الأخوال / الأعمام

[ام أمينة]

الله المستعان يارب
شوفي لو يوفقني ربي إن شاء الله راح نكتب كعادتي موضوعات من هذه الناحية .. لأنه حبيت نشارك تجارب عشتها يعني "تجربة" في كلمات في منتدانا يعني نحكي فيه ولا يحكي فيه كل عضو واش عاش يعني بطريقته الخاصة . . وندخلو جوانب العائلة و الصعوبات وكل شي من الطفولة لوين كبرنا خلي برك تتحطي في مواقف صدقيني راسك يولي ما يعرفش الخطأ من الصواب .. تولي تمرضي انتي وهوما يبراو.. على حساب صحتك النفسية والجسدية تضحي وتتنازل .. وتبكي بدموعك وحدك بينك بين الله وهو يعلم بأنه نيتك صافية وانك راك تحبيهم وتدعيلهم لكن هيهات هيهات وياريت يعلمون . صدقيني نكتب فهذه السطور والدموع يطيحو لأنه كما قلت ودائما أقول أن الملجأ تاعي بعد الله سبحانه وتعالى هو الكتابة ..
الله المستعان​

دموعك غالية حبيبتي
ما قصدتش نفتحلك جروحك يعني جات الهدرة برك
هي فالصح لا توجد عائلة ليس فيها مشاكل كامل عندنا لاكن تختلف من عائلة إلى أخرى
كاين لي يعيش على حسابك و ما علابالوش بيك
بصح احنا من طيبة و صفاء قلوبنا تلقاينا نحوسو و نسقسو و نزورو مالڨري أحيانا مكانش لي يحوس عليك
و الله أحتسبها أجر عند الله و خلاص لا أكثر
ربي معاك أختي فاطمة ما يستاهلش تمرضي و تقلقي روحك .... علابالي فوق طاقتك ....

 

[Tama Aliche]

بكتني بكلماتك اختي فاطمة والله قلب يبكي دم كي نسمع الأخوال و الأعمام يتخلوا عليك حتى صباح عيطت لي ولد عمي قلت مبروك مزيود تخيلي هو لم يبارك حتى في ادماجي قالي راني مسرع من بعد أن شاء الله نحكي معاك

شفت يا أستاذنا الطيب .. صدقني أنا كي يقولولي عادي الدنيا دايرة كما هكذا ، لازم تتأقلمي انا نقولهم محال الدنيا هكذا ما تحاولوش ترجعوا الأمور هكذا .. أنا من الناحية تاعي مزال و لم ولن أتقبل هذا الواقع الذي من صنع أفعالنا و أقوالنا .. كل ما تحاول تصفي النية و الأوضاع لا تلقى من يؤيدك في هذا .. تلقا غير اللي يجبد عليك بالشر

للاسف @الامين محمد هدر على موضوع بزاااف حساس .. ( والقلب حساس أصلا خلي برك )​

 

[Tama Aliche]

دموعك غالية حبيبتي
ما قصدتش نفتحلك جروحك يعني جات الهدرة برك
هي فالصح لا توجد عائلة ليس فيها مشاكل كامل عندنا لاكن تختلف من عائلة إلى أخرى
كاين لي يعيش على حسابك و ما علابالوش بيك
بصح احنا من طيبة و صفاء قلوبنا تلقاينا نحوسو و نسقسو و نزورو مالڨري أحيانا مكانش لي يحوس عليك
و الله أحتسبها أجر عند الله و خلاص لا أكثر
ربي معاك أختي فاطمة ما يستاهلش تمرضي و تقلقي روحك .... علابالي فوق طاقتك ....

الله يحفظك أختي الغالية .. صدقيني والله الموضوع هذا فتح جراح قديمة و جديدة .. خاصة بعد ما توفى الأخ ربي يرحمو و الصدمة تاعي وشفاية ناس واقارب و ضعفي و كيفاش كنت نحاول نوقف على رجليا مجددا .. زادت العايلة تشتت قلت علاش من اللي كنت طفلة منعرفش معنى العائلة .. لا دعم لا حب لا صلة والو .. فالمرض تاع خويا الله يرحمو لم ألق إلا قلبي أشد عليه من الألم نبكي ففراشي وحدي .. نزور قبر أخي رحمه الله نبكي ونحكي ضعفي حين تشتت العائلة حين لم أجد إلا خسرانا لأخ ثم خسارة أخ في السجن و ضغوطات و الشماتة يا اختي والله الدموع تطيح وحدها مالقيت نداوي جراحي أم جراح أمي .. وأبي اللي نزلت دموعه أمامي يا لقلب متكسر آه​

 

[ام أمينة]

الله يحفظك أختي الغالية .. صدقيني والله الموضوع هذا فتح جراح قديمة و جديدة .. خاصة بعد ما توفى الأخ ربي يرحمو و الصدمة تاعي وشفاية ناس واقارب و ضعفي و كيفاش كنت نحاول نوقف على رجليا مجددا .. زادت العايلة تشتت قلت علاش من اللي كنت طفلة منعرفش​

ربي يرحمه و يوسع عليه
الله حنين كريم ربي يعوضك على كل ما مريتي بيه بكل خير و أيام زينة باذن الله

 

[أبو خديجة]

بكيتونا بهذا الموضوع

 

[Tama Aliche]

بكيتونا بهذا الموضوع

شفت يا أخي حاتم .. والله قلبي انكسر ​

 

[السلطانة]

موضوع مشبك

زمان كنا نميلو خوالي مباعد كي تزوجو نساونا
عمي من بكري نوصلوه في الاعياد والمناسبات.

اما اولادي متربيين مع اعمامهم واخوالهم كي نروحو لولايتي في العطل

الله يثبت عقولنا

مشكور اخي
ردود تستحق المتابعة

 

[الامين محمد]

اهلا سي الامين
علابالك طليت على وحد الجرح لي ماشكيتش غادي يبرا
انا كبرت بلا اعمام ومانعرفهمش أصلا كي دايرين شفتهم فتصاور ودروك رانا منين داك نهدرو بلاكام مي مانعرفش حنانة العم والعمات صراحة
نروحوا للاخوال الله غالب مانجمش نكذب ونقول خليفة الام مي أمي وبس وعندها تحبس الله غالب وصل الموس للعظم

ومن عندي صراحة
انا عمامي وخوالي ماربحنا منهم والوا غير الام والاب ربي يحفظهم وبطول في عمرهم

ربي يهدينا ويثبتها ويلاقينا بالمولى بخير

اوافقك الراي اخي عبد الجليل مثلك بعد وفاة الوالد رحمه الله تعالى نسونا اخوالي و اعمامي لم يسأل علينا أحد و حتى في الأعياد و المناسبات لا يسئلون عنا تخيلوا حتى في عرسي لم يحضر لا عم و لا خال حتى تليفون لم يعطلوا ليا يقول ليا مبروك مع العلم أن والدي رحمه الله تعالى كان يحن عليهم بما عنده و يكرمهم احسن تكريم هذه شهادة لله ليست أبالغ و ربي على ما اقول شهيد

الله يحفظك أختي الغالية .. صدقيني والله الموضوع هذا فتح جراح قديمة و جديدة .. خاصة بعد ما توفى الأخ ربي يرحمو و الصدمة تاعي وشفاية ناس واقارب و ضعفي و كيفاش كنت نحاول نوقف على رجليا مجددا .. زادت العايلة تشتت قلت علاش من اللي كنت طفلة منعرفش معنى العائلة .. لا دعم لا حب لا صلة والو .. فالمرض تاع خويا الله يرحمو لم ألق إلا قلبي أشد عليه من الألم نبكي ففراشي وحدي .. نزور قبر أخي رحمه الله نبكي ونحكي ضعفي حين تشتت العائلة حين لم أجد إلا خسرانا لأخ ثم خسارة أخ في السجن و ضغوطات و الشماتة يا اختي والله الدموع تطيح وحدها مالقيت نداوي جراحي أم جراح أمي .. وأبي اللي نزلت دموعه أمامي يا لقلب متكسر آه​

اعتذر منكم و كلكم دموعكم غالية
و الله كنت اعتقد اني الوحيد لي عنده هكذا هم
طلع الامر عام و متشعب
انا اخوالي نلتقي معاهم كيما ايها انسان يعني مكاش حاجة اسمها عاطفة تماما
لا علاقة و ما نعرفش بيوتهم و لا اولادهم خاصة الصغار
كاين قصص لوكان نحكيهم على خوالي راح تحيروا
ربي يغفر لنا و لهم و ربنا جبار الخواطر
سيجبر خواطركم اخواني
اعتذر لم اتوقع ان انبش جراحا في قلوبكم احبتي

 

[جليلوس]

انا نضريت و عائلتي كذلك من الاخوال خاصة للاسف وزدت شفت واش حكات الأخت تفكرت وحد القصص لوكان نحكيهم غادي قاع تبكو معانا لي نقولها صلة الرحم مش غير علينا ياربي حتى هوما مايصلحوش دوماج ياربي تغفرلنا وترحمنا مانهربوش من الواقع ومانزوقوش الهدرة خالي وخالي وعمي ومانعرف يخليهم ويعميهم استغفر الله

 

[*amani*]

السلام عليكم
انا أنعم عليا ربي بأخوال وأعمام ماشاء الله
أعمامي وعماتي طيبتهم وحُبهم لينا لاحدود له ونفس الشيء ينطبق على أخوالي وخالاتي.. وحنا تاني نحبوهم ومكانتهم في قلوبنا عزيزة وغالية ربي يعلم

اما ردود الإخوة والله تدمي القلب ومايحس بالجمرة غير لي كواتو الله المستعان

 

[Tama Aliche]

يخليهم ويعميهم استغفر الله

ضحكت أستغفر الله..
ربي يغفر لنا ​

 

[جليلوس]

ضحكت أستغفر الله..
ربي يغفر لنا ​

ههههه والله هم يضحك وهم يبكي
ربي يهدينا

 

[أبو عاتكة]

مهما طولنا وعرضنا في حكايات العم والخال الا ان مرت العم ومرت الخال ومرت الاخ ومرت السفانجي هما كواليس اما الحب او الكره
حسب التجارب والسمعات اذا صلحت المراة يصلح كلشي بعدها الاب العم الخال الاخ الجار
قولي من زوجتك نقولك واش تقربلي

وربي يعلم الامور نسبية لكن على العموم حواء شرط الطلاح والصلاح.

 

[أبو عاتكة]

ضحكت أستغفر الله..
ربي يغفر لنا ​

اياااا فطرتو انتي وجلول

 

[الامين محمد]

اياااا فطرتو انتي وجلول

هههههه كامل لي ردو في الموضوع راح ليهم النهار هههههههه

 

[أبو عاتكة]

هههههه كامل لي ردو في الموضوع راح ليهم النهار هههههههه

ارواح نلاوحوهم

 

[الامين محمد]

ارواح نلاوحوهم

ههههههه هاذي نحتاجها لخالي ههههه

 

[أبو عاتكة]

ههههههه هاذي نحتاجها لخالي ههههه

لالا نحتاجوها لجليل وطمطم يقطعوا في عمامهم

 

[جليلوس]

مبعد نرد عليكم ونجيبلكم صفية كبيرة بين العينين
تفطروا بصحة

 

[جليلوس]

هههههه كامل لي ردو في الموضوع راح ليهم النهار هههههههه

نتا سبابنا
على رقبتك