المهيبة √ موضوع للنقاش

[جليلوس]

اهلا خاوتي صحا عيدكم وكل عام وانتم بخير
يادرا كاش قاطو كاش مغافرة ولا الرقاد وبيع البلاد
ولا الخدمة والتمرميد كي حالتنا

علابالكم عندا وحد العادات تمتاز بيهم الزازاير من شرقها لغربها ومن شمالها لجنوبها كاين وحد الناس تبانلهم حاجة غريبة وكاين لي مايسمعش قاع بيها تبانلوا غ زيادة وكاين لي لازم تكون باش يبانو قدام الناس هادا مكان واليوم وبهذه المناسبة تاع العيد جيت نحكيلكم على المهيبة والتي تخص الكنة الجزائرية ولا العروسة الجديدة
اااه ملاحظة برك هادي الكنة مازال ماجاتش لدار اهل زوجها هكا باش نتفاهمو زين يا ناس


خويا العريس علابالك بلي راح تفورني من نهار تعقد على صاحبة السمو عيد الفطر عيد الاضحى عيد المرأة عاشوراء المولود الناير خصك ع عيد الشجرة لي مازال مابان حتى كادو ولا ربطة معدنوس فيه دير حسابك من دروك


اااه ودير في بالك حاجة عندك سمانة لولة تاع العيد ولا المناسبة لي راح تديلها فيها صوا ذهب صوا دراهم صوا جيڨو تاع لحم تحسب راك خاطب نمر وعطور وحناء وملابس وأحذية" والاغلبية الساحقة راهم يكلفوا رواحكم ملخر المهم وجد روحك مولاي السلطان نقولك علاه داروها باش يشدو ويمتنو فيك بعشر يدين

ملاحظة فقط : المشكل تلقاها تتشرط وتضحك على واش جبتولها

نخليكم مع بعض صور المهيبات

عزيزي اللماوي واش رايك في المهيبة ؟؟
اسكو عندكم هاد العادات في منطقتكم ؟؟
واش ديروا كهدايا للعروس مثلا ؟؟

خلونا نتعرف على عاداتكم في مختلف مناطق الوطن​

 

[جليلوس]

@سكون الفجر @السلطانة @الامين محمد @عبدالرؤوف1 @إلياس @ناصر dz @Hakan @Rayhan @barca.moha @dahman kz @Golden Man @همس الوُرود @صاحبة الأثر @أم منيــــــر @Malika Tlm @Adel Sereir @*amani* @"viola" @أشــواق 19 @Skor m@k

 

[Hakan]

زوجتي العزيزة من المستقبل : نخطبك في أول الشهر نهزك في آخر الشهر ...انتهى .
انا ما عندي لا مهيبة لا حسيبة والو اغلب الزيجات هذي تبني زواجها على أحلام يتكلفلها باش يشريلها ويجييلها قدام الناس و في كل مناسبة ،ومن بعد كي تروح لدارهم قرعة ديدورون ما يشريهالهاش غير من عام لعام .

 

[afnene]

غير لبارح كنت انا واختي لكبيرة متناقشين على هذا الموضوع
منيش عارفة علاه تقلقني هذي العادات
تحسها مظاهر فقط ،والله من أحد أسباب الطلاق أن الطرفين ميحوسوش يتفاهمو على حياتهم كيفاش راح تكون اسكو صح قادر يتفاهمو بقدر ما يبقاو مدابزين شا جبتلي وشا مجبتليش في كل مناسبة لازم أهله يروحو ويدولها ملابس ،ذهب ،قاطو
وتزيد تعلق مجبتليش كيما الناس حشمتتي قدام بنت خالتي ،جارتي ضحكت علينا والله كارثة ...
مثلا وحدة جارتنا كانت كل مناسبة أهل خطيبها يجيبولها لمهيبة وبالطبع والشان وهي تاني توجدلهم الطالبة من كل الانواع وتزيد ليكادو كي بقا 3 ايام للعرس بطل عليها وكانو عقدو
لدرك مطلقهاش يقوللها رديلي دراهمي وصوالحي لي كنت نجيبهملك وهي تقولو حتى أنا كنت نخسر على الماكلة وليكادو .
ايا هاذي حالة كل واحد كان يمد لآخر حاجة فوق قلب غير على خاطر المظهر والزوخ قدام الناس ...

 

[جليلوس]

زوجتي العزيزة من المستقبل : نخطبك في أول الشهر نهزك في آخر الشهر ...انتهى .
انا ما عندي لا مهيبة لا حسيبة والو اغلب الزيجات هذي تبني زواجها على أحلام يتكلفلها باش يشريلها ويجييلها قدام الناس و في كل مناسبة ،ومن بعد كي تروح لدارهم قرعة ديدورون ما يشريهالهاش غير من عام لعام .

هههههه عندك الحق
لي باغي يتزوج يشوف مومون تاع صيف ولا كاش بيريودة ما فيها حتى مناسبة اخطب اعقد وادي امانتك ماتصرف ماتحصل معاها
هاد صوالح غ شكيل وزيادة ااا حكيم خويا ربي يرزقك الزوجة الصالحة

 

[جليلوس]

غير لبارح كنت انا واختي لكبيرة متناقشين على هذا الموضوع
منيش عارفة علاه تقلقني هذي العادات
تحسها مظاهر فقط ،والله من أحد أسباب الطلاق أن الطرفين ميحوسوش يتفاهمو على حياتهم كيفاش راح تكون اسكو صح قادر يتفاهمو بقدر ما يبقاو مدابزين شا جبتلي وشا مجبتليش في كل مناسبة لازم أهله يروحو ويدولها ملابس ،ذهب ،قاطو
وتزيد تعلق مجبتليش كيما الناس حشمتتي قدام بنت خالتي ،جارتي ضحكت علينا والله كارثة ...
مثلا وحدة جارتنا كانت كل مناسبة أهل خطيبها يجيبولها لمهيبة وبالطبع والشان وهي تاني توجدلهم الطالبة من كل الانواع وتزيد ليكادو كي بقا 3 ايام للعرس بطل عليها وكانو عقدو
لدرك مطلقهاش يقوللها رديلي دراهمي وصوالحي لي كنت نجيبهملك وهي تقولو حتى أنا كنت نخسر على الماكلة وليكادو .
ايا هاذي حالة كل واحد كان يمد لآخر حاجة فوق قلب غير على خاطر المظهر والزوخ قدام الناس ...

والله غ شكيل بلا فايدة
شفتي كيفاه وين وصلنا للمحاسبة
يا ربي تلطف هاد الشكيل والتمسخير خسر كلش
انا تبانلي كون ينحو جدهم كامل ويهنونا وخلاص

الله يجيب الخير برك

 

[أبو عاتكة]

السلام عليكم صحا عيدكم جميعا ان شاء الله تكونو بخير.

يا سيدي الحمد الله اللي كاين مواضيع بعد رمضان كنت خايف المنتدى يصوم.

هاذي عادات قديمة تقريبا والاصل فيها انها هدية وتكون بسيطة القصد منها هي اكرام المخطوبة واهلها وايضا تبيان انو العريس مهتم الخ الخ المهم المشكل ليس في العادة فهي من الناحية الاخلاقية سليمة. من بعدها تحولت الى فرض وقانون ثابت وتقوم عليه القيامة تلحق لفسخ الخطبة وابتدعوا لوازم جديدة وكثيرة في كل مرة حتى اصبحت تثقل كاهل اهل العريس ويحيرو فيها كثر من العرس والحق انت اذا كان العرس مزال بعيد.
بكري كان كي تلحق مناسبة كالعيد خاصة يشرولها روبة فستان وبس ممكن حذاء او قرعة ريحة يعني حوايج قلال موش شرط تكسيها من شعر راسها لصبع رجليها. واحد ما يحس بهاذي الواجبة وتكون خفيفة.

الان كيما خونا حكيم صحا عيدك حكيم قالك نخطب منا نعرس منا وعندو الحق والكثير ليس فقط حكيم وهذا ما جعل الشباب يتأنى ويستنى حتى يوجد كل شي مع بعض ضربة وحدة . اي واحد تسقسيه يقلك نقعد كل مناسبة نشريها تتكلف بزاف.
والمشكل ايضا اصبح اللي معندوش وقد حالو يسلف وستكلف حتى يطبق هاذي العادة بالشروط الحالية وربي يهدي اهل العروس عوض انهم يسهلو وينزعو العوائق تحكمهم السقاطة ويحولوها الى اهانة ليهم ويذبحو بنتهم بالاستفسارات والتحريض خاصة المقربين من البنت حتى تحس انها ماهيش بنادم فراح تفرغ قلقها على خطيبها وهي وزهرها في عقليتو وردة فعلو.
يعني اصبح عائق وعقبة نزيدلها العرس تتحول فكرة الزواج الى شبح ومشروع ياخذ اكبر من حجمه.
وربي يسهل على كل خاطب.

 

[جليلوس]

السلام عليكم صحا عيدكم جميعا ان شاء الله تكونو بخير.

يا سيدي الحمد الله اللي كاين مواضيع بعد رمضان كنت خايف المنتدى يصوم.

اهلا خويا العزيز على سلامتك
صحا عيدكم وكل عام وانتم بخير
لا لا مزال مايصوم اضرب شهر هاكا
اومبعد دير دورة وشوف كي تلقاه ههههه

هاذي عادات قديمة تقريبا والاصل فيها انها هدية وتكون بسيطة القصد منها هي اكرام المخطوبة واهلها وايضا تبيان انو العريس مهتم الخ الخ المهم المشكل ليس في العادة فهي من الناحية الاخلاقية سليمة. من بعدها تحولت الى فرض وقانون ثابت وتقوم عليه القيامة تلحق لفسخ الخطبة وابتدعوا لوازم جديدة وكثيرة في كل مرة حتى اصبحت تثقل كاهل اهل العريس ويحيرو فيها كثر من العرس والحق انت اذا كان العرس مزال بعيد.
بكري كان كي تلحق مناسبة كالعيد خاصة يشرولها روبة فستان وبس ممكن حذاء او قرعة ريحة يعني حوايج قلال موش شرط تكسيها من شعر راسها لصبع رجليها. واحد ما يحس بهاذي الواجبة وتكون خفيفة.

الان كيما خونا حكيم صحا عيدك حكيم قالك نخطب منا نعرس منا وعندو الحق والكثير ليس فقط حكيم وهذا ما جعل الشباب يتأنى ويستنى حتى يوجد كل شي مع بعض ضربة وحدة . اي واحد تسقسيه يقلك نقعد كل مناسبة نشريها تتكلف بزاف.
والمشكل ايضا اصبح اللي معندوش وقد حالو يسلف وستكلف حتى يطبق هاذي العادة بالشروط الحالية وربي يهدي اهل العروس عوض انهم يسهلو وينزعو العوائق تحكمهم السقاطة ويحولوها الى اهانة ليهم ويذبحو بنتهم بالاستفسارات والتحريض خاصة المقربين من البنت حتى تحس انها ماهيش بنادم فراح تفرغ قلقها على خطيبها وهي وزهرها في عقليتو وردة فعلو.
يعني اصبح عائق وعقبة نزيدلها العرس تتحول فكرة الزواج الى شبح ومشروع ياخذ اكبر من حجمه.
وربي يسهل على كل خاطب.

ها الهدرة يعطيك الصحة
هي صح تتفكر مولات الخيمة منين داك حاجة مليح تاع راكي فالبال ومانسيتكش
بصح باش توصل تتسلف باش ديرلها هاد الصوالح وموراها عرس كامل يستناااك
لا لا هنا ما نسكت ماندير بوز راهم زادو الطين بلة
تنوض دبزة بين العايلات وماتفراش

هادي هي السبة لي على جالها الشبيبة كرهت الزواج والتخمام فيه
.لا حول ولا قوة الا بالله

 

[أبو عاتكة]

راني نتفرج في الكادوات نتاعك والله ق زينين وشني هاذاك لحم ثاني ولاو يديكوروه ؟

 

[جليلوس]

شلل عينيك مليح

راني نتفرج في الكادوات نتاعك والله ق زينين وشني هاذاك لحم ثاني ولاو يديكوروه ؟

حرز روحك تعاود الدوزيام ههههه
راح تحصل حصلة لم يحصلها الحاصلين من قبل
هههههه جيgو يا جدك راهم يزوقوه وااااه عمر راسك

الجديد توجور عندنا كوكب شكوبيستان

 

[أبو عاتكة]

هذا الرسمي خضار يفهم في الفاكهة برك والاكسسوارات الاخرى جابهالهم صوارد اشري الريحة ولا اشري المازوت يشعل فيك وفي مواليك.
هكذا قالهالها.

 

[جليلوس]

هذا الرسمي خضار يفهم في الفاكهة برك والاكسسوارات الاخرى جابهالهم صوارد اشري الريحة ولا اشري المازوت يشعل فيك وفي مواليك.
هكذا قالهالها.

ههههههه والله يا نتا يا الموصيبة
ههههههههه الله يعطيك روينة ضحكتني

 

[أبو عاتكة]

شلل عينيك مليح

حرز روحك تعاود الدوزيام ههههه
راح تحصل حصلة لم يحصلها الحاصلين من قبل
هههههه جيgو يا جدك راهم يزوقوه وااااه عمر راسك

الجديد توجور عندنا كوكب شكوبيستان

يا راجل تبدا تاكل طول بلاما تطيب ورقة شلاطة وعظة لحم.
نعاود؟ هبلت ول هههه

 

[A-Boudjema]

أنا ندي هذو برك..
منكبرش كرشي

 

[جليلوس]

يا راجل تبدا تاكل طول بلاما تطيب ورقة شلاطة وعظة لحم.
نعاود؟ هبلت ول هههه

ههههه
النو لي تصب عليك

 

[جليلوس]

أنا ندي هذو برك..
منكبرش كرشي

مشاهدة المرفق 145511مشاهدة المرفق 145512

خويا رؤوف معليش نتا غ اربح البيام وفرحنا
وكمل قرايتك واخدم وانا نديرلك هادو من عندي كادو اديهم معاك

راك معروض عند @Hakan و @إلياس

 

[A-Boudjema]

خويا رؤوف معليش نتا غ اربح البيام وفرحنا
وكمل قرايتك واخدم وانا نديرلك هادو من عندي كادو اديهم معاك

راك معروض عند @Hakan و @إلياس

كيما اليوم ان شاء الله

مالا راني جاي
@إلياس @Hakan
وجدو وجدو العشا من ضك..

 

[أبو عاتكة]

ههههه
النو لي تصب عليك

والله راها تصب ميش حابسة هههه

 

[جليلوس]

كيما اليوم ان شاء الله

مالا راني جاي
@إلياس @Hakan
وجدو وجدو العشا من ضك..

ان شاء الله بربي
ههههه ربي يهني كامل الشبيبة تاعنا

والعاقبة لي مازالوا ولي باغيين يعاودو كيما خينا @الامين محمد

 

[جليلوس]

والله راها تصب ميش حابسة هههه

والله مام عندنا خيرك ياربي