- إنضم
- 5 جوان 2007
- المشاركات
- 1,230
- نقاط التفاعل
- 0
- النقاط
- 36
بغيت نحكيلكم قصتي بلاك كش واحد يقدر يعاوني
شوفو في الاختبارات هدو التوالا واحد تما كان يحوس عليا وجاب نيميرو نتاعي راكم عارفين راهم بزاف قاعدين غير ليها والحاصول هو عيط وانا لقيت نيميرو غريب عليا مريبونديتش وهو ولا كل ليوم يعيط حتى قلت باينا هدا واحد يعرفني كي ريبونديت قالي انا فلان ونعرفك غايا غايا وانا نبغيك ونمووووت عليك قلتلو منسحقش واحد يبغيني روح وخليني مبغاش يفهم كما درتله مبغاش يروح درتله كامل الصوالح باه يروح ويخليني وهو مبغاش تعرفو وصلت بيا حتى ذليتو وليت نطير فيه ومرا كنت منارفيا مخدمتش مليح في كومبو وهو عيطلي طرت فية هو قال غير الو وانا ندت ليه روح بعدني كون ضهلي ناونكاجي معاك كون قتلك واه اخطيني ومن بعد كروشيت وهدرت معاه بالزعاف هيا انا قلت خلاص دوك ميزيدش يعيط من بعد هاك وهو راح باعتلي ميساج وقالي علاه راكي ديري فيا كما هاك انا نبغيك كون تعرفي شحال نبغيك مديريليش كما هاك وربي وكيلك وانا معرفتش واش نرد عليه ومنبعد راح معيط وقالي باغي نهدر معاك قتلو خلي عشيا ونهدرو وكي عيطلي ولا يحلل وتعرفو جامي شفت واحد كما هاك يحلل فيا قلتلو راك تتمسخر وانا منبغيش التمسخير قالي لالا والله كون تقولي واه نجيب مومتي تخطبك وانا قتلو منعرفكش حتى في وجهك وكون نشوفك ومتعجبنيش قالي شوفيني ومن بعد ساهل وجا عند ليسي وانا مشفتوش غايا وصحبتي شافتو قاتلي راه شباب ميتعيبش ومن بعد حصل فيا قالي غير تقولي واه وهو راه يدير في ستاج تع لاسيكيريتي مينيتار وكانو عاطيلهم غير 10 ايام ويرجعو
هيا قالي متغبنينيش وقوليلي واه قبل ما نروح خير مندير في روحي حاجا عييت باه نبعدو عليا ومبغاش يفهم روحو هيا رحت عطيت لي ختي الكبيرة هدرت معاه قاتلو اخطيها ولا يحلف وانا نبغيها وعلاه راهي دير كما هاك ومن بعد قاللها فوتيلي مومتك نهدر معاها وامو عيطت لي مومتي وهدرت معاها وقالتلها وليدي راه يبغي بنتك وراه ناويها المهم غير هو عند امو زعما طايعها بزاااااااااااااااااااف وحتى هيا تبغيه وتضلي غير تهدر عليه قالتلي مومتي راه وليد امو هدا وهدا النوع تع الراجال الخوف منو يبدا واش تقولو امو يدير عليها مي و انا تلاقيتو قبل ما تهدر امو معا مومتي وعجبني عادي وانا بانلي يبغيني بزاف و وحدا الصوالح يديرهم منقدرش نحكيلكم عليها وتاني كنت كي نهدر معاك غير هو يحكي وانا غير نقول واه. واه وتاني كما البارح قتلو اختي راهي مهبلتني في دار ومنيش عارفا مالها ناض يبكي ويقولي علاه راهي ديرلك كما هاك واش تسالك وانا اختي قاتلي تاني راه وليد امو غير اخطيك منو وتزيديش تهدري معاه وانا متصنتلهاش بيسك نعرفو شحال يبغيني راني في شحال نتاستي فيه وعرفتو مليح مليح علا هادي اختي راهي غير تشرشيلي غير لارgيه وهي الي قاتلو واش راك تحوس من عندها قاللها راني ناويها هيا قاتلو وشراك تستنى هو قاللها بلي كي يكمل ستاج راه يجيب امو ويخطبني يعني كي يتميتا وتاني يليق عامين يقعدو باه يقدر يعقد بيسك هدا هو الخدمة نتاعو تطلب كما هاك وراهم غير اخطيك منو وانا معرفتش واش ندير كون نروح ونخليه سور يدير في روحو حاجا وتاني اختي هيا الي راحت زادت عقدتها عليا كي خلات امو تحكي مع مومتي راكم عارفين ومام حنونتي تعرف مومتو مليح وقالتلي ناس ملاح هوما مي راني خايفا
شوفو في الاختبارات هدو التوالا واحد تما كان يحوس عليا وجاب نيميرو نتاعي راكم عارفين راهم بزاف قاعدين غير ليها والحاصول هو عيط وانا لقيت نيميرو غريب عليا مريبونديتش وهو ولا كل ليوم يعيط حتى قلت باينا هدا واحد يعرفني كي ريبونديت قالي انا فلان ونعرفك غايا غايا وانا نبغيك ونمووووت عليك قلتلو منسحقش واحد يبغيني روح وخليني مبغاش يفهم كما درتله مبغاش يروح درتله كامل الصوالح باه يروح ويخليني وهو مبغاش تعرفو وصلت بيا حتى ذليتو وليت نطير فيه ومرا كنت منارفيا مخدمتش مليح في كومبو وهو عيطلي طرت فية هو قال غير الو وانا ندت ليه روح بعدني كون ضهلي ناونكاجي معاك كون قتلك واه اخطيني ومن بعد كروشيت وهدرت معاه بالزعاف هيا انا قلت خلاص دوك ميزيدش يعيط من بعد هاك وهو راح باعتلي ميساج وقالي علاه راكي ديري فيا كما هاك انا نبغيك كون تعرفي شحال نبغيك مديريليش كما هاك وربي وكيلك وانا معرفتش واش نرد عليه ومنبعد راح معيط وقالي باغي نهدر معاك قتلو خلي عشيا ونهدرو وكي عيطلي ولا يحلل وتعرفو جامي شفت واحد كما هاك يحلل فيا قلتلو راك تتمسخر وانا منبغيش التمسخير قالي لالا والله كون تقولي واه نجيب مومتي تخطبك وانا قتلو منعرفكش حتى في وجهك وكون نشوفك ومتعجبنيش قالي شوفيني ومن بعد ساهل وجا عند ليسي وانا مشفتوش غايا وصحبتي شافتو قاتلي راه شباب ميتعيبش ومن بعد حصل فيا قالي غير تقولي واه وهو راه يدير في ستاج تع لاسيكيريتي مينيتار وكانو عاطيلهم غير 10 ايام ويرجعو
هيا قالي متغبنينيش وقوليلي واه قبل ما نروح خير مندير في روحي حاجا عييت باه نبعدو عليا ومبغاش يفهم روحو هيا رحت عطيت لي ختي الكبيرة هدرت معاه قاتلو اخطيها ولا يحلف وانا نبغيها وعلاه راهي دير كما هاك ومن بعد قاللها فوتيلي مومتك نهدر معاها وامو عيطت لي مومتي وهدرت معاها وقالتلها وليدي راه يبغي بنتك وراه ناويها المهم غير هو عند امو زعما طايعها بزاااااااااااااااااااف وحتى هيا تبغيه وتضلي غير تهدر عليه قالتلي مومتي راه وليد امو هدا وهدا النوع تع الراجال الخوف منو يبدا واش تقولو امو يدير عليها مي و انا تلاقيتو قبل ما تهدر امو معا مومتي وعجبني عادي وانا بانلي يبغيني بزاف و وحدا الصوالح يديرهم منقدرش نحكيلكم عليها وتاني كنت كي نهدر معاك غير هو يحكي وانا غير نقول واه. واه وتاني كما البارح قتلو اختي راهي مهبلتني في دار ومنيش عارفا مالها ناض يبكي ويقولي علاه راهي ديرلك كما هاك واش تسالك وانا اختي قاتلي تاني راه وليد امو غير اخطيك منو وتزيديش تهدري معاه وانا متصنتلهاش بيسك نعرفو شحال يبغيني راني في شحال نتاستي فيه وعرفتو مليح مليح علا هادي اختي راهي غير تشرشيلي غير لارgيه وهي الي قاتلو واش راك تحوس من عندها قاللها راني ناويها هيا قاتلو وشراك تستنى هو قاللها بلي كي يكمل ستاج راه يجيب امو ويخطبني يعني كي يتميتا وتاني يليق عامين يقعدو باه يقدر يعقد بيسك هدا هو الخدمة نتاعو تطلب كما هاك وراهم غير اخطيك منو وانا معرفتش واش ندير كون نروح ونخليه سور يدير في روحو حاجا وتاني اختي هيا الي راحت زادت عقدتها عليا كي خلات امو تحكي مع مومتي راكم عارفين ومام حنونتي تعرف مومتو مليح وقالتلي ناس ملاح هوما مي راني خايفا
