بوتفليقة واش رايكم

[*عابر سبيل*]

سلبياته اكثر بكثير من ايجابياته

 

[إشراف]

عندكم الحق هو راه مسير بفتح الياء ماشي مسير بكسر الياء صح خدم البلاد بصح ماشي كيما اللازم
علا خاطر دراهم الشعب اكثر بكثير من الخدمة اللي داروها حكم وقتوا يخلي البلاصة لغيرو ماشي هنا يموت قاسي في قصر الرئاسة ​

 

[صدى الجرح]

**مانقولو مليح ومانقولوش ماشي مليح بين وبين**​

 

[tarek-83]

اتفكرو برك يامات الميزيرية اللي كنا فيها مع خاوتنا لي طيريرو....نسيتو كي كنا نقولو ماعليش ناكلو الخبز حافي و الماء المهم نقدرو نخرجو بلا ما نخافو على روحنا و على اهلنا....راكم تقولو بلّي بوتفليقة دار حاجة قليلة ....و علاش واش دارو اللي قبلو وواش راكم تستناو يديرو اللي بعدو؟؟؟..دار حاجة قليلة؟...مع الاوّل بوتفليقة كي حكم دخل بحماس و كان باين عليه بلّي راهو حاب التغيير للافضل .......بصح قولولي برك واش دار الشعب الجزائري باش يساند هاذ التغيير؟؟...كي شاف روحو وحدو اللي حاب التغيير مقابل ما نعرف شحال من نسمة راقدين واش راح يدير يرحم باباكم ...انا نشوف بلي بوتفليقة راهو بيان هاكذا و راهو في مستوى هاذ الشعب.....


و الله اعلم​

خويا ماتنساش بلي الرئيس زروال هو ألي طبق مشروع المصالحة الوطنية قبل ما يجي السي بوتفليقة نتاعكم ، بوتفليقة ما دار والوا راه يكمل في المشاريع ألي خلاوها قداموا

 

[walid86]

مجرد حبة اسبيرين للشعب الجزائري كيما قالو
همو الوحيد السلطة والتحواس ويبلعط في الشعب كما قال الشادلي الرايس يخاف من الشعب المثقف بصح حنايا الله غالب الشعب ديالنا راهو قاع طدروقي انا كون ليا من غدوا ينحوه

 

[foued1986]

بوتفليقة
مجرد اسم و مسؤول خايف من الحكام .....بغي نسقسيك هدا مسؤول؟؟؟و الله راحو الرجال ليكنا نسمعو بيهو بكري
حنا رانا عارفين بللي المسؤولية صعيبة و السياسة ماراهيش ساهلة
انا شخصيا درست العلوم السياسية
و نقولكم كون البلاد طبق واش قريت توللي جنة
الشعبة لقريتها هي قوانين الجزائر و دستورها وووو غي على الجزاير
بصح وين راهم..............مكانش
شو انا ماعلابالي ني ببوتفليقة ني بواحداخر انا ركزلي على الامن و العدالة
ايروحوا هادو زوج ياو البلاد تركت
او كيما رانا نشوفو العدالة ولات بالرشوة كيفاش واحد يقتل تعطيه عامين حبس هادي كاع ما صراتش روحو غي البلاد المجاورة غي يسرق باصا
حمبوك و اللي راه يقول دار مشاريع و مساكن واه يعطيه الصحة بصح كاين لفي 10 ولا 15 عام ماشافش سكنته و انا مايخصنيش يوري روحو لبلاد وحدخرين بالمشاريع متتعددة الجنسيات هادو غي في مصلحة الدولة
اما احنا قولولي استافدنا منها؟؟؟؟؟؟وااااااااااااااااالوووووووووووووو
و للي ركز عليها تاني- البلاد تحوس تنسينا من السياسة و البترول اااه يا احنا عندنا بترول يا حنا ما عندناش
البطاطا التالية راهي غالية شا بقا
و نزيد نركز على البترول اللي نتوما ناسيينه و حاسبين ماعندكمش حق فيه
مانزيدش روحو غي لبلاد لي عندهم بترول او سقسو و لا حوسو في النت
و السلام عليكم و ان شاء الله بلادنا تولي ما خير

 

[abidou 20081]

والله ياخويا المستغانمي غير كلامك تاع الصح زوج حوايج إدا راحو من أي دولة قول على ديك الدولة وقراها عليها السلام وحتى مع ربي ويقولك بارك الله أمة أقامت العدل ولو كافرة كيفاش حبيتو ربي مايسلطش علينا السخط ولغضب وحنا زعما عرب ومسلمين والله يابلادنا ماتنوض ولا تعرف تقدم وما تتحققش فيها العدالة وشكون لي يحقق العدالة هي السلطة مادامها صاحبة الأمر والنهي وصاحبة القرار وإذا هدرنا على البترول مافراتش والله مانحب ندخل للبوليتيك يوجعني قلبي تاع الصح المنكر رانا نشوفو فيه يمشي وإذا كان أي رئيس دولة حبيت تحكم عليه خدام ولا لالا شوف الحاجا اللولة لي تروحلها وهي العدل كاين ماكانش كاين عدل كاين رئيس وكاين سلطة ماكانش العدل ماكاين لا رئيس ولا سلطة والفاهم يفهم أما اليؤال حول بوتفليقة نقولك خويا لعزيز بوتفليقة بشر كسائر البشر يخطىء ويصيب لكن كي يجي الواحد يهدر عليه يسقسي روحو قبل شكون لي أنتاخبو وعلى بالي الأغلبية تقول مانتخبتش بصح نقولهم كيف كيف كطي مانتاخبتش يعني خليت صوتك يلعبو بيه كيما حبو وهكذا نقدر نقول بلي إذا مانتخبتش يعني صدقت صوتك درتو صداقة لي يحب يديه ولي قادر على شقاه يديه والمشكلة تاني لكبيرة ماراهيش في بوتفليقة ولا غيرو المشكلة راهي فالشعب كثر يعاون الراشي ويعطيه فالرشوة وسقولك بلاد رشوة يخبي على السارق ويكوموفلي فيه ويقولك بلاد سرقة ويصفق على من جاه ويقولك المسؤولين ماشي ملاح أفهم يالفاهم زادو فالتريسيتي دارو لاشان وراحو يجرو يخلصوها زادو فالماكلة راحو يجرو يعمرو لقفاف أكثر من موالف خايفينها لا تقطع مادام الحالة كيما هكذا خلي يديرو رايهم وخلي الشعب يشطح فالمهرجانات
بارك الله فيك صاحب الموضوع وربي يحفظك ويخليك وتقبل الله منك ومنا الصيام والقيام ​

 

[nina-amina]

أسكتوا متهدروش البوليتيك أهدروا على البالون خير

 

[احلى لمة]

...............................................................................

 

[Realo]

كي يكون الشعب مليح هذاك الوقت حوسو على رئيس مليح !!

هذا واش حلبت البقرة

 

[maryouma.14]

​

يبقى الأمر مجهول فلايجب أن نحكم على الأخرين من مجرد رؤيتهم

 

[لينة]

معنديش راي الله غالب

 

[tifo_arbi]

الرئيس اللي يحسب روحو يعطيني من جيبو غير يتنحى
والمسؤول لازم يسأل ماشي يخدم بالمزية'بضم الياء"
واللي يشوف فالثقافة عرا يروح هو يثقف
واللي يدعم السياحة الماجنه ...والمساجد نلمولهم من جيوبنا .....ما يلزمناش
في الاخير راه علابلو.....انا يسألني ربي عاى روحي وعيالي
وهو يقلو ربي..واش درت في 33000000 مسكين

 

[سلماني]

بوتفليقة رئيس الجزائر والجميع به يفاخر وفي وقته عمت البشائر وعمت البلاد المباني والعمائر و اندحر الارهاب بقدرة قادر لكن ؟
ان بوتفليقة المتفاخر وجد بلدا بالنفط زاخر و جيبه بالدولار عامر وارهابا نحو التوبة سائر فوجد البلاد مقدمة في طبق فاخر فعاث فيها ازلامه بلا مخاطر وتركوا شعبا نصف شبابه مهاجر و الاخر يلا مستقبل باهر ........

 

[sarra]

المشكل فينا نحن الشعب ماش فيه هو

 

[hiba16]

السلام عليكم
انا في رايي الحمد لله بوتفليقة خذم البلاد قلب ورب .
1*رجعلنا السمعة ديالنا في العالم.
2*دار منشآت الله يبارك وحقق بعض مناصب الشغل للبطال
3*مكاين حتى بلاد التعليم فيها باطل غير الجزائر
4*............الخ
انا نحب وربي يقدروا انشاء الله ويوفقوا​

 

[Mr Lonely]

موضوع نورمالمو مفروغ منو
لكل رئيس سياسته الخاصة لو كان ما جيناش نحبوه علاش انتخبناه للمرة الثانية
و زدنا سمحنالو بتعديل الدستور باش يرجعلنا للمرة الثالثة
هو صح خدم البلاد و خلصها من الديون
يعني خدم خير من الي قبلو
بصح انا واحد من الناس نحب بوتفليقة بزاف بزاف و ما ننساوش بومدين الله يرحمه
و تقبلو مروري​

 

[لحظة أمل]

الحق بوتفليقة دار حوايج بزاف
يكفي انو خلصت البلاد من المديونية
مي ناقصو شوية يكون اكتر من هك ملتزم
ويحاول يخدم البلاد على صحيحة مش يكامومفلي برك
​

 

[khelifa007]

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

 

[baki madridi]

أنا يعجبني بوتفليقه

حتى كان عندو سلبيات
ماكانش رئيس ما يخممش على مصلحتو