تع الصح مرقتوها..... أدخلوا ماتندموش

médéenne.girl

:: عضو مُشارك ::
إنضم
24 سبتمبر 2009
المشاركات
147
النقاط
7
والله لا صح مرقتوها بزاف واش يصرا الطفلة الطفلة والراجل مسكين ما عندو علاه
هادا واحد راهو يقول علاش لبنات يتبرجوا ويقولو يزعقو عليناااااا :
وأنا راني نقول:
الفتاة عندها حق في التبرج هادي باش تعطيها ثقة في نفسها كيما الشاب عندو الحق في الجاااال
مي تبرج من تبرج تبرج ماشي ماكياج انتاع عرس و اللبس تان يكون لبس لي يعطيها ثقة في نفسها وحتى لاماكانتش دايرة حجااب تلبس حاجة مستووورة بلا معاكسات الشباب هادي حاجة حراام ماهيش ف الماريكاااان و المشي تمشي مشية عادية و الضحك تضحك مع صحاباتها مي ماشي قصد باش تجلب الانتباااه نورمال نجو دكا للشبااااااااب وانت يا الراجل هلاه ما تحكمش رووحك اسمحولي على هذي الكلمة و حاشة لي ميستهلهاش مي الرجال ولاو كي الحيوانااااااات طفلة متبرجة، متحجبة، حتى لي دايرة جلباب والله ما يتلقووها علاه دايما تلومو الطفلة راكم قريب تدفنوها مسكينة علاه متلوموش الرجال كيما ربي فرض علينا الحجاب نتوما تان قالكم "غض البصر" متقدرووش تشدو عينييكم وعلابالي بلي في التلفزيوون راكم اتشوفو كلش شويا بعدة هدا خلوووع الطفلة ولات بالحجاب وما تحسش روحها الاز(الحجاب حجاب مشي نتاع ميكي) لا جازت على جماعة غير سكاناوها و بالسمييير .... وانتوما علاه تهدرو كل كلام في الطريق التطياح السب الدبزة نورمالمو تان تحترموا لبنات كي يجوزوا عليكم علاه ما تقدرووش تتحكموا في رواحكم سيدنا يوسف و ما أدراااك جمال و أخلاق ما عندو لا عائلة ولا دراهم ....تحكم في روحو قدام موقف حرج ..... بحق كي تكون وحدة متبرجة قراف قولوا الله يهديها وخلاص ...........سي ترو نتوما تان مرقتوها وتعرفوا تحصلوها غير في الطفلة وما تقولوش الراجل ضعيف ماكمش خير من سيدنا يوسف وكاين رجال ما شاء الله ما يستغلوش كامل هدوك الناس الشبعانين ايه واش تحب

الله يهديكم
في انتظاااااااااااااااااار الردووووووووووووووود
 

amin2000

:: عضو مُشارك ::
إنضم
9 ماي 2008
المشاركات
344
النقاط
6
خويا راك خارج مجال التغطية كيفاه عطيت الحق للطفلة بالتبرج
 

amin2000

:: عضو مُشارك ::
إنضم
9 ماي 2008
المشاركات
344
النقاط
6
المسؤولية مشتركة .مقلناش بلي الراجل عندو حق في كلش
 

amin2000

:: عضو مُشارك ::
إنضم
9 ماي 2008
المشاركات
344
النقاط
6
علاه الراجل اللي يضال يتبع في بنات الناس راهو راجل
 

ADEL ARK

:: عضو متألق ::
إنضم
18 جوان 2008
المشاركات
4,192
النقاط
159
محل الإقامة
قسنطينة
الجنس
ذكر
الفتاة عندها حق في التبرج هادي باش تعطيها ثقة في نفسها كيما الشاب
أختي التبرج محرم في الخارج فهو فتنة صراحتا
صدقيني لا أرى فيه خيرا فأنا أرتاح للغير متبرجة
الفتات المتبرجة عرضة لرياح تأتي من عيون شباب قل خيرهم و عضم مكرهم و شرهم يرن الفتات المتبرجة صيد سهل لفترة زمنية معينة

مي تبرج من تبرج تبرج ماشي ماكياج انتاع عرس و اللبس تان يكون لبس لي يعطيها ثقة في نفسها وحتى لاماكانتش دايرة حجااب تلبس حاجة مستووورة بلا معاكسات الشباب هادي حاجة حراام ماهيش ف الماريكاااان و المشي تمشي مشية عادية و الضحك تضحك مع صحاباتها مي ماشي قصد باش تجلب الانتباااه نورمال نجو دكا للشبااااااااب
التبرج القليل ممكن إن كان لابد التبرج أما عن الصفات الأخرى حدث ولا حرج

نجو دكا للشبااااااااب وانت يا الراجل هلاه ما تحكمش رووحك اسمحولي على هذي الكلمة و حاشة لي ميستهلهاش مي الرجال ولاو كي الحيوانااااااات طفلة متبرجة، متحجبة،
طفلة متبرجة يكونو معاها حيوانات بصفت غريزتهم لي تدفهم و الله غالب لاه تتبرج حتى يشوفو معاها هي لي بعتتلهم آنفيتاسيو
المتحجبة و الله مانضن غير لاكان مشكل في مشيتها و لا كلامها ولا يعرفو عليها حوايج من قبل

كاينين لي يدورو بالمتحجبة فعلا و يليق عليهم لقب الحيوانات مي لي بالباب مستحيل على حسب ضني و راني شفت بنات بالجلباب يديرو العجب

الرجال كيما ربي فرض علينا الحجاب نتوما تان قالكم "غض البصر" متقدرووش تشدو عينييكم وعلابالي بلي في التلفزيوون راكم اتشوفو كلش
فرض على البنت ماديرش فتنة ماشي الحجاب برك هي نورمالمو مفاتنها مايبانوش أنا راني نشوف فيهم الحجاب الشعر مغطي و اللبسة تاع é"'((-è" لاكان فهمتي .. و غض البصر لازم على قدر المستطاع بصح كي البنت تتحدا قدرت الولد و تديرلو حاجة هو مايحملهاش يشوف علابالي
نبقاو بشر و تبقا النفس و الغريزة و راني نحكي فالواقع لي نشوفو كل يوم و بدون خجل
الطفل مايحكمش روحو و عندو صعوبة في ذالك إلا البعض

وانتوما علاه تهدرو كل كلام في الطريق التطياح السب الدبزة نورمالمو تان تحترموا لبنات كي يجوزوا عليكم علاه ما تقدرووش تتحكموا في رواحكم
معك حق و لكن ليس الجميع كما سبق و ذكرتي
هنا في قسنطينة قليل لي يدير هكاك و لي يديرها علابالي بلي رايح يتضرب
علاه ما تقدرووش تتحكموا في رواحكم سيدنا يوسف و ما أدراااك جمال و أخلاق ما عندو لا عائلة ولا دراهم ....تحكم في روحو قدام موقف حرج
أنا واحد من ذكور تحكمت في نفسي أمام بنات وصلوني يحوسو على زنا ديراكت

بحق كي تكون وحدة متبرجة قراف قولوا الله يهديها وخلاص
هي لي تشبح على رحها و دير هكاك راي تضر فالمجتمع
كاينين دكور مراهقين رايحين يشوفو معاه ا و كاينين رجال مزوجين يشوفو معاها و شوفي العواقب تاع هاديك علابالك بيها
نقولو ربي يهديها بصح في بعض الأحيان مليح الشتم للبنات لي يزيدو فيها بزاف باه يترباو

سي ترو نتوما تان مرقتوها وتعرفوا تحصلوها غير في الطفلة وما تقولوش الراجل ضعيف ماكمش خير من سيدنا يوسف وكاين رجال ما شاء الله ما يستغلوش كامل هدوك الناس الشبعانين ايه واش تحب
يعني تحطي جمرة في يد الطفل و تقوليلو نتا ضعيف ما قدرتش تتحملها ؟؟؟؟؟؟؟؟؟؟؟؟؟؟؟

خممي مع روحك تميزي نبي عليه السلام بشاب مراهق في القرن 21 فسدو غزو ثقافي و يزودوه بنات بلادو
ديري حساباتك ماناش أنبياء أختي فرق كبيييير بينا و بين النبي يوسف عليه السلام

مع ذلك نصيحة مني لشباب

جامي لحت لوحدة هدرة و لا تبعتها و لا " كحلت عليها " عذرا على الكلمة
السبب:
أولا مانيش رخيس نتبع وحدة شاف معاها قبلي ألف نواحد
ميش خير مني حتى نلوحلها كلمات حلوين هدرهوماها قبلي و عجبتها
مانشوفش معاها على خاطر كون جات مليحة مش مدايرا شي هاداك بكل

مي الطفلة المتربية نهبط راسي قدامها إحتراما دايما كي تفوت قدامي و ماشي عيب كيما قالولي مي و الله تستاهل كي نجبدلها من الطريق تفوت و لا كي طيحلها حاجة نهزها و لا نحامي عليها كي يضلموها ياقريسيوها ولا على خاطر تربيتها دليل
ماتسمعوش لي يقولولكم مايش ختكم وش دخلكم
هادي هدروهالي بزاف
لكن انا لي تستاهل نكون معاها إحتراما ليها
 

malika2008

:: عضو منتسِب ::
إنضم
26 جوان 2009
المشاركات
64
النقاط
2
اختى الموضوع رائع مي كاين بنات خسرو فى التبراج
 

Midia

:: عضو مُتميز ::
إنضم
10 سبتمبر 2009
المشاركات
582
النقاط
17
اختي ........ شابو.....برافو برافو برافو...................
مرسي بزاف بزاف بزاف على هاذ النصيحة اللي يا ربي يفهموها لي جون تاوعنا ......خاطر ولينا ما نعرفوش نمشيو في الطريق اليز ولو كنتي لابسة ليكات للطالون نتاع الرجل يظلموك والله العظيم سي طرو........
 

نسومة

:: عضو مُشارك ::
إنضم
1 أكتوبر 2009
المشاركات
354
النقاط
7
شكرااا على الموضووووع الرااااائع
أتمنى ان يعطي نتائجه
 

x123

:: عضو مُتميز ::
إنضم
20 جويلية 2008
المشاركات
1,345
النقاط
77
بنات ولا ولاد
ضرك راهم كيف كيف
يعني اولاد ملي يخرجو وهوما يعاكسو
ولبنات كل بنت حاسبة روحها بيونسي
ولا حاسبا روحها فلاس فيغاس


ربي يهدينا

مع العلم انه مازال كاين بنات تبارك الله
و اولاد تبارك الله
بصح فئة قليلة و راهي غير تزيد تنقص
 

HAMZ A

:: عضو مُشارك ::
إنضم
15 أوت 2009
المشاركات
342
النقاط
7
العمر
29
محل الإقامة
باتنة
أنا في رايي الفتاة عندها حق في التبرج تحسين المظهر هادي باش تعطيها ثقة في نفسها كيما الشاب عندو الحق في الجاااال
المرا اذا خرجت مدايرة العطر وشم هذا العطر رجل اجنبي يلعنوها الملايكة ويقولولها زانية اما الرجل فمن الافضل يحسن مظهرو '' ان الله جميل يحب الجمال
مي تبرج من تبرج تبرج ماشي ماكياج انتاع عرس و اللبس تان يكون لبس لي يعطيها ثقة في نفسها وحتى لاماكانتش دايرة حجااب تلبس حاجة مستووورة بلا معاكسات الشباب هادي حاجة حراام ماهيش ف الماريكاااان و المشي تمشي مشية عادية و الضحك تضحك مع صحاباتها مي ماشي قصد باش تجلب الانتباااه نورمال
انا ما فهمتش تبرج من تبرج ؟؟ وما كانش حاجة مستورة كيما الحجاب ما تغلطيش روحك
واللبسة غير الحجاب تسمى تبرج بغض المظر عن نوع التبرج..

نجو دكا للشبااااااااب وانت يا الراجل هلاه ما تحكمش رووحك اسمحولي على هذي الكلمة و حاشة لي ميستهلهاش مي الرجال ولاو كي الحيوانااااااات طفلة متبرجة، متحجبة، حتى لي دايرة جلباب والله ما يتلقووها قطة ما يتلقوهاش ليسونسيال أنثى
ظركا تقريب ما كانش الطفلة المتربية وانا نقلك اذا هو هدر مع طفلة وما رجعتلو حتى حركة ما هوش رايح يتلاح عليها ما قاللهاش اهدري معايا بالسيف
علاه دايما تلومو الطفلة راكم قريب تدفنوها مسكينة علاه متلوموش الرجال كيما ربي فرض علينا الحجاب نتوما تان قالكم "غض البصر" متقدرووش تشدو عينييكم
كي يعودو كل البنات مدايرين الحجاب الشرعي يغضو كل الشباب ابصارهم
ادا جازت على جماعة غير سكاناوها و بالسمييير
اللي تعود مقتنعة بالحجاب ما همها حتى في واحد
. وانتوما علاه تهدرو كل كلام في الطريق التطياح السب الدبزة نورمالمو تان تحترموا لبنات كي يجوزوا عليكم علاه ما تقدرووش تتحكموا في رواحكم
انا في هذا العصر عدت نشوف البنات يطيحو في الطريق اكثر من الذكورا صح ولا لالا؟؟
كي تكون وحدة متبرجة قراف قولوا الله يهديها وخلاص
علاه رانا في مكة؟؟


j'espère que tu a satisfait
 

largo19

:: عضو مُتميز ::
إنضم
5 جوان 2008
المشاركات
803
النقاط
19
حنا واش دخلنا فيهم ... ربي يعافينا .... خلي البنات المتبرجات مع الرجال اللي ماهوش رجال ... ربي يهدينا و يهديهم ....
 

largo19

:: عضو مُتميز ::
إنضم
5 جوان 2008
المشاركات
803
النقاط
19
و نزيدلكم حاجة... مادام جبتو موضوع يوصف هاذ الإنحطاط .. أنا نجاوبكم بواحد المثل يقولوه ناس بكري عندنا .. كانو يقولو ( أربط الكلبة يروحو لكلاب ).!!!!!!!!!!!!!!!!!!!!!
. ربي يعافينا و يعافيكم.........
 

ADEL ARK

:: عضو متألق ::
إنضم
18 جوان 2008
المشاركات
4,192
النقاط
159
محل الإقامة
قسنطينة
الجنس
ذكر
لا أدري لماذا كبتت الردود على هذا الموضوع ؟؟؟؟؟؟؟؟
 

كلي امال

:: عضو مُتميز ::
إنضم
29 ماي 2008
المشاركات
599
النقاط
17
العمر
31
السلام عليكم و رحمة الله تعالى و بركاته
و الله كاين حوايج راكي غالطة فيهم مثلا التبرج حرام و ماهوش هو و اللبسة اللي يمدوا الثقة في النفس المرا تكون ثيقتها في نفسها كي تكون محترمة في شكلها و لبسها و ناجحة في قرايتها و عملها و عندها اخلاقها هنا تمشي في الطريق بكل فخر و ثقة اما التبرج ما عندوا ما رايح يديرلها العكس رايح يجيبلها غير المشاكل
و على الرجال علاه ما يحكموش رواحهم و ما يغضوش البصر ؟؟؟؟؟؟؟؟؟؟
انا نقولك الصح مرات يجوا فايتين عليك حنا البنات و نقعدوا نشوفوا فيهم فما بالك الراجل اللي رايح يشوفها من جانب اخر
صح المرا عنها الحق انها تعيش حياتها مي بطريقة محترمة
تقبلي مروري
سلام
 

zalasoft

:: عضو منتسِب ::
إنضم
9 سبتمبر 2009
المشاركات
28
النقاط
3
رأي فتاة

السلام عليكم
مشكورة أختي الكريمة على الطرح لكن ليس كل الكلام عندك فيه الحق
أنا نشوف أنو المشكل عند الراجل كيما راه عند المرا
باش ما نكونش مثالية بزاف الراجل عندو الغريزة صح بصح ثاني عندو التحكم في النفس يفكر أنو هذيك البنت عندها أخ كيما هو عندوا أخت و يخاف عليها يعني ما يكون أناني "أختي تبقى فالدار معززة و الباقي ما علاباليش " مع الاحترام
و الطفلة ثاني لازم عليها تظهر الاحترام لنفسها و هدا ما شرعوا ربي و عليه فرض علينا الحجاب "الحجاب " ماشي واش رانا نشوفو اليوم,
يعني أنا في بالي واحدة متحجبة و حاطة على روحها كيما نقولو ما نظنش الي راح يدور بيها الا اذا كان مريض نفسي و الشباب نتاعنا يفرقوا,
حبيت برك نقول ل jeunes ماشي حال البنات اللي تشوفوهم يعني تنطبق على الكل, كاين بنات ماشاء الله تربية و أخلاق, نتمنى باش ما تطبقوش الفكرة هذي على كامل البنات .
و ربي يهدينا و يسترنا .
مشكورة أختي على الموضوع و ربي يجازيك.
 
Top