موقف طريف

من نهار توفات جارتنا ربي يرحمها الوالدة نتاعي خافت منها خاطر أمي خوافة شويا هاعجوز كبيرة مسكينة ومن كثر ماغاضتها ولات تتخايل بيها ..هاي جات...هاي تكل...هاي دخلت وخرجت...لانها جارتنا تدخل للمنزل بشكل عادي صباح وعشية وكانها من الاهل ربي يرحمها المخلوقة نهار ماتت كنت أول من عيطلي راجلها عالستة نتاع الصباح شيخ كبير قالي شوفلي المرا اذا حية ولا ميتة والمسكينة ميتة من الليل ارتفاع ظغط الدم سكتة قلبية ربي يرحمها .. المهم في ليلة من الليالي دخلت روطار للدار وشوية الظلمة في جيهة بيت الوالدة فشفت النافذة نتاع بيت الام مفتوحة قلت ندخل ونغلقها على البرد لانو سريرها تحت النافذة تماما اما لا قلت مكان علاه نفتح الضوء ندخل ونغلقها بهدوووووء تام.
أنا نحط يدي على المقبض نتاع النافذة والوالدة تفيق و تنشط فيا من تحت وتشدني من رجلي وتعيط ...تعيط تقول راح تولد بيا ... وهي تقول واش تحوسي عندي ...مادرتلك والو...آآآآ ألحقوني.... يالالة اخطيني ...لايلاه الا الله .... ياودي ذيك الفزعة والعيطة مننساهاش طول عمري خلعتني في بلاصتها هستيريا امي المسكينة لاتوصف وانا نكسل في يدي باه نفتح الضو بعيد عليا وكلما نشدها متخافيش تزيد تعيط ... أرواح أنت ودير حاجة ...ناضو الاطفال يتباكاو ويعيطوا ...جات الزوجة تجري وتعيط ..وانا نعيط معاهم ...انا فريد..انا ابنك..انا فريد هههه اسكتوا بهدلتونا... ومن بعد كي فتحت الزوجة الضوء وعرفوني انا ذاك العياط والبكى تقلب الى ضحك هستيري طلع النهار علينا هوما يضحكوا وانا متغاشي من عياطهم وذنيا صوناو. آبابا على فزع العجايز... البرد ولا ذيك الليلة.
ههههه هاذي هي.
هههههههههههههههه
راني سير كليت طرايح ذيك الليلة ????
يا يما عليها مسكينة قتلتها بالخلعة ?
فكرتني بحكاية لوحدة عجوزة صرات مصح عندها بزاف و قيلا مام انا مكنتش فالدنيا
هاذي راحت باه تتحمم أيا وهي داخلة لادوش تفكرت دوك تجي مارت وليدها و طبطب وهي فلادوش أيا قالت نروح نخليلها الباب مفتوح
كجات تخليه مفتوح قالت ندي حجرة كبيرة من الطريق نحطها قدام الباب شافت منا ومنا لقات مكانش رجال فالحومة أيا خرجت بالخف تجبد حجرة و تغلق عليها الباب و هي برا???
المشكل كانت لابسة كشغل روبة قصيرة يلبسوها لعجايز فالعادة تحت الفستان??
أيا حارت واش دير قالت نروح عند خويا يسكن فبداية الطريق و مشات و الرجال خلعو يشوفو معاها مفهمو والو
حتى لحقت لدار خوها و غير حلولها الباب بدات تقولهم :
متخافوووووش متخافووووووش
مزال مهبلتش متخافووووووش
ههههههههههههههه
و شكرا على مرورك اخي فريد ادام الله الضحكة
 
راكي دخلتي دخلة خشينة يا خالتي مريم
ادا كل موضوع ب100دج فليكسي نولي نكتب الليل والنهار
والله موضوعك طيب و ربما من المواضيع الي قدرت نقراه كامل حتى اللخر
موقف طريف ومحرج في نفس الوقت لوكان صباط موسخ نورمال .ماشي شباب نورمال .ماهوش حطة نورمال .بصح سباط مقطع امممممممممم
انا لوكان جزتي عليا وكنت نضحك مع سبق الصرار والترصد ونقولك حبيت ندير سلفي بسباط مقطع.
وما تنسايش نهار ترفدي السباط في يدك هداك هو الاحراج الكبير لانو الناس كل واحد كيفاش يشوفك واحد يشوفك مهبولة والاخر يشوفك هاربة والاخر يشوفك سرقتي سباط خصك غير تجري ويثبتو عليك التهمة وةتولي في احراج اكبر
المهم الحمد لله على سلامتك كي ما تقاسوش رجليك كي مشيتي بالحفى
ونوعدك نهار نتفكر موقف طريف من الي صراولي نحكيه
اطيب سلام من عند اخوك ناصر
 
السلام عليكم
في المرة القادمة لازم تلبسي صباط وديري سباط سوكور في الصاك نتاعك
كيما السيارة عندها رودسوكور
 
راكي دخلتي دخلة خشينة يا خالتي مريم
ادا كل موضوع ب100دج فليكسي نولي نكتب الليل والنهار
والله موضوعك طيب و ربما من المواضيع الي قدرت نقراه كامل حتى اللخر
موقف طريف ومحرج في نفس الوقت لوكان صباط موسخ نورمال .ماشي شباب نورمال .ماهوش حطة نورمال .بصح سباط مقطع امممممممممم
انا لوكان جزتي عليا وكنت نضحك مع سبق الصرار والترصد ونقولك حبيت ندير سلفي بسباط مقطع.
وما تنسايش نهار ترفدي السباط في يدك هداك هو الاحراج الكبير لانو الناس كل واحد كيفاش يشوفك واحد يشوفك مهبولة والاخر يشوفك هاربة والاخر يشوفك سرقتي سباط خصك غير تجري ويثبتو عليك التهمة وةتولي في احراج اكبر
المهم الحمد لله على سلامتك كي ما تقاسوش رجليك كي مشيتي بالحفى
ونوعدك نهار نتفكر موقف طريف من الي صراولي نحكيه
اطيب سلام من عند اخوك ناصر
أهلا ناصر هههههههه
ياودي أنا دخلتها فالضحك محبستش خلاص ضحكت قبل ما يضحكو عليا الناس?????????
مي لوكان صرات في بلاصة وحد اخرى راني سير راح نلقى روحي فالفايس ياخي الشعب دوكا كامل يحب يصور و يرمي فالفايس
إذا تحب دير سيلفي مرحبا مصح قطع صباتك و حطو فيدك و نتصورو كالمهابل هههههههه
بانتظار موقف طريف تحياتي
 
السلام عليكم
في المرة القادمة لازم تلبسي صباط وديري سباط سوكور في الصاك نتاعك
كيما السيارة عندها رودسوكور

ههههههه بارفان منرفدوش نرفد صباط أنا صراتلي خترة وحدة مزال من ذاك الوقت مزادت صرات بلاما تفولها عليا???
 
هههههههه هذا جزاء من يلبس الطالون و يصعد الأدرج بسرعة??????????نتمسخر
مصح راني نتخيل فيك كفاه طحتي لآخر درجة????????????

ههه لا طالون لا والو كنت لابسة converse
 
ايواه صراتلي في 2016 طحت طيحة غريبة عجيبة لما كنت مع صديقتي تخلعت مسكينة رجعت نصبر فيها ههههههههههههههههههه

ههههه الحمد لله خرجت سلامات
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top