الطيرة أو التطيّر عند الجزايري

جليلوس

:: طاقم عمل اللمة الجزائرية ::
طاقم العمل
إنضم
4 جوان 2013
المشاركات
8,075
نقاط التفاعل
21,720
النقاط
1,556
محل الإقامة
في وحد البلاصة ...
الجنس
ذكر
do.php


السلام عليكم
خاوتي خياتي كي عشيتوا ياخي لاباس راكم ملاح
الميهوووم بلا مانطول بغيت نهدر على حاجة كامل تعرفوها
ونتمنى موضوعي مايكونش معاود هدروا عليه من قبل ولا

الخوف من العين بإتباع طقوس غريبة، التشاؤم من أشخاص وحيوانات كالغراب وولا القط الأسود، أو التفاؤل بأخرى، منع الخياطة ليلة الخميس إلى الجمعة، وعادات أخرى كثيرة كلها ترتبط بالتطير أو “الطيرة”، فيتصادف أن نجد جمل كثيرة تتردد على ألسنة الجزائريين “على من صبحت، كلاني السلام”، خذاوني بالعين، يا لطيف شفت قط أسود، ربحت عليك…”
وغيرها من العبارات التي تبعد الجزائريين سواء عن قصد باعتقادهم الحقيقي أو دون وعي عن ربط ما يحدث لهم بقضاء الله وقدره لتدخلهم إلى عالم التطيّر

صايي عرفتو واش راني نقول اليوم راح نهدرو على على الطيرة والخرافات لي لصقوها فينا من بكري لدروك مازالها

اذا الطيرة و التطير في مفهومي هي ان لم تفعل كدا و كدا سيحدث لك كدا و كدا.
و جعل النحس في شيء ما و العكس صحيح. هو الايمان بفعالية شيء ما و الايمان به حتى درجة الشرك
و عموما انا شخصيا رايي هو نوع من انواع الشرك.......اللهم عافنا يا رب................

دوك نحكيلكم صوالح يضحكوا صح مي ناس بكري كانت عندهم النية

هههه قولوا واش بغيتو شيباني شيخ ولد عزوج هههه

واه رباتني عزوج

مي فهموني اسكو نتوما تآمنوا بيهم ولا لا
واعطوني بعض الأمثلة في ولاياتكم

اخطوني من الفتاوات رانا عارفين كامل واش يقول الدين فيهم

امالا رانا هنا نحكوا على موضوع اجتماعي خلونا في هاديك لومبيونس
منكم نستفيد وندو معلومات

do.php


الفتاة التي عنست لازم تشرب الحليب مباشرة بعد العروس لتتزوج بعدها مباشرة

وتكتب اسماء العازبات في صباطها باش تجرهم موراها ههههه
المراة النافسة ماتاكلش الجاج باش مايموتش رضيعها في 40 يوما.

do.php


«يدي راهي تاكل فيا ”

إذا كانت يدك اليمنى معنتها تخرج دراهم ، ويلا كانت يدك اليسرى معنتها راح دخل دراهم

do.php


رجلي نملت
معنتها راح تصب النو هههه

do.php


تلقى بليغة فوق بليغة
معنتها راح تحكم طريق طويلة ... راح تسافر لا محالة


do.php



ولي ياكل من القدرة
راح تصب في عرسه النو ههههه


do.php


رمش العين، حكة الحواجب، حكة السلام .. لكل واحدة تأويلها

“ياكلني السلام”، جملة شهيرة جدا معنتها راح نشوف انسان عزيز.
اما حكة الحواجب معنتها التمنشير والهدرة في الظهر راها دايرة حالة فينا هههههه
اذا كانت الحكة في الحاجب ليمن معنتها راهم يهدروا فيك غير بالشر والعكس صحيح

التنبؤ بالموت “خبر الموت” عند رمش العين بسرعة دون التحكم فيها ويقال راهي ترمش عيني، وهناك من يتنبأ بالموت عند حك الخدين.

do.php


بعض العايلات تربط المصائب لي تجيها معا خطبتهم للعروس أو بعد الزواج بهذه العروس الجديدة ويقولو عليها “وجه نحس” على على هاد الفاميليا مثلا يمرض ولا يموت أحد أفراد عايلة العريس ولا كاش اكسيدون لا قدر ربي ولا .ويقولوا عليه منحوس “ما عندوش الزهر” عند الطفل ولا الطفلة يلا ما كملش الزواج ولا المكتوب ماكتبش .


تعجبت كثيرا من غفلة الناس و جهلهم
الا يعلمون ان الله هو الخالق و المميت
هو الدي يقول للشيء كن فيكون.
هو الرازق و الباسط و القادر..........
اللهم اغفر لامهاتنا و المؤمنين و المؤمنات.
في الاخير اريد ان اقول لكم انني مررت بهده الامثلة كلها بعضها سمعتها منها ما رفضتها و بعضها اجبرت لفعلها
و دلك احتراما لمن اكبر مني و لكن في داخلي يقين يقول لا حول و لا قوة الا بالله.

اتمنى تشاركوني ردودكم و ارااكم و امثلة من ولاياتكم وكل واحد واش يشوف فيها



#جليلوس

do.php

 
آخر تعديل:
هههههههههههههههه جليلوس و رمضان يقترب خخخخخخخخخخخخخخ
اسم قدور اكثر حاجة ممكن تقلق قبيلتنا ههههههههههه
اذا قلتها ليهم الصباح ممكن جدا راح تدي طريحة هههههههه

لي عودة جليلوس حبيبي
 
السلام عليكم ورحمة الله تعالى وبركاته
يعطيك عام كسرة وعام ربح نشالله
عجبتني نتاع رباتني عجوز انتم ثاني عندكم هذا المصطلح خخخخ حسبت ق عندنا برك
بصح مربياتك عجوز صح يا خويا راك جبتهم كامل 😂
التطير كوارث في بعض المجتمعات مزال متفشي كالنار في الهشيم ،
كاين اللي يتلاڤا بواحد الصباح وهو خارج يڤولك يا لطيف ،تڤولو لاه يڤولك راح النهار تلاڤيت بفلان
لا حول ولا قوة إلا بالله لهاذ الدرجة ولا شخص يتحكم في نوعية اليوم لبعض الناس ههه
وكاين اللي ياكلو شاربو( شفتيه) يڤولك جاينا ضيف رايح نسلم عليه ونزيدك اذا كلاك شاربك الفوڤاني الضيف امراة واذا كلاك شاربك التحت يعني راجل واش بيك راك مع علم كبير يسموه التنبؤ عن طريق الشفاه هههههه
ونزيدك هاذيك نتاع فردة البشماق حاشاكم كي تتڤلب يڤولك ماهو زين يا ولد ڤلبها تڤولها لاه تڤولك تحلف فالدار والله لحد الان ما فهمتش كيفاه فردة بشماق تحلف في دار 😂😂😂😂🤔🤔🤔🤔🤔🤔
بارك الله فيك على الموضوع التوعوي جعله الله في ميزان حسناتك
ما يسمونيش سمير يا ماما نطير من هذا الاسم خخخخخ 🤣😂 هههه
سماوني فاللمة حليم 😁 وعجبني الاسم جاي من الحِلْم

إحترامي وتقديري

 
السلام عليكم
اوووو شكون هنا جبتنا ريحت رمضان ياخويا هههه
اه يا التطير عندنا دار ظل كيما يقولو هههه
بصح بدا ينقص شويا مع ليجان تاع ضرك
أك تعرف يقولك قديمة هذي تاع بكري ههه
تقريبا هذو لي قلتهم كامل عاد يقولوهم عندنا
غير هذيك تاع لعجوزة ماعرفتهاش ومافهمتش المقصود تاعها ههه

تعجبني غير لي يكون ياكلو ظهرو يقولك راهم يهدرو عليا هذو سور
ههههه السيد من عهد دقيوس مادوش يزيد يحل فمو
والمشكلة ملي كنا صغار يوصونا ناس كبار على هذو الأفعال
زعما ماتاكلش من الطنيجرا عرسك طيح فيه الامطار هههه
ياودي ياجليلو قوللهم معليش طيح الى حب الثلج المهم نديرو العرس هههه
فاجيت علينا بهذا الموضوع
صحييت خيي
 
وعليكم السلام
هههههه مالا هاذو التطيرات متفق عليهم وطنيا
حنا تاني هاذ الخزعبلات عندنا
لي حبستلي راسي عجوزتي كي يجي شهر ديسمبر والشهر تاع لعرب تقولنا غطو الماكلة في النهار وماتخلوهاش تبات لانو يجي جنبر في الليل وغدوة كون واحد ياكلها يتسمم ولايموت
حسب الاعتقاد تاعها بكري يعتقدو بلي جنبر هاذا جن او غول اسطوري
وبقات عجوزتي مصدقة هاد الحكاية خخخ وتحسب لجنبر وكون تشوف الماكلة خبيناها تطيشها المهم ماناكلوهاش في هاذيك الفترة
ولي يناقشها متصدقوش وتتغشش خخخخ
 
وعليكم السلام
هههههه مالا هاذو التطيرات متفق عليهم وطنيا
حنا تاني هاذ الخزعبلات عندنا
لي حبستلي راسي عجوزتي كي يجي شهر ديسمبر والشهر تاع لعرب تقولنا غطو الماكلة في النهار وماتخلوهاش تبات لانو يجي جنبر في الليل وغدوة كون واحد ياكلها يتسمم ولايموت
حسب الاعتقاد تاعها بكري يعتقدو بلي جنبر هاذا جن او غول اسطوري
وبقات عجوزتي مصدقة هاد الحكاية خخخ وتحسب لجنبر وكون تشوف الماكلة خبيناها تطيشها المهم ماناكلوهاش في هاذيك الفترة
ولي يناقشها متصدقوش وتتغشش خخخخ
هههههههه هذي نورمالمو كاين حديث الرسول صلى الله عليه وسلم
بصح يقولك في كل ليلة غدو القدور وووو
خاطرش يطيح المرض من السماء حوسي عليه الحديث تلقايه
بصح تاع جنبر هذا ماشكيتش كاين منو هههه
لا لا شركس تاع قناة الزيقو خير ههههه
 
هههه هادو كامل عندنا😂وزيد عجوزتي تسطير كي يجي عندها كاش واحد كان في الموت وجا ديراكت تقولك دك موت تصرا عندنا مشكور اخي 👍
 
السلام عليكم
الموضوع قيم فعلا منتشر بعض ما ذكرت عندنا ,,
من ضمنها .. تصبحت بوجه من اليوم .. لما تحصلك شيء بلوة ولا أمر سيء..
وحكة الأنف يقلك بتجيك فلوس ( دراهم ع قولتكم ) ..
وإذا تثائبت بكثرة ما يكون السبب هو النعاس بل ( فيه ناس تتكلم عليك وتغتابك ) 😁
ومنتشر عندنا اذا زارتك الخنفساء في البيت معناه فيه شخص عزيز عليك سيزورك أو مسافر يعود من السفر,,
وفيه حشرة أخرى لونها اخضر تشبه الجراد إذا لمستك أو لمست ثيابك ,, استعد ستأتيك كسوة جديدة..
أشياء كثيرة جدا,,
تستغرب كيف يصدقها أنسان عاقل ,,
..
تقديري
 
اولا اشكرك على الموضوع الطيب اخي
بالنسبة للتطير ترسخ فينا وهو من مخلفات الجيل القديم ومن مخلفات الاستعمار ومن بقايا المشعوذين في سنوات خلت
كل منطقه ولها امور معينة تتطير منها
اما خوفا من الحسد او خوفا من العين او خوفا من الموت او من العنوسة او من التعطيل في امور الحباه
وهذا راجع بالدرجة الاولى لنقص الوازع الديني وضعف الايمان
وكما قلت كل منطقه من وطننا الحبيب لها امور تختص بها وهناك امور مشتركة
احنا في ولايتي كبقية الولايات
مثلا تصبح على شخص تخسر نهارك
ترف عينك تشوف الغريب
تزلق تقول اعطاوني بعين
واا تذكرت امور اخرى راني نولي
تقديري لك
 
هههههههههههههههه جليلوس و رمضان يقترب خخخخخخخخخخخخخخ
اسم قدور اكثر حاجة ممكن تقلق قبيلتنا ههههههههههه
اذا قلتها ليهم الصباح ممكن جدا راح تدي طريحة هههههههه

لي عودة جليلوس حبيبي
يا خويا واش داىلكم قدور مسكين
فكرتني كنت خدام في تيارت في زعرورة اذا تعرفها واحد يسموه قدور الدوار كامل يمنشر فيه ومكاش الي يجمع معاه وانا جبتو يخدم عندي كرهوني على جالو حتى حبستو باش ريحت واسترجعت هيبتي وسط الدوار
رغم انو انسان طيب وبشوش ويدخل للقلب بسهولة علاش اخويا علاش
نهار حبستو قالي علابالي اسم قدور دارها بيا
 
السلام عليكم ورحمة الله وبركاته
راني نضحك بالدموع الله يعطيكم الربح ههه، سورتو كي قال الأخ @حلم كبير البشماق يحلف في الدار 😂 وخويا مالك قالك عندو قرن ماتدوش وكي ياكلو ظهرو يقولك هدرو فيا هههه، ولي عجبتني تاع الاخت @Autumn leaves كي قالت على الخنافس والحشرات، الحشرات مدايرين عندنا عرس بصح لا قش جديد لا والو ههه، بصح واش حكاية قدور هادي :unsure: لي اسمو قدور مشكوك في أمرو ولا كيفاه ههه
وصراحة موضوع في محلو بارك الله فيك أخي جليل، وهادي عادات متوارثة عن الأجداد، كيما قالك وقت النية سورتو تاع الوحش الاسطوري خنبر هههه، وحنا تاني عندنا هاد الامور، تاع لي يكرط البرمة يعني ياكل بقايا القدر تصب النو نهار عرسو، ولي يحك حاجبو يسما راهم يهدرو عليه ههه، ولي تاكلو رجلو يسما خارج، ولي تاكلو يدو اليمنى رايح يدخل دراهم واليسرى رايح يخرج دراهم، وكي يوقف الخبز في وسط الصينية يسما جاي ضيف، وماش مليح البشماق مقلب وماش مليح تمشي وتكركر رجليك، وبزاف أمور.
أنا لي يضحكوني كتر تاع العرايس، مرة وحدة تقرا معانا متزوجة قاتلها وحدة اعطيني خاتمك ندورو في صبعي 10 مرات ولا معرف قداه زعما باه تتزوج، كي خلصت دارت ليا قاتلي هاكي ديري، قتلها لا لا ختي خاطيني الخزعبلات، وزيد ايماجيني وحدة تدورو 11 مرة في بلاصة عشر مرات تزوج وتطلق ولا كيفاه هههه، ولا هادوك لي يروحو يجريو لبلاصة العروسة كي تنوض باه يقعدو فيها، ايماجيني تتعكل فيهم وحدة في الزربية وتطيح تقعد بلا زواج حياتها كاملة ههه والله شي يضحك، هو صح شرك بالله بصح كي تشوف ناس بكري تقول مساكن ماكانوش قاريين ولا واعيين، بصح درك التكونولوجيا والروبوات والناس مازال تروح للسحر والشعوذة والخرافات.
واش نقولو ربي يهدينا أجمعين، وبارك الله فيك على الموضوع
 
نعم الحشرات المقدسة اسميها
مرة قتلت الخشرة التي تجلب الملابس وتم توبيخي
تسببت في قطع كسوتهم😂😂
..
نعم حتى انا ما فهمت اسم قدور ايش حكايته
..
 
السلام عليكم ....
راكم هناا كاملين ماشاء الله ماشاء الله 😂😂
غير انا دايماا روطار عادى والفت 😂😂😂😂
المهم كامل وش ذكرتوو عندناا حناا تانى ونسيتوو تاع لازم الاولة اللى تدخل مور مايوصل الكورتاج للدار هى العروسة 😂😂 ولازم تشد في برنوسها اى في قشها وحدة من موالين الدار تكون مش متزوجة باه تتزوج 😂😂😂😂
وفي العيد الكبير العروسة هى اللى تنقي الزليف واذا قدرت تقسموو وتخرج المخ منوو صحيح مش مفتت تتغلب على راجلها ويولى كى الخاتم في صبعهاا 😂😂😂😂😂😂 نزيد 😮😮اياا بزااف كرهت منهم حاسة بروحى فرينيت
بوركت
 
هههههههههههههههه جليلوس و رمضان يقترب خخخخخخخخخخخخخخ
اسم قدور اكثر حاجة ممكن تقلق قبيلتنا ههههههههههه
اذا قلتها ليهم الصباح ممكن جدا راح تدي طريحة هههههههه

لي عودة جليلوس حبيبي

ههههه شفت كيفاه خويا العزيز
يااا حكيلي على قدور تاعكم
يااا حوجي طريحة وقاع اواااه غير ماكالاه خويا قدور

مرحبا بيك حبيبي
 
السلام عليكم ورحمة الله تعالى وبركاته
يعطيك عام كسرة وعام ربح نشالله
عجبتني نتاع رباتني عجوز انتم ثاني عندكم هذا المصطلح خخخخ حسبت ق عندنا برك
بصح مربياتك عجوز صح يا خويا راك جبتهم كامل 😂
التطير كوارث في بعض المجتمعات مزال متفشي كالنار في الهشيم ،
كاين اللي يتلاڤا بواحد الصباح وهو خارج يڤولك يا لطيف ،تڤولو لاه يڤولك راح النهار تلاڤيت بفلان
لا حول ولا قوة إلا بالله لهاذ الدرجة ولا شخص يتحكم في نوعية اليوم لبعض الناس ههه
وكاين اللي ياكلو شاربو( شفتيه) يڤولك جاينا ضيف رايح نسلم عليه ونزيدك اذا كلاك شاربك الفوڤاني الضيف امراة واذا كلاك شاربك التحت يعني راجل واش بيك راك مع علم كبير يسموه التنبؤ عن طريق الشفاه هههههه
ونزيدك هاذيك نتاع فردة البشماق حاشاكم كي تتڤلب يڤولك ماهو زين يا ولد ڤلبها تڤولها لاه تڤولك تحلف فالدار والله لحد الان ما فهمتش كيفاه فردة بشماق تحلف في دار 😂😂😂😂🤔🤔🤔🤔🤔🤔
بارك الله فيك على الموضوع التوعوي جعله الله في ميزان حسناتك
ما يسمونيش سمير يا ماما نطير من هذا الاسم خخخخخ 🤣😂 هههه
سماوني فاللمة حليم 😁 وعجبني الاسم جاي من الحِلْم

إحترامي وتقديري


ههههه خويا حلم ربي يفرحك
والله غير هبلتني يعطيك النو لي تصب عليك
هههههه عجبتني تاع الشوارب هههه
اواااه ماقديتش خليني نضحك شوي ونوليلك

حليم خويا ربي يفتح عليك ويعطيك ماتتمنى خيي

بارك فيك ربي
 
السلام عليكم
اوووو شكون هنا جبتنا ريحت رمضان ياخويا هههه
اه يا التطير عندنا دار ظل كيما يقولو هههه
بصح بدا ينقص شويا مع ليجان تاع ضرك
أك تعرف يقولك قديمة هذي تاع بكري ههه
تقريبا هذو لي قلتهم كامل عاد يقولوهم عندنا
غير هذيك تاع لعجوزة ماعرفتهاش ومافهمتش المقصود تاعها ههه

تعجبني غير لي يكون ياكلو ظهرو يقولك راهم يهدرو عليا هذو سور
ههههه السيد من عهد دقيوس مادوش يزيد يحل فمو
والمشكلة ملي كنا صغار يوصونا ناس كبار على هذو الأفعال
زعما ماتاكلش من الطنيجرا عرسك طيح فيه الامطار هههه
ياودي ياجليلو قوللهم معليش طيح الى حب الثلج المهم نديرو العرس هههه
فاجيت علينا بهذا الموضوع
صحييت خيي

يااا شكون راهو عندي حلاوة القعدة
توحشتك عبدو خويا كيراك نخيك كاش جديد واش حوالك ان شاء الله بخير
واه تاع لاتشيتشي خاطيهم هاد الشي .... بصح بيناتنا يلعبوها زايدين فيها شويا
هههههه راه مدود حتى الوسخ بغا ينطق يااا تل نقيني ماهمش يهدرو فيك وحق ربي

والمهم نعرسو النو الثلج الحجر التراب الذبان الجراد الحجر
المهم نتزوجو هههههه ها زوجونا ا سيدي

الله يفتح عليك حبيبي
يعطيك الصحيتووو
 
وعليكم السلام
هههههه مالا هاذو التطيرات متفق عليهم وطنيا
حنا تاني هاذ الخزعبلات عندنا
لي حبستلي راسي عجوزتي كي يجي شهر ديسمبر والشهر تاع لعرب تقولنا غطو الماكلة في النهار وماتخلوهاش تبات لانو يجي جنبر في الليل وغدوة كون واحد ياكلها يتسمم ولايموت
حسب الاعتقاد تاعها بكري يعتقدو بلي جنبر هاذا جن او غول اسطوري
وبقات عجوزتي مصدقة هاد الحكاية خخخ وتحسب لجنبر وكون تشوف الماكلة خبيناها تطيشها المهم ماناكلوهاش في هاذيك الفترة
ولي يناقشها متصدقوش وتتغشش خخخخ

ههههه واه ختي السلطانة هههه
هادو هوما ويلا عندكم وحدوخرين مادابيا صافيبليزيير نعرف عاداتكم وتقاليكم نتوما تاني
يااا حوجي يانااا على عجوزتك .... بصح حبة قليلة تهلاي في البركة تاع الدار

الله يخليهالك ويحفظك ويهنيييك
 
هههه هادو كامل عندنا😂وزيد عجوزتي تسطير كي يجي عندها كاش واحد كان في الموت وجا ديراكت تقولك دك موت تصرا عندنا مشكور اخي 👍

الموت حق والله
بصح الطيرة باطل هاكا يقولوا ناس بكري

الله يبعد علينا وعليكم المصايب
شكرا لمرورك
 
السلام عليكم
الموضوع قيم فعلا منتشر بعض ما ذكرت عندنا ,,
من ضمنها .. تصبحت بوجه من اليوم .. لما تحصلك شيء بلوة ولا أمر سيء..
وحكة الأنف يقلك بتجيك فلوس ( دراهم ع قولتكم ) ..
وإذا تثائبت بكثرة ما يكون السبب هو النعاس بل ( فيه ناس تتكلم عليك وتغتابك ) 😁
ومنتشر عندنا اذا زارتك الخنفساء في البيت معناه فيه شخص عزيز عليك سيزورك أو مسافر يعود من السفر,,
وفيه حشرة أخرى لونها اخضر تشبه الجراد إذا لمستك أو لمست ثيابك ,, استعد ستأتيك كسوة جديدة..
أشياء كثيرة جدا,,
تستغرب كيف يصدقها أنسان عاقل ,,
..
تقديري

والكثير مما ذكرت انا عطيت غير الباينين
وما خفي كان اعظم وامر هههههه
والله راسك يمركي ايرور كي تشوف ناس تهدر هاد شي وتأمن بيه
ياخي والله غير تبلوكي وحق ربي

بصح باين من هدرتك ماراكش من عندنا
الف مرحبا بيك
 
ههههه موضوع مميز وجوهري .. حتى ان بعضها اصبح من المسلمات ويصادف ان تحصل فعلا 😄
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top