تع الصح مرقتوها..... أدخلوا ماتندموش

[leyla]

أختي التبرج محرم في الخارج فهو فتنة صراحتا
صدقيني لا أرى فيه خيرا فأنا أرتاح للغير متبرجة
الفتات المتبرجة عرضة لرياح تأتي من عيون شباب قل خيرهم و عضم مكرهم و شرهم يرن الفتات المتبرجة صيد سهل لفترة زمنية معينة



التبرج القليل ممكن إن كان لابد التبرج أما عن الصفات الأخرى حدث ولا حرج



طفلة متبرجة يكونو معاها حيوانات بصفت غريزتهم لي تدفهم و الله غالب لاه تتبرج حتى يشوفو معاها هي لي بعتتلهم آنفيتاسيو
المتحجبة و الله مانضن غير لاكان مشكل في مشيتها و لا كلامها ولا يعرفو عليها حوايج من قبل

كاينين لي يدورو بالمتحجبة فعلا و يليق عليهم لقب الحيوانات مي لي بالباب مستحيل على حسب ضني و راني شفت بنات بالجلباب يديرو العجب



فرض على البنت ماديرش فتنة ماشي الحجاب برك هي نورمالمو مفاتنها مايبانوش أنا راني نشوف فيهم الحجاب الشعر مغطي و اللبسة تاع é"'((-è" لاكان فهمتي .. و غض البصر لازم على قدر المستطاع بصح كي البنت تتحدا قدرت الولد و تديرلو حاجة هو مايحملهاش يشوف علابالي
نبقاو بشر و تبقا النفس و الغريزة و راني نحكي فالواقع لي نشوفو كل يوم و بدون خجل
الطفل مايحكمش روحو و عندو صعوبة في ذالك إلا البعض


معك حق و لكن ليس الجميع كما سبق و ذكرتي
هنا في قسنطينة قليل لي يدير هكاك و لي يديرها علابالي بلي رايح يتضرب

أنا واحد من ذكور تحكمت في نفسي أمام بنات وصلوني يحوسو على زنا ديراكت


هي لي تشبح على رحها و دير هكاك راي تضر فالمجتمع
كاينين دكور مراهقين رايحين يشوفو معاه ا و كاينين رجال مزوجين يشوفو معاها و شوفي العواقب تاع هاديك علابالك بيها
نقولو ربي يهديها بصح في بعض الأحيان مليح الشتم للبنات لي يزيدو فيها بزاف باه يترباو



يعني تحطي جمرة في يد الطفل و تقوليلو نتا ضعيف ما قدرتش تتحملها ؟؟؟؟؟؟؟؟؟؟؟؟؟؟؟

خممي مع روحك تميزي نبي عليه السلام بشاب مراهق في القرن 21 فسدو غزو ثقافي و يزودوه بنات بلادو
ديري حساباتك ماناش أنبياء أختي فرق كبيييير بينا و بين النبي يوسف عليه السلام

مع ذلك نصيحة مني لشباب

جامي لحت لوحدة هدرة و لا تبعتها و لا " كحلت عليها " عذرا على الكلمة
السبب:
أولا مانيش رخيس نتبع وحدة شاف معاها قبلي ألف نواحد
ميش خير مني حتى نلوحلها كلمات حلوين هدرهوماها قبلي و عجبتها
مانشوفش معاها على خاطر كون جات مليحة مش مدايرا شي هاداك بكل

مي الطفلة المتربية نهبط راسي قدامها إحتراما دايما كي تفوت قدامي و ماشي عيب كيما قالولي مي و الله تستاهل كي نجبدلها من الطريق تفوت و لا كي طيحلها حاجة نهزها و لا نحامي عليها كي يضلموها ياقريسيوها ولا على خاطر تربيتها دليل
ماتسمعوش لي يقولولكم مايش ختكم وش دخلكم
هادي هدروهالي بزاف
لكن انا لي تستاهل نكون معاها إحتراما ليها ​

bravoooooo
​

ADEL ARK
​

je suis avec vous 100/100

merci

​

médéenne.girl

pour le sujet
​

 

[بلد الوليد]

يا اختى الكريمه التبرج حاجه والماكياج حاجه وحدوخره انا فى الاول حسيت بلى تعديتى على حد من حدود الله
ادا كان على الماكيياج تتزيين بيه المراة لراجلها بس "ولا يبدين زينتهن الا لبعولتهن" اما ادا المراة تزينت و خرجت البره راح تولى فتنه وراح تنعلها الملائكه حتى وين تولى للدار(مزوجه او عدراء) حتى الراجل مانستتنيهش هو تان يتحمل مسؤوليه الاعمال نتاعووراح يؤثم عليها"وقل للمؤمنين يغضضوا من ابصارهم" وكاين كلمه قالها اخى "اربط الكلبه يروحو لكلاب" اكرمكم الله و يسمحولى خاوتى وخواتتى و يسمحوللاخ الكريم على هاد المقوله لان الانسان اعز واكرم من ان يشبه بالحيوان ولكن المعنه المقصود هو لو ان الاباء والامهات يقومو بواجبهم التربوى و الاخلاقى نتفاداو كامل هاد الاشياء السلبيه فى مجتمعنه
اما الاخ عادل لي راه يتساءل من ردت الفعل على موضوع ختنا فى اللمه نقولو صراحه موضوع حساس و يستاهل هد الردود حتى نجنب اخواننا واخواتنا من هده الانزلاقات المخالفه للشرع وربي يوفقنا لما يحبه و يرضاه _وشكرا للاخت صاحبة الموضوع

 

[* أميرة الأحلام *]

أختي الفاضلة شكرا على الموضوع الرائع والمميز .
عندك الحق في حديثك لكن يجب أن يكون الإحترام من الطرفين الفتاة تحترم نفسها في اللباس وطريقة المشي و الولد يحاول يتملك نفسه وينقص من المعاكسات .

 

[foxayman]

راكي بنت بلادي و بنت ولايتي و نقولهالك بكل صراحة الزين زين العقل ماشي زين الوجه و راكي نورمالموا تعرفي المثل ( الزين زين لفعال)

 

[**الريحآنة**]

يا شريكتى واش راكى تهدرى ؟؟
حللتى التبرج؟
ربى قال التبرج حرام .. يعنى حرام

لو كان الطفلة تخرج بلا مكياج..واش يصرالها ؟؟

والله والو غير حنا والفنا هاد الطبيعة الفاسدة ..

ولا اش قال ؟؟​

 

[issamt50]

شكرا على الموضوع الحساس يا أختنا médéenne.girl
هذا في البداية
أما بعد
سي فري الرجال فيهم ديفوات
على خاتر ماهمش ملايكة
مي
ماتقوليليش الطفلة خاطية
على خاتر أول فتنة في بني إسرائيل كانت النساء
وزيد
نقولك حاجة
الشيطان مايقدرش يوسوس لراجل بالسرعة الي توسوسلو المرا
يقولك 10 شواطن مايقدروش يفتنو راجل
مي شيطان واحد يلعب بالمرا
ويخليها هي الي تفتن 1000000000..... راجل
الحاجة الثانية ماتقدريش تشبهي حتى واحد بسيدنا يوسف
هذاك راهو نبي
و حنا رانا بشر ضعيف
وزيدي كون قريتي صورت يوسف مليح تلقاي بالي يوسف دعا ربي يبعدهم عليه
على خاتر النفس كلبة بنت الكلب وزيديلها بليس لعنت الله عليه وزيديلها مرا ؟؟؟؟ والعياذ بالله
وقوليلي انت ضرك
الواحد ما يطيرلوش السقف
وزيد تقولي بالي الرجال يديرو اسكانير سميري
و اشكون الي قالك
هاذ على حد علمي خدمة انسا
ديجا الراجل كمي يعود yablaguiسافودير وجهو صحيح
ألور وعلاش حتى يشوف سميري كيما راكي تقولي
يشوف نورمال
وزيد المهور تلعطت سخط ولو الرجال مساكن شوفي يا عيني موت يا قلبي
مي ماشي مشكل يا ختى استرو رواحكم برك هذيك هي الفايدة
بلاك يترباو هاذ الحيوانات
على خاتر حتى انتوما ماركمش قلال
يقول عليكم عمر بن الخطاب
لا تأمن الأنى حياتك إنها
كالأفعوان يراع منها الأنيب
لا تأمن الأنثى زمانك كله
يوما وإن حلفت يمينا تكذب
تغري بطيب حديثها و كلامها
و إذا سطت فهي الشديد الأشطب
---------------------
المهيم ربي يهدينا ويهديكم ويهدي جميع أمة محمد عليه الصلاة والسلام
وعلابالي ماتحبوش واحد ينصحكم تقولو عليه يمدلك فالدروس الخصوصية
ويتفلسف عليكم
اللهم قد بلغت اللهم فشه​

 

[شاكيرا]

حقيقة موضوع حساس جدا والله وصلت درجة تبرج البنات لحد لا يطاق انا فتاة ونحشم باش نشوف في لبنات نتع ضروك مكاش الوحدا كيما تستر روحها الغرب راهم يتعمقو في دينا وراهم يبحثو ويحاولو يفهموه واحنا واش دينا من عندهم غير التبرج والاشياء لي حرمها ربي سبحانو يا ناس فيقو شويا

 

[ouafi.dz.34]

بردتلي قلبي ربي يعطيك ماتتمنا ان شا الله ضك الذراري مايهمهمش واش لطفلة لابسة ولا كيفاش مصورة المهم طفلة تعقب عليهم يديرولها سكانار ولهدرة ملفوق ولا منعكس لاارادي ربي يهدينا وخلاص

 

[yasmine24]

merci beaucoup 3endek ekhaq

welit manekhrejsh kamel 3la jalethom

 

[moni92]

عندك الحق وما عندكش التبرج حرام اختي كيفاه كونفيونس ما كونفيونس حرام سايي حرام ما فيهاش نقاش داكور طيب هو من الواجب على الطفلة ماتكونش كانها شمس شاعلة الي تعقب عليه ينتبه ليها لازم تكون عادية وما كانش تكلف في لبستها او ما شابه ذلك وعلى الرجل ايضا ان يغض بصره لينال الاجر العظيم على كل فتاه والله يبارك كاين الفتيات قد نجوم السما وتخيل قداش الاجرو الثواب اللي راح تنالو.

 

[سلمى رويبة]

عندك الحق , مي بصح لازم حنايا نلبسو الحجاب وأنديرو اللي علينا .....

 

[ISMA.dz]

أختي أنا طفلة مي بصح حتى البنات كتروا على ماوصاوهم بزااااااااااااااف ولينا حنا البنات نحشمو ورحنا في جرتهم ولا القبيح والمليح في سلة واحدة وربي يهديهم انشالله

 

[عفاف الجزائرية]

اختي العزيزة ماكانش تبرج شويا وتبرج بزاف لتبرج اسمو تبرج سواءا قل او كثر والثقة بالنفس ليست بالتبرج الثقة بالنفس كي تخرجي وانتي اديتي جميع صلواتك ولا كي تقولي اذكار تحصنك وتخرجي
المهم النظافة ميش المهم التبرج كي تكون الواحد مهندمة ونظيفة يعني لابسة مثلا حجاب بني وخمار ابيض وهازة صاك بني مع صباط بني تاني راه يولي النور يلوح منها هذي حاجة والحاجة التانية هي كاينين صح رجال ما هداهمش ربي يقعدو يمارديو في اللي رايحة واللي جاية نورمالمو كيما نتا ما تحبش اختك يتحرشو بيها في
الطريق نتا تاني ما تتحرشش ببنات الناس نورمالمو نتاع تخاف على هذي ولاخر يخاف على اخرى واخر واخر تولي تتسقم الحالة بصح ماكانش معامن نهدرو كل واحد راه يمشي على رايو حنا نقولو ربي يسترنا ويعطينا قد قلوبنا وربي يهدينا ويهديهم برك

​

 

[podolsky]

السلام عليكم

كاينين لي يدورو بالمتحجبة فعلا و يليق عليهم لقب الحيوانات مي لي بالباب مستحيل على حسب ضني و راني شفت بنات بالجلباب يديرو العجب

في بالك الي يدوربالطفلة غير المتحجبة نورمال ....الي يخرب في المتحجبة حيوان ...اما البنات الاخريات نورمال .واش عليه ...ماعرفت واش نقول ...حيرني اللون الاحمر

 

[أمين حاجي]

أواه أختي أنتي هنايا ثاني مرقتيها
و اسمحيلي على هذي الهدرى
شوفي ياختي أنتي راكي تقولي باللي التبرج نورمال المهم ماشي نتاع عرس ياو غالط التبرج حرااااااااااااااااام و زيد الحجاب مشي أرواح و البس حجاب كيما درك اللي راكم لابسينو زعما زعما رانا لابسين حجاب ياو لالا الحجاب يجب أن يكون فضفاااااضا ساترا لكل عورات المرأة مي أنتوما هه الله يبارك راكم تخرجولنا واحد الحجابات ؟؟؟ و تقولو لا مود
ماعليش راني معاك كي هدرتي على ليجان مي مشي دايما ختي أنتوما اللي خليتوهم يديرو هاكاك شوفي لناس بكري كيفاه الحشمة دايرة كي يشوف امرة تحسب شاف أمو يهبط راسو و لا يخزن مي دوكا كي وليتو تلبسو اللي جات ... أنتوما اللي راكم تفتنو في الناس بلعاني و تقولو غضو البصر راني معاك غض البصر بصح مرقتوها بزاااااااااااااف على هكا راكم تسمعو اللي جات و زيد حتى أنتوما و راكم تقولو اللي جات و لا لالا أنتوما كي تمشو سيفيليزي و السروال مزير و البودي مانحكيلكش و في الصيف تنساااااااو رواحكم أختي هذا واقع رانا عايشينو مانيش نزيد و لا نكذب لوكان ليجان يشوفو وحدة متحجبة الحجاب الشرعي أكديلي على الحجاب الشرعي و الله غير نـgـارونتيلك باللي واحد مايشوف فيها إلا إذا هي دارتو باه تنحي الشبهة برك. بالصح امرة راهي متحجبة شرعيا و واحد يدراgيها ؟ هذي ماكانش منها و زيد مانقلكش ماكانش منها مايدراgيهاش الناس ماشي كيف كيف بالصح ايلا صابها عند روحها ياو هو و يحشم على روحو و الله مايزيد يخلط فيها بالعكس تصيبيه هو يحامي عليها لياه ؟ لأنها بنت أصل و متربية و أخلاق عالية ماشي كيماا.............و الله الهدرة ماتسلك في هذا الموضوع
المهم موضوع رائع و اسمحيلي على الزيادة ايلا كانت
و بارك الله فيك
​

 

[issamt50]

 

[شاكيرا]

ولاو يقولو على المتحجبة محجبة ومعجبة يا اختي الوحدا مكاش كيما تكون بسيطة في لبستها ومكياجها ماشي لدرجة انها تماكيي حتى تقولي راهي رايحا للعرس شكرا اختي على طرحك للموضوع الواحد باش يحط النقاط على الحروف