة في شهر رمضان مانتنرفزش ومانغضبش بزاف تلقايني بالعكس كالم يعني مايحكمش عليا الصيام
نوجد الماكلة بعقلي نخدم كل اموري بعقلي مانتنارفاش خلاص


هل تجدين وقت للفراغ؟
نعم والحمد لله، مادام نقدر ندخل للمة ونشارك يسمى عندي وقت فراغ
عندي وقت للصلاة ولقراءة القرآن ولحفظ القرآن وباه نكونيكتي، ووقت للطبخ والحمد لله


بكل صدق و امام الجميع حلمك الذي لم يتحقق و لا زلت متمسكة به ما هو؟
باختصار، منزل

شكرا حبيبتي ميلينا على كرم مرورك ربي يهنيك اختي
وصح فطورك مسبقا ويومك طيب
تحياتي

 
السلام عليكم
نورت الكرسي حبيبتي لؤلؤة
اش خبارك مع سيدنا رمضان ؟
برنامجك في الشهل الفضيل؟
تدخلي الكوزينة ناشطة ولا نعسانه هههه؟
بيناتنا طيابك بنين فرمضان؟
تروحي تصلي التراويح؟
ديري الصدقة في الشهر الفضيل؟
ختمتي ولا مزال؟
نتمني منكونش طولت عليك
صح فطورك حبوبتي

وعليكم السلام ورحمة الله وبركاته
مساء النور حبيبتي مليكة، الكرسي منور بوجودك يا غالية
ان شاء الله احوالك بخير؟

اش خبارك مع سيدنا رمضان ؟
لاباس الحمد لله نحمدو ربي ونشكروه، رمضان نعمة

برنامجك في الشهل الفضيل؟
بالنسبة للبرنامج رايحة نكوبيلك الرد لي رديتو على الاخت أماني خاطر فيه وضعت برنامجي اليومي في رمضان
بصراحة هاد العام نحيت حاجة وهي السهرة بين الصلاة العشاء والفجر خاطر كنت نسهر حتى للفجر نصلي ونقرا قرآن
ومن بعد نرقد والصباح نوض بصح تعبانة وفاشلة، وهاد العام بصح عدت نرقد بكري غير تلحق 11 نرقد وكأقصى حد 12 اللخر
وبما أنو الفجر يأذن على 3 و45 دقيقة نوض تقريبا بين 2 ونص إلى 2 و45 إما نتوضا ونصلي ومن بعد نوجد السحور
وإلا نوجد السحور ونوضهم يتسحرو ونروح نصلي ونقرا القرآن وساعات نحفظ القرآن خاطر مخي يكون خفيف حتى يأذن نصلي الفجر
ونرقد الصباح نوض بين 8.30 حتى 9 نقرا الاذكار تاعي ونقوم بأعمال منزلية يومية وساعات مانجي نوض نلقى ماما قامت بيها باه مانكدبش
اذا كان عندنا فطور فيه بزاف أعمال نوجد جزء صغير منو وندخل للمة هاني نكونيكتي حتى يلحق الظهر نصلي ونقرا القرآن ونزيد ندخل للمة
اذا كانت عندي اعمال كبيرة كيما قلت في الكوزينة مانطولش بزاف بعد الظهر في اللمة واذا عندي حاجة خفيفة نقعد حتى للعصر كي يأذن نصلي
ونقرا قرآن ونحفظ القرآن اذا قدرت ونقرا الأذكار وندخل للكوزينة حتى يبقى على المغرب نص ساعة هكاك نوجدو طاولة الافطار وغير يأذن نفرق الصيام
برك ونوض نصلي المغرب وكي نخلص نكمل فطوري وغير نكملو كامل نوض نغسل لماعن نظف الدنيا (طبعا اذا كانت دالتي تاع لماعن هههه)
ومن بعد نقعد مع عايلتي نتفرج شوي برامج تلفزيونية حتى يلحق العشاء نصلي العشاء وساعات نقرا القران وراه وساعات لالا باه مانكدبش
من بعد اذا كاين فاكهة ولا تحلية ناكلها ونروح نغسل اسناني هههه وندخل للمة نقعد ساعة هكاك ونرقد وهكذا


تدخلي الكوزينة ناشطة ولا نعسانه هههه؟
ههههه لالا ندخل ناشطة أصلا في رمضان حتى للدقائق الأخيرة ونبقى ناشطة قليل وين نفشل

بيناتنا طيابك بنين فرمضان؟
هيه والحمد لله، مع أنو غالبا نتقاسمو العمل مثلا تلقايني ساعات الجاري (الشربة) نبداها انا وتكملها ماما خاطر نكون انا مع البوراك
وإلا تبداه ماما وانا نكملو عليها وساعات نبداه ونكملو يعني ساعات طبخة وحدة تكون فيها قداه من لمسة هههه


تروحي تصلي التراويح؟
لا جامي رحت صليت التراويح، ساعات كي يدخل شهر رمضان نقول بالاك هاد العام نروح ومن بعد ماتكتبش

ديري الصدقة في الشهر الفضيل؟
إذا كانت صدقة مالية أو صدقة طعام فهذا راجع لوالديا يعني الصدقة تخرج من عندهم ماتتسماش تابعة ليا ربما ابسط صدقة نقدر نطبقها
في رمضان هي على الحيوانات هههه نوكلهم ونشربهم ونهتم بيهم كأنهم جزء من برنامجي اليومي


ختمتي ولا مزال؟
لا مازال ان شاء الله، راني هاد الساعة في سورة الأنفال
وربي يجعل القرآن ربيع قلوبنا


لا بالعكس حبيبتي أسئلتك خفاف وظراف كيفك :)
شكرا لكرم مرورك وشكرا لأسئلتك الطيبة
صح فطورك مسبقا أختي ويومك طيب

 
صباح الخييير
آه مريومة الغالية جات دالتك هههه
بوون اسئلتي ممممم
شحال في عمرك؟؟?
واش ديري في حياتك؟؟؟?
تحبي تغسلي لماعن؟؟؟?
واش تتسحري عادة؟؟؟
كاش نهار غلطتي وكلتي في نهار رمضان؟؟؟??
واش الاكلة المفضلة عندك؟؟?
تسهري في رمضان ولا ترقدي؟؟?


لي عودة ونسقسيك بزاااف ههه
صح صيامك وصح فطووورك

مسااء النووور
أهلا صفصوفة الغالية، هههه شفتي الدنيا دوارة دارت بيا وطحت في الكرسي :LOL:
مرحبا بيك حبيبتي وبأسئلتك الطيبة


شحال في عمرك؟؟?
25 سنة

واش ديري في حياتك؟؟؟?
يا حسراه كي كنت نكتب طالبة جامعية هههه درك نكتب ماكثة في البيت هههه
تخرجت العام لي فات وراني ندير في سطاج في بيتنا العزيز ههه


واش ديري في حياتك؟؟؟?
ماكانش لي يحب يغسل لماعن هههه قالك أجاثا كريسيتي كاتبة روايات الجرائم قاتلهم الأفكار تاع رواياتي والجرائم
كامل كانو يجيوني كي نكون نغسل لماعن هههه اصلا انا نتيه مانجي نبداهم نروح في عالم الأحلام حتى نلقاهم خلصو ههههه
بصح مايقلقونيش لماعن صراحة اصلا نكره نكره نشوف الكوزينة بماعنها
لدرجة لماعن قبل ما يأذن الآذان يكونو كامل مغسولين وكي نخلصو الفطور بعد نوض نغسلهم
على هادي ماش نحب نغسل لماعن بصح مانحبش نشوفهم قدامي في الكوزينة موسخين


واش تتسحري عادة؟؟؟
نتسحر بكاس ماء هههه عندي في الدار غير بابا لي يتسحر بكثرة وختي ساعات وماما نادراا
اما انا غير كاس ماء يكفيني


كاش نهار غلطتي وكلتي في نهار رمضان؟؟؟??
شوفي زوج حوايج ماتخليهمش قدامي في رمضان خاطر دايما نغلط فيهم، أول حاجة هي الماء انا من عادتي قبل مانرقد
آخر حاجة نديرها نشرب الماء ومع نحل عينيا نشرب الماء وفي رمضان مع نوض طول تقابلني القرعة تاع الماء
كن مانحكمش في روحي نطفرها ههههه ديما ينحيولي القرعة تاع الماء من يدي في آخر دقيقة قبل حدوث الكارثة :LOL:
وتاني حاجة أنا فيا طبيعة كي نعود نطيب حاجة ماتطيح في فمي غير كي نذوق المرقة اذا بنينة ولا غير حاجة مانقدرش
مانذوقش منها هي البطاطا المقلية ههههه غير تطيب يروح خمس حبات ديجا في ثانية ههههه مرة صراتلي قبل آذان المغرب
بشوي قليت البطاطا كىخر حاجة باه تبقى سخونة غير طابت رميت حبة في فمي ونمضغ وفرحانة ههههه حتى قاتلي ماما
ياااه راكي صايمة ونروح نجري للعين هههه رميتها وغسلت فمي وانا شابعة ضحك هههه


واش الاكلة المفضلة عندك؟؟?
نحب كلشي انا ماعنديش مشكل، بصح كيما قلت في رمضان تعجبني ريحة الجاري والبوراك كي تكون في الدار
نعتابرو أفضل فطور اما بقية الايام ناكلو المقرونة ناكلو اللوبيا ههههه ناكلو كلشي وكلشي نحبو
اصلا بابا مدايرلنا قائمة يقولنا كل نهار نطيبو ماكلة مفضلة تاع واحد فيكم لي تخلص دالتو مايزيدش يهدر هههه



من قبل كنت شومبيون دافريك تاع السهرة هههه درك بصح اعتزلت هههه كنت مانرقدش خلاص حتى يأذن الفجر
نديها صلاة وقراءة قرآن وكي نصلي الفجر و نخلص نزيد نقرا قرآن حتى تشرق الشمس نصلي زوج ركعات باه نرقد
من بعد نطول شوي باه نوض ساعات 9.30 ساعات 10 ونوض كلي متعبة هيا رميت عليا السهرة مع انها كانت تعجبني
فيها العبادة بصح الله غالب عدت درك نرقد ونوض قبل الفجر بساعة ونص هكاك وربحت راحتي ونوض ناشطة الصباح


شكرا صفصوفة على تواجدك وعلى اسئلتك الطيبة
ومرحبا بيك في اي وقت وباسئلتك انا في انتظارك
وصح فطورك مسبقا ويومك طيب




 

مسااء النووور
أهلا صفصوفة الغالية، هههه شفتي الدنيا دوارة دارت بيا وطحت في الكرسي :LOL:
مرحبا بيك حبيبتي وبأسئلتك الطيبة


شحال في عمرك؟؟?
25 سنة

واش ديري في حياتك؟؟؟?
يا حسراه كي كنت نكتب طالبة جامعية هههه درك نكتب ماكثة في البيت هههه
تخرجت العام لي فات وراني ندير في سطاج في بيتنا العزيز ههه


واش ديري في حياتك؟؟؟?
ماكانش لي يحب يغسل لماعن هههه قالك أجاثا كريسيتي كاتبة روايات الجرائم قاتلهم الأفكار تاع رواياتي والجرائم
كامل كانو يجيوني كي نكون نغسل لماعن هههه اصلا انا نتيه مانجي نبداهم نروح في عالم الأحلام حتى نلقاهم خلصو ههههه
بصح مايقلقونيش لماعن صراحة اصلا نكره نكره نشوف الكوزينة بماعنها
لدرجة لماعن قبل ما يأذن الآذان يكونو كامل مغسولين وكي نخلصو الفطور بعد نوض نغسلهم
على هادي ماش نحب نغسل لماعن بصح مانحبش نشوفهم قدامي في الكوزينة موسخين


واش تتسحري عادة؟؟؟
نتسحر بكاس ماء هههه عندي في الدار غير بابا لي يتسحر بكثرة وختي ساعات وماما نادراا
اما انا غير كاس ماء يكفيني


كاش نهار غلطتي وكلتي في نهار رمضان؟؟؟??
شوفي زوج حوايج ماتخليهمش قدامي في رمضان خاطر دايما نغلط فيهم، أول حاجة هي الماء انا من عادتي قبل مانرقد
آخر حاجة نديرها نشرب الماء ومع نحل عينيا نشرب الماء وفي رمضان مع نوض طول تقابلني القرعة تاع الماء
كن مانحكمش في روحي نطفرها ههههه ديما ينحيولي القرعة تاع الماء من يدي في آخر دقيقة قبل حدوث الكارثة :LOL:
وتاني حاجة أنا فيا طبيعة كي نعود نطيب حاجة ماتطيح في فمي غير كي نذوق المرقة اذا بنينة ولا غير حاجة مانقدرش
مانذوقش منها هي البطاطا المقلية ههههه غير تطيب يروح خمس حبات ديجا في ثانية ههههه مرة صراتلي قبل آذان المغرب
بشوي قليت البطاطا كىخر حاجة باه تبقى سخونة غير طابت رميت حبة في فمي ونمضغ وفرحانة ههههه حتى قاتلي ماما
ياااه راكي صايمة ونروح نجري للعين هههه رميتها وغسلت فمي وانا شابعة ضحك هههه


واش الاكلة المفضلة عندك؟؟?
نحب كلشي انا ماعنديش مشكل، بصح كيما قلت في رمضان تعجبني ريحة الجاري والبوراك كي تكون في الدار
نعتابرو أفضل فطور اما بقية الايام ناكلو المقرونة ناكلو اللوبيا ههههه ناكلو كلشي وكلشي نحبو
اصلا بابا مدايرلنا قائمة يقولنا كل نهار نطيبو ماكلة مفضلة تاع واحد فيكم لي تخلص دالتو مايزيدش يهدر هههه



من قبل كنت شومبيون دافريك تاع السهرة هههه درك بصح اعتزلت هههه كنت مانرقدش خلاص حتى يأذن الفجر
نديها صلاة وقراءة قرآن وكي نصلي الفجر و نخلص نزيد نقرا قرآن حتى تشرق الشمس نصلي زوج ركعات باه نرقد
من بعد نطول شوي باه نوض ساعات 9.30 ساعات 10 ونوض كلي متعبة هيا رميت عليا السهرة مع انها كانت تعجبني
فيها العبادة بصح الله غالب عدت درك نرقد ونوض قبل الفجر بساعة ونص هكاك وربحت راحتي ونوض ناشطة الصباح


شكرا صفصوفة على تواجدك وعلى اسئلتك الطيبة
ومرحبا بيك في اي وقت وباسئلتك انا في انتظارك
وصح فطورك مسبقا ويومك طيب




يسلمك ياغالية مام انت صح فطورك
وشكررر على اجوبتك حقيقة استمتعت بقرائتها
مرسي حنونة
ولي عوووودة راااح نهبلك بأسئلتي هههه
 
السلام عليكم
اهلا باللؤلؤة و رمضان مبارك
كامل واش جا في بالي نسقسيك سبقوني ليه
ماشاء الله عليك حبوبتي و ربي يعينك و يوفقك
صاحا فطورك و فطوركم كامل و تقبل الله
 
يسلمك ياغالية مام انت صح فطورك
وشكررر على اجوبتك حقيقة استمتعت بقرائتها
مرسي حنونة
ولي عوووودة راااح نهبلك بأسئلتي هههه

زعما البارح نجاوب وفرحانة ونقولك مايغلبنيش رمضان
وانا باه نكوبي الاسئلة تاعك ونحطهم قدقد مع الاجوبة
خلطتهم كامل هههه
الشكر ليك حبيبتي على تواجدك وعلى خفة روحك

وانتظر عودتك غاليتي
 
السلام عليكم
اهلا باللؤلؤة و رمضان مبارك
كامل واش جا في بالي نسقسيك سبقوني ليه
ماشاء الله عليك حبوبتي و ربي يعينك و يوفقك
صاحا فطورك و فطوركم كامل و تقبل الله

وعليكم السلام ورحمة الله وبركاته
صباح النور والسرور للغالية أم منير
يومك طيب ان شاء الله وصح رمضانك
وأهلا ومرحبا بيك الموضوع منور بوجودك
الله يسلمك يا طيبة والاهم هو تواجدك بيناتنا
يكفينا شرفا أنك مررتِ من هنا ^^
صح فطورك نتي تاني مسبقا
وربي يوفقك ويهنيك

تحياتي
 

رمضان مبارك عزيزتي ميلينا
ومساء النور لأم الغالي إسلام كما أحب أن أسميك ^^
يومك طيب اختي


ما درجة التعب عندك في رمضان؟
بصراحة في رمضان تكون الطاقة والنشاط عكس الايام العادية وهادا من عند ربي
بلا مانروح ليا عندي ماما في الفطار تفطر الصباح بالحليب وكلشي ماتجي تلحق
11 تولي ترعش يطيحلها السكر بصح في رمضان صدقيني نادرا ماتتسحر وتخدم في رمضان
ماتحبش تقعد تحب تدخل للكوزينة وهكاك مايطيحلهاش السكر خلاص انا كي نشوفها هي لي مريضة هكا
فمابالك انا، على هادي في رمضان مانتعبش خلاص الا في حالة كانت حرارة مرتفعة جدا تما نفشل


هل هناك نرفزة عندك و مما؟
بصراحة في شهر رمضان مانتنرفزش ومانغضبش بزاف تلقايني بالعكس كالم يعني مايحكمش عليا الصيام
نوجد الماكلة بعقلي نخدم كل اموري بعقلي مانتنارفاش خلاص


هل تجدين وقت للفراغ؟
نعم والحمد لله، مادام نقدر ندخل للمة ونشارك يسمى عندي وقت فراغ
عندي وقت للصلاة ولقراءة القرآن ولحفظ القرآن وباه نكونيكتي، ووقت للطبخ والحمد لله


بكل صدق و امام الجميع حلمك الذي لم يتحقق و لا زلت متمسكة به ما هو؟
باختصار، منزل

شكرا حبيبتي ميلينا على كرم مرورك ربي يهنيك اختي
وصح فطورك مسبقا ويومك طيب
تحياتي


يأسأل الله الرازق ان يحقق لك حلمك مرتين مرة لاهلك و عن قريب لك شخصيا
الشكر موصول لك للاجاية على اسئلتي و تقبل الله صيامك
 
يأسأل الله الرازق ان يحقق لك حلمك مرتين مرة لاهلك و عن قريب لك شخصيا
الشكر موصول لك للاجاية على اسئلتي و تقبل الله صيامك

اللهم آمين حبيبتي ميلينا ربي يرزقك بالمثل وزيادة حبيبتي
وربي يحفظلك وليداتك ويسعد كفي الدنيا والآخرة
وربي يتقبل منا ومنكم الصيام والقيام وصالح الاعمال
صح فطورك حبيبتي
 
يومكم مبارك سعيد.
لؤلؤة تخيلي ربحتي جائزة قيمة وثمينة مثلا مثلا ربحتي حجّة ان شاء الله لينا وليكم لكن لشخص واحد ولما عدتي للبيت فرحة مستبشرة بعد تسلمها طلبها لنفسه منك الوالد ثم طلبتها الوالدة لنفسها ثم طلبتها هي الاخرى أختك فهل تحتفظي بها لنفسك او لمن تهدي جائزتك الثمينة؟:unsure: وتكوني مرتاحة ان الاخرين لن ينزعجوا ويتقبلون اختيارك؟:cautious:


وطبعا مع شعار لا للفتنة(n)
ربي يتقبل الصيام والقيام للجميع.
 
يومكم مبارك سعيد.
لؤلؤة تخيلي ربحتي جائزة قيمة وثمينة مثلا مثلا ربحتي حجّة ان شاء الله لينا وليكم لكن لشخص واحد ولما عدتي للبيت فرحة مستبشرة بعد تسلمها طلبها لنفسه منك الوالد ثم طلبتها الوالدة لنفسها ثم طلبتها هي الاخرى أختك فهل تحتفظي بها لنفسك او لمن تهدي جائزتك الثمينة؟:unsure: وتكوني مرتاحة ان الاخرين لن ينزعجوا ويتقبلون اختيارك؟:cautious:


وطبعا مع شعار لا للفتنة(n)
ربي يتقبل الصيام والقيام للجميع.


اهلا بيك سيدي الكريم ورمضانك مبارك ويومك طيب وسعيد
عجبني السؤال هادا بزاف هههه خاصة مع شعار لا للفتنة ههههه
وماشاء الله على هدية كيما هادي ربي يرزق كل واحد بيها وربي لا يحرم أي واحد منها
أما عن الإجابة نمد الهدية للوالد بكل تأكيد ماشي لأني نفضلو على الوالدة ولا
بصح ماما مستحيل تروح للحج وحدها لازم مع بابا والهدية لشخص واحد برك
وأنا ولا ختي مستحيل نروحو وحدنا لازم مع والدينا إذن الشخص الوحيد لي يقدر يروح وحدو
هو الوالد ويديها بصحتو ومتأكدة ألف بالمائة بلي واحد من العائلة مارايح يزعف
اصلا ماما دائما تدعي لبابا يرزقو ربي بعمرة ولو لوحدو المهم يزور بيت الله
وربي يرزقنا جميعا وإياكم زيارة هاداك المكان الطاهر ولا يحرم أحد من الوصول إليه
شكرا أخي على مرورك وعلى سؤالك الطيب والمختلف هههه وصح فطورك مسبقا :)
تحياتي
 
السلام عليكم اختي حبيت نسالك
كثير من الاعضاء يخليو اشغالهم الرمضانية ويلهاو باللمة واش رايكم فيهم ؟؟؟؟
وكيفاه نقدروا ننصفوا بين اعمالنا واللمة ؟
 
اول حاجة نقلهالك انت انسانة راااااائعة ربي يحفظك مريومة الغالية

واش ديري في اوقات فراغك؟؟
مارايك في البنات الغير محجبات؟؟؟واش تنصحيهم؟؟؟
ماهي طموحاتك؟؟
نشالله نولي ماكثرتش عليك ههه
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top