عيت نفهم ......واش من تخمام هذا ؟؟؟....فهموني

الحالة
مغلق ولا يسمح بالمزيد من الردود.

عاشقة مجهول

:: عضو مُتميز ::
إنضم
18 أفريل 2008
المشاركات
834
نقاط التفاعل
1
النقاط
17
العمر
35
السلام عليكم وصح رمضانك
اليوم جا في بالي موضوع انا نشوف باللي لازم كامل الرجال تاع المنتدى يجاوبوعليه
والموضوع اللي هو
وعلاه الرجال تاعنا دركا كيما يوصلوا للعمر تاع الزواج ويقرر باه يخير وحدة يرتبط بيها يخير وحدة تكون في عمر العشرين وسعات من ماتحت عمر العشرين ..........مع العلم انه في الثلاتين من العمر؟؟؟؟
قولولي وعلاه ؟؟
على جال هو كبر ويحب يخير وحدة يرجع بيها شبابوا ؟؟؟

ولا يحب وحدة صغير تديه على قد عقلوا وتقولوا ايه وايه وايه في كل حاجة ؟؟؟

ولا مايحبش وحدة شاربة من عقلها تناقشوا وتعطيه الرأي تاعا في كلشي ؟؟

ولا كيما يقولوا بزاف ناس نحب وحدة صغيرة نربيها على يدي؟؟؟

ووووووووووووووووووووووووو
وبزاف اسئلة تاني كاينة في هذا الموضوع

وحبيت نعرف تاني اسكوا اللي يدي وحدة صغيرة في العمررايحة يكون لهم نفس المستوى الفكري (اللي يعتبر اساس استمرار الحيات الزوجية )؟؟؟؟؟؟

والسؤال تاعي
انت ياراجل فهمنا قولنا وعلاه كيما تكبر تحب تدي وحدة من العشرينات ؟؟؟؟
وهل انت من النوع اللي يؤمن بان الارتباط توافق عقلي وروحي ام هو شئ اخر في نظرك ؟؟؟؟؟
اذا هو شئ اخر قولنا واش هو ؟؟؟

هذا الموضوع مطروح للنقاش

ارجوا من الجميع التفاعل معه وعدم البخل علينا بوجهة نظرهم
 
malgré ما زال الحال بصح أني ناوي نجيب ثريبتي ولا لا
 
منعرف


%D8%B4%D9%83%D8%B1%D8%A7.gif
 


صح فطوركم...............نشوف انو التوافق العقلي والفكري اهم شيئ ومن الافضل يكونو متقاربين في السن هكدا يتفاهمو خير.............هدا مجرد راي

مشكورة أختي على الموضوع



 
انا بالنسبة ليا لازم يكون بيناتنا توافق عقلي و فكري باه نتفاهمو.وبالنسبة للعمر مايهمش
 
يدي واحدة صغيرة تاخدو على قد عقلو ..ههههههههه
ختي سن النضوج عند الانسان يبدى من 30 سنة و طلع و لا عندك انتي للي يوصل 30 تسمى يولي شيخ
بكل بساطة الراجل يلزم يدي طفلة صغيرة عليه من 6 سنين و طلع و السبب باين لانو المراء تكبر قبلو هكدا هو كي يولي شيخ تكون هي ما زالها ما عجزتش و ان شاء تكوني فهمتيني
 
حتى انا نحير اختي يخلي وحدة ناضجة وفاهمة وتكون تقدر تربي ولادها وتقدر على المسؤولية
ويروح لوحدة اصغر لا ادري لماذ؟
ممكن باش يهد برك كي تكون حلوة ومسرارة
شكرا رمضان كريم
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 
انا نسمع يقولو باش يربيها تحت يدو وانا من الناس الي نحب الزوج يكون كبير عليا باسكو العقل نتاع المراة كبير على الراجل بصح كي يكون كبير تحسي بيه راجل مش اطفال مجرد راي حبيبتي وصح فطورك
 
وحدا تكون صغيرة فالعمر وبابيشة وكبيرة فالعقلية خير من وحدا كبيرة تاكلك راسك بالعياط هههههههههه
 
ههههه و الله ما فهمت هههه نكبر و نفهم بالاك سلام .
 
مي كاينة حاجة حتي البنات و لاو يبغو مالي المسطاش قالك كونفيونس هههههه و يحسو معاهم بالراحة سما علاقة متكاملة على حساب فهامتي سلام .
 
أولا نقلك شكرااا على الموضوع


معليش أنا أول من أجاوب

.... أنا واحد من الرجال والله العظيم مهمني كبيرة صغيرة مهمش
المهم تكون مزيانة حلوة و عقلية فوور ..... ألخ

و انا نقلك علاش أخير البنات الصغار.. على خاطر لبنات يكبرو بسرعة .... و تولي عجوز ....


هذا رأيي و نقلك أنا مهمنيش .....

مشكور على المرور
صح فطوركم...............نشوف انو التوافق العقلي والفكري اهم شيئ ومن الافضل يكونو متقاربين في السن هكدا يتفاهمو خير.............هدا مجرد راي

مشكورة أختي على الموضوع
يعطيك الصحة خويا الله ينورك
مشاركة رائعة
 
ههههه و الله ما فهمت هههه نكبر و نفهم بالاك سلام .

مي كاينة حاجة حتي البنات و لاو يبغو مالي المسطاش قالك كونفيونس هههههه و يحسو معاهم بالراحة سما علاقة متكاملة على حساب فهامتي سلام .
الرد هذا كامل وتقولي كينكبر نجاوب ....................
واش يخصوا الرد تاعك اك فاهم ربي يبارك

مشكور على المرور
 
وحدا تكون صغيرة فالعمر وبابيشة وكبيرة فالعقلية خير من وحدا كبيرة تاكلك راسك بالعياط هههههههههه
ايوا هكدا نفهموا ماتحبش اللي يناقرك ويقولك راك غالط ..................امالى نقولك درك راهم صغار ولسانهم اكبر منهم ...................راح تعيش وتشوف

مشكور على المشاركة
 
يدي واحدة صغيرة تاخدو على قد عقلو ..ههههههههه
ختي سن النضوج عند الانسان يبدى من 30 سنة و طلع و لا عندك انتي للي يوصل 30 تسمى يولي شيخ
بكل بساطة الراجل يلزم يدي طفلة صغيرة عليه من 6 سنين و طلع و السبب باين لانو المراء تكبر قبلو هكدا هو كي يولي شيخ تكون هي ما زالها ما عجزتش و ان شاء تكوني فهمتيني
ياخويا راني فاهماتك وانا ماقلتش بالي راه شايب ...............بصح شئ ماهوش معقول باه يكون الراجل 35 والمرأة 18 سنة والفرق 17 سنة
راهي عادت تصرى وبالبزاف وكيعود الراجل مايخممش في الزواج غير في عمر 30 وطلع لبنات اللي في 27و26 نقولوا عليه السلام
والله ياخويا غير نحير يخلي وحدة شاربة من عقلها وعارفة الدنيا وفاهمة واش فيها وعارفة كيفاه تعيش وكيفاه تفتح دار ويروح لوحدة مازالها ذراوين
هذا هو اللي محيرني
ومشكور على المشاركة اخي الكريم
 
نقولك الصراحة لوكان نلقا الطفلة لي نحوس عليها وتكون اكبر مني فالعمر نديها ومنرجعش لورا مهي عيب مهي

حرام ،بصح المعروف عندنا الراجل يكون كبير على المرأة من 5 سنين وطلع على خاطر المرأة تكبر بزربة
 
نقولك الصراحة لوكان نلقا الطفلة لي نحوس عليها وتكون اكبر مني فالعمر نديها ومنرجعش لورا مهي عيب مهي



حرام ،بصح المعروف عندنا الراجل يكون كبير على المرأة من 5 سنين وطلع على خاطر المرأة تكبر بزربة
مشكور على الشاركة
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top