شطيطحة بوزلوف { عيد الاضحى }

الحالة
مغلق ولا يسمح بالمزيد من الردود.

ضآحكة مستبشرة

:: عضو بارز ::
أحباب اللمة
إنضم
27 جويلية 2014
المشاركات
15,117
نقاط التفاعل
39,535
النقاط
13,026
محل الإقامة
العاصمة
الجنس
أنثى
السلام عليكم ورحمه الله تعالى وبركاته
أهلا وسهلا بكم جميعاً في موضوعي
بما أن عيد الأضحى قرب حبيت نشارككم بأهم الأطباق الجزائرية لي تكون حاضرة في كل بيت

و من بين أهم هاذي الأطباق هي البوزلوف :

شطيطحة بوزلوف



المقادير:
1 بصل، 1 طماطم، 1 جزر، 1 بطاطا كبيرة الحجم،
كمية حمص منقوع في الماء، 2م ك زيت، معدنوس،
2فصوص من الثوم، م ك ملح، م ص طماطم مصبرة، التوابل(حسب الرغبة).

والأهم دماغ الكبش والكرعين(بوزلوف) .

طريقة التحضير:
بعدما نقوم بتنظيف بوزلوف نضعه يغلي في الماء مدة ساعة،
بعدها نصفيه ونقيه من العضام ثم نقطع الدماغ الى قطع صغيرة مع ترك الكرعين.
ننتقل الى المرق، نقطع البصل ونضعه في القدر مع الزيت والتوابل، نضيف الثوم والجزر مقطع بالطول، بعدما يتقلى نضيف الطماطم محكوكة مع الطماطم المصبرة موضوعة مع قليل من الماء.
بعدها ب 10د نمرق بالماء الساخن ونضيف الحمص،

نغلق على القدر، بعدما يطيب الحمص نضيف البطاطا
مقطعة مكعبات مع بوزلوف نترك البطاطا تطيب
والمرق يعقد، يقدم في الطبق مع المعدنوس و الليمون

images (8).jpeg
 
السلام عليكم ورحمة الله وبركاته
يعطيك الصحة أسومة على الجهد المبذول لأنو حقا المطبخ الجزائري
في عيد الأضحى يزخر بالعديد من المأكولات الشهية واللذيذة
نوليو للبوزلوف والله ربي يغفرلي بصح مانحبوش هههه وأكثر حاجة نكرها هي ريحتو
كي يعود يطيب :sick: حاشا طعام ربي
وكاين غير بابا لي ياكلو في الدار مالا نقسموهولو على 3 قطع مثلا أو 2 وكل مرة نطيبولو
جزء منو ياكلو، وحنا نطيبوه في دارنا في مرقة بيضا وبدون خضر يعني نغليوه في الماء
ونطيبوه في المرقة مباشرة ويتحط وشهية طيبة مع أنو مانقدرش نتخيل الشهية الطيبة فيه ههههه
يعطيك الصحة اسومة على الوصفة بارك الله فيك عزيزتي
تحياتي
 
السلام عليكم

الله يبارك
البوزلوف يا البزولوف
كنت ما نحملوش وحد الوقت لكن الأن لازم نشوفو فوق المايدة هههه
شكرا على الوصفة أختي عآشقة الجنة
و اضحى مبارك عليكم ان شاء الله.
 
السلام عليكم

الله يبارك
البوزلوف يا البزولوف
كنت ما نحملوش وحد الوقت لكن الأن لازم نشوفو فوق المايدة هههه
شكرا على الوصفة أختي عآشقة الجنة
و اضحى مبارك عليكم ان شاء الله.
ماهيش كاع هدرة هاذي كيف ما تحبش البوزلوف ههههههههههه
حبيبي انت يا عقيدنا
 
ماهيش كاع هدرة هاذي كيف ما تحبش البوزلوف ههههههههههه
حبيبي انت يا عقيدنا
هاو شكون هذا لي قال ما نحبوش هههه
قلت كنت لا أحبه و الان لازم في كل محضر يحضر هههه
ربي يهنيك حبيبي محمد
 
السلام عليكم ورحمة الله وبركاته العيد لكبير بلا بوزلزف شطيطحة مكاش منها ههههه
يعطيك الصحة على الوصفة حبيبة ♥
 
راني جيعانة ليل ليل وزدت شفت بوزولوف يمييييي... ?
نموت عليه هو ودوارة ????
يعطيك الصحة ختي
 
السلام عليكم
خالي نشبعو لحم و بعد بوزالوف هو تالي -____-
شكرا على الوصفة
 
ما شاء الله تسلم ايدك
 
ما شاء الله عليكِ أختي طريقة شهية وجديدة
عادة ما أطهوه بدون اضافات سوى التوابل
بارك الله فيكِ
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top