نهار رحت خطبت لزوجي ارواحوا تسمعوا

جميلة أنا

:: عضو مُشارك ::
إنضم
1 جانفي 2018
المشاركات
441
نقاط التفاعل
1,255
النقاط
41
محل الإقامة
باتنة
الجنس
أنثى
مرحبا بيكم كااامل لماويين و لماويات شرفتوني كي راكم معايا في هذي الخطبة💍 اكوا تعرفوا العبد يروح وحدوا عيب🥴 لازم يدي خوتوا معاه ولا راني غالطة :sneaky:
.
.
ايا معليش علبالي اكوا مشغولين مع اسقاط الحكم الملكي هذي الايام 💪💪 الله المستعان ......

نبدا في الموضوع مباااشرة و نولي شويا سيريوز 👮‍♀️ ولا اخطيكم لهيه نولي مني بالصح 🧕

اولا علبالي دهشتوا من عنوان مي راهوا صحيح و مرحبا بيكم في لب الموضوع : بعد زوج نقاط هذوا تبدا حكاية 🙄 اسمعوا مليح 👂 و شوفوا جيدا 👀 و بلاكوا على 👃 مقلتش متتنفسوش و ابلعوا ريقكم.......................... هيا ادخلوا غير بالشوي الناس عيب متحشمونيش @sami44 نحي صباطك التبهدايل الي رك ديرلي فيهم 🤯 @ليليا مرام مدي 🌹🌹للمراة علاه ملصقاتوا في وجهك هاه الريحة كل كلاها نيفك 😩 @الامين محمد اراجل اصبر متقولش جينا نخطبوا حتى نشوفلوا طفلة اذا شابة خير مني بلاك تهدر حتى تبيبيلك ليليا تفاهمنا ...........هههههههه ايا نتمنى تخيلتوا معايا مليح هههههه

يظهرلي نحكي بالصح خيرلي لا تنفيوني تع صح ههههه
كيما علبالكم انا عندي تقريبا عامين زواج و المكتوب مرزقتش بالذرية لعلم لا يعلمه الا الله و زوجي الله يسمحلوا و لا يوم حكى قدامي على اولاد او شكى او قال حاب اطفال يعني كان واقف معايا في كل امر الله يجازيه
في الاونة الاخيرة اكتشفت انوا زوجي عجباتوا بنت و هذا امر لقيتوا في رسالة من صديقوا يضحك معاه قالوا ......عادي الشرع حللك 4.....و كلام اخر فهمت منوا بلي زوجي عجباتوا هذي البنت و محكاش معاها انما في قلبوا لو يلقى او ...... في بداية امر جنييييت و مارضيت نشوف ف وجهوا و صارحتوا بالامر لكني لقيت منوا صراحة غريبة قالي انتي نحبك و منستغناش عليك لكن هي ايضا عجبتني و خفت من الحرام ......انهرت في بداية الامر وووووو و بقيت ف منزلي زوجي و مرحتش عند والدي قلت حتى نأكد من قراري و نشوف
خميت و فكرت ووووووو و قلتلوا هيا نروح نخطبهالك و اتزوج بيها و متبقاش فقط تخم فيها هكا لانك تضرني ......تفاجأ من قراري كيما تفاجأتوا نتوما .....و فرح و بقى كل لحظة يقولي مزلتي عند كلامك و انا نقولوا ايه انت وشبيك ايه علاه كشما يوم من ايام درت ف كلامي.....
و اتى اليوم المعهود و اشرى الورد و طارطة و انا سالتوا على خاتم قالي لا منحطلهاش اي خاتم ف يدها حتى توافقي انتي عليها.....
مهم رحنا شفنا طفلة لقيتها بنت 17 سنة حسناء الشكل تسر الناظرين مثلما سرت زوجي تمت الخطبة باندهاش ام البنت على اساس ماصدقتني اني انا الي خطبتلوا و شرطت شروط معتادون عليها كالسكن لوحدها ووووو المهم رضينا و روحنا و احنا في الطريق للمنزل قلت لزوجي خلينا ننزولوا بجانب الشط نتنسم شوي قالي زوجي او الموج عالي بزاف خلي مرة اخرى لكني اصريت و نزلنا
و حنا هكاك نمشوا على حافة روشيات وقفنا في مكان عالي و الموج يضربنا راجلي خاف شوي بقا يرجع للوراء و انا غير نتقدم......و هو يقولي احبسي ولا قلق تقدم معايا باه يوقفني و هو يتقدم و انا نقذف بيه برجلي ...................................................................................................................................................
.
.
.
.
الي تحت السرير😏 و اذا بيه يفيق من النوم و يقولي يا مراة وش بيك خليني نرقد على تضربي فيا 🤪🤪🤪🤪🤪🤪
ايا فقت مليح و لقيتوا قدامي و رجعت عقلي مليح و قتلوا تستاهل نضربك علاه خليتني نرقد و نحلم ك العباد ههههههههههههههههههههههه
شوفوا بلعقل عليا متلومونيش كان يستاهل الضربة حد لا يقولي لا هههههههههههههههههههه

نتمنى يكون الموضوع عجبكم دمتم اهلي و اهل اللمة الرائعين
 
السلام عليكم ورحمة الله وبركاته
والله نتي وحدك، واحد الخلعة والفجعة حكمتني كتر من لي نكون نتفرج في فيلم رعب ههههه
زعما جيت ندير موافقة على الموضوع ساع بما اني مبرونشية في موضوع آخر
ساع لقيت روحي معاكم في الخطبة هههه
الله يعطيك الربح، واذا صح حكاية الاولاد ربي يرزقك الذرية الصالحة عاجلا غير آجل يااارب
ربي يفرحك ويهنيك ويرزقك ماتتمناي ^^
 
يسما نعيشو وناكلو غيرها وخلاص ههه
مانكذبش عليك انا في البداية عجبني الموضوع صح وفرحت بيه وقلت في نفسي ياريت النسا كامل جاو كيفك و مثقفين هكذا :sneaky: وقلت في نفسي هاهي الحراير للي عليها لكلام صح :cautious:..
ولكن وبكل أسف موضوعك في الاخير ماكملش كيما كنا نتوقعو :cautious:.

المهم ردي بالك برك على خاطر النوع تاع الاحلام هاذي في الغالب تنتقل للواقع و تتحقق وتولي صح ههه :LOL:
 
الله يعطيك الربح والله غير رحت معاك كي البهلول ونستنى فالخاتمة وضهرت القصة غير منام
كي بديت نقرا قلت في نفسي هذي مالها هبلت
خلاصو عليها كامل الغاشي خيرت ليليا والامين هاذو كيما الزيت والنار ما يتفاهموش كامل يفسدولك الخطبة نورمال سيرتو اذا ولاو متعايرين
وبالنسبة ليا الصباط تاعي رميتو من الطيارة نهار رحنا رحلة مع ليليا للمناج لكاليفورنيا طول العام نمشي بالحفى
ضحكتيني الله يعطيك الخير

 
ههههههههههه الله يهديك والله مراوغة محرز و ما يعملهاش
ههههههههههه ربي يبعد عليك هاذ الكوابيس هههههههههههه

ليلوش نكرها ما تحطوش اسمي حد اسمها راها تغير من زيني
انا الماني و هي كحلوشة واش جاب لجاب كيما قهوة أروما ههههههههههههههه
 
السلام عليكم ....
ياساتر عليك ياو شفت العنوان جريااااااااااا وكليكيت عليه 😮😮😮😮ونقول في نفسي واش بيها هاد البهلولة تخط راجلها 😂😂😂😂 وبديت ندظي ونجيب ونحلل فالعنوان بلامنقرى الموضوع 😃😃😃😃وكى دخلت اياا قلت احم احم نحكموو سيريووو نشوف واش كاين 😮😮😮😮 اياا بداوو سنانى يبانوو وحدهم 😀😀😀😀ربي يسترك عزيزتى ويبعد عليك حقيقة كيما هاديك ههههههههههههههه مسكين السيد دا غير الخباطى على باطل 😂😂😂😂😂😂
وفقكى الرحمان
 
السلام عليكم ورحمة الله وبركاته
والله نتي وحدك، واحد الخلعة والفجعة حكمتني كتر من لي نكون نتفرج في فيلم رعب ههههه
زعما جيت ندير موافقة على الموضوع ساع بما اني مبرونشية في موضوع آخر
ساع لقيت روحي معاكم في الخطبة هههه
الله يعطيك الربح، واذا صح حكاية الاولاد ربي يرزقك الذرية الصالحة عاجلا غير آجل يااارب
ربي يفرحك ويهنيك ويرزقك ماتتمناي ^^

ههههههههه شفتي هذي انتي خلعة و انا وش رح نحكيلك ههههههه
متشكرة على الموافقة و على مرور عطر غاليتي و شكرا لدعائك اللهم امين و جميع المحرومين
ربي يهنيك
 
يسما نعيشو وناكلو غيرها وخلاص ههه
مانكذبش عليك انا في البداية عجبني الموضوع صح وفرحت بيه وقلت في نفسي ياريت النسا كامل جاو كيفك و مثقفين هكذا :sneaky: وقلت في نفسي هاهي الحراير للي عليها لكلام صح :cautious:..
ولكن وبكل أسف موضوعك في الاخير ماكملش كيما كنا نتوقعو :cautious:.

المهم ردي بالك برك على خاطر النوع تاع الاحلام هاذي في الغالب تنتقل للواقع و تتحقق وتولي صح ههه :LOL:

ههههههههههههههههههههههههههههه مممممممم رك توسوس فيا او الخوف عليه البحر مزالو هايج هههههههه يديه ميوليش ههههههههههههههه (او بعيد الشر 🙂 )
للاسف هذي هي المراة و لو بقيت خديجة رضي الله عنها حية لما أحبت ان تشاركها غيرها في رسول الله صلى الله عليه و سلم .......يبقى قلب المراة هكذا
 
الله يعطيك الربح والله غير رحت معاك كي البهلول ونستنى فالخاتمة وضهرت القصة غير منام
كي بديت نقرا قلت في نفسي هذي مالها هبلت
خلاصو عليها كامل الغاشي خيرت ليليا والامين هاذو كيما الزيت والنار ما يتفاهموش كامل يفسدولك الخطبة نورمال سيرتو اذا ولاو متعايرين
وبالنسبة ليا الصباط تاعي رميتو من الطيارة نهار رحنا رحلة مع ليليا للمناج لكاليفورنيا طول العام نمشي بالحفى
ضحكتيني الله يعطيك الخير


هههههههههههههههه او انت مفهمتنيش او انا بلعاني ديتهم مع بعض باه جاااامي تصلح هذيك الخطبة هههههههههههههههههههههههه
الله يفتح عليك اخي و شكرا على حظورك الخطبة ههههههه نقصد افسادك للخطبة بالخفى ههههههههههههه
لي الشرف انك شاركتنا في الموضوع دمت مشرق في اللمة
 
ههههههههههه الله يهديك والله مراوغة محرز و ما يعملهاش
ههههههههههه ربي يبعد عليك هاذ الكوابيس هههههههههههه

ليلوش نكرها ما تحطوش اسمي حد اسمها راها تغير من زيني
انا الماني و هي كحلوشة واش جاب لجاب كيما قهوة أروما ههههههههههههههه
ههههههههههه علبالك انا مستغلة للفرص مدمتوا هكاك ديتكم معايا للخطبة باه ينوض البشماق يتطاير فوق تارطة و تجي الكف في العروسة هههههههههههههههه و هكا نكون فزت بيكم المبارة ههههههههههه
الله يدوم حطتكم في اللمة او لازمنا تنوع الاجناس ههههههههههههه
جاب ربي ليلوش اي تعبانة وتالي اني نحلف اللية عند BRI بلي مقلتش حت شيء ههههههههههههه
 
السلام عليكم ....
ياساتر عليك ياو شفت العنوان جريااااااااااا وكليكيت عليه 😮😮😮😮ونقول في نفسي واش بيها هاد البهلولة تخط راجلها 😂😂😂😂 وبديت ندظي ونجيب ونحلل فالعنوان بلامنقرى الموضوع 😃😃😃😃وكى دخلت اياا قلت احم احم نحكموو سيريووو نشوف واش كاين 😮😮😮😮 اياا بداوو سنانى يبانوو وحدهم 😀😀😀😀ربي يسترك عزيزتى ويبعد عليك حقيقة كيما هاديك ههههههههههههههه مسكين السيد دا غير الخباطى على باطل 😂😂😂😂😂😂
وفقكى الرحمان

ههههههه شفتي او لازم الخبط ساعة على ساعة مي نعرفوا كيفاه نمدوه ههههههههه ام حنا حنان حتى ف خبطنا منظلموش هههههههههه

اضحك الله سنك شرفتيني بمرورك او لازم نجريوكم بالعنوان هو السر في حلاوة موضوع 😉
 
قريب عايرتك حتى ومنعرفكش خخخخ
حمدلله منام حمدلله هههه

هههههههههههههههههههههههههه شفتي او لازم نتعاير مدمت حتى ف منام قبلتها هههههههههههه
شكرا معلى مرورك اختي ننتظر عودتك الحماسية للميدان غابت اقلامك المبدعة منذ مدة ان شاء الله خير
دمتي
 
وعليكم السلام ورحمة الله وبركاته

يعطيك الربح ههههه قلبي غير يضرب
ونشني لعرق
الحمد لله انو منام برك هههه يعطيك الصحة درتيلنا التايهة ههه

ربي يرزقك الدرية الصالحة كي اليوم ان شاءالله
اكثري من الدعاء
 
وعليكم السلام ورحمة الله وبركاته

يعطيك الربح ههههه قلبي غير يضرب
ونشني لعرق
الحمد لله انو منام برك هههه يعطيك الصحة درتيلنا التايهة ههه

ربي يرزقك الدرية الصالحة كي اليوم ان شاءالله
اكثري من الدعاء

ههههههههه شرفتني بمرورك و الحمدلله قدرت نخليك تخلعي و تفرحي في نفس وقت هههههههه

دمتي اختي الله يخليك
 
السلام عليكم ورحمة الله وبركاته
ههههههههههههههه
المهم انا نديرها صح وعادي جدا، التعدد حلال وخاصة لسبب مثل هذه الاسباب المهم يعدل
اما اذا ماعدلش راح نخليه ونروح ببساطة
ميهمنيش بزاف ههههههههههههه
اللي كتبتيه في الحلم هو طريقة تفكيري ولو نتزوج ومنجيبش الذراري رح نزوج المخلوق هذاك باه يخطيني شوي هههههههههههه
ونتفرج الانمي كيما نحب ونبغي يااااااو
ارجو تقبل مروري
تحياتي احترامي وتقديري
في امان الله وحغظه
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top