فلان في الفرن مع جنواز

الحالة
مغلق ولا يسمح بالمزيد من الردود.

Soumia hadj mohammed

:: عضو بارز ::
صُنّآع آلمُحْتَوَى
إنضم
28 أوت 2011
المشاركات
7,378
نقاط التفاعل
19,473
النقاط
1,786
محل الإقامة
/
الجنس
أنثى



الحمد لله حمدا كثيرا طيبا مباركا فيه ملىء السماوات والأرض وملىء ما بينهما وملىء ما شاء من بعد ،أفضل الصلاة وأزكى التسليم على خير الأنام سيدنا محمد وعلى آله وصحبه أجمعين وزوجاته أمهات المؤمنين ومن تبع هديه بإحسان إلى يوم الدين
الحمد لله الذي رزقنا من فضله
أســعد الله أوقاتكم أحبتي في الله

فلان في الفرن مع جنواز
image127414.html

بالنسبة للوصفة فيها ثلاثة مراحل
الاولى تحضير الكراميل : تقريبا كاس كبير سكر حطيه في كاسرونة خليه على نار هادية حتى يذوب ويكون لونو ذهبي يميل للبني (ردي بالك يتحرق يولي مر فللمذاق غير يذوب ملييح نحيه ) فرغيه فوق بلا لي يرح يطيبي فيه بحيث يدير طبقة رقيقة
ثانيا الفلان : نص لتر حليب مغلي خليه يبرد زيديله كاس الا ربع من سكر وملعقة كبيرة فاني وثلاثة الر اربعة حبات بيض وضربيهم برك بالفويي
حضري الجنواز انا درت تع زوج بيضات
ديري زوج بيض فصلي صفار على بياض حطي قرصة ملح فالبياض وضربيه بالباتور حتى يطلع ثم زيديلو 60غرام سكر ناعم منخول يعني معقباته فالصفاية قعدي تزيدي بلعقل وفنفس لوقت راكي تضربي كي يطلع مليح ويشد روحو روحي ضربي الصفار حتى يولي اصفر فاتح كي تكملي زيديه زوج ملاعق ماء دافي وخلطيه ثم كبيه على خليط البياض وضربي بالباتور بعدها نحي الباتور وضيفي 60غ فرينة منخولة مع ربع الى نص ملعقة صغيرة خميرة الحلوى ( كمية الفرينة نقصي منها واللي نقصتيه عوضيه بالكاكاو) وخلطي بالملعقة
فرغي خليط الفلان فالبلا ثم فرغي الجنواز. فالوسط وحاولي توزعيها بالعقل على كل مساحة البلا صم حطي البلا في صينية اخرى فيها الماء ودخليه يطيب في فرن تكوني ديجا مسخناتو بمعني الفلون رح يطيب في حمام مائي في الفرن
والصور رح تبيينلك سمك الجنواز انتي اذا حبيتيها طالعة ديري 3 بيض ومتنسيش تزيدي في كمية الفرينة والسكر وخميرة الحلوى - لكل حبة بيض 30غ فرينة و30 غرام سكر ناعم -
التزيين :
طيبت شويا كراميل وشكلت منه خطوط مخربشة
ثم مرة اخرى الكراميل فوق النار الهادية زدتلو شوية قول سوداني مطحون شويا خشن وخلكت مليح ثم حطيتو فوق بابي كويسو في صينية بحيث تشكلي طبقة رقيقة خليه حتى يبرد نحي البابي وكسريه واذا محبش يتنحى البابي شمخي يدك بالماؤ وحطيها على كل البابي رح يتنحى بسهولة


image127405.html


image127406.html


image127407.html


image127411.html


image127408.html


image127409.html


image127410.html


image127413.html


image127412.html


image127416.html


image127415.html
 

المرفقات

  • %22k2.gif
    %22k2.gif
    101.7 KB · المشاهدات: 52
آخر تعديل بواسطة المشرف:
السلام عليكم ....
هلا وغلا سمية منورة عزيزتى
تسلم الايادى يسخف
والصور ولا اروع




يستحق الختم
 
هذا هو اللذي نسميه ابداع
نموت على الفلون سيرتو هذا الي بالكاراميل
انا موالف ناكلو في القهوة
عندنا في عين الدفلى يبيعوه في القهوة
لكن هذا شهاني
يعطيك الصحة وينور طريقك
مشكورة سمية على المجهود الطيب

تقديري لك
 
السلام عليكم
تبارك الله منحبوش بصح هذا ناكلو أكيد😁
يشهي ..تحفة👌
يعطيك الصحة على الوصفة الرائعة وبصحتكم
 
السلام عليكم ....
هلا وغلا سمية منورة عزيزتى
تسلم الايادى يسخف
والصور ولا اروع




يستحق الختم
وعليكم السلام ورحمة الله وبركاته
اهلا فيك
الله يسلمك اختي
مشكورة

بالمناسبة مبارك عليك الاشراف في المنتدي الذي احبه
 
هذا هو اللذي نسميه ابداع
نموت على الفلون سيرتو هذا الي بالكاراميل
انا موالف ناكلو في القهوة
عندنا في عين الدفلى يبيعوه في القهوة
لكن هذا شهاني
يعطيك الصحة وينور طريقك
مشكورة سمية على المجهود الطيب

تقديري لك
ايييوااا كنش علابالي
انا ثاني نبغيييه بزاف من صغري كانت الوالدة ربي يحفظها ويشفيها ، كانت ديرهلنا كترة في رمضان هه كنت ناكل منو ناااكل وكي يخلاص نزعف هههه
فالقهوة يبيعوه هكا ؟ قصدي الفلون لي يطيب فالفرن ؟
الله يسلمك سامي
اهلا بيك دوما

تحياتي
 
السلام عليكم
تبارك الله منحبوش بصح هذا ناكلو أكيد😁
يشهي ..تحفة👌
يعطيك الصحة على الوصفة الرائعة وبصحتكم
وعليكم السلام ورحمة الله
الله يبارك فيك
يااااه قاتلو منحبوش ياو غير ذوقي برك ومنباعد قلي منحبوش هههه
الله يسلمك ختيتو

اهلا بيك
 
الله يبارك طريقة رائعة
وراه جاينا رمضان نقدرو نطيبوه
ربي يبارك فيك
 
الله يبارك طريقة رائعة
وراه جاينا رمضان نقدرو نطيبوه
ربي يبارك فيك
الله يبارك فيك سلطانة
واه انا هدا والفته في رمضان يممممميييييييي ههه
ربي يحفظك
اهلا بيك
 
نورمالمو قبل ما ناكله ندي معاه سيلفي
ابداااااااااااااع سمسومة
قمة قبش المشااعر يا سمية
 
يعطيك الصحة على الوصفة
في انتظار جديد مواضيعك
تحياتي لكي​
 
لك نياااااالووو ههههه
ما شاء الله عليكِ على الوصفة الطيبة الله يجزيكِ الخير حبيبتي
 
نورمالمو قبل ما ناكله ندي معاه سيلفي
ابداااااااااااااع سمسومة
قمة قبش المشااعر يا سمية
ههه دي سلفي ونديرولها بيبليسيتي قاع هههه ونصورو غفران تدي منها بالتخبية وتاكلها في بيتها هههههه
نعم يا معشر رجال اللمة ، نساؤها معولة على قبش مشارعكم ولا نسيت الحرب لي بيناتنا ناضت منذ سنوات هههه
يعطيك الصحة على الوصفة
في انتظار جديد مواضيعك
تحياتي لكي​
الله يسلمك حبيبة
كاين الجديد رح نحطو عن قريب ان شاء الله
اهلا بيك
لك نياااااالووو ههههه
ما شاء الله عليكِ على الوصفة الطيبة الله يجزيكِ الخير حبيبتي
ههههههههه ميييين لي نيالوووو ههههه - فاهمة المقصود بس عم استعبط هههه -
امين يارب الله يحفظك ويسعدك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top