les jeunes تاوعنا و رمضان!!!.. هبــــلتونا

الحالة
مغلق ولا يسمح بالمزيد من الردود.

aMiNa-K

:: عضو بارز ::
أحباب اللمة
إنضم
19 جانفي 2009
المشاركات
1,500
نقاط التفاعل
58
النقاط
37
السلام عليكم و رحمة الله و بركاته
مساء الخير لمة وشراكم؟..وش راكم دايرين مع رمضان؟

---------------------

راني حابة نحكي على رمضان.. و واش راه داير في الشباب تاوعنا :angry:
en dirait pas راهم صايمين..يهدرو بزاف.. يداوسو بالخف.. يرقدو بزاف.. و يتشرطو عالماكلة و في اللخر ماياكلو والو :thumbdown:

في النهار يشرو قاع وش كاين في الحوانت الفريجيدار تعمر مكانش وين نزيدو نحطو فيه.. و في المغرب يشربو غير الما و القازوز.. الما و القازوز.. الما و القازوز :glare:

هاد اليامات رانا الماراطون في الكوزينة مالحقاناش كامل.. هدا واحد يتشهى المحاجب .. ايه هدا رمضان طيبنا المحاجب مع المغرب :cursing:.. و لوخر يتشهى في البيتزا قال اليوم ناكل البيتزا.. و نهار قالو السباقيتي واحد قال ياكل لاصوص حمرة و لاخر قال لالا ناكل لاصوص تاع الفرماج
و في المغرب كما نحطوالطابلة كما نرفدوها

علاش هاد الشي كامل؟.. علاش هاد الديرونجمو كامل و مع اللخر مكان والو؟..و و علاش هاد التبدير قاعتيك؟.. و الله ديفوا الماكلة تفعد يومين في الفريجيدار و مع اللخر تترمى خسارة

---------------------

عندي شوية اسئلة للشباب :001_cool:
قولولي زعمة كي تخرجو للحوانت:
-هللللللللللللل.. هل كي تشوفو حاجة شهاتكم تصبرو عليها و ماتشروهاش؟
كي تبعثكم يماكم تشرو.. تشرو غير وش كاين فلاليلست و لا تزيدو بزاف من عندكم؟

-و هلللللل.. هل مع المغرب تكملو ال bol تاع الشربة كامل و تزيدو deuxieme plat.. و لا تدخلو غير عالما و القازوز؟
- و هلللللللل.. هل راكم مهبلين يماكم و خياتكم على مواكل تتشهاوهم و مع اللخر تبقاو غير تخزرو فيهم؟
-و هلللللللل.. هل تجيكم الماكلة في الليل؟.. يعني تلحق ال12 تاع الليل تبداو تقربعو في الكوزينة؟
و هللللللل.. (علابالي هبلتكم ب: هلللللل :lol:).. بصح هاد المرة السؤال موجه للبنات
les filles هل توافقوني على واش قلت؟ :001_cool:.. و هللللللل خواتكم و باباكم مهبلينكم في الكوزينة و كل دقيقة يطلو على المرميطة؟.. و ادا عندكم اضافات اكيد تقدرو تضيفوها :cool:

---------------------

و صح فطوركم.. و تقبل الله صيام و قيام الجميع


 
...باختصار أختي انا منروحش نقضي وادا رحت نشري واش وصوني بركـ ,أما على التشراط انا خاطيني
انا ناكل واش حظر ونخرج...
شكرا اختي على هدا التبهديلـ لي درتيهونا
هههههههههههه
صحا فطورك
 
les filles هل توافقوني على واش قلت؟ :001_cool:.. و هللللللل خواتكم و باباكم مهبلينكم في الكوزينة و كل دقيقة يطلو على المرميطة؟.. و ادا عندكم اضافات اكيد تقدرو تضيفوها

ايه نوافقك كي يكونو صايمين اللي يلقاوها فالسوق قع يشروها
بصح هذي تاع المرميطه مكاش منها ميجوش يطلو على واش كاين فيها ههه
شكرا لك على الموضوع
 
السلام عليكم و رحمة الله و بركاته
مساء الخير لمة وشراكم؟..وش راكم دايرين مع رمضان؟

---------------------


---------------------

عندي شوية اسئلة للشباب :001_cool:
قولولي زعمة كي تخرجو للحوانت:
-هللللللللللللل.. هل كي تشوفو حاجة شهاتكم تصبرو عليها و ماتشروهاش؟
كي تبعثكم يماكم تشرو.. تشرو غير وش كاين فلاليلست و لا تزيدو بزاف من عندكم؟
انا منقضيش لخرين يقضو ويجيبو واش توصيهم لعجوز
-و هلللللل.. هل مع المغرب تكملو ال bol تاع الشربة كامل و تزيدو deuxieme plat.. و لا تدخلو غير عالما و القازوز؟
انا نكمل bol نتاع الشربة قبل ومن بعد نعطيها بكاس ومن بعد ندخل على 2 بلا ونزيد كاس ونزيد لحلو ونعطيها بزوج كيسان هذه الحقيقةانا اكول مكراش فوووووووووور
- و هلللللللل.. هل راكم مهبلين يماكم و خياتكم على مواكل تتشهاوهم و مع اللخر تبقاو غير تخزرو فيهم؟
اوااااااه انا ندخل عليها رصاص وشبيك نطمع في لخرين
-و هلللللللل.. هل تجيكم الماكلة في الليل؟.. يعني تلحق ال12 تاع الليل تبداو تقربعو في الكوزينة؟
هذي لالا جامي درتها في رمضان من لفطور منزيدش pourtant راني مكراش وهذي محيرتني ههههه
و هللللللل.. (علابالي هبلتكم ب: هلللللل :lol:).. بصح هاد المرة السؤال موجه للبنات
les filles هل توافقوني على واش قلت؟ :001_cool:.. و هللللللل خواتكم و باباكم مهبلينكم في الكوزينة و كل دقيقة يطلو على المرميطة؟.. و ادا عندكم اضافات اكيد تقدرو تضيفوها :cool:

---------------------

و صح فطوركم.. و تقبل الله صيام و قيام الجميع




صح فطورك ومتنسايش اللي يكلوها لبنات بعد ما نخرجو يعلم بها الله ودايرين رواحهم مسكينات والو هههههههههههههههه
 
خلي نشوفو الشباب واش يجاوبو
شكرا لك
 
H@teM، تم حظره "حظر دائم". السبب: مخالفة القوانين
شوفي اختي مشكورة على الموضوع
كانك على القضية انا والقوسطوا تاعي نحب نشري ولا غيري
اما فيما يخص الماكلة نشرط سعات ناشي ديمة
وانتوما لبنات شوي حقى اك ديروا اكثرمن هك
 
كي تبعثكم يماكم تشرو.. تشرو غير وش كاين فلاليلست و لا تزيدو بزاف من عندكم؟

كي نروح اي مليحة

-و هلللللل.. هل مع المغرب تكملو ال bol تاع الشربة كامل و تزيدو deuxieme plat.. و لا تدخلو غير عالما و القازوز؟
نفطر على الما
- و هلللللللل.. هل راكم مهبلين يماكم و خياتكم على مواكل تتشهاوهم و مع اللخر تبقاو غير تخزرو
هيه
-و هلللللللل.. هل تجيكم الماكلة في الليل؟.. يعني تلحق ال12 تاع الليل تبداو تقربعو في الكوزينة؟

ساعات


امالا انت من الجماعة اللي تاكل بعينيها :bored:
داركم الله يكون في عونهم
 
...باختصار أختي انا منروحش نقضي وادا رحت نشري واش وصوني بركـ ,أما على التشراط انا خاطيني

انا ناكل واش حظر ونخرج...
شكرا اختي على هدا التبهديلـ لي درتيهونا
هههههههههههه

صحا فطورك

زعمة انت تغلب كرشك.. ماشي هي تغلبك :glare:

الله يسلمك عالتبهديل..شحلكم تستاهلو ههههههه.. عاد راني ماحكيتش كلش مازالها الحالة شوية مستورة هههههه

الله يسلمك خويا و صحا فطورك انت تانيك
 
les filles هل توافقوني على واش قلت؟ :001_cool:.. و هللللللل خواتكم و باباكم مهبلينكم في الكوزينة و كل دقيقة يطلو على المرميطة؟.. و ادا عندكم اضافات اكيد تقدرو تضيفوها

ايه نوافقك كي يكونو صايمين اللي يلقاوها فالسوق قع يشروها
بصح هذي تاع المرميطه مكاش منها ميجوش يطلو على واش كاين فيها ههه

شكرا لك على الموضوع


راكي تشوفي اختي كيفاش راهم مهبلينا
امالا مكانش عندكم اللي يطل في المرميطة.. نسلفولكم اللي يطل فيها هههههه

ميرسي عليك اختي
 
الحق انا الجاري ما نكالوش اصلا طول ناكل الدوزيام بلا ولا ندخل عليها ماء وقازوز هههه
آآآآ لازم كي نسخف على خاجة يشريهالي بابا ولا خويا سينو نديرلهم حال في الدار ههههه
انا كي توصل الوحدة تاع الليل هذاك واين نفطر فطرة تاع الصح وهذا واين نجوع ونبدا ناكل
بيانسور نوافقوك على واش قلتي ههههه
خاوتي وبابا ما يجيوش خلاص للكوزينة ما يدوروش لتما خلاص


شكرا على الموضوع
 
في الحقيقة كرهو من لاليست لأنني دايما نبدلها
وعلى هذا يقلك جيب واش تحب
المحاجب أنا ثاني كليتهم في رمضان
معليش عندنا مثل يقول
الرجال يتوحمو في رمضان
 
انا منقضيش لخرين يقضو ويجيبو واش توصيهم لعجوز

امالا انت راقدة و تمونجي ههههه

انا نكمل bol نتاع الشربة قبل ومن بعد نعطيها بكاس ومن بعد ندخل على 2 بلا ونزيد كاس ونزيد لحلو ونعطيها بزوج كيسان هذه الحقيقةانا اكول مكراش فوووووووووور

الله يبارك الله يبارك.. هايليك الناس اللي تاكل و تفرج عالقلب :cool:.. بصحتك خويا.. كول قد ماتقدر ماشي كما شي ناس النهار كامل و هوما يقولو ناكلو ناكلو و مع المغرب مكاين والو :thumbdown:

اوااااااه انا ندخل عليها رصاص وشبيك نطمع في لخرين
ههههههههههههه
بصحتك
هذي لالا جامي درتها في رمضان من لفطور منزيدش pourtant راني مكراش وهذي محيرتني ههههه

ههههههه
اواه ادا هدا كامل و مع اللخر تزيد تاكل في الليل غير روح شوف طبيب على روحك :lol:



صح فطورك ومتنسايش اللي يكلوها لبنات بعد ما نخرجو يعلم بها الله ودايرين رواحهم مسكينات والو هههههههههههههههه

هههههه
انا نهدر على روحي.. انا نقب من كل حاجة شوية شوية :cool:

ميرسي winzip :tongue_smilie:على المرور الرائع
 
راكي بهدلتي بيهم هههههههههههههه
انا معنديش خاوة دراري رانا متهنيين
ايه نوافقك في كلش
مشكورة
 
شوفي اختي مشكورة على الموضوع

كانك على القضية انا والقوسطوا تاعي نحب نشري ولا غيري
اما فيما يخص الماكلة نشرط سعات ناشي ديمة
وانتوما لبنات شوي حقى اك ديروا اكثرمن هك

مافهمتش الجملة المسطرة :001_huh:
و يا يما على القوسطو تاعكم.. انا اللي متقلبة و كل يوم بحال بصح ماشي كما الشباب في رمضان.. شغل راكم تتوحمو هههههه

و البنات مساكن ماتهدرش عليهم.. رانا حاصلين في الكوزينة :crying:

 
الحق انا الجاري ما نكالوش اصلا طول ناكل الدوزيام بلا ولا ندخل عليها ماء وقازوز هههه
آآآآ لازم كي نسخف على خاجة يشريهالي بابا ولا خويا سينو نديرلهم حال في الدار ههههه
انا كي توصل الوحدة تاع الليل هذاك واين نفطر فطرة تاع الصح وهذا واين نجوع ونبدا ناكل
بيانسور نوافقوك على واش قلتي ههههه
خاوتي وبابا ما يجيوش خلاص للكوزينة ما يدوروش لتما خلاص

شكرا على الموضوع

ههههه
امالا يجيك التروحين في الليل :laugh:

و لازم توافقيني في الراي :angel_not:

صحا فطورك اختي و صحا صحورك تانيك

ميرسي
 
في الحقيقة كرهو من لاليست لأنني دايما نبدلها

وعلى هذا يقلك جيب واش تحب
المحاجب أنا ثاني كليتهم في رمضان
معليش عندنا مثل يقول
الرجال يتوحمو في رمضان

هههههههههههه
يا يما انت واحد ملي كتبت عليهم في الموضوع.. بالعقل على داركم ماتهبلهمش

مزية رمضان شهر برك و يجوز

صحا فطورك خويا و صحا صحورك تانيك
ميرسي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top