الزواج في عصرنا هذا

[Badrou94]

@sanaya
@لؤلؤة قسنطينة
@سحائب الشوق
@ليليا مرام
@quěěŋ ŏŏŏŏf gříěf
@بسملةfor now
@حلم كبير

 

[ابو مازن]

السلام عليكم و رحمة الله تعالى و بركاته
من حق أي واحد سواء كان ذكرا أو أنثى اختيار شريك حياته وفقا للشروط التي يراها مناسبة له
قد تضع من الشروط ما تراه ظاهرا كالجمال و حتى الأملاك و المال..
لكن صلاح الفكر أو السريرة لا يعلمها إلا سبحانه و تعالى
فقد ترى الجميلة الحافظة للقرآن و الكل يشهد بصلاحها لكن ما ستجده حين المعاشرة مخالف جدا
* أيضا نقطة يا أخي كاين شي رجال يلعب يلعب من بعد يلهط عليها بنت فاميليا ولا هو في الاساس دخله محدود و يبحث عن واحدة من عائلة ثرية تصرف في اليوم الواحد مليون و أكثر
*أنا من رأيي كل واحد يلبس لقماش اللي يواتيه بالخصوص لما تكون تخاف على كرامتك أن تهان بالرفض أو أي شيء من هذا القبيل

يبقى فقط مجرد رأي خاص ادت أن أشارك به

أعجبتني كلمة يلهط هادي انتاع سكيكدة هههههه

 

[Hakan]

صراحة راك غالط مليار في الساعة ياخويا
كون طرحت الموضوع هذا قبل 10 سنوات نقلك
لكن في زمننا هذا البنات كامل حابين يتزوجو باي راجل مهم تستر روحها
هذي لازم نتفقوا فيها
اما الشيء اللي راني معاك فيه هو في حرف { لو }
يعني الفتاة لو يجيه مثلا شابين واحد خدام ب 4 ملاين ولاخر خدام بزوج ملاين راحة تخير مول 4
ولكن هنا راهي نفس فكرة الرجل بيسك اي راجل حاليا كون تصلحلو يبدل الزوجة تاعوا يبدلها نورمال خخخ
وهنا نرجعو لنقطة ثانية حكيتلنا على الطيبة واخلاقك
نقلك خويا نعرف رجال طيبيا واخلاق وكلش بصح تغيب عليه الشخصية والمسؤولية
لانو مش اي رجل طيب هو رجل مسؤول ومش اي رجل متخلق او رجل صاحب شخصية
لهذا لو تشوف مثلا ي الصحابة وهو خيار اهل الارض كا واحد بالشخصية نتاعوا
وهنا حاب نوصلك رسالة البنات تقريبا ما يهتموش بالجانب الاخلاقي ولا الطيبة نتاع الراجل
بصح تهتم بالجانب الرجولي لما يكون عندها رجل مسؤول فحل كيما نقولوا يعمرلها الدنيا
لذالك لو تلاحظ الجدات نتاعنا بكري كي تشوف جدك وتشوف جداتك تقول كفاه تزوجت بيه
يكون خشن في تعاملوا بصح تلقى جداتك كون تذكرو بالقبيحة قدامها تاكلك
لانو الحب نتاعها وتقبلها كان مبني على تقبل الشخصية لذا حاول تغير من شخصيتك ما نقولكش كون همجي باش تكون راجل
ولكن كون راجل ومسؤول واخدم بعقلك
المراة واش دير براجل يخلص 10 ملاين وهو غير مسؤول عليهم وما يعرفش يتصرف بيهم
ممكن تشوف مرامع راجل يخلص زوج ملاين وعايشين تقول في رد من العيش وتعشق فيه
فقط لانو راجل ومسؤول ويعرف كفاه يتصرف وربي يرزقك الزوجة الصالحة وحذاري ياخويا ابحث على الزوجة الصالحة اولا
وربي يوفقك ..​

 

[لؤلؤة قسنطينة]

يا الاخت الكريمة .... الوقت نتاعنا صعيب و لازم تخاف و دير حسابك .... ياي الزواج راهو مشروع قادر ينجح و قادر يفشل ... كاين عوامل يخليوه يفشل و ينجح .... هذا الخوف و السوداوية هو مجرد احتياط .... ندير في حسابي باللي احتمال راح يسرى الشيئ هذذا باه اذا صح صرى نقدر نعالج المشكل ... انا الحمد لله دائما استخير الله في كل شيئ .... لكن الانسان مخير و راح يتحاسب على الخيار نتاعو ... ربي قالك اختار و استخير ... نتي شكون قالك باللي الطفلة تصبر ؟؟ هي على باباها و يماها كارهة المعيشة معاهم و ماهيش صابرة عليهم .... راح تصبر على راجل براني متعرفوش ؟ نتي تقوليلي في الخطوبة اتعارفو و شوف افكارها و اخلاقها ... فيفترة الخطوبة كامل يلبسو الاقنعة و يديرو مجهودهم باه يبينو احسن معندهم .... مستحيل تعرف عليها كل شيئ و مستحيل تخرج على عقليتها قبل الزواج .... تعرف عليها بنسبة 50 بالمئة ... بالصح النسبة الباقية بعد الزواج و تعيشو مع بعضاكم باه تعرفها صح .... كاين ظروف و احوال يبينو طبيعة العبد و مستحيل تعرف امكانيات الانسان هاذاك مدام ماطاحش في الظروف هذوك .... بمعنى الطفلة راهي معاك عادي وش راح يضمنلك باللي راح تصبر معاك كي تفقر ؟ علابالك وكتاه تعرف باللي تصبر معاك حتان تفقر و ترجع كيما كنت ثم تعرف باللي انسانة وقفت معاك .... يعني في وقت التعارف مستحيل تعرف الاساسيت راح تعرف غير الشكليات .... و الصبر نتاعها اللي راكي تحكي عليه كاين صبر من صبر .... كاينة اللي صابرة عليك على وجه الاولاد يسمى كون موش هوما راهي طلقاتك هذاك العام ... و نسبة البنات هاذوم هي الاغلبية .... و كاينة اللي صابرة معاك على جالك نتا و قاعد تحبك و مام كاين احسن منك متبدلكش .... انا هاذي هي اللي نحس عليها بصح نسبة باه تلقاها شبه منعدمة ... الصوارد ملاح يا ختي .... المال الحلال جامي ميفنى يكذب عليك .... اللي فقرو كامل دارو صواردهم بالحرام .... اللي دار صواردو بالحلال ربي يبراكلو فيهم و يزيدلو هاذي قاعدة ديريها في بالك .... مكانش هاذي تاع ترزق على حساب النية .... هاهو فرعون طاغية رزق بامراة صالحة تعبد الله .... هاهو سيدنا لوط و سيدنا نوح رزثا بزوجات طالحات .... يعني كي يكون الانسان مليح ماشي معنتها باللي راح يطيح في امراة مليحة كيفو .... ان شاء الله يا اختي من فمك لربي ماذابيا نطيح في بنت الحلال .... بصح صدقيني مكانش اللي تستاهلك و تستاهل المجهودات و التضحيات اللي تقدمها .... مكانش اللي دير النية معاك .... انا حتى لو رزقت بزوجة ان شاء الله علابالي ماراهيش راح تتهلى فيا كيما راح نتهلى فيها .

والله يا أخي كلامك نصفو خطأ، مافهمتكش، يعني في العالم كامل لي فيه ملايير البشر كاين غير نتا لي تربيت على يد امرأة صالحة ورجل صالح وباقي البشر كامل مايصبروش؟
كامل البشر ماديين؟ كامل البشر ماش ملاح؟ وينهو ظنك الطيب وثقتك في الله عز وجل؟ إذا ناوي تدير الدراهم باه تضمن ثقة زوجتك ووفاءها ليك ننصحك إياك تتزوج
أنا لو يجيني زوج يتزوجني ويضمني على جال دراهمو لي وسخ الدنيا مانثيقش فيه، إذا أنا شريكة حياتو لي رايحة نعطيه صحتي وتعبي وجهدي وكل ما أملك من صبر ووفاء
وهو عايش معايا على وجه دراهمو، أنا مارانيش سيارة إذا تعطلت كاين الدراهم يصلحوها، أنا بشر عندي أخلاق وتربية وقيم، مافهمتش راك تشوف في المرأة كائن خائن
ومتوحش، بينما أمك راهي تزوجت وكبرت وجابت 10 ابناء الله يبارك ويمشيو على طاعة الله، يا أخي راك حابس نفسك في قوقعة ننصحك تخرج منها، تقولي مثلا حاب
نوفر الدراهم باه يعيشو ولادي مليح، وباه مرتي تعيش مليح بصح باه تقولي نديرهم باه نضمن زوجتي ماتخدعني وماتصبرش هذا ظلم وجور عظيم في حق المرأة والله
تقولي شكون لي قالك بلي الطفلة تصبر، نقولك أنا طفلة وصبرت، أنا 25 سنة جامي في حياتي قلت لبابا ويما اشريولي ولا ديرولي نحي اللقمة من فمي ونحطهالهم في فهمهم
للدرك راني مرأة كنت نروح نقرا في الجامعة وفي جيبي 50 دج برك نحشم حتى نقولهم اعطيوني ولا ديرولي، عندي اختي اصغر مني منها من البنات تحب تلبس لكنها تكبت
الشي هاداك وتقبل بالشي لي كتبو ربي، تربينا نباتو ليلة العشاء كاين والعشاء ماكانش، وللآن مازلنا عايشين الميزيرية ونقولو الحمد لله، نصبح على يما وبابا هادا يكفيني
تقولي مثلا غير عايلتك، نعرف انسانة يتيمة الأم عندها غير باباها عايشين في غرفة واحدة هازتو على كفوف الراحة، نعرف بنات باباهم يصبحهم بطريحة ويرقدهم
بطريحة والماكلة ياكلو كي الكلاب حاشاك، وهكاك كلمة أف مايقولوهاش وصابرين وحاطين بلي أجرهم عند ربي سبحانو، وكاين أمثلة كثيرة، العالم لي عايشة فيه أنا
فيه الكثير من الأمثلة الحية على بنات العايلة لي صبرو على أهلهم وعلى أزواجهم، ومافهمتش كيفاه تقولي المرأة تصبر على راجل براني ماتعرفوش، راهو زوجها يا أخي واش بيك
كيفاه مرأة تعيش مع راجل وتجيب معاه الأولاد وعشرة ومن بعد تعتابرو براني؟ راهو جارك لو يدير فيك خير قليل تدخلو لدارك وتديرو من عايلتك فمابالك زوجتك؟
يسما ربي قال هن لباس لكم وأنتم لباس لهن؛ باطل هكاك؟ قالها هكاك برك؟ خاطر ربي يعرف لحرمة العلاقة الزوجية، راك حاط يا أخي نظرة سوداوية على المرأة
ماننكرش صح كاين نساء سيئات بصح ماش معناها النساء كامل كيف كيف، انا راني نسمع العجب على الرجال، التخنث وعبدة الشياطين والخيانة وغيرها من الأمور
لي تخليك تقول الرجل كائن متوحش ويستحيل نعيش معاه، بصح هكاك كي نشوف في بابا نقول الحمد لله، لي خلق كيما بابا في الاخلاق والتربية يخلق غيرو ماكانش
غير بابا مليح في الدنيا، ناس الخير في كل بلاصة، أما أنو تقولي زوجة فرعون وغيرهم من الأنبياء هادوك لحكمة من ربي، كاين لي انسانة فاسدة وفيها ذرة خير لداخل
بالاك ربي يبعتك ليها باه تولي للطريق المستقيم، وبالاك حاجة خلاف ربي حابك تعرفها وتستفاد منها، جامي تجي حاجة من عند ربي هكاك برك وبدون معنى على هادي
قتلك اتوكل على ربي وعلى نيتك يرزقك، وأنا نشوف الناس راهي كل يوم تتزوج وكل يوم تطيح في مشاكل وعادي، ونتا قلتها بنفسك الزواج مشروع، والمشروع يُدرس
من عدة جوانب ماش غير من ناحية إذا مرتي تصبر ولالا، قادرة توفر الدراهم وتصرالك حاجة خلاف لي تثبت الزوجة هادي ماش صالحة، الصلاح ماش غير في الصبر
وفترة الخطوبة ماتكشفش كلشي ولكنها تكشف الأمور الاساسية، هاديك تاع فنيانة ولا عدة أمور لا تُكتشف بصح قلة الحياء وقلة التربية يبانو، وإذا كانت الزوجة
تصبر على جال ولادها وتقبل بالرجل على جال ولادها، فالراجل مايصبر لا على جال ولادها لا على جالها، غير تطيح اسبوع في الفراش يطلقها بيها بولادها هي على الاقل
تبقى على جال ولادها وتخمم في مستقبلهم وتخاف عليهم يضيعو، واصلا لازم نسقسيو رواحنا واش لي يخلي المرأة تقعد مع الراجل على جال ولادها؟ علاه مانبحثوش على السبب؟
زعما كي تلقى نعم الرجل أخلاقا وتربية واهتماما تبقى معاه على جال ولادو برك؟ هادي مجنونة مالا؟ الحيوان يا أخي لو تحسن ليه ماينكرش واش درت معاه، وإنسان
من لحم ودم ورقيق كالقارورة كيما قالها رسولنا الكريم تعاملو بإحسان ويخونك؟ هادي لا يتقبلها العقل، المرأة بشر كيفاه كيف الرجل، والخيانة موجودة في الرجل والمرأة معا
والصبر موجود في المرأة والرجل معا، ولو كان الرجل يصبر أكثر من المرأة لما وُكلت تربية الأبناء وحملهم وولادتهم للمرأة، إذن يا أخي شوف المرأة شريكة حياتك
لي تبدا معاها بصفحة بيضاء لا من درك مازال حتى مالقيتهاش وتقول مستحيل تتهلى فيا فهنا ننصحك غير ماتتزوجش، خاطر رايح تظلم نفسك وتظلم بنت الناس
على هادي قتلك نحي الافكار السوداوية راهي رايحة تعيشك في شك دائم وماتستمتعش بحياتك الزوجية، وربي يوفقك ان شاء الله والله هادي نصائح لوجه الله فقط
ربي يهنيك ان شاء الله​

 

[Badrou94]

والله يا أخي كلامك نصفو خطأ، مافهمتكش، يعني في العالم كامل لي فيه ملايير البشر كاين غير نتا لي تربيت على يد امرأة صالحة ورجل صالح وباقي البشر كامل مايصبروش؟
كامل البشر ماديين؟ كامل البشر ماش ملاح؟ وينهو ظنك الطيب وثقتك في الله عز وجل؟ إذا ناوي تدير الدراهم باه تضمن ثقة زوجتك ووفاءها ليك ننصحك إياك تتزوج
أنا لو يجيني زوج يتزوجني ويضمني على جال دراهمو لي وسخ الدنيا مانثيقش فيه، إذا أنا شريكة حياتو لي رايحة نعطيه صحتي وتعبي وجهدي وكل ما أملك من صبر ووفاء
وهو عايش معايا على وجه دراهمو، أنا مارانيش سيارة إذا تعطلت كاين الدراهم يصلحوها، أنا بشر عندي أخلاق وتربية وقيم، مافهمتش راك تشوف في المرأة كائن خائن
ومتوحش، بينما أمك راهي تزوجت وكبرت وجابت 10 ابناء الله يبارك ويمشيو على طاعة الله، يا أخي راك حابس نفسك في قوقعة ننصحك تخرج منها، تقولي مثلا حاب
نوفر الدراهم باه يعيشو ولادي مليح، وباه مرتي تعيش مليح بصح باه تقولي نديرهم باه نضمن زوجتي ماتخدعني وماتصبرش هذا ظلم وجور عظيم في حق المرأة والله
تقولي شكون لي قالك بلي الطفلة تصبر، نقولك أنا طفلة وصبرت، أنا 25 سنة جامي في حياتي قلت لبابا ويما اشريولي ولا ديرولي نحي اللقمة من فمي ونحطهالهم في فهمهم
للدرك راني مرأة كنت نروح نقرا في الجامعة وفي جيبي 50 دج برك نحشم حتى نقولهم اعطيوني ولا ديرولي، عندي اختي اصغر مني منها من البنات تحب تلبس لكنها تكبت
الشي هاداك وتقبل بالشي لي كتبو ربي، تربينا نباتو ليلة العشاء كاين والعشاء ماكانش، وللآن مازلنا عايشين الميزيرية ونقولو الحمد لله، نصبح على يما وبابا هادا يكفيني
تقولي مثلا غير عايلتك، نعرف انسانة يتيمة الأم عندها غير باباها عايشين في غرفة واحدة هازتو على كفوف الراحة، نعرف بنات باباهم يصبحهم بطريحة ويرقدهم
بطريحة والماكلة ياكلو كي الكلاب حاشاك، وهكاك كلمة أف مايقولوهاش وصابرين وحاطين بلي أجرهم عند ربي سبحانو، وكاين أمثلة كثيرة، العالم لي عايشة فيه أنا
فيه الكثير من الأمثلة الحية على بنات العايلة لي صبرو على أهلهم وعلى أزواجهم، ومافهمتش كيفاه تقولي المرأة تصبر على راجل براني ماتعرفوش، راهو زوجها يا أخي واش بيك
كيفاه مرأة تعيش مع راجل وتجيب معاه الأولاد وعشرة ومن بعد تعتابرو براني؟ راهو جارك لو يدير فيك خير قليل تدخلو لدارك وتديرو من عايلتك فمابالك زوجتك؟
يسما ربي قال هن لباس لكم وأنتم لباس لهن؛ باطل هكاك؟ قالها هكاك برك؟ خاطر ربي يعرف لحرمة العلاقة الزوجية، راك حاط يا أخي نظرة سوداوية على المرأة
ماننكرش صح كاين نساء سيئات بصح ماش معناها النساء كامل كيف كيف، انا راني نسمع العجب على الرجال، التخنث وعبدة الشياطين والخيانة وغيرها من الأمور
لي تخليك تقول الرجل كائن متوحش ويستحيل نعيش معاه، بصح هكاك كي نشوف في بابا نقول الحمد لله، لي خلق كيما بابا في الاخلاق والتربية يخلق غيرو ماكانش
غير بابا مليح في الدنيا، ناس الخير في كل بلاصة، أما أنو تقولي زوجة فرعون وغيرهم من الأنبياء هادوك لحكمة من ربي، كاين لي انسانة فاسدة وفيها ذرة خير لداخل
بالاك ربي يبعتك ليها باه تولي للطريق المستقيم، وبالاك حاجة خلاف ربي حابك تعرفها وتستفاد منها، جامي تجي حاجة من عند ربي هكاك برك وبدون معنى على هادي
قتلك اتوكل على ربي وعلى نيتك يرزقك، وأنا نشوف الناس راهي كل يوم تتزوج وكل يوم تطيح في مشاكل وعادي، ونتا قلتها بنفسك الزواج مشروع، والمشروع يُدرس
من عدة جوانب ماش غير من ناحية إذا مرتي تصبر ولالا، قادرة توفر الدراهم وتصرالك حاجة خلاف لي تثبت الزوجة هادي ماش صالحة، الصلاح ماش غير في الصبر
وفترة الخطوبة ماتكشفش كلشي ولكنها تكشف الأمور الاساسية، هاديك تاع فنيانة ولا عدة أمور لا تُكتشف بصح قلة الحياء وقلة التربية يبانو، وإذا كانت الزوجة
تصبر على جال ولادها وتقبل بالرجل على جال ولادها، فالراجل مايصبر لا على جال ولادها لا على جالها، غير تطيح اسبوع في الفراش يطلقها بيها بولادها هي على الاقل
تبقى على جال ولادها وتخمم في مستقبلهم وتخاف عليهم يضيعو، واصلا لازم نسقسيو رواحنا واش لي يخلي المرأة تقعد مع الراجل على جال ولادها؟ علاه مانبحثوش على السبب؟
زعما كي تلقى نعم الرجل أخلاقا وتربية واهتماما تبقى معاه على جال ولادو برك؟ هادي مجنونة مالا؟ الحيوان يا أخي لو تحسن ليه ماينكرش واش درت معاه، وإنسان
من لحم ودم ورقيق كالقارورة كيما قالها رسولنا الكريم تعاملو بإحسان ويخونك؟ هادي لا يتقبلها العقل، المرأة بشر كيفاه كيف الرجل، والخيانة موجودة في الرجل والمرأة معا
والصبر موجود في المرأة والرجل معا، ولو كان الرجل يصبر أكثر من المرأة لما وُكلت تربية الأبناء وحملهم وولادتهم للمرأة، إذن يا أخي شوف المرأة شريكة حياتك
لي تبدا معاها بصفحة بيضاء لا من درك مازال حتى مالقيتهاش وتقول مستحيل تتهلى فيا فهنا ننصحك غير ماتتزوجش، خاطر رايح تظلم نفسك وتظلم بنت الناس
على هادي قتلك نحي الافكار السوداوية راهي رايحة تعيشك في شك دائم وماتستمتعش بحياتك الزوجية، وربي يوفقك ان شاء الله والله هادي نصائح لوجه الله فقط
ربي يهنيك ان شاء الله​

مشكورة على النصائح يا اختي بالصح انا في الواقع نتاعي مزال مشفتش وحدة تصلح .... كيما قلتلك من قبل نهار نلقى اللي تصلح ثما نبدل هدرتي ... بصح مدام مشفتش و معرفتش هدرتي متتبدلش .... من الاخر الواحد ميقتنعش بالكلام فقط انا راح نقتنع كي نشوف البرهان و الانسان هذاك قدامي .... المهم مشكورة على المجهودة و فكرتك وصلتني و فهمت مقصودك و ر بي يجازيك

 

[Badrou94]

صراحة راك غالط مليار في الساعة ياخويا
كون طرحت الموضوع هذا قبل 10 سنوات نقلك
لكن في زمننا هذا البنات كامل حابين يتزوجو باي راجل مهم تستر روحها
هذي لازم نتفقوا فيها
اما الشيء اللي راني معاك فيه هو في حرف { لو }
يعني الفتاة لو يجيه مثلا شابين واحد خدام ب 4 ملاين ولاخر خدام بزوج ملاين راحة تخير مول 4
ولكن هنا راهي نفس فكرة الرجل بيسك اي راجل حاليا كون تصلحلو يبدل الزوجة تاعوا يبدلها نورمال خخخ
وهنا نرجعو لنقطة ثانية حكيتلنا على الطيبة واخلاقك
نقلك خويا نعرف رجال طيبيا واخلاق وكلش بصح تغيب عليه الشخصية والمسؤولية
لانو مش اي رجل طيب هو رجل مسؤول ومش اي رجل متخلق او رجل صاحب شخصية
لهذا لو تشوف مثلا ي الصحابة وهو خيار اهل الارض كا واحد بالشخصية نتاعوا
وهنا حاب نوصلك رسالة البنات تقريبا ما يهتموش بالجانب الاخلاقي ولا الطيبة نتاع الراجل
بصح تهتم بالجانب الرجولي لما يكون عندها رجل مسؤول فحل كيما نقولوا يعمرلها الدنيا
لذالك لو تلاحظ الجدات نتاعنا بكري كي تشوف جدك وتشوف جداتك تقول كفاه تزوجت بيه
يكون خشن في تعاملوا بصح تلقى جداتك كون تذكرو بالقبيحة قدامها تاكلك
لانو الحب نتاعها وتقبلها كان مبني على تقبل الشخصية لذا حاول تغير من شخصيتك ما نقولكش كون همجي باش تكون راجل
ولكن كون راجل ومسؤول واخدم بعقلك
المراة واش دير براجل يخلص 10 ملاين وهو غير مسؤول عليهم وما يعرفش يتصرف بيهم
ممكن تشوف مرامع راجل يخلص زوج ملاين وعايشين تقول في رد من العيش وتعشق فيه
فقط لانو راجل ومسؤول ويعرف كفاه يتصرف وربي يرزقك الزوجة الصالحة وحذاري ياخويا ابحث على الزوجة الصالحة اولا
وربي يوفقك ..​

هاذي هي اللي راني نحكيلك عليها ....ضركا المراة تتزوج بمدا المقارنة يعني كي يجيوها زوج راح تختار اللي عندو مدخول اكبر .... يعني متزوج الشخص على اساس هو و شخصيتو ... الحب الحقيقي انو تحبك وحدة بايجابياتك بسلبياتك ماشي تحبك قاعد عندك ايجابيات اكثر من الاخرين .... بمعنى حتى و ان اتاها شخص افضل منه ترفضو على جال الاخر لانها تحبه .... هذاهو الصح ..... نتوما بنات عندكم الحق تخيرو واد بدارو و شهرية مليحة .... مام حنا الاولد ماتلومانش اذا خيرنا الزينة و المليحة ... انا الحمد لله امتلك المسؤولية نتاع نرفد دار و نربي الاولاد .... مني كنت صغير و انا مسؤول هاذي متغيبهاليش .... ميهمنيش انا الطفلة وش تحب في الراجل انا اصلا مانيش طامع حتى وحدة تحبني لان الحب معندي مندير بيه .... المهم نجيب اللي نبغيها و تقعد معايا نعيشو و خلاص. ..... تحكيلي على ناس بكري هوما زوجو بو محتم .... تاع بكي جهلاء تزوجو برك و عايشين مع بضعضاهم بو محتم لا حب لا والو معندهمش خيار واحد اخر تزوج و تهني روحها حتى الراجل يستقنع و يستبيت لان مكانش البديل .... لان كون لقاو البديل راهم بدلو نساءهم و رجالهم. المهم مشكورة على رايك و وجهة نظرك

 

[لؤلؤة قسنطينة]

مقصدودي ايها الخوة و الاخوات الكرام ان في واقعنا مر و صعب و الجميع يدعي المثالية لكن الجميع يطبق العكس و ساثبت لكم كلامي
1 - الجمال شيئ اساسي و اعلم انكم تخالفونني الراي بحجة ان الجمال جمال القلب و الروح و التقاء الارواح قبل التقاء الاجساد ..... لماذا تتزين المرأة في الرؤية الشرعية و تحاول ان تظهر جمالها لخاطبها ؟ اليس شخصا اجنبيا ؟ لماذا ترتدي احسن الفساتين و تقوم باستعمال المساحيق و تستدعي الحلاقة من اجل ان تكون كالاميرة اما الخاطب ؟ ياخي الجمال جمال الروح ؟ علاه متلبسش حاجة عادية و تروح تشوفو بدون ماكياج و الحوايج الاضافية ؟ كونو صريحين معايا و خليونا من المثاليات رانا في الواقع هاذي البنات كامل يديروها و مكانش طفلة متتزينش و متحاولش تبان ب ابهى حلة في الرؤية الشرعية باه غير يقبل بيها.
2 - المظاهر اساسية كذلك الراجل نهار يروح يخطب لازم يلبس بذلة مليحة و لازم يشري خاتم على الاقل تاع 5 ملاين و يشري طارطة تاع مليون باه يروح يخطب . علاه ؟ لانه كون يروح بلبسة عادية و يدي كعكة بسيطة تاع 100 الف و يشري خاتم تاع مليون برك ... راح يرفضوه و قولو هذا مقيمش بنتنا و باين عليه سقم و باين كي يتزوجها راح تعاني معاه .... يعني المظاهر اساسية للرجل و المراة ففي زوج نهار الخطبة راح يديرو المستطاع باه يبانو في احسن مظهر باه يستقطبو الطرف الاخر.
3 - المال اساسي و واحد ميكذب على خوه .... زعمة يجي واحد يسلك مليون و نص تاع لانام تمدولو ؟ راكم علابالكم بالراجل زوالي و تشرطو عليه 20 مليون و زوج خواتم تاع الحنة و تشري النعجة ب 5 ملاين و تسلك العشاء تاع العروسة ب 5 ملاين .... و ديرلها كورطاج مليح و تكريلها السات الابيض .... و كون الراجل يقصر و ميديرش حاجة من الحوايج هاذوك تبدا تعاير فيه و تقولو الرجال كامل دارو نسائهم عرس مليح و نتا بخلتني و تولي في الهدرة الزائدة .

هكذا طبع المراة دير غلطة وحدة ولا مديرلهاش حاجة تنسى الخير كامل اللي درتو فيها.


انا من النفاق هذا و المثالية حلفت ندير النية مع طفلة منحب منقلش منتهلى منضحي على جال وحدة .... اذا اتزوجت ان شاء الله راح نقوم بالواجبات نتاعي فقط بصح الاضافات مكانش ... و النية و الثقة و التضحيات مكانش لان علابالي وحدة متستاهل تحطها في عينيك و تنحي من فمك و تعطيها و تقلشها و تقيمها و ديرها ملكة منزلك .... وحدة متستاهل قلبك للان المراة والله تحبها و تحتارمها بصح والله تعفس على قلبك و تخليك .... انا والله كواوني بنات الناس عرفت بنات و صراولي مواقف خلاوني نحلف و نقرر مندير النية مع حتى وحدة .... و قررت نجيب الطفلة اللي نبغيها بصواردي لان وحدة متحبك على شخصيتك كامل يتزوجو بيك لان عندك دار و خدمة مليحة .... راح نجيبها زينة و عندها لاطاي و قارية و متربية يكونو فيها الاساسيات تاع زوجة تقوم بيك و بولادك فقط .... انو الحب بعد الزواج و الثقة انا هذا الشيئ مانامنش بيه لان الزواج نتاعنا زوا مصلحة و بدون حب ..... عذرا على الاطالة و التجميع

بعد قراءة كلامك هذا يا أخي، حبيت نسألك سؤال واحد فقط، ما مفهوم وما مغزى الزواج عندك؟ خاطر عندك فكرة خاطئة عن مشروع عظيم وكبير كالزواج
لأنك أثبت ذلك بآخر جملة في كلامك وقلت الزواج زواج مصلحة، ونتا راك حاب تتزوج زواج مصلحة، وزواج المصلحة مايبنيش عائلة متماسكة وما يجيبش أبناء
صالحين يغيرو المجتمع، إذن تفكيرك للزواج من الاساس خاطىء وغير صحيح وماراكش تجهز لهاد المشروع ما يجب، حتى ولو جمعت مال قارون، وربي مايحاسبكش يوما
ما على الدراهم لي ماجمعتهمش يحاسبك على الذرية لي هوما أمانة كيفاه ربيتهم وواش من أم جبتلهم وعلاواه بنيت زواجك
ورايحين نحللو كلامك هذا، بالنسبة للنقطة 1 و 2 كلشي متكافىء، راجل كي يجي يخطب وهو ماعندوش الدراهم تغيضو ويتقاس ويقول علاه ماشافوش لأخلاقي
والمرأة كذلك كي تخرج للراجل بشكلها الحقيقي وبواش خلقها ربي الراجل يتمسخر بخلق ربي، والسخرية من خلق الله أعظم من السخرية من المال وما شابه
إذن كل واحد يخبي نقطة ضعفو بواش يناسبو، المرأة تخبي سوء الأخلاق خلف الجمال والراجل يخبي سوء الأخلاق خلف المال وكل طرف يرضي الآخر على حساب واش يحب
يعني لو ما جا الراجل مقيّم روحو بالدراهم ما تقيمو المرأة على دراهمو ولو ماجات المرأة مقيّمة روحها على جمالها مايقيمها الراجل على هاداك الشي
انا لو يجي راجل يقول نحوس على انسانة مثقفة لو نسألها اسئلة ثقافية وماتجاوبش مانديهاش فهل رايحة تهتم بمظهرها قبل؟ هي شافتو يحوس على المظهر قنعتو في المظهر
هو شافها تحوس على الدراهم يقنعها على الدراهم، بصح لو شاف المرأة هاديك تقولو نهار تجي تخطب نسقسيك على حفظك للقرآن نشوفو ترا إذا دراهمو يدير بيهم
قيمة لنفسو ولا يديرهم تيزانة، إذن المشكلة في الطرفين في حد ذاتهما يسما واحد مايلوم الآخر، النقطة 3 تقول فيها المال اساسي أكيد المال أساسي انا نهار نمرض
كيفاه نداوي ونهار يباتو ابنائي بالشر شكون يوكلهم، المال زينة الحياة الدنيا واحد ما يكرهو، بصح كامل الكلام الباقي مانوافقكش عليه، نتا علاه تروح من الاساس
للمرأة لي تطلب نعجة وعرس وتقولك ديرلي وديرلي؟ أنا مانروحش للصحراء ونقول واش بيه ماكانش البحر، لازم نعرف وين نحط رجلي، نروح لي ترضى بالقليل، وماتقوليش ماكانش
قبل عام واحد من عائلتي شخص تزوج بامرأة ماطلبوش شرط وماطلبو لا كبش ولا غيرو، وكاينة حتى لي ماتطلبش عرس من الاساس فماتروحش لعينيها كبيرة وتقول النساء
ماش ملاح، أما آخر كلامك، وقلتهالك ونعاودها إذا ناوي تتزوج باه تتزوج وبرك فلا تتزوج، كيفاه مرأة مازال ما جبتهاش لدارك وماتعرفهاش حتى شكون راهي في الغيب
عند ربي سبحانو وتقول من درك مانديرش فيها النية؟ علاه تتزوجها مالا؟ الزواج في حد ذاتو ثقة هو عبارة عن علاقة مبنية على الثقة والنية والصفحة البيضاء، اذا ماتوفرتش
هاد الشروط كأنك تقوم بعلاقة عمل، وعلاقة العمل وفيها الثقة، إذن راجع نفسك يا أخي الكريم، خاطر يوما ما إذا تزوجت ومامشيتش مع زوجتك بالنية وماعطيتهاش
حقها وما رأفتش بيها ومارفقتش بيها ربي يحاسبك عليها، احذر إذا، المال ماش كلشي، وبنات الناس ماش كامل يحوسو على الذهب والمال وكلمة طيبة ماكانش
ومثلما نتا راك تقول نجيب وحدة بدراهمي الزين وووو هي تاني من حقها ترفضك وتخير شخص على مالو، يخي كل شخص حر في نفسو، صدقني يا أخي راك حاب تتزوج
تاع مكرا وتاع عناد، وهادا ماش رايح يفيدك ولا رايح يهنيك ولا رايح يجيب الخير، لي يبدا حياتو ماش بنية وثقة في ربي مايكملش، ولي داير في بالك رايح تضمنها
بدراهمك، قادرة تهز دراهمك وتخدعك بيهم بعد، غير بنت الاصل لي تعرف قيمتك بلا دراهم، اما لي تقبل بيك خاطر عندك دراهم ماعرفتش كيفاه راك قابل تتزوج بيها
انا لي يقيمني على دراهمي ماعندي ماندير بيه، فكر جيدا، راك حابس نفسك في دوامة، ولي صرالك ليس مقياس على كل النساء وأكبر مثال والدتك
اذن استغفر ربي واستعيذ بالله من الشيطان الرجيم وفكر في هذا المشروع الضخم من ناحية أخرى وهي كيفاه تربي ابناءك وكيفاه تدي بيد زوجتك للجنة ماش نلملها الدراهم
باه ترضى بيا وماش نلملها الدراهم باه نمنع روحي من الخيانة، هذا ليس بتفكير صحيح، وربي يسهل ان شاء الله أنت أدرى بنفسك
​

 

[لؤلؤة قسنطينة]

يا خاوتي ما تأذيوش بعضاكم بالكلام الجارح عيب
ماش هكا والله
نتناقشو باحترام بين بعضانا​

 

[لؤلؤة قسنطينة]

مشكورة على النصائح يا اختي بالصح انا في الواقع نتاعي مزال مشفتش وحدة تصلح .... كيما قلتلك من قبل نهار نلقى اللي تصلح ثما نبدل هدرتي ... بصح مدام مشفتش و معرفتش هدرتي متتبدلش .... من الاخر الواحد ميقتنعش بالكلام فقط انا راح نقتنع كي نشوف البرهان و الانسان هذاك قدامي .... المهم مشكورة على المجهودة و فكرتك وصلتني و فهمت مقصودك و ر بي يجازيك

وأنت قلتها لن تقتنع إلا إذا رايت البرهان
والبرهان لا يأتي إلى الإنسان بل يبحث عنه
ونهار تدخل كل البيوت الجزائرية وتلقى كامل البنات فيهم تفكيرهم هكا
تما لك كل الحق أنك تقول عليهم تاع مادة مادام مادخلتش كامل البيوت في 48 ولاية
ماتقدرش تتهم النساء ككل، يعني حتى يكون عندك برهان ثابت على كل النساء​

 

[Badrou94]

بعد قراءة كلامك هذا يا أخي، حبيت نسألك سؤال واحد فقط، ما مفهوم وما مغزى الزواج عندك؟ خاطر عندك فكرة خاطئة عن مشروع عظيم وكبير كالزواج
لأنك أثبت ذلك بآخر جملة في كلامك وقلت الزواج زواج مصلحة، ونتا راك حاب تتزوج زواج مصلحة، وزواج المصلحة مايبنيش عائلة متماسكة وما يجيبش أبناء
صالحين يغيرو المجتمع، إذن تفكيرك للزواج من الاساس خاطىء وغير صحيح وماراكش تجهز لهاد المشروع ما يجب، حتى ولو جمعت مال قارون، وربي مايحاسبكش يوما
ما على الدراهم لي ماجمعتهمش يحاسبك على الذرية لي هوما أمانة كيفاه ربيتهم وواش من أم جبتلهم وعلاواه بنيت زواجك
ورايحين نحللو كلامك هذا، بالنسبة للنقطة 1 و 2 كلشي متكافىء، راجل كي يجي يخطب وهو ماعندوش الدراهم تغيضو ويتقاس ويقول علاه ماشافوش لأخلاقي
والمرأة كذلك كي تخرج للراجل بشكلها الحقيقي وبواش خلقها ربي الراجل يتمسخر بخلق ربي، والسخرية من خلق الله أعظم من السخرية من المال وما شابه
إذن كل واحد يخبي نقطة ضعفو بواش يناسبو، المرأة تخبي سوء الأخلاق خلف الجمال والراجل يخبي سوء الأخلاق خلف المال وكل طرف يرضي الآخر على حساب واش يحب
يعني لو ما جا الراجل مقيّم روحو بالدراهم ما تقيمو المرأة على دراهمو ولو ماجات المرأة مقيّمة روحها على جمالها مايقيمها الراجل على هاداك الشي
انا لو يجي راجل يقول نحوس على انسانة مثقفة لو نسألها اسئلة ثقافية وماتجاوبش مانديهاش فهل رايحة تهتم بمظهرها قبل؟ هي شافتو يحوس على المظهر قنعتو في المظهر
هو شافها تحوس على الدراهم يقنعها على الدراهم، بصح لو شاف المرأة هاديك تقولو نهار تجي تخطب نسقسيك على حفظك للقرآن نشوفو ترا إذا دراهمو يدير بيهم
قيمة لنفسو ولا يديرهم تيزانة، إذن المشكلة في الطرفين في حد ذاتهما يسما واحد مايلوم الآخر، النقطة 3 تقول فيها المال اساسي أكيد المال أساسي انا نهار نمرض
كيفاه نداوي ونهار يباتو ابنائي بالشر شكون يوكلهم، المال زينة الحياة الدنيا واحد ما يكرهو، بصح كامل الكلام الباقي مانوافقكش عليه، نتا علاه تروح من الاساس
للمرأة لي تطلب نعجة وعرس وتقولك ديرلي وديرلي؟ أنا مانروحش للصحراء ونقول واش بيه ماكانش البحر، لازم نعرف وين نحط رجلي، نروح لي ترضى بالقليل، وماتقوليش ماكانش
قبل عام واحد من عائلتي شخص تزوج بامرأة ماطلبوش شرط وماطلبو لا كبش ولا غيرو، وكاينة حتى لي ماتطلبش عرس من الاساس فماتروحش لعينيها كبيرة وتقول النساء
ماش ملاح، أما آخر كلامك، وقلتهالك ونعاودها إذا ناوي تتزوج باه تتزوج وبرك فلا تتزوج، كيفاه مرأة مازال ما جبتهاش لدارك وماتعرفهاش حتى شكون راهي في الغيب
عند ربي سبحانو وتقول من درك مانديرش فيها النية؟ علاه تتزوجها مالا؟ الزواج في حد ذاتو ثقة هو عبارة عن علاقة مبنية على الثقة والنية والصفحة البيضاء، اذا ماتوفرتش
هاد الشروط كأنك تقوم بعلاقة عمل، وعلاقة العمل وفيها الثقة، إذن راجع نفسك يا أخي الكريم، خاطر يوما ما إذا تزوجت ومامشيتش مع زوجتك بالنية وماعطيتهاش
حقها وما رأفتش بيها ومارفقتش بيها ربي يحاسبك عليها، احذر إذا، المال ماش كلشي، وبنات الناس ماش كامل يحوسو على الذهب والمال وكلمة طيبة ماكانش
ومثلما نتا راك تقول نجيب وحدة بدراهمي الزين وووو هي تاني من حقها ترفضك وتخير شخص على مالو، يخي كل شخص حر في نفسو، صدقني يا أخي راك حاب تتزوج
تاع مكرا وتاع عناد، وهادا ماش رايح يفيدك ولا رايح يهنيك ولا رايح يجيب الخير، لي يبدا حياتو ماش بنية وثقة في ربي مايكملش، ولي داير في بالك رايح تضمنها
بدراهمك، قادرة تهز دراهمك وتخدعك بيهم بعد، غير بنت الاصل لي تعرف قيمتك بلا دراهم، اما لي تقبل بيك خاطر عندك دراهم ماعرفتش كيفاه راك قابل تتزوج بيها
انا لي يقيمني على دراهمي ماعندي ماندير بيه، فكر جيدا، راك حابس نفسك في دوامة، ولي صرالك ليس مقياس على كل النساء وأكبر مثال والدتك
اذن استغفر ربي واستعيذ بالله من الشيطان الرجيم وفكر في هذا المشروع الضخم من ناحية أخرى وهي كيفاه تربي ابناءك وكيفاه تدي بيد زوجتك للجنة ماش نلملها الدراهم
باه ترضى بيا وماش نلملها الدراهم باه نمنع روحي من الخيانة، هذا ليس بتفكير صحيح، وربي يسهل ان شاء الله أنت أدرى بنفسك
​

انت مقصودك الفتاة اللي راح تزوجها لازم تدير فيها الثقة و الحب و النية .... وانا من الصعب ندير الاشياء هاذوم في امراة اجنبية حتى و ان كانت زوجتي يعني صعب انو تلقى الشخص المناسب .... ومنقدرش نخاطر و ندي وحدة نددير الحوايج هاذوم من بعد تلقاها متستاهلش .... الزواج راهو قمار سيرتو في الجزائر .... الطفلة كون متصلحش معاها و تطلقو راك تخسر اوال في الطلاق .... يعني الانسان باه يتقدم لاي فتاة صعب .... الواحد يخاف لايطيح فالشخص الخطأ .... ربي يجيب الخير و فرات ان شاء الله تكوني فههمتي مقصودي.

 

[Badrou94]

وأنت قلتها لن تقتنع إلا إذا رايت البرهان
والبرهان لا يأتي إلى الإنسان بل يبحث عنه
ونهار تدخل كل البيوت الجزائرية وتلقى كامل البنات فيهم تفكيرهم هكا
تما لك كل الحق أنك تقول عليهم تاع مادة مادام مادخلتش كامل البيوت في 48 ولاية
ماتقدرش تتهم النساء ككل، يعني حتى يكون عندك برهان ثابت على كل النساء​

جاري البحث .... يا اختي مندخل كل البيوت منتهم كل النساء .... مندخلش لدار طفلة حتان نتاكد 100 بالمئة باللي تصلح

 

[لؤلؤة قسنطينة]

انت مقصودك الفتاة اللي راح تزوجها لازم تدير فيها الثقة و الحب و النية .... وانا من الصعب ندير الاشياء هاذوم في امراة اجنبية حتى و ان كانت زوجتي يعني صعب انو تلقى الشخص المناسب .... ومنقدرش نخاطر و ندي وحدة نددير الحوايج هاذوم من بعد تلقاها متستاهلش .... الزواج راهو قمار سيرتو في الجزائر .... الطفلة كون متصلحش معاها و تطلقو راك تخسر اوال في الطلاق .... يعني الانسان باه يتقدم لاي فتاة صعب .... الواحد يخاف لايطيح فالشخص الخطأ .... ربي يجيب الخير و فرات ان شاء الله تكوني فههمتي مقصودي.

أجنبية؟ زوجتك أجنبية؟ والله مافهمتك يا أخي الكريم
الله سبحانه وتعالى مثّل علاقة الزوج بالزوجة باللباس ولا يوجد أبلغ من هكذا تمثيل ونتا تقولي أجنبية؟
ربي يجيب الخير ان شاء الله
وربي يوفقك لما تريده​

 

[Badrou94]

أجنبية؟ زوجتك أجنبية؟ والله مافهمتك يا أخي الكريم
الله سبحانه وتعالى مثّل علاقة الزوج بالزوجة باللباس ولا يوجد أبلغ من هكذا تمثيل ونتا تقولي أجنبية؟
ربي يجيب الخير ان شاء الله
وربي يوفقك لما تريده​

والله يا اختي انا اريد الزواج من اجل الزواج .... صح ربي عظم شان الزواج و المودة و الرحمة بين الزوجين و قال باللي راهو ميثاق غليظ بينهما .... بالصح بالنسبة ليا الزواح حاجة عادي ماراهيش حاجة كبيرة .... يعني منقدرش نحب و ندير الثقة و النية مع امراة حتى وان تزوجتها .... يعني نخاف نتجرح و نخاف انو نلقاها متستاهلش .... الدنيا هايذي فانية راح نختار وحدة نكمل معاها المشوار حتان نموتو ... صح راح ندير عائلة معاها و نعيشو كيف كيف بصح مشكيتش اذا راح يكونو مشاعر .... انا قلبي راهو مات و مشكيتش انو راح يكون حب من جهتي .... صح راح نقوم بواجباتي اتجاهها بالصح من جانب الامور المعنوية الله غال راني مكوي يا بنت الناس و مرانيش قادر و مرانيش باغي ندير مجهود عاطفي حتى مع الزوجة المستقبلية .... لانه كما سبقت و ذكرت قادر تلقاها متستاهلش النية و الشيئ اللي ديرو على جالك ... قادر متحبكش و تعيش معاك محتم .... مشكورة الاخت

 

[سحائب الشوق]

أعجبتني كلمة يلهط هادي انتاع سكيكدة هههههه

هههه نعم فأنا سكيكدية أخي أبو مازن

 

[Badrou94]

من ردود صاحب الموضوع على الاخوة و الأخوات يتضح يا إما عندو عقدة من الزواج من تجارب سابقة لأحد أقاربه أو أصحابه.
أو تجربة شخصية في غمار الحب الذي يقع فيه شبابنا.. (مادام قلت القلب مكوي.. يعني الكلمة لم تأتي فقط)
و ثاني شخص مادي لأبعد درجة.
لما تكون بهذه الأفكار نصيحة لوجه الله لا تتزوج من الأساس حافظ على مالك و قلبك و انتهى.
أما انك تتزوج من أجل الناس تقول تزوج فلان و لا تثق و لا تحب و غيرها أنت بعيد عن قول الله تعالى [وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ ]

يا اختي هذه وجهة نظرك احترمها .... انا ساتزوج من اجل ان احفظ نفسي من الوقوع في الحرام .... يعني ساتزوج فتاة اعتني بها و تعتني بي الى ان نموت.

 

[4algeria.com]

السلام عليكم
والله عيب ان نرى واحد يقول مريض نفساني و الثاني يقول لديك عقدة

ألا يمكننا فتح نقاش حادة بأدب؟؟

فهل واحد من الاخوة الذي اتهب الاخر بالمريض و... هو طبيب نفساني؟؟
ارجو عدم تقييم الاخر و انما مناقشة الافكار و فقط

نهذب للصلاة و بعد العودة نذف المشاركات التي تجرح في شخص اي فرد و فضلا نحن مع الحوار و النقاش لكن بمستوى راقي
الرأي يحترم والفكرة تناقش

 

[بسملةfor now]

اعتقد ان الحب قبل الزواج غير حقيقي ولا يجب ان يكون لانه غير شرعي
اذا بنيت علاقة على باطل فنهايتها الى باطل والنتيجة هذه النظرة المشوهة للزواج ككل وللبنات والحياة
الطريقة الاندفاعية المتهجمة دليل على جرح عميق لم يشف بعد والوقت كفيل بعلاجه بالاستعانة بالله ويجب ان يعترف الانسان انه كان يسير في طريق خاطئ ووقوعه في الفوضى والتشوش ناتج عن ذلك

 

[Badrou94]

السلام عليكم
والله عيب ان نرى واحد يقول مريض نفساني و الثاني يقول لديك عقدة

ألا يمكننا فتح نقاش حادة بأدب؟؟

فهل واحد من الاخوة الذي اتهب الاخر بالمريض و... هو طبيب نفساني؟؟
ارجو عدم تقييم الاخر و انما مناقشة الافكار و فقط

نهذب للصلاة و بعد العودة نذف المشاركات التي تجرح في شخص اي فرد و فضلا نحن مع الحوار و النقاش لكن بمستوى راقي
الرأي يحترم والفكرة تناقش

مشكورين على الرد ايها السادة ... لاانا هنا من اجل نقاش حضاري و هم يتهموني و يشتمونني

 

[Badrou94]

اعتقد ان الحب قبل الزواج غير حقيقي ولا يجب ان يكون لانه غير شرعي
اذا بنيت علاقة على باطل فنهايتها الى باطل والنتيجة هذه النظرة المشوهة للزواج ككل وللبنات والحياة
الطريقة الاندفاعية المتهجمة دليل على جرح عميق لم يشف بعد والوقت كفيل بعلاجه بالاستعانة بالله ويجب ان يعترف الانسان انه كان يسير في طريق خاطئ ووقوعه في الفوضى والتشوش ناتج عن ذلك

الحب لا ياوجد لا قبل الزواج ولا بعد الزواج .... الحب مفهوم اسمى لا وجود له في هاته الارض .... الله عظم من شان الزواج لكن الشعب الجزائري غير واعي و لا يستحق مثل هذا المفهوم الرباني ... انا لم اكفر بالزواج لم اقل ان الله يكذب استغفر الله ... بل قلت ان الشعب منافق و لا يعمل بما قاله الله و يدعي المثالية. هذذا هو رايي .... مشكورة على الرد ايتها الاخت

 

[بسملةfor now]

انا من الشعب الجزائري ولا ينطبق علي ما كتب
ومن قال هلك الناس فهو اهلكهم