واش راكم خاوتي ان شاء الله لاباس
واش راكم مع سيدنا رمضان
تصوموه بالصحة والهنا نشاله
انا راني حابة نفوج شوية على خاطري
وسمحولي ادا كان رايي ميوالمش البعض
الله غالب راني كتبت واش راني نشوف
وواش راني حاسة
اسمعوني
التقلاق راهو حاكمني
ماشي من الصيام لالالا:confused1:
والله ماهوش غالبني.........راني غالباتو في هاد اساعة
كاين حاجة راهي مطلعتلي الغاز de ville
واش راكم فالبروجرام نتاع دزاير
قناة دزاير ............المدورة ماشي نتاع مقام الشهيد....TV3
ياخي بروجرام
نقصد الواحد يحب يبروفيتي من رمضان مادام مع عايلتو القصرة والضحك
هوما يزيدو يغموك
والواحد كي يجي يشوف يلقا الاشهار اكتر من التفراج
صح كاين حوايج شابين كيما القرآن وهاديك الحصة الي راهم دايرينها ماشاء الله حاجة تنفع:thumbup:
:thumbdown:بصح الشي لاخر عيـــــــــــــــــــــــــــــان :thumbdown:
انا رايي يغلقو الإذاعة ويتهناو ويهنونا معاهم
لوكان غير جينا نتقارنو مع السوريين
السورين ايه
هــــــــــــــــــــــــــــــــــــــــــــــــــــاي
وين رانا ومعمان رانا محطوطين
هوما المسلسل المدرح نتاعهم يدير ضجة عندنا
صح قولولي واشمن مسلسل عجبكم
النخلة نقصد لا فاليز .........ولا هاداك لاخر الي يجي قبلو
رانا حابين نطلعو شوية نيفو ماشي نزيدو نحبطوه بالتمثيل نتاعنا
انا خطرات راسي يوجعني ........تحس بلي راهم يمتلو ويستناو غير الكاميرا فيكتاش دور
عكس كي تكون تشوف لقطة من باب الحارة ولا الرسالة وغيرها وغيرها ..........كاين بزاف
والحاجة الي توجع كتر كي تكون محتمة عليك تشوف لي بروجرام نتاع القناة بسيف عليك علاخاطرش يماك متبعة النخلة ..........لافاليز:scared:
انا واحدة راني نعاني ....الله غالب يما متبعة وماتراطيش
او اوبليجي عليا نسمح في كل شي علاجال يما و بروجرام بلادي
ومالجري تو .............تحيا الجزائر.............
ويحياو بنات بلادي
ويحياو ولاد بلاي
راح نغنيلكم
:music_whistling:
ورانا صابرين حتى يكمل رمضان
نداء الى اي واحدة يعرف كاش واحد يخدم معا الاتصالات ولا التلفزيون يتصل بينا وبالاخص منتدى واش راك تهدر
ومادابيكم تسقموووووووووونا الدعوة وتريجلوها:thumbdown:
ولا نستناو حتى رمضان الجاي ........
قولولي
:blink: