التدواي الذاتي ~ خطر يغزو المجتمع

الحالة
مغلق ولا يسمح بالمزيد من الردود.

faith8

:: عضو بارز ::
أحباب اللمة
إنضم
9 جوان 2013
المشاركات
7,238
نقاط التفاعل
15,593
النقاط
1,590
الجنس
أنثى
1527436236280.png
***
التدواي الذاتي خطر يغزو المجتمع
***

في ضوء ارتفاع تكلفة فاتورة الفحوصات الطبية، تشهد الجزائر مؤخرا إقبالا متناميا على استخدام واقتناء أدوية دون زيارة الطبيب رغم ما قد يترتب عنها من مخاطر صحية فمثلا عندما يتعلق الأمر بالوعكات البسيطة الناجمة عن الطقس البارد والرطب الإنفلونزا أو الزكام. عوضا عن استشارة طبيب، يقوم المريض ببساطة بالتوجه إلى خزانة الدواء بحثا عن عقار بمخاطره وأثاره الجانبية
****
****
****

وتؤكد تقارير منظمة الصحة العالمية سنويا على الأخطار الكثيرة التي تسببها الأدوية الكيماوية على صحة الإنسان، بما في ذلك الأدوية المستعملة في معالجة بعض الأمراض البسيطة، وثبت أن من 25 إلى 35 بالمائة من الأمراض التي تصيب الإنسان تنتج عن مضاعفات جانبية للأدوية الكيميائية، وهذا الخطر يزداد بشكل كبير في حال تناول الدواء مهما كان نوعه دون وصفة طبية. هذه الحقيقة العلمية التي يدركها الجميع في الجزائر؛ أطباء، صيادلة وحتى المرضى،ولكن الإدراك فحسب لم يحد من الانتشار المتزايد لعدد الأشخاص الذين يستغنون عن خدمات الطبيب.
hwaml.com_1384318587_401.gif
لذا نصيحة أيها القارئ الفاضل أيّ دواء تجده في صندوق الأدوية قد وصف لشخص آخر حسب حالته العامة ويستحيل أن تتطابق أعراضه كافة معك، الا في حالات جد نادرة ويستحيل أن تدرك ذلك في تلك الحالة ،، فالطبيب يصف الدواء لكل شخص حسب تشخيصه العام مرورا بعدة تفاصيل يجهلها الكثير من الناس واياكم اياكم من مقولة اسأل المجرب لأنه فيما يتعلق بالأدوية فالخطر محدق أكثر مما تتصور فرجاء لا تلعب بصحتك واستشر أقرب طبيب عام في المؤسسات الصحية أو على الأقل خذ رأي الصيدلي شخصيا وليس البائع
خصوصا اذا كنت تأخذ أدوية أخرى لأمراض مزمنة أو كنت في فترة علاج عابرة فوحده الطبيب والصيدلي من يمكنه تحديد اي نوع من الأدوية الذي يكون مناسبا حسب حالتك وما هي احتمالية التداخلات بين الأدوية وما درجة خطورتها
في الأخير حفظكم الرحمن وربي يشافي جميع المرضى ان شاء الله

hapng01100026.png
اتهلاو في صحتكم
 
آخر تعديل:
وعليكم السلام ورحمة الله وبركاته

مشكورة اختي لوضعك هذا الموضوع الصحي الارشادي
لأن الشعب الجزائري أصبح طبيب نفسه
مرة مرضت بالقراجم عطاني الطبيب دوا
مباعد زدت مرضت مرة خلاف قلت معليهش نشرب نفس الدوا
مبريتش كي رجعت للطبيب قتلو واش شربت
قالي هاذا ميتناسبش مع سعلتك
لان اللولة متعلقة بالقراجم والثانية من فوق ضربني برد
ومن تم معدتش نخلط في الدوا
بارك الله فيك اختي
@hakim story
@فريد أبوفيصل
@وحي القلم
@عقــ اللمه ــيد
@وقفة صدق
@دعاء الجنات
@الامين محمد
@سكون الفجر
@yaso ياسمين
@لؤلؤة قسنطينة
@زاد الرحيل
@مناجاتي لسجادتي
 
وعليكم السلام ورحمة الله وبركاته

مشكورة اختي لوضعك هذا الموضوع الصحي الارشادي
لأن الشعب الجزائري أصبح طبيب نفسه
مرة مرضت بالقراجم عطاني الطبيب دوا
مباعد زدت مرضت مرة خلاف قلت معليهش نشرب نفس الدوا
مبريتش كي رجعت للطبيب قتلو واش شربت
قالي هاذا ميتناسبش مع سعلتك
لان اللولة متعلقة بالقراجم والثانية من فوق ضربني برد
ومن تم معدتش نخلط في الدوا
بارك الله فيك اختي
@hakim story
@فريد أبوفيصل
@وحي القلم
@عقــ اللمه ــيد
@وقفة صدق
@دعاء الجنات
@الامين محمد
@سكون الفجر
@yaso ياسمين
@لؤلؤة قسنطينة
@زاد الرحيل
@مناجاتي لسجادتي
لا شكر على واجب اختي الفاضلة
صحيح ما ذكرت مثلا السعال له عدة اسباب ولكل سبب دواء مناسب
ربي يبعد عليك كل شر ويحفظلك صحتك وعافيتك
شكرا على المرور الكريم
تحياتي
 
السلام عليكم



بارك الله فيك اختي
على الموضوع القيم و صراحة هي ظاهرة تلقايها بزاف في المجتمعات الجزائرية خاصة الناس لي ميسورين الدخل
ف انك تلقاي واحد يدواي روحوا بنفسوا لازم دايما نطرحوا سؤال و ش هو السبب باش نتوصلوا لنتائج بعض الناس كيما اشرت معندهمش امكانيات باه يروحوا لطبيب في كل مرة يمرضوا فيها و تخيلي معيا اسرة في 6 او 8 افراد هذي وحدة و تاني عامل الجهل رغم انه كثرت في هذالوقت وسائل التوعية قنوات مجلات و مطويات ........
فالاخير بعض الاحيان يكون مرض واحد عنده اعراض كثيرة و تشبه مرض اخر ف ميصحش هنا الواحد يعالج نفسه بنفسه كاين اطباء و مختصين
و يبقى اهم شيئ
الوقاية خير من العلاج


يعطيك الصحة اختي
في انتظار جديد هذا الركن الجميل
بالتوفيق
 
و تذكرت نقطة اخرى كذلك



بعض الاحيان الواحد يمرض بقراجم او ليزونجين او انفلونزا و يروح يشرب دواء موجود عنده بصح في مثلا 3 حبات للبلع هنا ادا تم تناولها و يمكن مثلا ميبراش الشخص المرا الجاية او لما يروح لطبيب هذاك الدوا لي كان عندوا منو 3 حبات و يوصفوا الطبيب كيفوا ميعودش يعطي فعالية في جسم المريض
 
أحسنت الطرح، ربما لقلة الوقت عند بعض الناس، يقلك ما عنديش الوقت باش نروح للطبيب ورايح يعطيلي نفس الدوا اللي عندي، و المشكل في الدوا اللي عندو راه فات عليه العام وهو في الفريجيدار أنا سمعت عن دراسة تقول بلي الدوا يفقد المفعول تاعو إذا عرضناه لدرجة برودة شديدة ، أنا عن نفسي ما نحبش ناكل الدوا بزاف، إلا في فترات الحمل أثناء المراقبة الطبية.
ربي يدوم الصحة علينا أجمعين.
 
فعلا يا طيبة التداوي الذاتي و زادها الصيدلي
يمد الدوا و خلاص حتى لو كان يجيه طفل يشري
للأسف الناس أصبحت تفهم في كل شيء
كلهم أطباء و كلهم رقاة و كلهم مدربين و كلهم طباخين
و كلهم دعاة و كلهم ,,,,,,,,,,,,,,,,,,,,,,,,,,,,,,,,,,,,,
نسأل الله العافية
 
السلام عليكم
هذا مشكل كبير رانا فيه اكاد أجزم ان كل يشرب دوا بدون وصفة و هذا فعلا امر خطير..خاصة عند الاصابة بالامراض الشائعة كما ذكرتي لنا..في كل بيت تفتح الثلاجة او الخزانة تلقى صيدلية أخرى..و لا أدري لما الكل يشتهى قراءة ورقة الارشادات في علبة الدواء انا عن نفسي اجد ذلك ممتعا ههه..و حتى اننا صادفو ناس برا هذا يوصف دوا لهذا ..يقول هذا دوا خرج عليا .لاخر يقولو لازم نسييه.و يحدث ما لا يحث عقباه..دون ان ننسى بعض الصديلين هداهم الله ..يبيعو بعض الادوية بدون وصفة.
شكراا على النصائح القيمة
 
السلام عليكم


بارك الله فيك اختي
على الموضوع القيم و صراحة هي ظاهرة تلقايها بزاف في المجتمعات الجزائرية خاصة الناس لي ميسورين الدخل
ف انك تلقاي واحد يدواي روحوا بنفسوا لازم دايما نطرحوا سؤال و ش هو السبب باش نتوصلوا لنتائج بعض الناس كيما اشرت معندهمش امكانيات باه يروحوا لطبيب في كل مرة يمرضوا فيها و تخيلي معيا اسرة في 6 او 8 افراد هذي وحدة و تاني عامل الجهل رغم انه كثرت في هذالوقت وسائل التوعية قنوات مجلات و مطويات ........
فالاخير بعض الاحيان يكون مرض واحد عنده اعراض كثيرة و تشبه مرض اخر ف ميصحش هنا الواحد يعالج نفسه بنفسه كاين اطباء و مختصين
و يبقى اهم شيئ
الوقاية خير من العلاج


يعطيك الصحة اختي
في انتظار جديد هذا الركن الجميل
بالتوفيق
وعليكم السلام ورحمة الله وبركاته
اهلا بك اختي الفاضلة نورت وفيك بارك الرحمن ❤
كلام صواب يعطيك الصحة عالمداخلة والرد القيم

و تذكرت نقطة اخرى كذلك



بعض الاحيان الواحد يمرض بقراجم او ليزونجين او انفلونزا و يروح يشرب دواء موجود عنده بصح في مثلا 3 حبات للبلع هنا ادا تم تناولها و يمكن مثلا ميبراش الشخص المرا الجاية او لما يروح لطبيب هذاك الدوا لي كان عندوا منو 3 حبات و يوصفوا الطبيب كيفوا ميعودش يعطي فعالية في جسم المريض
صحيح والطامة الكبرى اذا كانو هادوك الحبات مضادات حيوية وخدة يشرب شوية وما يكملش لان البكتيريا فجسمو راح تتعرف عليها و تعمل ذاكرة مقاومة
وهادا مشكل جد كبير ربي يعافينا
الدواء هادا راه علم كبير الناس تقرا اكوام من الكتب شحال من سنين ومازال ما حاطتش بكل الخبايا فخطأ كبير انو الواحد يتناولو عشوائيا
شكرا جزيلا اختي على المرور و الرد ❤
 
أحسنت الطرح، ربما لقلة الوقت عند بعض الناس، يقلك ما عنديش الوقت باش نروح للطبيب ورايح يعطيلي نفس الدوا اللي عندي، و المشكل في الدوا اللي عندو راه فات عليه العام وهو في الفريجيدار أنا سمعت عن دراسة تقول بلي الدوا يفقد المفعول تاعو إذا عرضناه لدرجة برودة شديدة ، أنا عن نفسي ما نحبش ناكل الدوا بزاف، إلا في فترات الحمل أثناء المراقبة الطبية.
ربي يدوم الصحة علينا أجمعين.
قلة الوقت ماهيش حجة يلعب بيها الواحد بصحتو
الواحد يبكر شوية يجوز عند الطبيب يفري شغلو يشري دواه ويلتحق بالعمل مع التبرير كلها ساعة تأخر ولا ساعتين
ولا على تع يمدلو نفس الدوا هو واش دراه واش يمد الطبيب قادر يلاحظ اعراض زيادة ما يبانوش غير للطبيب قادر يمدلو فحوصات و الدواء والعلاج راه كل يوم يتطور و يحطو دواوات جدد ويتنحاو قدم بانت فيهم سلبيات
فمثلا هاد الدوا اللي شحال وهو فالددار قادر يكون نحاوه اصلا مالسوق وهو مزال يشرب فيه
ولا على مكان حفظ الادوية فالامر يختلف من دواء لآخر حسب تركيبته سواء كانت بروتينية ام كيميائية ويجب التقيد بالتعليمات المكتوبة حول مكان الحفظ والشروط لذا لاىاستطيع التعميم لان هناك ادوية تستلزم وضعها فالثلاجة واخرى ل حرارة الغرفة فقط كافية بعيدا عن الرطوبة وكفى
عندك الحق اختي الكريمة بعدي على الدواء قد ما تقدري غير فالضرورة القصوى كي يوصفلك الطبيب طبعا
شكرا جزيلا اختي على الرد نورت
وربي يدوم الصحة والعافية ❤
 
آخر تعديل:
فعلا يا طيبة التداوي الذاتي و زادها الصيدلي
يمد الدوا و خلاص حتى لو كان يجيه طفل يشري
للأسف الناس أصبحت تفهم في كل شيء
كلهم أطباء و كلهم رقاة و كلهم مدربين و كلهم طباخين
و كلهم دعاة و كلهم ,,,,,,,,,,,,,,,,,,,,,,,,,,,,,,,,,,,,,
نسأل الله العافية
انعم واقع مؤسف خاصة مع طغيان البائعين فالصيدليات مع غياب الصيدلي المسؤول ربي يستر ويجعل العواقب حميدة
لانو الصيدلي شخصيا جامي يريسكي بحياة المريض ولا بصحتو ويمدلو دواء يستدعي وصفة مثلا المضادات الحيوية لكن البائع ما يهمو شي المهم يخدم ويروح
ولكن ادوية اخرى للسعال و الآلام والحمى فتصرف دون مشكلة .
المشكل والله فالحومة سمعتها مرة واحد دخل للطبيب قالو ماركيلي كدا وكدا باش نشريهم بكارت شفاء والطبيب فآخر اليوم كاره وعيان والله ما كسر راسو كتبهملو وخلاه يسهل مع العلم انها ادوية معروفة مضادات التهابات و ادوية زكام
انا كي سمعتها مخي حبس ربي يهدي ما خلق ويصلح احوالنا
اللهم آمين شرفتنا بمرورك الكريم شكرا جزيلا
 
السلام عليكم
هذا مشكل كبير رانا فيه اكاد أجزم ان كل يشرب دوا بدون وصفة و هذا فعلا امر خطير..خاصة عند الاصابة بالامراض الشائعة كما ذكرتي لنا..في كل بيت تفتح الثلاجة او الخزانة تلقى صيدلية أخرى..و لا أدري لما الكل يشتهى قراءة ورقة الارشادات في علبة الدواء انا عن نفسي اجد ذلك ممتعا ههه..و حتى اننا صادفو ناس برا هذا يوصف دوا لهذا ..يقول هذا دوا خرج عليا .لاخر يقولو لازم نسييه.و يحدث ما لا يحث عقباه..دون ان ننسى بعض الصديلين هداهم الله ..يبيعو بعض الادوية بدون وصفة.
شكراا على النصائح القيمة
صحيح ما ذكرت اجل قراءة الورقة ممتعة ومهمة لكنها بمثابة مرشد عام فقط والدليل يقلك شوف راي الطبيب والصيدلي دائما
شفت هاديك مشكلة عظيمة ولاو كامل اطباء يوصفو الدواء والله كارثة راهم يلعبو بحياتهم وصحتهم بلا ما يفيقو
صحيح كما قلت للاخ الامين الصيدلي مول الصيدلية شخصيا جامي يريسكي فتلقا الموظفين اللي يبيعو عندو هوما اللي مخلطينها وطبعا كاين وكاين
حتى الصيادلة نفسهم ماهمش كامل نزهاء كاين اللي همو غير الربح السريع ربي يهديهم وحتىىالطباء كاين اللي ولاو يباكليو برك كيما الحكاية اللي حكيتها فرد الاخ الامين الله يستر هادا. ماكان
العفو بل الشكر لك اخي الفاضل على الرد القيم
تحياتي
 
الالم البسيط للذي نتاكد من مصدره و نعرف دوائه ممكن نأخد ذلك الدواء و لفترة يوم أو يومين لا اكثر ،اما الامراض الاخرى فلا يمكن المخاطرة
 
شكرا غاليتي السلطانة على الاشارة
فعلا التداوي الذاتي دون معرفة مسبقة يسكل خطر على الانسان و حتى التداوي بالاعشاب دون معرفة ضررها و ان كانت تنفع تشكل خطرا أيضا
 
الالم البسيط للذي نتاكد من مصدره و نعرف دوائه ممكن نأخد ذلك الدواء و لفترة يوم أو يومين لا اكثر ،اما الامراض الاخرى فلا يمكن المخاطرة
ضحيح مسكنات الالم الاولية لا ضرر منها مؤقتا كما ذكرت اما ادوية اخرى فهي جد خطيرة اذا عرج الانسان عن منحى استخدامها الحقيقي
شكرا غاليتي السلطانة على الاشارة
فعلا التداوي الذاتي دون معرفة مسبقة يسكل خطر على الانسان و حتى التداوي بالاعشاب دون معرفة ضررها و ان كانت تنفع تشكل خطرا أيضا
اجل الاعشاب عالم آخر وموضوع آخر ان شاء الله
شكرا على المرور والرد ❤
 
بارك الله فيك.
الامر لم يعد يحتمل ابتكار من الجزائريين كالعادة ومدربين في ميدان غير الكرة وادعاء معرفة كل الاشياء اذا تعلق الامر بصحة الانسان يجب ان نظهر على اننا أجهل الجاهلين دون عيب او حرج اما الادعاء بالعلم والتجربة التي تختلف من حالة لاخرى ونعتبرها تجربة لا تستدعي راي الطبيب تحيي واحد وتقتل عشرة.
صحيح يوجد ادوية نراها انها بسيطة ومفعولها ينفع للجميع من كثرة استعمالها لكن الحالة يمكن ان تخفي مالا يمكن الاطلاع عليه كاين التهابات وخمج كاين تعفن كاين قروح مثل المعدة نعم نعرف ان هذا الداء مثلا للمعدة لكن ماهي حالة المعدة في الداخل؟ هذا ما يحتاج امور اكثر من التنبئ والافتراض.
نعم ماذا بينا لا ننفق الكثير في علاجات نراها بسيطة في نظرنا لكن الاكيد ان الخطأ في التقدير يجعلنا ننفق الملايين واكثر لتصحيح خطأ سببه محاولة التقشف واستصغار لعوارض مألوفة.

على العموم يجب الانتباه الانتباه الشديد الأمر ليس فهلوة كيما يقول المصري.
يعطيك الصحة موضوع يحتاج اهتمام اكثر فعلا.
 
__SiLent HiLL
سلام الله عليكم
و بونسواغ اتوس ’ ان شاء الله راكم بخير
عنوان الموضوع دارلي الاكتئاب
المهم عندك الحق فكل واش قلتي
و تخيلي ضرتني ضرسة ونا ناكل فالدلاع
ندير شويتح بيودون ( عجين مهدئ الأسنان ) 70دج
ولا نحبس على دلاع حبيبي و زيد نروح لطبيب يديرلي تراتمون
شهر كل ونا ندي فصرف القضيان و ما نسلكش حقها ...
ويبقى السؤال مطروح : شكون صحيح انا ولا انت ؟
727.gif
 

cوالله موضوعك جد مهم وحساس في نفس الوقت لان الامراض تتشابه في الاعراض
والانواع فالحساسية مثلا فيها عدة امراض وبالتالي فان ما يعالج في حالة قد يضر ويؤدي بالحياة في حالة اخري
المهم كفيت ووفيت اختي ايمان
بارك الله فيكي وجزاك كل خير
 
بارك الله فيك.
الامر لم يعد يحتمل ابتكار من الجزائريين كالعادة ومدربين في ميدان غير الكرة وادعاء معرفة كل الاشياء اذا تعلق الامر بصحة الانسان يجب ان نظهر على اننا أجهل الجاهلين دون عيب او حرج اما الادعاء بالعلم والتجربة التي تختلف من حالة لاخرى ونعتبرها تجربة لا تستدعي راي الطبيب تحيي واحد وتقتل عشرة.
صحيح يوجد ادوية نراها انها بسيطة ومفعولها ينفع للجميع من كثرة استعمالها لكن الحالة يمكن ان تخفي مالا يمكن الاطلاع عليه كاين التهابات وخمج كاين تعفن كاين قروح مثل المعدة نعم نعرف ان هذا الداء مثلا للمعدة لكن ماهي حالة المعدة في الداخل؟ هذا ما يحتاج امور اكثر من التنبئ والافتراض.
نعم ماذا بينا لا ننفق الكثير في علاجات نراها بسيطة في نظرنا لكن الاكيد ان الخطأ في التقدير يجعلنا ننفق الملايين واكثر لتصحيح خطأ سببه محاولة التقشف واستصغار لعوارض مألوفة.

على العموم يجب الانتباه الانتباه الشديد الأمر ليس فهلوة كيما يقول المصري.
يعطيك الصحة موضوع يحتاج اهتمام اكثر فعلا.
وفيكم بارك الرحمن
والله كفيت ووفيت ماشاء الله شكرا على الكلام الثري والحكيم
بلا مزية هادا واجبي ان شاء الله تصحلنا فرصة نعملو حملات توعية
شكرا جزيلا لكم تحياتي وتقديري لشخصكم الكريم
 
__SiLent HiLL
سلام الله عليكم
و بونسواغ اتوس ’ ان شاء الله راكم بخير
عنوان الموضوع دارلي الاكتئاب
المهم عندك الحق فكل واش قلتي
و تخيلي ضرتني ضرسة ونا ناكل فالدلاع
ندير شويتح بيودون ( عجين مهدئ الأسنان ) 70دج
ولا نحبس على دلاع حبيبي و زيد نروح لطبيب يديرلي تراتمون
شهر كل ونا ندي فصرف القضيان و ما نسلكش حقها ...
ويبقى السؤال مطروح : شكون صحيح انا ولا انت ؟
727.gif
وعليكم السلام ورحمة الله
أهلا بك الأخ نورت
علاش تكتئب هادي حقيقة والحقيقة صحيح أنها مرة لكنها تتجرع
سلامتك أخي كي وجعاتك ضرسك أثناء أكل البطيخ الأحمر وأفهم أنه بارد= هاذا معناه أن اللثة مريضة يعني منزاحة عن مكانها وهاذا ما يعرف بحساسية الأسنان ~ نعرف بزاف ناس مروا بنفس المشكل وعالجوه عادي
وصدقني مهدئ فقط لا يكفي، فالمهدئ يكون مع العلاج أو مثلا أثناء الليل كمسكن ريثما يحين الصباح والواحد يتكل على ربي يشوف وين راه المشكل
~
مرض اللثة يكون بسيط فالأول لكن ان أهمل وأسكت بالمهدئات فقط ، على المدى البعيد يتفاقم ويسبب تسوس والتهابات تؤدي حتى إلى اقتلاع الضرس والضروس المجاورة لأنه يعدي ( ينتشر فالفم )
على هادي لازملك ماللول تشوف طبيب أسنان ما قلتش فالبريفي ولا ... فقط فالمؤسسات الصحية الجوارية علاج مجاني والأدوية الخاصة بأمراض الاسنان غالبيتها كمضادات الالتهابات ومضادات الفطريات والحيوية وغيرها تكون remboursable b carte chifa الحاجة اللي تتشرى برك محاليل غسل الفم وشبيهاتها ان استلزمت و الصيدلي نفسه او الطبيب نفسه ساعات ينصحك يقولك الماء والملح ولا الماء وبيكاربونات تكفي وتوفي محل هاد المحاليل اللي تتباع
وان حصل واستلزم منك ان تشتري علاج من دون البطاقة والله ما خسارة في الصحة الواحد يعالج عالبكري خير ما يخلي الاوضاع تتفاقم يولي في ما لا يحمد عقباه يمد كامل دراهمو وما يصيب حتى علاج بعيد الشر عليك وعلى كامل المومنين
على كل أنصحك بزيارة الطبيب وشفاء عاجل ان شاء الله
دمت في رعاية الرحمن​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top