جيزي وموبيليس يشجعو في لفساد

[abidou 20081]

عندك حق بعض العروض للموبايلات تشجع على الفساد

صحا فطورك وربي يتقبل خويا أدهم

أنت لي عند الحق خويا وراك تشوف باينة عيني عينك كل بونيس وكل باطوليس غير فالليل واش من معنى هذي البورتابل يمشي غير فالليل ولا جماعة النهار ماشي عباد ربي يجيب الخير برك
ربي يحفظك وربي يخليك ويعطيك ماتتمنى خويا نورت الصفحة وربي ينورك دمت

 

[مهديmido]

هو كي مدلهم لي بونيس عند فايدة
و المشكل احنا علابالنا
بصح ربي يهدي ان شاء الله
وكيما قلت
راهم يفسدو في الشباب

 

[aziz-org-007]

السلام عليكم و رحمة الله و بركاته ....
عندك الحق يا خويا الناس بطلو الهدرة ديراكت و رجعو يهدرو اااان ديراكت ...بلاك باش يايفيتيو التقلاق و المشاكل للي تجي من الهدرة في الوجه هههههههههههه :sad:
-خويا الدنب ماشي دنب موبيليس ولا جيزي
هوما يعطيوك بونيس و انت و رايك
قادر تجيب حسنات ولا تجيب بيه سيئات :angry:

 

[abidou 20081]

هو كي مدلهم لي بونيس عند فايدة
و المشكل احنا علابالنا
بصح ربي يهدي ان شاء الله
وكيما قلت
راهم يفسدو في الشباب

صح فطورك خويا مهدي وربي يتقبل

كيما قلت خويا مهدي هما يحوسو على الفايدة وحنا علابالنا بصح المشكلة لكبيرة هي كامل على بالنا وراهي ماشية وتزيد ماشي ماشية وتنقص ومع هذ لي بونيس لي بداو يكثرو ربي يسلكها على خير وخلاص ربي يحفظك وربي يخليك وربي يعطيك ماتتمنى خويا مهدي
وربي يتقبل الصيام والقياموصالح الأعمال ​

 

[abidou 20081]

السلام عليكم و رحمة الله و بركاته ....
عندك الحق يا خويا الناس بطلو الهدرة ديراكت و رجعو يهدرو اااان ديراكت ...بلاك باش يايفيتيو التقلاق و المشاكل للي تجي من الهدرة في الوجه هههههههههههه :sad:
-خويا الدنب ماشي دنب موبيليس ولا جيزي
هوما يعطيوك بونيس و انت و رايك
قادر تجيب حسنات ولا تجيب بيه سيئات :angry:

وعليكم السلام ورحمة الله تعالى وبركاته
صحا فطورك خويا عزيز وربي يتقبل
خويا منين تجي تشوف لصح عندك الحق الدنب ماشي في جيزي ولا في موبيليس
كل واحد يحوس على فايدتو الدنب راهي فالعباد هي لي لقات لاليبرتي ودارت رايها
وهما منين لقاو منين يمشوالمشاريع تاعهم وعلاش ما يمشوهاش وكل ماتكثر عندهم هذ الأمور كل ماتزيد هما تحلالهم كثر والسلعة تاعهمتمشي كثر بصح خويا الحاجا لي راني مركزعليها كثر هي الوقت لي رانا فيه مع هذ الديقوطاج ومع قلة الشي والزواج ناقص وغيرها من السلبيات
يعني لقاو أرض خصبة باش يزرعو هذ لفكاير ويزيدو يشجعو فيها بهذ لي بونيس وربي يجيب الخير
ربي يحفظك خويا وربي ينورك كيما نورت الصفحة
وتقبل الله الصيام و القيام وصالح الأعمال دمت ​

 

[بنت الـ25]

يسلمو عبيدو عالموضوع المميز
فعلا...هدا هو رايي
ومادام الربح كاين ماتهمهمش المبادئ
يتبعو سياسة "كل الطرق تؤدي الى الربح"
حدث مرة وان قالتلي وحدة تقرا معايا (هي مقيمة في الاقامة الجامعية) لما بدلولها لاسيتي:
خسارة..لا سيتي الجديد ما فيهش الريزو..قلتلها: ايه صح..كون تحبو تعيطو لماليكم ماتحكموهمش
قالتلي: لالا..كنا في لاسيتي لقديم كي نقلقو ونحبو نعقبو الوقت نبيبيو لكاش نيميرو 070 ميلينيوم ويعاودولنا نجيبو بيهم الليل.. مي دركا ماكانش الريزو
تشوكيت...مي وش نقولو : ربي يهدي الخلق (من جازي لموبيليس للناس)
قول آمين عبيدو
بارك الله فيك وربي يحفظط خويا​

 

[شذى الجنة]

شكرا لك أخي على طرحك هاذ الموضوع الهام

هاذ الظاهرة كامل منحبوهااش وخاصة لي بونيس تاع الليل يعني علاه الليل بالذات راهم يربحة في الصوارد على حساب شبابنا لي راهم يضيعو في وقتهم و مالهم في هدرة تافهة وتوصل حتى لهدرة مش محترمة
ومستحيل تعقب ليلة بلا ميبيبيلك رقم جديد ولا يعيطلك رقم جديد وكامل يحوسو على الهدرة الفارغة

الله يهدي شبابنا​

 

[abidou 20081]

يسلمو عبيدو عالموضوع المميز
فعلا...هدا هو رايي
ومادام الربح كاين ماتهمهمش المبادئ
يتبعو سياسة "كل الطرق تؤدي الى الربح"
حدث مرة وان قالتلي وحدة تقرا معايا (هي مقيمة في الاقامة الجامعية) لما بدلولها لاسيتي:
خسارة..لا سيتي الجديد ما فيهش الريزو..قلتلها: ايه صح..كون تحبو تعيطو لماليكم ماتحكموهمش
قالتلي: لالا..كنا في لاسيتي لقديم كي نقلقو ونحبو نعقبو الوقت نبيبيو لكاش نيميرو 070 ميلينيوم ويعاودولنا نجيبو بيهم الليل.. مي دركا ماكانش الريزو
تشوكيت...مي وش نقولو : ربي يهدي الخلق (من جازي لموبيليس للناس)
قول آمين عبيدو
بارك الله فيك وربي يحفظط خويا​

صحا فطورك ختي سندريلا وربي يتقبل
والله غير نستعرف بيك وبالصراحةتاعك والله غير لي تحكي فيه كامل كاين منو درك ولاو غير تاع تفوات وقت والزهوكيما راهم يتصورو فيه يعني راهي مريحة تضرب في راسها تقولك أنا نبيبي وين حكمت راني نقصر وخلاص يعني مكانش حاجا تمنعها الأسم غالط ومكانش لي يعرفها والطفل لي تهدر معاه ماتعرفوش كل الطرق تؤدي إلى الريح كيما قلتي والله غير كلمةهايلة يعطيك الصحة
سندريلا من لكلام لي قلتيه تعرفي بلي هذ الطفيلات عارفين وقاصدين واش راهم يديرو حتى مرات نقولو رانانظلمو في جيزي ولاموبيليس ومرات نقولو لوكان ينحو لي بونيس والباطل فالليل نظن تنقص بزاف هذ اللأمور فالنهار الناس تولي لاهية غير في خدمتها ولا تقضي في شغالاتها
غير إذا نولو شعب واحد أخر يعني نولو نريحو فالنهار ونقضو شغالاتنا فاليل مانيش عارف ربي يجيب الخير برك ربي يحفظك وربي يخليك وربي يعطيك ماتتمني ختي سندريلا وأنت قولتيلي قول أمين وأنا نقولك ياربي أمين وحنا مانتمناو غير ترجع الأمور مليحة وترجع ذيك الثقة لي كانت زمان ويتنح علينا هذ لفساد والله نتمناو غير الخير للجميع وهكذاك كامل نولو فالفايدة دمتي ودام تألقك
وتقبل الله الصيام والقيام وصالح الأعمال ​

 

[abidou 20081]

شكرا لك أخي على طرحك هاذ الموضوع الهام

هاذ الظاهرة كامل منحبوهااش وخاصة لي بونيس تاع الليل يعني علاه الليل بالذات راهم يربحة في الصوارد على حساب شبابنا لي راهم يضيعو في وقتهم و مالهم في هدرة تافهة وتوصل حتى لهدرة مش محترمة
ومستحيل تعقب ليلة بلا ميبيبيلك رقم جديد ولا يعيطلك رقم جديد وكامل يحوسو على الهدرة الفارغة

الله يهدي شبابنا​

الشكر لك أختي العزيزة شذى الجنة والذي أدعو الله أن تكوني ونكون من أهلها

والله ياختي لوكان جات تستعمل في أمور مهمة والله غير مليحة بصح باش يستعملوها غير لفساد هذي ماشي مليحة وهذي لي مايقبلها حتى واحد والمشكل لكبير لي صبحنا نشوفو فيه هو التخلاط يعني من رقم لرقم والناس عندها لي بونيس والباطل ولاو تاني يديرونجو فالناس تاع صوني بوزهرون بالاك تحكملك وغيرها من الأمور والنقطة السلبية لكبيرة هي تاع من واحد لواحد ومن وحدة لوحدة *عادي وحتى ولاو من اللول مايعرف لا فيها لا خطيها ولا متزوجةولا مريضة غير يبعت يبغي يبدى يخسر فالهدرة قلة حيا تقول حيوان حشاك ما يقدر مايعرف قدر وشحال من وحدة سببو لها مشاكل غير بهذ لحوايج بصح مايفكروش وتاني النقطة كيما سبقت الأخت سندريلا وقالتها تاع الطفيلات لي تقولك نجيب الوقت مع لي تبعت تاني نحب تلصق مما سبب مشاكل حتى لرجال لي متزوجين وخاطيهم هذ الشي وتخلطت الأمور وربي يجيب الخير برك ربي يحفظك وربي يخليك ويعطيك ماتتمني وتقبل الله الصيام والقيام وصالح الأعمال دمتي​

*

 

[sleepingbeauty]

انا تاني مافهمت والو نحب نعيط في الليل لكاش واحد في الجزاير خويا و لا خطيبي والو ما نحكم ما نكتب و ساعات يتخربطوا الخيوط نطيح في واحد ما نعرفوا ما ندريه و في النهار نحكم نورمال فهمتها بلي لي كوبل راهم مدايرين حالة رمضان رمضان ربي يهدينا
​

 

[abidou 20081]

انا تاني مافهمت والو نحب نعيط في الليل لكاش واحد في الجزاير خويا و لا خطيبي والو ما نحكم ما نكتب و ساعات يتخربطوا الخيوط نطيح في واحد ما نعرفوا ما ندريه و في النهار نحكم نورمال فهمتها بلي لي كوبل راهم مدايرين حالة رمضان رمضان ربي يهدينا
​

صحا فطورك ختي وربي يتقبل

شوفي ختي والله يا هذي مافيها شك وقضية الخالوطة هذي ماشي قضية لي كوبل أنا نقولهالك عارفينا شعب ماكاين والو يجيبولنا غير لمدرح يعني لا ريزو مليح ولا إتقان فالخدمة تلقى روحك مرات
مستعجل على حاجا ولا متفق مع واحد في حاجا مهمة والريزو ربي يجيب ومرات من الخدمة المتقنة تاعهم تطيحك في غاشي ماتعرفيهش وزيد إذا طحتي في واحد من العباد لي ماترحمش عندك ماتسمعي والنيميرو تاعك يصبح مسجل عندو ويبدى الديرونجمون وخليها ترقد ربي يهدينا كيما قلتي
وربي يحفظك وربي يعطيك ماتتمني نورتي الموضوع ربي ينورك ودمتي ​

 

[محمدdzقسنطيني]

ههههههههههههههههههههه والله يا خويا تجي تفهم دوخ مشكور على الموضوع وبرك الله فيك وربي يعونك خويا والله موضوع حساس بصح كنت نقراء في الردود بقيتهم كمل يقولو حنا منخدموش البونيس ملى شكون الشباب تع الجزائر من الشرق للغرب من الشمال للجنوب تبات تحكي غير الشياب لي رقدى حتى لمتزوجين ويحكو

 

[حكيم البرايجي]

أخوي صراحة أنا معارض رأيك

راني في رمضان والناس ماترقدش حتان 12 نتاع الليل

أنا اللول حتان السحور باش نرقد

مجرد رأي

تحياتي
​

 

[مغرورة بأنوثـتي]

هههههههههههههههههههههههه
الباطل يبطل خوا عندك الحق
والله غير توحشت هادوك ليام اللي كان الواحد
يفليكسي 10000 ويعيط لحنونتو تجي الهدرة
حلوة وعندها فايدة
ودوك أنا شريكي عندو الميلينيوم في الليل
و عندوا جيزي وحدوخرا تاع الباطل في النهار
حتى وليت في الكلاسة الشيخ يشرح
و أنا دايرة الكيتمان



واش تحب ......؟؟؟ هذه حالة الفارغين شغل اللي حصلوا مع جيزي.........

 

[maya31]

السلام خويا عبيدو و صحا فطورك
و الله غير موضوع هايل
ايه عندك الحق يا خويا
موبيليس و لا دجيزي سيغتو و لا نجمة راهي كاينة كونكيرونس ما بيناتهم شكون هو الي تكون عندو اكبر زبائن و باش يديرو هكا لازم يغريوهم بعروض مغرية
و يشجعوهم على فساد كيما قلت

الهدرة باطلة بعد ساعة 12 نتع الليل يتسما راه يقولو بات ساهر و ششايخ و تلقاهم الملينيوم هدا يديروه كترية غير باش يحكيو في الشكيل حتى لصباح و كاين الي يستعمل هكا باش يبقى يزعق على ناس و الغاشي في وسط الليالي

و الله غير هاذ الحالة راهي غير تزيد و تزيد ما نعرف وين رانا رايحين نوصلو


ربي يجيب ما فيه الخير

صحيت خويا عبيدو و بارك الله فيك موضوع رائع

و صحا فطورك و صحورك

​

 

[abidou 20081]

ههههههههههههههههههههه والله يا خويا تجي تفهم دوخ مشكور على الموضوع وبرك الله فيك وربي يعونك خويا والله موضوع حساس بصح كنت نقراء في الردود بقيتهم كمل يقولو حنا منخدموش البونيس ملى شكون الشباب تع الجزائر من الشرق للغرب من الشمال للجنوب تبات تحكي غير الشياب لي رقدى حتى لمتزوجين ويحكو

صحا فطورك خويا محمد لقسنطيني وربي يتقبل

ماتفهم ماتدوخ خليها على ربي خويا وهذي مافيها شك بلي بزاف لي يباتو يحكو بصح المشكلة لي رانا نحكو عليها ماشي على الشباب لي راها تحكي المشكلة فاناس لس دارتلهم كلالتشجيعات باش تزيد هذ لحكايات كثر ومنها راك تشوف الأمور وين وصلت ونقولك خويا ماكانش لي مايحبش البونيس ويكدب عليك لي قولك عكس هذ الهدرة وشكون لي مايحبش الباطل خويا محمد بصح لوكان جا يستعمل في أمور ملاح ماعليش بصح باش يزيد يوسع الهوة بين الشباب والشابات هي لي ماشي مليحة وعلى بالي الأمر يدوخك كيفاس يوسع الهوة وهما يضلو يحكو مع بعض في المرحلة هذي صح راه مقربهم بصح منين يجي وقت الزواج راك تشوف واش يصرى ربي يحفظك خويا وربي ينورك كيما نورت الصفحة وربي يعطيك ماتتمنى دمت ​

 

[zahra09]

عندك الحق 100/100

بدون تعليق

تحياتي​

 

[abidou 20081]

أخوي صراحة أنا معارض رأيك

راني في رمضان والناس ماترقدش حتان 12 نتاع الليل

أنا اللول حتان السحور باش نرقد

مجرد رأي

تحياتي
​

صحا فطورك خويا لبرايجي وربي يتقبل
ياخويا نحترم رأيك مهما كان وماشي غير أنت لي تبات نايض
كاين بزاف بزاف ياخويا و نحيك على الصراحة تاعك ربي يحفظك
وربي يخليك خويا وصحا صحورك بالمناسبة ​

 

[abidou 20081]

هههههههههههههههههههههههه
الباطل يبطل خوا عندك الحق
والله غير توحشت هادوك ليام اللي كان الواحد
يفليكسي 10000 ويعيط لحنونتو تجي الهدرة
حلوة وعندها فايدة
ودوك أنا شريكي عندو الميلينيوم في الليل
و عندوا جيزي وحدوخرا تاع الباطل في النهار
حتى وليت في الكلاسة الشيخ يشرح
و أنا دايرة الكيتمان



واش تحب ......؟؟؟ هذه حالة الفارغين شغل اللي حصلوا مع جيزي.........

صحا فطورك ختي مغرورة بانوثتي وربي يتقبل
الباطل يبطل صح بصح فالليل مع موبيليس وجيزي مايبطلش هههههههههههه
شقتي كيفاش منين الواحد يكح شحال تجي الهدرة قليلة وفيها الفايدة ماشي كيما الباطل
العالم كامل يحطوه على الطابلة وماتحبش تخلاص الهدرة
ونقولك الله يخليلك شريكك هذا بصح هذا راه قلبها ليل ونهار
كمل عليها تاع الصح وهذا مايرقدش كامل وأنت لي تباتي الليل ساهرة ونهار
بالكيتمان تروحي تسمى راكي تروحي ترقدي فالقسم
ولا تاني راكي تسخني فالكرسي هههههههههههههه
وقبل كلش نحييك على الصراحة تاعك ونقولك
المهم ختي والله غير ليراني نقصد فيهم هذوك لي يظلو من وحدة لواحد ة
وهي من واحد لواحد وراني شحال من خطرة عاوتها هذوك هما لي راهم مفسدين الدنيا
كامل وهذوك لي مايستاهلوش البونيس ومايستاهلوش
وما يستهلوش حتى باش الواحد يهدر عليهم
ربي يحفظك وربي يخليك وربي يجمع بيناتكم في لحلال
على سنته وسنة رسوله الكريم عليه الصلاة والسلام
وتقبل الله الصيام والقيام ​

 

[abidou 20081]

السلام خويا عبيدو و صحا فطورك
و الله غير موضوع هايل
ايه عندك الحق يا خويا
موبيليس و لا دجيزي سيغتو و لا نجمة راهي كاينة كونكيرونس ما بيناتهم شكون هو الي تكون عندو اكبر زبائن و باش يديرو هكا لازم يغريوهم بعروض مغرية
و يشجعوهم على فساد كيما قلت

الهدرة باطلة بعد ساعة 12 نتع الليل يتسما راه يقولو بات ساهر و ششايخ و تلقاهم الملينيوم هدا يديروه كترية غير باش يحكيو في الشكيل حتى لصباح و كاين الي يستعمل هكا باش يبقى يزعق على ناس و الغاشي في وسط الليالي

و الله غير هاذ الحالة راهي غير تزيد و تزيد ما نعرف وين رانا رايحين نوصلو


ربي يجيب ما فيه الخير

صحيت خويا عبيدو و بارك الله فيك موضوع رائع

و صحا فطورك و صحورك

​

وعليكم السلام ورحمة الله تعالى وبركاته
وربي يسلمك وأنت زادة ختي مايا
ونقولك الموضوع رجع هايل بالمشاركة تاعك ربي يخليك وربي يحفظك
كيما قلتي ختي نقولك كامل لي ريزو يحوشو على الفايدة تاعهم منين
تخلى لبلاد ماعلابالهمش بها والهدرة من 12 تاع الليل قليل وين تكون على شغالات
ونحكيلك أنا عليا باش ماتظلموش جماعة الميلينيوم وأنا واحد منهم
بالعكس ماشي تظلم والله غير هما يظلمو وخاصة منين يكون عندك ميلينيوم
كل مرة يصونيلك نيميرو ماتعرف كامل منين جاي حتى وليت تقريب كل يوم مطفيه
ودايرلو الكود وزيد منين نكون نهدر مع واحد فالليل والله غير لي تفوت قدامو يقولك راه يهدر مع وحدة كامل شاكين وماكانش لي يامن وسبابها هذ الأمور لي رانا نشوفو فيها
لوكان كانت الأمور مليحة والله واحد مايشك في واحد بصح منين كثرت الخالوطةواش تحبي تديري
ربي يجيب الخير برك ربي يحفظكوربي يخليك والموضوع نور بالطلة تاعك وربي ينورك
ويعطيك ماتتمني وصحا فطورك وصحا صحورك وربي يتقبل ​