هذا عيد الفطر ولا الاضحى

sami44

:: عضو بارز ::
أحباب اللمة
إنضم
10 ديسمبر 2009
المشاركات
13,068
نقاط التفاعل
26,463
النقاط
956
محل الإقامة
فالفيراج
الجنس
ذكر
السلام عليكم ورحمة الله

قبل كل شيى صح عيدكم كل عام وانتم بخير
ان شاء الله تقبل اعمالنا ويغفر الله خطايانا كيما تعرفو كاين الي صام وكان الي ربط روحو على الماكلة والشراب
كاين الي قام الليل وكاين خرج شومبيون في الدومينو والكارطه
كاين الي صلى التراويح وكاين الي قدر يجمع مليون جام في هذ الشهر
كاين الي دعى الله بكل الدعوات وكاين الي حفض كامل ليشونصون الي ما قدرش يحفضهم فالفطار

المهم موضوعنا موش هذا

انا اليوم بكرت لصلاة العيد كيما كل عيد

على 6 كامل القهاوي فاتحين وتشوف الدخان خارج من الباب تقول حاجة انحرقت وهو غير دخان السجائر
تحسب الناس كانو مربوطين على الدخان
وزكارة فرمضان يتكيف كامل اليوم
كملت الطريق للمسجد. البلاصه مكاش
مزية عندي الزربية تاعي فرشتها فالخارج كيما الغاشي
كيما تعرفو صلاة العيد عكس صلاة الجمعة
تصلي ركعتين ومن بعد تسمع الخطبتين وتروح تقضي صوالحك
الي خلعني نهار كمل الامام الركعتين لقيت روحي وحدي انا ووحد الشيوخ كبار
فهمت بلي الاغلبية جات تصلي من فوق القلب ولا نوضوه بالسيف ولا حب يختم صلاة رمضان وما يعاودش يولي للجامع
كيفاش يا عباد الله
الي ما يعرفش يسقسي مشي عيب العيب انك تنوض وانت حاسب روحك درت افير
وهذا عند النسا تاني سقسو @sanaya. اذا راحت لصلاة العيد تقولكم

المهم زيرت على لساني باش ما يزلقش
وسييت نخلي مخي مركز مع الشيخ عبدالله
نكمل الخطبتين والدعاء
المهم كمل الامام الخطبتين ونضت نسلم ونتغافر مع بقايا البشر الي بقاو حذايا
ومن هذوك العشرة كامل واحد برك كيما خويا @الامين محمد قاللي عيدك مبارك تقبل الله منا ومنكم
البقيه كامل قالولي صحّ العيد
حتى توسوست حسبت انا يسموني العيد وراني ناسي
والي عجبني فيهم واحد يجي كيما خويا @حاتم07. مشي قبل عليا او خطفني قريب طحت ومن بعد قالي كملك رمضان اهه
او كملتني انت بالخلعة مش رمضان

107876
المهم وانا نلم في روحي باش نخرج من معركه القبلات والقنابل الصديقة سمعت بلبلة خارجة من داخل المسجد شغل معركة داخليه بين زوج
سقسيت واحد كيما خويا @فريد أبوفيصل انسان عاقل ورزين قاللي مكان والو زوج تضاربو على الامام شكون يقبل عليه الاول وواقيلا الامام طاح اتبليسا هكاك وما طلقوهش قبلوا عليه وهو يحتضر
وتخلطت والطايح اكثر من النايض والنايض فاتيجي
هذي نضن فيها حكمة !!!!!!
اطلقت راسي نجري ونشوف مورايا الي يخزر فيا نديرلو لايك من بعيد

وبعد ما بعدت على المسجد
نشوف ضاهرة حيرتني الطوابل تاع المرقاز وليبروش بكل انواعها والشوايات
في الهواء الطلق
والناس دايرين لاشان الاول بالاول والتالي ما يلحقش
تسمع غير دير عشره دير عشره
هذا صح جوع ولا لهفه ولا زكارة في رمضان
والبوشي داير حسابو لهذ النهار ما غلقش اللحم الي بارلو في رمضان كامل خدمو مرقاز وبروشات
والي كان البارح يبيع الزلابيه اليوم رجع شواي نورمال
مانيش عارف اذا. العرب فالخارج يديرو هك
خويا @حلم كبير. هو يخبرنا
تخيل واحد لابس قميص ابيض ودخل ياكل المرقاز وساح عليه الزيت والكولورون
تقول كان فالباطوار
ولاخر كلا ليبروشات وما لقاش ليكيردون
ينقي سنانو بضفارو تقول راه يسن فيهم
الله يهدينا

ايا سلكت من زنقة الشوا والشاربات قلت انا نبدل الطريق للبيت ندير السنه
جزت من وحد الطريق جرى مورايا كلب ربي سترني والقميص قريب تقطع رجليا ولاو يتوشو فضهري وعليها يقولك الخو يجري الشيوخا صح
قبل ما نوصل للدار كاين جيران عندنا
ما شاء الله بصح عندهم ذراري صغار بزاف الله يبارك وحد 20
كي يشوفو الواحد قريب يوصل ليهم يديرو الصف ويبداو يسلمو عليه
صح عيدك عمو صح عيدك عمو
وهنا لازم عليك تحك جيبك وتعطيهم الصرف
المهم صغار ما يتشرطوش تعطيه الف فرك ولا قل يروح
او الصرف ما عنديش عندي ورقة تاع 200 الف
من الحشمة قريب قطعتها مورسوات صغار ومديتها لهم
المهم كملت قبلت عليهم وهربت على سعدي خفت تخرج دفعة اخرى

وصلت للدار راسي كيما البيدون
ما عرفت لا عيد الفطر ولا الاضحى

107875

وانتوما واش الضواهر الغريبة الي صادفتوها في هذ العيد





 
السلام عليكم ،،
عيدنا هالسنة غير😭
عندنا مجموعة محافظات عيدت ومحافظات لا،
يعني نص المناطق عيدت الثلاثاء ومجموعة الأربعاء ،،
لا تعليق بعد كذا..
..
عيدكم مبارك ،،
لي عودة للتعقيب..
احتراماتي..
 
كل عام وانت بخير
يا خويا دع الخلق للخالق ميزة المجتمع باختلاف اطباعه
والله رحلتك الى صلاة العيد ممتعه مليئة بالإثارة
تحياتي الك
 
السلام عليكم ،،
عيدنا هالسنة غير😭
عندنا مجموعة محافظات عيدت ومحافظات لا،
يعني نص المناطق عيدت الثلاثاء ومجموعة الأربعاء ،،
لا تعليق بعد كذا..
..
عيدكم مبارك ،،
لي عودة للتعقيب..
احتراماتي..
والله لما اتذكر اليمن وسوريا تسيل الدموع لا اراديا
كان الله في عونكم ورزقكم السلام والامان
هو كل الدول العربية تعاني اما سياسيا او اقتصاديا او امنيا والله المستعان
اصبح العيد مجرد يوم كباقي الايام الاجمل فيه ان الاطفال يفرحون رغم الحصار رغم الشتات رغم الرصاص رغم كل شيء
اللهم احفظ امانا العربية والاسلامية من كل سوء واجمع شملهم واهدي ولاة امورهم
انتضر عودتك
تقديري لك
 
كل عام وانت بخير
يا خويا دع الخلق للخالق ميزة المجتمع باختلاف اطباعه
والله رحلتك الى صلاة العيد ممتعه مليئة بالإثارة
تحياتي الك
وانت اخي حياك الله وبياك
عندك حق نخلي الخلق للخالق
والمجتمع بالفعل مختلف الطبع والطباع المشكل فالطباع المبتدعة والله تشوف العجب سيتو مع الناس الي فوتو رمضان راقدين
صعب صعب جدا لما ينوضوه لصلاة العيد على 6 صباحا لانو حتى فالفطار وما ينوضش على 6
هذا السبب الي يخلي البشر تخسر الطباع تاعهم يومالعيد
والرحلة كانت شيقة بالفعل
بورك فيك اخي نورت الصفحة
 
وانت اخي حياك الله وبياك
عندك حق نخلي الخلق للخالق
والمجتمع بالفعل مختلف الطبع والطباع المشكل فالطباع المبتدعة والله تشوف العجب سيتو مع الناس الي فوتو رمضان راقدين
صعب صعب جدا لما ينوضوه لصلاة العيد على 6 صباحا لانو حتى فالفطار وما ينوضش على 6
هذا السبب الي يخلي البشر تخسر الطباع تاعهم يومالعيد
والرحلة كانت شيقة بالفعل
بورك فيك اخي نورت الصفحة
أهلاً بك اخي
تسلم يا طيب ربي يحفظك
بسبب رفض العادات القديمة حاول الكثير التمرد عليها و لكن اجو يكحلوها عموها
الله يهديهم الى ما يحب و يرضى
أفضل القول
تحياتي اخي
 
السلام عليكم و رحمة الله و بركاته
عيد مبارك للجميع و ربي يتقبل صالح الأعمال و يتجاوز عن تقصيرنا
من نعم الله علينا الفرحة التي نعيشها في العيدين
رغم ربما يكون عندك مرضى أو أحباب فارقوك قريبا الا أن العيد له فرحته الخاصة
لذا من الأشياء لي تقلقني و أستغربها جماعة (العيد سماط و البكاء على الأطلال يوم العيد) هذا و قد أنعم الله علينا بالأمن و الأمان
فماذا تركنا لمن عاشوا العيد تحت وطأة الحروب و الشتات و التفرقة ...الانسان يحمد الله و يستشعر نعمة الله عليه و يبدي فرحه لاخوانه هذا يوم الزينة و الفرح
وأيضا الظاهرة التي أصبحت تصاحب العيد النوم بعد سهر ليلة العيد ...الكل يسهر ليلة العيد لسبب أو لآخر لكن يجب أن يراعي الانسان ما في العيد من عظمة و للانسان أن يرتاح في وقت القليلولة لكن أن يمضي أغلب يوم العيد في النوم و يفوت زيارة و استقبال الأقارب هذا من هوان مكانة العيد لدى المرء
المهم ربي يعيد علينا الأعياد ونحن نرفل في أثواب الصحة و العافية و سلامة دين
 
السلام عليكم و رحمة الله و بركاته
عيد مبارك للجميع و ربي يتقبل صالح الأعمال و يتجاوز عن تقصيرنا
من نعم الله علينا الفرحة التي نعيشها في العيدين
رغم ربما يكون عندك مرضى أو أحباب فارقوك قريبا الا أن العيد له فرحته الخاصة
لذا من الأشياء لي تقلقني و أستغربها جماعة (العيد سماط و البكاء على الأطلال يوم العيد) هذا و قد أنعم الله علينا بالأمن و الأمان
فماذا تركنا لمن عاشوا العيد تحت وطأة الحروب و الشتات و التفرقة ...الانسان يحمد الله و يستشعر نعمة الله عليه و يبدي فرحه لاخوانه هذا يوم الزينة و الفرح
وأيضا الظاهرة التي أصبحت تصاحب العيد النوم بعد سهر ليلة العيد ...الكل يسهر ليلة العيد لسبب أو لآخر لكن يجب أن يراعي الانسان ما في العيد من عظمة و للانسان أن يرتاح في وقت القليلولة لكن أن يمضي أغلب يوم العيد في النوم و يفوت زيارة و استقبال الأقارب هذا من هوان مكانة العيد لدى المرء
المهم ربي يعيد علينا الأعياد ونحن نرفل في أثواب الصحة و العافية و سلامة دين
اللهم امين
اعاده الله علينا باليمن والخير والبركات
العيد هو العيد ككل عام نحن من تغير
اما بخصوص ضاهرة النوم يوم العيد فذالك امتداد للضاهرة من شهر رمضان لا غير
من سهر ليالي رمضان ونام ايامه يكمل النوم في يوم العيد وما عنده اشكال
هدانا الله واياكم
بورك فيك طموحة على مشارتي الموضوع
والاضافة القيمة
تقديري لك
 
السلام عليكم
يعطيك الصحة حييت الركن بموضوعك بعد ما كان شبه ميت
سبحان الله مغامرة في صباح العيد
بصح العباد لي عندكم عندهم كرش و لا واش ؟
الشوا مع الصباح و زيد مرقاز يا خويا يا خويا
كاين لي يروحو لصلاة العيد باش يبانو بلي راهم حاضرين
حنا فالمنطقة اللي ساكنين فيها كلش مغلوق حتى ساعات باش فتحو
و حاجة باينة الاطفال هما لي يفرحو اولا بالعيد و يتباهاو بملابسهم و خاصة شكون لي جمع بزاف الدراهم
و انت لوكان درت حسابك للافال لي جاو يعيدو عليك

و كاين حاجة في صباح العيد الواحد يتفكر اللي توفاو كامل ربي يرحمهم و يتفكر المرضى ربي يشافيهم

ان شاء الله ربي يتقبل صيامنا و ربي يبلغنا رمضان السنة الجاية ان شاءالله
و ربي يشافي كل المرضى في المستشفيات و يفك الأسر على كل البلدان التي تعاني الشتات
اللهم آمين

و شكرا مرة أخرى لهذا الموضوع المميز
تحياتي​
 
السلام عليكم
يعطيك الصحة حييت الركن بموضوعك بعد ما كان شبه ميت
سبحان الله مغامرة في صباح العيد
بصح العباد لي عندكم عندهم كرش و لا واش ؟
الشوا مع الصباح و زيد مرقاز يا خويا يا خويا
كاين لي يروحو لصلاة العيد باش يبانو بلي راهم حاضرين
حنا فالمنطقة اللي ساكنين فيها كلش مغلوق حتى ساعات باش فتحو
و حاجة باينة الاطفال هما لي يفرحو اولا بالعيد و يتباهاو بملابسهم و خاصة شكون لي جمع بزاف الدراهم
و انت لوكان درت حسابك للافال لي جاو يعيدو عليك

و كاين حاجة في صباح العيد الواحد يتفكر اللي توفاو كامل ربي يرحمهم و يتفكر المرضى ربي يشافيهم

ان شاء الله ربي يتقبل صيامنا و ربي يبلغنا رمضان السنة الجاية ان شاءالله
و ربي يشافي كل المرضى في المستشفيات و يفك الأسر على كل البلدان التي تعاني الشتات
اللهم آمين

و شكرا مرة أخرى لهذا الموضوع المميز
تحياتي​
التميز في طلتكم ومروركم العطر
الركن مات بسبب الفعاليات الرمضانية وسوف يعود ان شاء الله كما كان بفضل تفاعلكم وحضوركم ومواضيعكم
ايه كاين الي يسجل الحضور تاعو فالمسجد يوم العيد
اما المرقاز واش نقولك دار رايو صبيحة العيد والبروبلام كاين الي شبع مرقاز وزاد القاطو فالدار صرات الحرب في ليصطومة عندو
الله يهدينا
بورك فيك وكل التقدير
 
صح عيدكم حكملي بلاصة مزال نولي للرد
 
صح عيدكم حكملي بلاصة مزال نولي للرد
سجلتك انتي الاولى فلاشان وانتي درتي الروطار
خذي راحتك مريم وولي وقت ما حبيتي
 
ههههههههههربي يعطيك الخير علابالك جامي فحياتي صليت في جامع كنت معولة هاذ رمضان نروح للتراويح و ما رحتش
المهم يا خويا سامي و الله هاذ العيد غريب عجيب مافهمتو عيد و لا حملة مفاجئة للتحضيرات و المنتج و مع تعب السهرات كملت
مصح منعرفش الغريب اللي صرا برا بيسك خرجت حتى العشية الغريب اللي نعرفو نص الناس عيدو و النص لآخر لا و اللي راحو للجامع قالو كان الغاشي قليل
على كل حال صح عيدكم مصح اللي عجبتني هو ذلك الكلب اللي كان يجري موراك ياخاااه ضحكت وحدي 😂😂
 
ههههههههههه اضحك الله سنك اخى
هو أغرب شئ صراا انو نص عيدوو ونص صامووو :ROFLMAO::ROFLMAO: والاغرب انوو مش عارفين شوكون إللى كان صح 😜 بصح المليحة انوو يتحملوو مسؤولية هومااا😁😁 وكى العادة شئ إللى مزال مفهمتوش علاش نهار العيد العشرة بالاكثر الحداش تلقى الغاشي ميت بالجوووووع 😅😅


صح عيدكم ٨__^
 
ههههههههههربي يعطيك الخير علابالك جامي فحياتي صليت في جامع كنت معولة هاذ رمضان نروح للتراويح و ما رحتش
المهم يا خويا سامي و الله هاذ العيد غريب عجيب مافهمتو عيد و لا حملة مفاجئة للتحضيرات و المنتج و مع تعب السهرات كملت
مصح منعرفش الغريب اللي صرا برا بيسك خرجت حتى العشية الغريب اللي نعرفو نص الناس عيدو و النص لآخر لا و اللي راحو للجامع قالو كان الغاشي قليل
على كل حال صح عيدكم مصح اللي عجبتني هو ذلك الكلب اللي كان يجري موراك ياخاااه ضحكت وحدي 😂😂
انا خيرتك انتي قلت زعما خالتي مريم كبيره وتروح تصلي صلاة العيد
ضهرتي ما صليتي ماوالو مع القاطو ما سلكتيش
صح موش كامل الناس عيدو كيما عندنا رغم انهم رفدو شعار نعيدو قاع بصح ما طبقوهش
اما هذاك الكلب قالولي فال زين الي يجري موراه الكلب صباح العيد رايح يسشري طوموبيل جديده عييت نستنى مكان والو
المهم
مشكورة على امرور والله يعطيك الربح
 
ههههههههههه اضحك الله سنك اخى
هو أغرب شئ صراا انو نص عيدوو ونص صامووو :ROFLMAO::ROFLMAO: والاغرب انوو مش عارفين شوكون إللى كان صح 😜 بصح المليحة انوو يتحملوو مسؤولية هومااا😁😁 وكى العادة شئ إللى مزال مفهمتوش علاش نهار العيد العشرة بالاكثر الحداش تلقى الغاشي ميت بالجوووووع 😅😅


صح عيدكم ٨__^
هوما قالو زعما الي يراقب الهلال رقد وكي جابتو الفطنه دار شادي مادي وقاللهم غدوه العيد ايا لجنة الاهله تبعت واش قال واغلب الضن انهم ما شافوش الهلال وفطرونا ربي يهديهم
اما الرقاد بعد العشره اوبسيون الجيريان في العيدين انا الي محيرني الي يرقدو بعد صلاه العيد ديراكت كيما @ماغيكاي تشان
شكرا نسرين على الرد
 
هوما قالو زعما الي يراقب الهلال رقد وكي جابتو الفطنه دار شادي مادي وقاللهم غدوه العيد ايا لجنة الاهله تبعت واش قال واغلب الضن انهم ما شافوش الهلال وفطرونا ربي يهديهم
اما الرقاد بعد العشره اوبسيون الجيريان في العيدين انا الي محيرني الي يرقدو بعد صلاه العيد ديراكت كيما @ماغيكاي تشان
شكرا نسرين على الرد
شكون قالك رقدت بعد صلاة العيد اوجه المقلة
مرقدتش خلاص حتى تاني ليلة ههههههه
 
شكون قالك رقدت بعد صلاة العيد اوجه المقلة
مرقدتش خلاص حتى تاني ليلة ههههههه
بصحتك فرحة العيد عندك تطول
علابالي عندك عداوة مع النوم اازم تشوفي الطبب ارجون يا البهلولة
 
صحا عيدكم
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top