ما تكذب ما تقول الصح ( خبروني وين الحل )

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
16,684
الحلول
1
نقاط التفاعل
48,655
النقاط
1,886
محل الإقامة
الجزائر الحبيبة
الجنس
ذكر
اليوم كنت غايب عن البيت
و قبيل المغرب بلحظات رجعت للدار
لقيت وليدي إسلاد آخذ طريحة و قاعد معاقب
طبعا من طرف وزارة الداخلية و قوات محاربة الشغب ( و شكون غيرها المدام ههههه)

كي دخلت بدأت الشكاوى تتهاطل من طرف وليدي و من طرف المدام

بلعوا فامكم أو بالأحرى بلع فمك يا إسلام
تفضلي المدام الكلمة لك

واش نقول ليك ولدي خرج ليا عدو ...................... يا حفيظ كيف هاذي عدو ليك
اليوم راح عند بيت الجيران و خبرهم بكلش .......................... كيف بكلش
إيه قال ليهم واش شرينا واش خدمنا و واش كلينا و واش حكينا ................ يا ستير كيف هذا
ما يكونش غير قال أنك تحكمي فيا ,,,,,,,,,,,,,,,, اذا قالها هاذي كبيرة ما نسكتش عليها
ههههههههههههههههه
لالا بصح قال ليهم أني نحكي بزااف و قال أبي أغلب الوقت يتمسخر و يزاعق و امي تتقلق بالخف ................. آآآبابابا
زيدي
قال ليهم قداش جاب معدل و زاد خبرهم قداش جابوا خواتاته ,,,,,,,,,,,,,,,,,,,,,, أممممممممممممممم


إسلاااااااااااااااااااااااااااااااااااااااااااااام رواااح هنا عازما عااجلا
آآآبي والله انا خاطيني

كيف خاطيك و واش راهي تحكي ماماك

آآآبي والله هوما ( يقصد بيت الجيران ) جمعونا و عملوا حلقة بيا و بداو يسقسو فيا
و أنا حشمت و ما عرفتش واش نعمل أيا بعت السوق واش نعمل نكذب او نقول الصح


أكيد ما تكذبش بصح ما تقولش الصح

أبي كيف هاذي ما نكذبش و ما نقولش الصح

أممممممممممممممم صح دخلت بعضها

قارع نسقسي الجماعة في اللمة يخبرونا كيف الحل مع الجيران لما يبداو يحققوا مع الأولاد
 
آخر تعديل:
السلام عليكم ورحمة الله وبركاته
يعطيك الصحة خويا الأمين، موضوع هايل، ومن الحياة الواقعية وبطريقة فكاهية وفيه حكمة كذلك ويدفعنا للمناقشة، فخيرا ما اخترت.
أما بالعودة للب الموضوع، أنا مانشوفش إسلام الخطأ الأكبر جاي عليه، يمكن يتحمل جزء صغير فقط منو، لكن الخطأ الأكبر من الجيران، كيفاه يديرو حلقة هادي ويسقسيو؟ عيب هاد الشي والله، إذا فعلا حاب تسقسي روح للأم ولا الأب على الأقل واعي ويعرف كيفاه يحافظ على أسرار بيتو، ماش كيما طفل صغير تروح تستفسر منو ونتا عارف بلي براءة ويعطيك الصح، والبيوت أسرار وعيب نتجسسو على بعض.
ولحسن الحظ أنو قالهم على المعدلات وبرك، خاطر كاين أطفال بنيتهم مساكن يحكيو كلشي من ألف للياء ويفضحو عائلة بأكملها، على هادي نوجه رسالة للناس، بركاو ما تستفسرو حول أمور الغير، عيشو حياتكم وبس، خليو الناس في حالها، لما تعرف جارك بلي شرا تلفاز ولا تضارب مع مرتو ماراح تستفاد والو وماراحش يدخلوك معاهم في الورث مثلا هههه، مالا اجبد روحك وبركاو ماتستخدمو الأطفال للوصول لمآربكم الشخصية.
أما ولدك فربما غلط ولكنه لا يعتبر خطأ، هو بريء وتحدث ببراءة وعندو الحق مايكدبش هذا شيء جميل وإيجابي، لكن فهموه فقط أنو كاين أمور يحكيها الإنسان هي أمور سطحية يعرفوها كل الناس كالمعدل مثلا وهناك أمور خاصة بالأسرة وفقط، ولا يحق لأي شخص ليس من أفراد هذه الأسرة الاطلاع عليها لأن البيوت كالصناديق التي تخفي الأسرار، إذن علموه احفظ الميم تحفظك ههه علموه الإشهار تاع أمير ينحي لي طاش ولي ماش، خاطر فيه لي يقولو مانعرفش ومانقدرش ومانديرش ههه، وإذا خاف من الكذب، يقولهم سقسيو ماما أو بابا هوما لي علابالهم، تما يحبسو.
وكذلك أوجه ملاحظة للأولياء وأتحدث على العموم يعني ليس أسرتك بالذات، وهو عدم فتح مجال كبير بينهم وبين الجيران، يعني صباح الخير ومساء الخير واحترام متبادل وبس، تاع تدخل داري وندخل دارك لالا، لأنو جيران اليوم ماش كيما جيران أمس تقول خاوة، إذا لقيت جار يستحق أخوتي فعلى العين والراس، أما لي يصاحبني على مصلحتو الشخصية أو لتسريب أسراري فبعدو أحسن من قربو، وربي يهدينا أجمعين.
تحياتي
 
وعليكم السلام ورحمة الله وبركاته يعطيك الصحة على الموضوع الهزلي لكن معناه كبير

يحكي على واقع التقرعيج عند الجيران
لي يستعملو الطفل البريء باه يكتاشفوا اسرار جيرانهم بطريقة غير مباشرة
لازم الواحد يبرمج ابنو انو كي يسقسوه يلقى سبب ويروح يجري من قدامهم ام يستناو فيا في الدار وكدا
اسلام بري ء وجاوب ببراءة معليهش حتى لوم
اللوم على الكبار


 
@الامين محمد. خويا الامين اليوم جبت موضوع باهي ويقلق وحد الشوية
هذ الضاهرة الي هدت عليها منتشرة بكثرة في بلادنا كل المناطق وبدون استثناء وتقدر تقول ماد ان الجيريا
واحنا عندنا نسموهم القرعاجية نهار تكون جايز يسكانيو لك الساشي ويقدر يقوللك حتى واش راك رافد بلا ما يشوف
وكاين مرات تكون الساشي معتمة ما يبان والو منها يديرلها ايارام ويقدر يعرف حتى التشينة الي راك شاريها قارصة ولا حلوة واذا تحتم الامر وما خرجش الراديو يبان مليح ممكن يقدر حتى يسقسيك واش راك شاري باش ما تبقاش في قلبو 🔥 تحرق
وكاين وحد النوع تلقاه وجهو مزير ومكشر تقول ما غسلش وجهو مع الصباح ولا شرب قهوة مولينو بلا سكر يسكاني الاسرار يعرفك وقتاش دخلت ووقتاش خرجت ووين راك تخدم وشحال تصور في اليوم والمعلم الي تخدم عندو والنهار الي تخلص فيه وحتى الصدقة الي تمدها علابالو بيها ويستعملو اسلحة خطيره منها الاطفال الصغار علابالهم مصدر موثوق والعجايز الكبار علابالهم خرفو ويهدرو كلش ويستعملو حتى اعداىك اذا كاين
والنوع الثالث نسموه تيلي تروتوار
هذا النوع ليس خطر يقدر الي قبل يحبو يعرفو اخر المستجدات عليك بدون ما يضروك تلقاهم قدام الباب يبعثو ولادهم يتسلفو الملح ولا البريكي مثلا ويتحصلو على اخر الاخبار
هاذو كامل ما يجوش كيما النوع الاخير الي هو الاخطر وهو navigator وهذ النوع لا يمكن التخلص منه الصباح تلقا قدام الدار وما توصل للبلاد تلقاه فلاري تاع البيس وممكن جدا تلقاه قريب من خدمتك ونهار تولي تلقاه في القهوة قدامك في البلديةفي الطريق حتى تولي تشوفو في المنام وعندهم يوسوسك كيما البابارازي الله يحفظ
وانت ما عندك ما تدير لازملك رقيه عند الشيخ بلحمر اذا ما صلحتش بدل الفيراج الي تسكن فيه يخي يقوللك بدل مراح بمراح تستراح
وان شاء الله ربي يشافيك من القرعاجية
 
الغلطة ماشي نتاع الولد مسكين جاوب بكل عفوية وصدق وهذا يدل على حسن تربيتو العيب والغلطة في الجيران انا نفضل وليدي يقول الصح على انو يكذب لانو هاد الشيء رايح يكبر فيه ولازم تاني الوالدين يوعو اولادهم بلي مش كلشي يتنقل برا علمهم بلي ادا احفظت الميم تحفظك يعني يجاوب بمعلاباليش مانيشعارف ماشفتش ماسمعتش ربي يباركلك بزوجتك واولادك
 
@الامين محمد. خويا الامين اليوم جبت موضوع باهي ويقلق وحد الشوية
هذ الضاهرة الي هدت عليها منتشرة بكثرة في بلادنا كل المناطق وبدون استثناء وتقدر تقول ماد ان الجيريا
واحنا عندنا نسموهم القرعاجية نهار تكون جايز يسكانيو لك الساشي ويقدر يقوللك حتى واش راك رافد بلا ما يشوف
وكاين مرات تكون الساشي معتمة ما يبان والو منها يديرلها ايارام ويقدر يعرف حتى التشينة الي راك شاريها قارصة ولا حلوة واذا تحتم الامر وما خرجش الراديو يبان مليح ممكن يقدر حتى يسقسيك واش راك شاري باش ما تبقاش في قلبو 🔥 تحرق
وكاين وحد النوع تلقاه وجهو مزير ومكشر تقول ما غسلش وجهو مع الصباح ولا شرب قهوة مولينو بلا سكر يسكاني الاسرار يعرفك وقتاش دخلت ووقتاش خرجت ووين راك تخدم وشحال تصور في اليوم والمعلم الي تخدم عندو والنهار الي تخلص فيه وحتى الصدقة الي تمدها علابالو بيها ويستعملو اسلحة خطيره منها الاطفال الصغار علابالهم مصدر موثوق والعجايز الكبار علابالهم خرفو ويهدرو كلش ويستعملو حتى اعداىك اذا كاين
والنوع الثالث نسموه تيلي تروتوار
هذا النوع ليس خطر يقدر الي قبل يحبو يعرفو اخر المستجدات عليك بدون ما يضروك تلقاهم قدام الباب يبعثو ولادهم يتسلفو الملح ولا البريكي مثلا ويتحصلو على اخر الاخبار
هاذو كامل ما يجوش كيما النوع الاخير الي هو الاخطر وهو navigator وهذ النوع لا يمكن التخلص منه الصباح تلقا قدام الدار وما توصل للبلاد تلقاه فلاري تاع البيس وممكن جدا تلقاه قريب من خدمتك ونهار تولي تلقاه في القهوة قدامك في البلديةفي الطريق حتى تولي تشوفو في المنام وعندهم يوسوسك كيما البابارازي الله يحفظ
وانت ما عندك ما تدير لازملك رقيه عند الشيخ بلحمر اذا ما صلحتش بدل الفيراج الي تسكن فيه يخي يقوللك بدل مراح بمراح تستراح
وان شاء الله ربي يشافيك من القرعاجية

منظمة التقرعيج أو التوقاب هادو هههه
بالاك في اللمة وعلابالهم واش تدير ههه
 
منظمة التقرعيج أو التوقاب هادو هههه
بالاك في اللمة وعلابالهم واش تدير ههه
ايه امني ولا قصي شعرك هاذي هي الحقيقة
والواقع المر المعاش مع عصابات التقرعيج
فكرتيني بوحد القصه مريم
قالك وحد السيد يسكن في العمارة في السانكيام
حب يشري فريجيدار و علابالو جيرانو كامل عندهم السكانير. ايا اشرى واحد وما جابوش للدار. حطو في كاراج وخلى معاه زوج كيلو تشينة قالك نخليه. قبل الفجر نجيبو يكونو راقدين ومن بعد نروح نصلي في امسجد ما يفيقوليش
ايا قبل الفجر نوض وليدو وهبطو طلع الفريجيدار وكان مغلف ما يبان منو والو دخلوه للدار وهبطو يصلو الفجر نهار خرجو تلاقى مع جارو الي مقابلو في البلوك قالو واش جاري خلاصو كامل لي مارك جبت كوندورعلاش ما خيرتش براند ملاح هو انخلع قالو وين شفتني طلعتو في الضلمة قالو ايييه العفسة تاع التبكار قديمة ايا وقولي التشينة لقيتها حلوة ولا قارصة
ومن ذالك اليوم والمسكين قرمودو طاير للاسف
اما بالنسبة للمة القرعاجية معروفين @حلم كبير وكاين @ماغيكاي تشان. وما ننساش @ليليا مرام. ربي يشافيها كاين زوج ما نقوش اساميهم نخليهم لغز
 
ايه امني ولا قصي شعرك هاذي هي الحقيقة
والواقع المر المعاش مع عصابات التقرعيج
فكرتيني بوحد القصه مريم
قالك وحد السيد يسكن في العمارة في السانكيام
حب يشري فريجيدار و علابالو جيرانو كامل عندهم السكانير. ايا اشرى واحد وما جابوش للدار. حطو في كاراج وخلى معاه زوج كيلو تشينة قالك نخليه. قبل الفجر نجيبو يكونو راقدين ومن بعد نروح نصلي في امسجد ما يفيقوليش
ايا قبل الفجر نوض وليدو وهبطو طلع الفريجيدار وكان مغلف ما يبان منو والو دخلوه للدار وهبطو يصلو الفجر نهار خرجو تلاقى مع جارو الي مقابلو في البلوك قالو واش جاري خلاصو كامل لي مارك جبت كوندورعلاش ما خيرتش براند ملاح هو انخلع قالو وين شفتني طلعتو في الضلمة قالو ايييه العفسة تاع التبكار قديمة ايا وقولي التشينة لقيتها حلوة ولا قارصة
ومن ذالك اليوم والمسكين قرمودو طاير للاسف
اما بالنسبة للمة القرعاجية معروفين @حلم كبير وكاين @ماغيكاي تشان. وما ننساش @ليليا مرام. ربي يشافيها كاين زوج ما نقوش اساميهم نخليهم لغز

غير قريت قالك واحد السيّد بديت نضحك بعد هههه قبل مانسمع الحكاية
والتقرعيج عندو فنون، راهم عايشين معانا وشفنا منهم العجب
توصلت حتى يلوموك كي ماتعطيهمش الفرصة باه يشوفو الحاجة الجديدة لي دخلتها هههه
مثلا تقولهم شريت ميكرو، يقولولك والله ماحق عليك كيفاه تدخلو ومانشوفوهش؟ مع انو مالفين نقبضو على كلشي يسما دخلتو فليل؟ والله عيب عليك
ويغيضهم الحال، شوي ويقولك اكتبلي الورث على اسمي -__-
 
غير قريت قالك واحد السيّد بديت نضحك بعد هههه قبل مانسمع الحكاية
والتقرعيج عندو فنون، راهم عايشين معانا وشفنا منهم العجب
توصلت حتى يلوموك كي ماتعطيهمش الفرصة باه يشوفو الحاجة الجديدة لي دخلتها هههه
مثلا تقولهم شريت ميكرو، يقولولك والله ماحق عليك كيفاه تدخلو ومانشوفوهش؟ مع انو مالفين نقبضو على كلشي يسما دخلتو فليل؟ والله عيب عليك
ويغيضهم الحال، شوي ويقولك اكتبلي الورث على اسمي -__-
انتوما في قسنطينة التقرعيج عندكم النوع الكلاسيكي علابالي
احنا التقرعيج تطور وراه في مراحل متقدمة اذا اشريت حاجة مثلا وما شافهاش تبقى في قلبو لازم يعرف الماركة والمصدر والثمن واللون الحانوت الي يبيعها وغدا من ذاك يروح يكونفيرمي اذا ما كذبتش عليه
واذا اكتشف اختلاف بين كلامك والبائع ممكن يلومك ويعاديك
خترة شريت سروال جين جاري منين نجوز عليه يقولي اشحال دار خمسة ايام غسلتو حال وهو مازال يقولي شحال دار نوضلي الشوك في راسي
 
آخر تعديل بواسطة المشرف:
السلام عليكم
هادي من بكري كاينة
و يستعملو الاطفال كوسيلة للتقرعيج لان علابالهم بلي براءة و يقولو الصح
واحد المرة جاوني ضياف و من بعد كل دقيقة يطبطبو فالباب خصني ملح خصني الزيت خصتني ذيك و هي غير للتقرعيج شكون جا و واش جابو واش طيبتي واش لبستي .......
و نعرف ناس ما يجو ليك ما يسقسو مايحوسو و نهار يسمعو شريت حاجة و لا رايح لكاش بلاصة يجو و يجبدو الهدرة و يجبدولك لسانك على الحاجة لي جاو يقرعجو عليها

شكرا لصاحب الموضوع في انتظار جديد مواضيعك
تحياتي لك​
 
يعني هته العادة اصبحت عادة في كل انحاء البلاد و في كل المستويات
ياا الفضايح كنت نظنها غير في البوادي و الارياف و القرى ههههههههه
 
ايه امني ولا قصي شعرك هاذي هي الحقيقة
والواقع المر المعاش مع عصابات التقرعيج
فكرتيني بوحد القصه مريم
قالك وحد السيد يسكن في العمارة في السانكيام
حب يشري فريجيدار و علابالو جيرانو كامل عندهم السكانير. ايا اشرى واحد وما جابوش للدار. حطو في كاراج وخلى معاه زوج كيلو تشينة قالك نخليه. قبل الفجر نجيبو يكونو راقدين ومن بعد نروح نصلي في امسجد ما يفيقوليش
ايا قبل الفجر نوض وليدو وهبطو طلع الفريجيدار وكان مغلف ما يبان منو والو دخلوه للدار وهبطو يصلو الفجر نهار خرجو تلاقى مع جارو الي مقابلو في البلوك قالو واش جاري خلاصو كامل لي مارك جبت كوندورعلاش ما خيرتش براند ملاح هو انخلع قالو وين شفتني طلعتو في الضلمة قالو ايييه العفسة تاع التبكار قديمة ايا وقولي التشينة لقيتها حلوة ولا قارصة
ومن ذالك اليوم والمسكين قرمودو طاير للاسف
اما بالنسبة للمة القرعاجية معروفين @حلم كبير وكاين @ماغيكاي تشان. وما ننساش @ليليا مرام. ربي يشافيها كاين زوج ما نقوش اساميهم نخليهم لغز
التقرعيج ههههههههههههههههههه، وش معناها الكلمة هذي برك ومن بعد نردلك هههههههههه
 
التقرعيج ههههههههههههههههههه، وش معناها الكلمة هذي برك ومن بعد نردلك هههههههههه
ههههههههههههه معنتها انت ليس جزائرية ههههههههههههه
هل هناك جزايري ما يعرفش بالغرير مثلا خخخخخخخخخخخخخ

التقرعيج معنتها التجسس مثلا جارتك تتجسس عليك او عندها فضول تعرف واش راه عندكم هذا هو التقرعيج
انا اعتقد انك من تركيا هههههههههههههههههههههههههههههههههه
 
السلام عليكم ورحمة الله وبركاته
بارك الله فيك وجزاك كل خير للموضوع الجميل اخي الكبير
ابنك ماغلطش، وكيما قالو الاخوة اللي قبلي المشكل في الناس مش فيه
لو ماسالوهش وهو راح خبرهم لتم تقدر تحكي معاه وتوبخو لكن بما انه الناس هوما اللي سالوه ماشاء الله لا قوة الا بالله مليح انه ميكذبش ربي يباركلك فيه ان شاء الله

اختكم الحلزونة بما انه هي لا علاقة بامور الدار وماعلابالها بوالو حتى ويجو يسقسوني ميدو والو من عندي ههههههههههههه
مانت صحبتي تجي تحكيلي حكاية وتسالني كيفاه خلاصت وهذي صحبتي كانت جارتي تسكن فوقنا امي تخرج للفناء وامها للطاقة ويحكو ومرات لبنات تاني، وبما اني تقول مانيش عايشة في الدار نقللها وقتاه صرات هذا ووين صرات ووووو، تقللي انا الغلطانة اني سقسيتك
من بعد لما نروح نقل لماماتي صح صرا هكذا وهكذا تقللي ايه نقللها وكيفاه خلاصت لما تحكيلي نعيط لصحبتي ونقللها
اما حاليا والو، لما كنت مخطوبة زعمة هههههههههههه جات بنت خالي وتسال فيا على امور العرس والشوغة قلتلها خاطيني معلابالي فوالو هههههههههههههه
الحمد لله الذي عافانا مما باتلاهم ونسال الله الهداية لنا ولهم ولكل المسلمين
ارجو تقبل مروري
تحياتي احترامي وتقديري لشخصكم الكريم الطيب
في امان الله وحفظع
 
ههههههههههههه معنتها انت ليس جزائرية ههههههههههههه
هل هناك جزايري ما يعرفش بالغرير مثلا خخخخخخخخخخخخخ

التقرعيج معنتها التجسس مثلا جارتك تتجسس عليك او عندها فضول تعرف واش راه عندكم هذا هو التقرعيج
انا اعتقد انك من تركيا هههههههههههههههههههههههههههههههههه
خاطيني التقرعيج مالا، ملقيت مندير فحياتي نتجسس على الناس
لما نخمم نتجسس نبدا نديرها على روحي ومن بعد على دارنا وقبل، لانه اغلب اموري خاطيني اللي نسير فيهم بعد ربي سبحانه ونفس الشيء امور دارنا والله معلابالي بشيء
 
ﺍﺳﺘﻨﻄﺎﻕ ﺍﻻﻃﻔﺎﻝ ﻟﻤﻌﺮﻓﺔ ﺍﺳﺮﺍﺭ ﺍﻟﺒﻴﻮﺕ
ﻗﺎﻝ ﺍﻟﻨَّﺒِﻲِّﷺ :
»* ﻣَﻦْ ﺗَﺴَﻤَّﻊَ * ﺣَﺪِﻳﺚِ ﻗَﻮْﻡٍ ﻭَﻫُﻢْ ﻟَﻪُ ﻛَﺎﺭِﻫُﻮﻥَ ،ﺻُﺐَّ ﻓِﻲ ﺃُﺫُﻧﻴِﻪِ ﺍﻟْﺂﻧُﻚُ ﻳَﻮْﻡَ ﺍﻟْﻘِﻴَﺎﻣَﺔِ *«
ﺭﻭﺍﻩ ﺍﻟﺒﺨﺎﺭﻱ ‏( 12/427 ‏)
* ﺍﻵﻧُﻚ ﻫﻮ :* ﺍﻟﺮﺻﺎﺹ ﺍﻟﻤُﺬﺍﺏ
ﺍﻟﺘﻌﻠﻴﻖ .
ﻗﺎﻝ ﺍﻹﻣﺎﻡ ﺍﻟﺼﻨﻌﺎﻧﻲ ﺭﺣﻤﻪ ﺍﻟﻠﻪ :
»* ﻭﻳﻠﺤﻖ ﺑﺎﺳﺘﻤﺎﻉ ﺍﻟﺤﺪﻳﺚ .. ﺍﺳﺘﺨﺒﺎﺭ ﺻﻐﺎﺭ ﺃﻫﻞ ﺍﻟﺪﺍﺭ ﻋﻦ ﻣﺎ ﻳﻘﻮﻝ ﺍﻷﻫﻞ ﻭﺍﻟﺠﻴﺮﺍﻥ ﻣﻦ ﻛﻼﻡ ﺃﻭ ﻣﺎ ﻳﻌﻤﻠﻮﻥ ﻣﻦ ﺍﻷﻋﻤﺎﻝ *«
ﺳُﺒُﻞ ﺍﻟﺴﻼﻡ ‏( 568/4 ‏)
………………………
ﻭﻗِﻴﻞ :
»* ﻭﻣﻦ ﺫﻟﻚ ﺳُﺆﺍﻝ ﺍﻟﺼﻐﺎﺭ ﺍﻟﺒﺮﻳﺌﻴﻦ ﻋﻦ ﺍﻷﻣﻮﺭ ﺍﻟﺨﺎﺻﺔ ﻓﻲ ﺑﻴﻮﺗﻬﻢ *«
والحل هو ارشاد الاطفال الى الحلول
غير الكذب او افشاء الاسرار
ومنها لا اقول فوالدي امرني بذلك
او اسال والدي واجيبكم
وغيرها من الطرق.
 
ﺍﺳﺘﻨﻄﺎﻕ ﺍﻻﻃﻔﺎﻝ ﻟﻤﻌﺮﻓﺔ ﺍﺳﺮﺍﺭ ﺍﻟﺒﻴﻮﺕ
ﻗﺎﻝ ﺍﻟﻨَّﺒِﻲِّﷺ :
»* ﻣَﻦْ ﺗَﺴَﻤَّﻊَ * ﺣَﺪِﻳﺚِ ﻗَﻮْﻡٍ ﻭَﻫُﻢْ ﻟَﻪُ ﻛَﺎﺭِﻫُﻮﻥَ ،ﺻُﺐَّ ﻓِﻲ ﺃُﺫُﻧﻴِﻪِ ﺍﻟْﺂﻧُﻚُ ﻳَﻮْﻡَ ﺍﻟْﻘِﻴَﺎﻣَﺔِ *«
ﺭﻭﺍﻩ ﺍﻟﺒﺨﺎﺭﻱ ‏( 12/427 ‏)
* ﺍﻵﻧُﻚ ﻫﻮ :* ﺍﻟﺮﺻﺎﺹ ﺍﻟﻤُﺬﺍﺏ
ﺍﻟﺘﻌﻠﻴﻖ .
ﻗﺎﻝ ﺍﻹﻣﺎﻡ ﺍﻟﺼﻨﻌﺎﻧﻲ ﺭﺣﻤﻪ ﺍﻟﻠﻪ :
»* ﻭﻳﻠﺤﻖ ﺑﺎﺳﺘﻤﺎﻉ ﺍﻟﺤﺪﻳﺚ .. ﺍﺳﺘﺨﺒﺎﺭ ﺻﻐﺎﺭ ﺃﻫﻞ ﺍﻟﺪﺍﺭ ﻋﻦ ﻣﺎ ﻳﻘﻮﻝ ﺍﻷﻫﻞ ﻭﺍﻟﺠﻴﺮﺍﻥ ﻣﻦ ﻛﻼﻡ ﺃﻭ ﻣﺎ ﻳﻌﻤﻠﻮﻥ ﻣﻦ ﺍﻷﻋﻤﺎﻝ *«
ﺳُﺒُﻞ ﺍﻟﺴﻼﻡ ‏( 568/4 ‏)
………………………
ﻭﻗِﻴﻞ :
»* ﻭﻣﻦ ﺫﻟﻚ ﺳُﺆﺍﻝ ﺍﻟﺼﻐﺎﺭ ﺍﻟﺒﺮﻳﺌﻴﻦ ﻋﻦ ﺍﻷﻣﻮﺭ ﺍﻟﺨﺎﺻﺔ ﻓﻲ ﺑﻴﻮﺗﻬﻢ *«
والحل هو ارشاد الاطفال الى الحلول
غير الكذب او افشاء الاسرار
ومنها لا اقول فوالدي امرني بذلك
او اسال والدي واجيبكم
وغيرها من الطرق.
الله المستعان و سبحان الله
شوغف التربية الاسلامية كيف تحافظ على اسرار البيوت
بالردع و الترهيب لأن الامر جلل نسأل الله العافية

و الحل الذي اقترحته يعتبر افضل حل
حيث لا افشاء و لا كذب
بااارك الله فيكم اخي الاستاذ عبدالرؤووف
 
الله المستعان و سبحان الله
شوغف التربية الاسلامية كيف تحافظ على اسرار البيوت
بالردع و الترهيب لأن الامر جلل نسأل الله العافية

و الحل الذي اقترحته يعتبر افضل حل
حيث لا افشاء و لا كذب
بااارك الله فيكم اخي الاستاذ عبدالرؤووف
ارايت عظم هذا الدين
وفيكم بارك الله استاذي الطيب
شكرا
 
السلام عليكم ....
الامر خطييييير وظاهر انوو في تفاقم وتزايد حتى التقرعيج ولا في كلشي حتى فالاكل والقش تلقها تطل مطاقة وتبداا هاهى شرات طابي هاهى شرات كوات هاهى شرات قش جديد وبعدها تبداا تاكل في ذاك السيد ولا تبدى تشغل حاسة الشم ديالها وتبدا تتخايل دارت شوربة لالا عدس لالا لوبيااا ويعنى هادوو انواع تقرعيج الخفيفة اللى مفيهاش ضرر كبير اما اللى تخص حياة الخاصة للجيران اللى بعض الجيران يسمحوو لرواحتيهم انهم يتعداوها وبعدها تنفجر القنابل ربي يستر منها بعض الاشخاص يضنوو انوو هاذ الظاهرة تاع تقرعيج تسرى فقط في الاماكن او الاحياء الصغيرة كيما ليباتيموو وتجمعات السكنية الصغيرة مى للاسف حتى اصحاب الفيلات والمنازل التى تتعدى مساحتها الى..... نلقاو التقرعيج وصل لدرجات متطورة جداا جداا كمراقبة الكمرات ووضعها في اماكن مرتفعة جداا باه يظهر المنزل المقابل 😯😯😯😯
شكراا على الطرح
دمت
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top