وزارة الداخلية والخارجية...فوطي باش تتغير

Ninja_09

:: عضو بارز ::
أحباب اللمة
إنضم
15 ماي 2009
المشاركات
1,385
نقاط التفاعل
1
النقاط
42
سلاام عليكم يا احباب قسم واش راك تهدر
رح نهدر على وزارة الداخلية : قالوا بلي تمثلها المرأة وزارة الخارجية يمثلها الرجل

قبيلة شوية قاعد في المحل نبيع جاء واحد يشري من عندي في حوايج قالي لازم تكون مليحة السلعة راني منحبش المشاكل في الدار راها لمعلمة والله ترخسني وتضربني ...؟ وهو الله يبارك جثة طول وعرض....
وقبلها بيامات العيد راجل بطول وعرض جات امرأة دير في لشااان زعمة تخرج نقمة قالولها روحي كيما لشااان نتاع النساء..نطق فيهم راجل طول بعرض قالهم رانا قاع نساء لاه دير لشان معاهم تريح هنا وخلاص.
مي انا معجبتنيش قتلوا حاب تكون مرأة روح دير شان معاه.
عدنا في المشاكل في وقت رمضان

يعني اللوم يقع على المرأة لكن يتحملو الراجل لانو هو رخس روحو ويطيح بقيمتو كزوج و لا كأخ ولا كأب ...يعني اذا راح ااحترام من عندو كيفاش امرأة تحتارموا.
يعني مستحيل باش الراجل يضرب امرأة ضعيفة ولا يرخسها بالكلام ليموش مليح بصح واحد نتصوروا يخاف من مرتو ولا يحس بلي هو امرأة ....تبالي حاجة كبيرة واش من مرأة راه مديها حتي يخاف منها ( كنت نظنها بلي المرأة منبع الحنان) تزيل الهم على راجلها اذا مقلق موش تلحق عليه.
بصح بانتلي بلي الرجلة موش في شحال توزن وشحال طولك خاطر بانتلي زيرو (00) اذا الراجل مرخس روحو قدام المرأة
ميش نقلوا زيرها ولكن زير انت روحك تفهم مدامك ولا البنت
اللي معاك روحها ...
تبالي المرأة اذا كانت مكلفة بوزارة الداخلية رح تسيطر حتى على الوزارة الخارجية خاطر هي اللي تضمن الاستقرار ولا التفاهم ولا التمرد .
من الاحسن نلغيو مصطلح وزارة الداخلية ولا نقصولها في المهام ونوسعوا مهام الرجل من وزير الخارجية الى رئيس الحكومة او رئيس البيت


فوطي بتعليق عاونا بيه ولا عاونينا بيه
 
H@teM، تم حظره "حظر دائم". السبب: مخالفة القوانين
لا خويا محقكش ماشي قاع الرجال
هنا عندنا والله ماتهدر ولا تحل فمها
نسمع لرايها وكلش mais في لخر راي
الراجل لي يمشي
وحاجة اخرى العصمة في يد الراجل
وعندك الحق في حاجة كاين راجل من راجل
هي لي متزوجة بيه ماشي العكس
مشكور خويا على الموضوع الرائع
 
لا خويا محقكش ماشي قاع الرجال

هنا عندنا والله ماتهدر ولا تحل فمها
نسمع لرايها وكلش mais في لخر راي
الراجل لي يمشي
وحاجة اخرى العصمة في يد الراجل
وعندك الحق في حاجة كاين راجل من راجل
هي لي متزوجة بيه ماشي العكس
مشكور خويا على الموضوع الرائع


اهلا خويا حاتم ربي يخليك على كادوك راه لحق ورح نعطيك مثلو خويا
انا اسمحلي عطيت مثال ولا زوج وحكيت عليهم يعني ما جملتش
خاطر قادر نحكيلك على العكس كاين نساء كي تشوف زوجها تموت
هاذي نورمال خاطر راجل بصح انا نحكي على لي آنورمال
كي مرأة تتزوج براجل موش العكس
ميرسي حاتم رانا متفاهمين متخافش
بصحتك على المرور
 
في الحقيقة يمنع تولي اي منصب داخل الاسرة لطرف وحيد على حساب الطرف الاخر

والمسؤولين تكون من الطرفين ولكن ياترى هل راح يكون تفاهم في تحديد المسؤوليات بينهم

في وقت جدودنا ووالدينا كان الراجل يحكم جميع المناصب داخلية خارجية المالية وحتى الاسكان

ووكانت وزارة يسموها وزارة اللبسة كان يشري الروبة او المنديل لمرتو ويطيشولها فوق راسها

وهي تلبسو بدون نقاش صغير كبير طويل قصير عريض زرق احمر اخضر اصفر لا نقاش مع مول البيت

المهم السترة والهنا .

الان مع تطور المجتمع والمراة اصبحت متعلمة وحتى متفقهة في الدين والسياسة والصحة وحتى في

اللباس وخاصة مع القنوات الفضائية والفضائحية اصبحت تحكم جميع الوزارات وخاصةوزارة المالية بيد

من حديد والدورو ميفوتش الا بعد موافقتها .

لانو ذالك الراجل المتسلط والمتحكم والي كان يحسب روحو غير هو الفاهم على المراةوجد روحو

امام عقلية جديدة وفهم جديد وقوانين جديدة .وزيد عليها الازمة والضنك المالي عندما لا يستطيع الراجل

توفير لقمة العيش للاسرة يستعين بالزوجة ماشي كيما قبل كان الراجل يحشم يقول لمرتو معنديش ولا

منقدرش واذا مكانش الماكلة واللبسة العفاف والكفاف عايشين وحامدين ربي

اما الان الكثير من الرجال استسلمو وسلمو زمام الامور للزوجة بعدما استعانو ركنو الى الراحة

والاستجمام وتركو جميع الادوار للزوجة وانتم تعرفوالمراة اذا ضاقت الدورو وضاقت حلاوة النقود

وهكذا غير بشويا بشويا انقلبت اية الليل والنهار واصبح الراجل يقوم بدور المراة والمراة تقوم بدور

الراجل وبهذا لا تستغرب خوف الرجل من المراة وعندما تتحكم الزوجة بمعيشة الاسرة ومصيرها راح

الزوج يخاف على نفسو ومستقبلو

ويصبح تابع يسمع ويطيع المهم راهي ساترتني مرتي وخلاص .

هذه نوع من الرجال والاسر ولكن كاين نوع مزير ومعاه متاكلش المراة في طابلة وحدة .وطبعا هنا

لازم يكون قد كلمتو ورجلتو وجيبو ديما مليان وعندو النيف والمحيط اللي تربى وعاش فيه ميسمحلوش

باه يسمع من المراة كلمة لا ..

وكاين رجال معتدلين ماهو مزير ماهو مرخوف شاد العصا من الوسط يشارك زوجتو في القرارات

وربما يعملو في الاثنين ولكن واحد ميتغلب على الاخر متفاهمين ومتقاسمين الادوار بتناسق

وعايشين في نعيم



.
 
السلام عليكم و رحمة الله تعالى و بركاته
ممكن هيا اللي عقدت عليه ماهوش هو اللي عاقد عليها
سلام
 
السلام عليكم و رحمة الله تعالى و بركاته

ممكن هيا اللي عقدت عليه ماهوش هو اللي عاقد عليها

سلام

اذا كانت هي الخدامةوجابت كل شيء من عندها حتى الطالب ممكن تصير بزاف في وقتنا هذا يا امال اختي
 
و الله لا حالة !! يعني وصل الحال بينا قاع هكا قالك في لاشان سمح في جنسو كامل

هذا راجع للراجل هاذا كيفاش تربى يعني كاين ناس و الله تعفسلو على رجلو يديه النيف و يديرلها

حسابات و كاين و الله لا تشتملو يماه و عادي ما يغيضوش الحال مام pas ,, و هاذا النوع

كيفاش حابو يحكم في المرة مام شلاغمو ما يستاهلهمش

قالك :

( عادي في بلادي دارو قانون الأسرة ** المرة تسير الأسرة و الراجل يخبز الكسرة )

مي ديما يبقاو كاين رجال الله يبارك و ربي يسترنا و يعافينا من هذه الحالات .
 
في الحقيقة يمنع تولي اي منصب داخل الاسرة لطرف وحيد على حساب الطرف الاخر


والمسؤولين تكون من الطرفين ولكن ياترى هل راح يكون تفاهم في تحديد المسؤوليات بينهم

في وقت جدودنا ووالدينا كان الراجل يحكم جميع المناصب داخلية خارجية المالية وحتى الاسكان

ووكانت وزارة يسموها وزارة اللبسة كان يشري الروبة او المنديل لمرتو ويطيشولها فوق راسها

وهي تلبسو بدون نقاش صغير كبير طويل قصير عريض زرق احمر اخضر اصفر لا نقاش مع مول البيت

المهم السترة والهنا .

الان مع تطور المجتمع والمراة اصبحت متعلمة وحتى متفقهة في الدين والسياسة والصحة وحتى في

اللباس وخاصة مع القنوات الفضائية والفضائحية اصبحت تحكم جميع الوزارات وخاصةوزارة المالية بيد

من حديد والدورو ميفوتش الا بعد موافقتها .

لانو ذالك الراجل المتسلط والمتحكم والي كان يحسب روحو غير هو الفاهم على المراةوجد روحو

امام عقلية جديدة وفهم جديد وقوانين جديدة .وزيد عليها الازمة والضنك المالي عندما لا يستطيع الراجل

توفير لقمة العيش للاسرة يستعين بالزوجة ماشي كيما قبل كان الراجل يحشم يقول لمرتو معنديش ولا

منقدرش واذا مكانش الماكلة واللبسة العفاف والكفاف عايشين وحامدين ربي

اما الان الكثير من الرجال استسلمو وسلمو زمام الامور للزوجة بعدما استعانو ركنو الى الراحة

والاستجمام وتركو جميع الادوار للزوجة وانتم تعرفوالمراة اذا ضاقت الدورو وضاقت حلاوة النقود

وهكذا غير بشويا بشويا انقلبت اية الليل والنهار واصبح الراجل يقوم بدور المراة والمراة تقوم بدور

الراجل وبهذا لا تستغرب خوف الرجل من المراة وعندما تتحكم الزوجة بمعيشة الاسرة ومصيرها راح

الزوج يخاف على نفسو ومستقبلو

ويصبح تابع يسمع ويطيع المهم راهي ساترتني مرتي وخلاص .

هذه نوع من الرجال والاسر ولكن كاين نوع مزير ومعاه متاكلش المراة في طابلة وحدة .وطبعا هنا

لازم يكون قد كلمتو ورجلتو وجيبو ديما مليان وعندو النيف والمحيط اللي تربى وعاش فيه ميسمحلوش

باه يسمع من المراة كلمة لا ..

وكاين رجال معتدلين ماهو مزير ماهو مرخوف شاد العصا من الوسط يشارك زوجتو في القرارات

وربما يعملو في الاثنين ولكن واحد ميتغلب على الاخر متفاهمين ومتقاسمين الادوار بتناسق

وعايشين في نعيم




.


صح فريد ...كلام فووور تبالي هذه رحلة كيف انقلبت الامور بين حالة الراجل والمرأة زمان
وقت ما كانت انفاس المرأة ممنوعة حتى في البيت فما بالك تخرج وتجادل والراجل كانت عندو الهيبة ولو كان غير فعال ...بصح وصلتنا في رحلتك لحالة الرجل بدات تضمحل فيها بعض الصفات ولي هي من الرجولة وبرزت فيه خاصية مشاركة المرأة في كل شيئ والأخذ برئيها عند بعض الرجال المغبونة...تبالي المرأة اذا كانت مرأة تصلح ميح كي تكون مأثرة على الراجل باش تصنع منو راجل ..لانها مدرسة اذا اعددتها اعددت شعبا طيب الاعراق
 
اذا كانت هي الخدامةوجابت كل شيء من عندها حتى الطالب ممكن تصير بزاف في وقتنا هذا يا امال اختي
ياو كرهنا كلمة نورمال و الله بزززززززززززززززااااااااااااف
مابقات مرا مابقا راجل
 
السلام عليكم و رحمة الله تعالى و بركاته

ممكن هيا اللي عقدت عليه ماهوش هو اللي عاقد عليها

سلام

وعليكم السلااااااام ورحمة الله وبركاته
عقدت عليه بصح يفهم روحو باش راه راجل
ياك غير كي عاد ميديرش الخمار ولا عندو ولاد يقولولو بابا
وخلاص نسميوه راجل...بصصح تبالي يستاه هو حب هذا الشيئ
ان شاء الله تكمل عليه...
 
H@teM، تم حظره "حظر دائم". السبب: مخالفة القوانين
نحكيلك هادي شفتها بام عيني
الراجل قال لمرتوا اعطيني نشري باكي دخان
والله كنت راح نشدوا نعطيه طريحة المهم نديرلوا حاجة والله مزية صحابي معايا
 
للامانة يوجد نساء الله يبارك عقولهم توزن عشر رجال وبدون وعي تجدها تسيطر على الرجل لان الرجل فاقد للشخصية ومدى تفكيرو ضيق وعند انفو وبهذي الحالة تستاهل تحكم الوزارة الداخلية ولكن الخارجية تخلي التمثيل للرجل طبعا حفظا لماء الوجه .

اما اذا كان المراة بلا عقل والراجل كيفها ويعطيها التصرف فباي باي الرجلة والنيف اذا مفقدش معاها حوايج اخرى ........بلا ما يفيق المسكين وفي هاذي النقطة الصراحةنقلكم ستوب .

نحكي على روحي حكاية وقيسوعليها العقلية نختم بيها الجلسة الهادفة خرجت مع الزوجة باه نكسيها للعيد طبعا كل شيء عادي رانا ندخلو ونخرجو للفيترينات وعادي دخلنا فيترينة بلا متفيق الزوجة هدرت مع مول المحل سقساتو وشحال الروبة وياااااااااااا جدك كيفاش تشوفني
الارض مهزتنيش وقريب داتها من عندي والخلق تشوف حبست كل شي وخرجنا وبطلت الكسوة وفات نهار الشمس مطلعت فيه وراح العيد وراحت لبستو
لاني لا ادري ماذا تقولون جني وجن المراة تمشي مع زوجها وهي اللي تسقسي وتقاشر في مول المحل والراجل واقف كالعمود الكهربائي .
وشفت رجالة ميدخلوش مع نساهم والمراة تبقى تحكي مع مول المحل وربما فيها ضحك وبسمة هاذا حال المعاملة ولكن يرحم باباك وعلاش جيت مع مرتك اذا §
تصبحو على خير
 
وأخيرا كاين الي جابلنا موضوع يحكيلنا فيه على فئة من الرجال -زعمة -تاع هذا الوقت ........
واش نقلك ولا الراجل ذرك فريسة تمشي لا كلمة لا قيمة وهذون نحاهم وحدو مش الذنب على المراة وين راحت ليامات تاع بكري الي كان كي يدخل الراجل ما تسمعش الحس ....عندو قيمة وكلمة فالجماعة
بصح كي ولا يلبس لبسة يتشبه فيها بالنساء ويدير روحو كيما المراة ...قالك بوتفليقة دار المساواة بين الرجل والمراة على بيها نولوا نساء....واش بقى..........مع احترامي للرجال الحقانيين ........
 
H@teM، تم حظره "حظر دائم". السبب: مخالفة القوانين
وأخيرا كاين الي جابلنا موضوع يحكيلنا فيه على فئة من الرجال -زعمة -تاع هذا الوقت ........
واش نقلك ولا الراجل ذرك فريسة تمشي لا كلمة لا قيمة وهذون نحاهم وحدو مش الذنب على المراة وين راحت ليامات تاع بكري الي كان كي يدخل الراجل ما تسمعش الحس ....عندو قيمة وكلمة فالجماعة
بصح كي ولا يلبس لبسة يتشبه فيها بالنساء ويدير روحو كيما المراة ...قالك بوتفليقة دار المساواة بين الرجل والمراة على بيها نولوا نساء....واش بقى..........مع احترامي للرجال الحقانيين ........
انت الصباح درتي موضوع على جالها
بردي قلبك هاو جاالموضوع ههههههههه:biggrin:
 
خرجت مع الزوجة باه نكسيها للعيد طبعا كل شيء عادي رانا ندخلو ونخرجو للفيترينات وعادي دخلنا فيترينة بلا متفيق الزوجة هدرت مع مول المحل سقساتو وشحال الروبة وياااااااااااا جدك كيفاش تشوفني
الارض مهزتنيش وقريب داتها من عندي والخلق تشوف حبست كل شي وخرجنا وبطلت الكسوة وفات نهار الشمس مطلعت فيه وراح العيد وراحت لبستو
لاني لا ادري ماذا تقولون جني وجن المراة تمشي مع زوجها وهي اللي تسقسي وتقاشر في مول المحل والراجل واقف كالعمود الكهربائي .
وشفت رجالة ميدخلوش مع نساهم والمراة تبقى تحكي مع مول المحل وربما فيها ضحك وبسمة هاذا حال المعاملة ولكن يرحم باباك وعلاش جيت مع مرتك اذا §
تصبحو على خير

هاذي هي الرجلة و لا خلي ! أنا شايف عائلات غير حذايا هنايا و الله لا راصك يحبس

هي تسوق بيه

في الطونوبيل و تبانلي مام كي يجي يشري قشو رايحة هي لي تسقسيلو على السومة و

تشريلو ...

لا ماشي غير هكا عندي أستاذي توجور يدور بمرتو و يحبس مع الرجالة عادي يحكي

معاهم و هي واقفة و الله تحسب يدير فيها متعمد ربي يصونك فريد عجبتني في هاذي مليار

و ان شاء الله ربي يصون ماء وجه كل المسلمين و يحمينا من مواقف الذل التي لا تحمل و الله.
 
نحكيلك هادي شفتها بام عيني

الراجل قال لمرتوا اعطيني نشري باكي دخان
والله كنت راح نشدوا نعطيه طريحة المهم نديرلوا حاجة والله مزية صحابي معايا


اليوم كامل مضحكتش الا الان اضحك الله سنك ههههههههههههه

كنت تعطيه طريحة هو ومرتو اخلطهم في زوج .

شوف اللي ميقدرش على شقاه في الخدمة والكسب غير ميتزوجش لانو راح يضوق الذل والمهانة وتصبح فيه عادة وسلوك .ويكثرلو الطلبة ماشي غير من مرتو من الناس كامل الصغير والكبير
لزواج مسؤولية ماشي نتزوج ومن بعد نحصل
.
 
للامانة يوجد نساء الله يبارك عقولهم توزن عشر رجال وبدون وعي تجدها تسيطر على الرجل لان الرجل فاقد للشخصية ومدى تفكيرو ضيق وعند انفو وبهذي الحالة تستاهل تحكم الوزارة الداخلية ولكن الخارجية تخلي التمثيل للرجل طبعا حفظا لماء الوجه .

اما اذا كان المراة بلا عقل والراجل كيفها ويعطيها التصرف فباي باي الرجلة والنيف اذا مفقدش معاها حوايج اخرى ........بلا ما يفيق المسكين وفي هاذي النقطة الصراحةنقلكم ستوب .

نحكي على روحي حكاية وقيسوعليها العقلية نختم بيها الجلسة الهادفة خرجت مع الزوجة باه نكسيها للعيد طبعا كل شيء عادي رانا ندخلو ونخرجو للفيترينات وعادي دخلنا فيترينة بلا متفيق الزوجة هدرت مع مول المحل سقساتو وشحال الروبة وياااااااااااا جدك كيفاش تشوفني
الارض مهزتنيش وقريب داتها من عندي والخلق تشوف حبست كل شي وخرجنا وبطلت الكسوة وفات نهار الشمس مطلعت فيه وراح العيد وراحت لبستو
لاني لا ادري ماذا تقولون جني وجن المراة تمشي مع زوجها وهي اللي تسقسي وتقاشر في مول المحل والراجل واقف كالعمود الكهربائي .
وشفت رجالة ميدخلوش مع نساهم والمراة تبقى تحكي مع مول المحل وربما فيها ضحك وبسمة هاذا حال المعاملة ولكن يرحم باباك وعلاش جيت مع مرتك اذا §
تصبحو على خير


شكراا للتمة لتعقيبك .
والله عندك الحق في هذاك التصرف ..وانا امرأة دخلت مع زوجها للمحل رح تشري بصح مول لمحل خلا زوجها وبدى يهدر مع المداام ..يااااا خويا فريد ويتقلب لمحل بقار ديراكت قالوا يا واحد المصيبة انا شايفني حطبة قدامك ..ايه معليهش هاني حطبة اليوم نعطيك بيها..المهم مفراتش غير بلباقار.
هذا واحد من الرجاال ..كيما انت ربي يبارك فيك وفي زوجتك
تصبح على خير واسعدتنا بمشاركتك يا اخونا
 
وأخيرا كاين الي جابلنا موضوع يحكيلنا فيه على فئة من الرجال -زعمة -تاع هذا الوقت ........
واش نقلك ولا الراجل ذرك فريسة تمشي لا كلمة لا قيمة وهذون نحاهم وحدو مش الذنب على المراة وين راحت ليامات تاع بكري الي كان كي يدخل الراجل ما تسمعش الحس ....عندو قيمة وكلمة فالجماعة
بصح كي ولا يلبس لبسة يتشبه فيها بالنساء ويدير روحو كيما المراة ...قالك بوتفليقة دار المساواة بين الرجل والمراة على بيها نولوا نساء....واش بقى..........مع احترامي للرجال الحقانيين ........

اهلا سموحة..مليح لقيت مرأة تشكرلي يامات زمان راني نفرح خاطر كامل موش عاجبهم اللي كانت فيه المرأة زعمة مغبونة ومحقورة كيما يقووا.
صح داروها لفوق المساواة بي الرجل والمرأة يخي مساواة دارونا فيها يخي ربي فرق بيناتهم بما فضل بعضهم على بعض وهوما يساوي بيناتهم.
هذوك الناس اللي تسيرهم المرأة راهم حابين يطبقوها على الشعب كامل.
وتبالي بلي خلاص راهاالمرأة عادت عندها حقوق اكتر من الراجل

شكرااا سموحة
 
انت الصباح درتي موضوع على جالها

بردي قلبك هاو جاالموضوع ههههههههه:biggrin:

ههههههههههههههههههههههههها......... راه برد
 
موضوع روعة ربي يهدي الرجال للرجلة نتاع الصح ميش يضرب امرأة ولا يسبها زعمة يربيها.
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top