انوي و اعقد

أمولة

:: عضو بارز ::
أحباب اللمة
إنضم
25 جانفي 2010
المشاركات
2,058
نقاط التفاعل
27
النقاط
77
السلام عليكم يا اهل اللمة
كيف الحال ان شاء الله تكون كل الامور بخير و على خير
اردت ان اجمع لكم بعض البوقالات للترفيه فقط

اعقد و نوي و اختر رقم من 1 الى20 و قول بسم الله بديت و على النبي صليت نطلب ربي يعطيني مانويت و يعطيك مانويتي

-1-
ماني كاس نتكسر ماني وردة ندبال راني خاتم في يد سيد الرجال
-2-
هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.
-3-

خالتي يا خالتي شدي وليدك عليا انا نسقي في الجنان و هو يرمي الورد عليا
-4-
ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .
-5-

يا يما و يابابا خلوني راني حالف نقطع البحر و ما تزيدو تشوفوني زوجوني بحبيبتي هنوا روحكم و هنوني
-6-
يا لالاتي فاطمة يا لالاتي فطوم ادا نت سما نديرلك سلوم و ادا انت بحر ندير لك عوامة نمشي وين تمشي ومانديك غير انا
-7-
يا لالا يا لالا سبحان خلاقك شفت النجوم في السما عن بالي ساقك العين تشوف فيك و القلب مشتاقك
-8-
يا مهبلتني نرمي الماء في الشبكة و يا مهبلتني نشعل في لجمر الطافي و يا مهبلتني نعيد سري لخلافي يعيا يحن لحنين و تندم يا جافي
-9-
عندي فنيق و العشق مفتاحو كي ضرب الريح تقرقبوا لواحوا نمشي لجنان لحبيب و نشم تفاحه التفاح ماناكله و الشيخ ماناخده في قاع لبير نرميه ناخد شباب صغير قداه نواتيه
-10-
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.
-11-

خرت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
-12-

ادا انت ليل انا نجمة نضويك ادا انت بحر انا موجة تقويك ادا انت ربيع انا وردة فيك حلفت ميات يمين غير انا اللي نديك
-13-
شجرة الياسمين نايضة في وسط الغرفة عروقها سكنجبير و غصانها قرفة و الله ماننساك يا زينة الوقفة
-14-
كي طلعت للسطح تقرقبوا للواح الناس كامل بحبيبهم و انا حبيبي راح
-15-
حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
-16-
يا مولاة اللب لبيض ربي يعطيك و يوسع ليك ماعندك لا دهب لا حرير و انت ديما زاهية و ربي مسهلك مادريت من حيلة ندير باش نكون مثلك قالت لي خليها على ربي هو يكملك
-17-
بعتلك سلامي في السما لزرق بعتلك دموعي في القلب تحرق و الله مادريت هدا الحب اللي بيني و بينك يتفر نكوي هدا القلب باش مانزيدش نعشق
-18-
انت يالقاعدة في الجنان و مدرقة زينك بغصن البان ماولداتك سلطانة سطنبول و لا سلطانة اليمن نطلب ربي يجمعني بيك على طول الزمان
-19-
عيونك زرقة و حواجبك زادتلي مشقة سمي بسم الله ما بيناتنا فرقة ياك يدور الزمان و تندمي يا عاشقة
-20-
انا نبغيها و هي تموت عليا وين نمشي يدها فوق يديا اللي بغالها الخير ربي يعطيلوا على حساب النية و اللي حب يفرنا ربي يجيبلوا بلية

نسيت شيئا كل واحد يجب ان ينوي البوقالة على شخص ما
امل ان تفهموا اللهجة و تنال اعجابكم
هده الباقة هدية مني لكم

اخي سيمباي اهدي لك بوقالة رقم 03 و 06

تحياتي
 
-3-
خالتي يا خالتي شدي وليدك عليا انا نسقي في الجنان و هو يرمي الورد عليا
-6-
يا لالاتي فاطمة يا لالاتي فطوم ادا نت سما نديرلك سلوم و ادا انت بحر ندير لك عوامة نمشي وين تمشي ومانديك غير انا

هههههههههههه بارك الله فيك أختي ربي يحفظك
شكرا على الموضوع الجميل..
تقبلي مروري

 
خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة .
 
حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.
 
-10-
عسل يا عسل في باقة خضرا ، يا شميمت العاشقين يا قمرا ، حلف سيد الملاح ما يرأس أمر غير إذا جات غزالته باش تكمل الحضرة.


مشكورة
بارك الله فيك اختي
 
-15-
حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة
 
سلام عليكم
-3-
خالتي يا خالتي شدي وليدك عليا انا نسقي في الجنان و هو يرمي الورد عليا

وها حي عليا
شكرا اختي
 
عندي فنيق و العشق مفتاحو كي ضرب الريح تقرقبوا لواحوا نمشي لجنان لحبيب و نشم تفاحه التفاح ماناكله و الشيخ ماناخده في قاع لبير نرميه ناخد شباب صغير قداه نواتيه
 
شكرا امولة على البوقالة الجميلة .......سلام
 
-13-
شجرة الياسمين نايضة في وسط الغرفة عروقها سكنجبير و غصانها قرفة و الله ماننساك يا زينة الوقفة

مرسي
 
-4-
ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي


مشكوووووووورة أختي على البوقالات الرائعة

دمت بود

تقبلي مروري
 
-20-
انا نبغيها و هي تموت عليا وين نمشي يدها فوق يديا اللي بغالها الخير ربي يعطيلوا على حساب النية و اللي حب يفرنا ربي يجيبلوا بلية

:yahoo::yahoo:
 
-3-
خالتي يا خالتي شدي وليدك عليا انا نسقي في الجنان و هو يرمي الورد عليا



merci.....merci
 
-9-
عندي فنيق و العشق مفتاحو كي ضرب الريح تقرقبوا لواحوا نمشي لجنان لحبيب و نشم تفاحه التفاح ماناكله و الشيخ ماناخده في قاع لبير نرميه ناخد شباب صغير قداه نواتيه

ميرسي
 
-5-
يا يما و يابابا خلوني راني حالف نقطع البحر و ما تزيدو تشوفوني زوجوني بحبيبتي هنوا روحكم و هنوني

يعطيك الصحة امولة و الله عجبتني
انا نموت على الرقم خمسة و جاتني على قلبي
بارك الله فيك
 
-12-
ادا انت ليل انا نجمة نضويك ادا انت بحر انا موجة تقويك ادا انت ربيع انا وردة فيك حلفت ميات يمين غير انا اللي نديك

ميرسي يعطيك الصحة
 
نتمنى كل واحد يخير بوقالة تجي على قلبو و توصل لقلب حبيبو
 
-16-
يا مولاة اللب لبيض ربي يعطيك و يوسع ليك ماعندك لا دهب لا حرير و انت ديما زاهية و ربي مسهلك مادريت من حيلة ندير باش نكون مثلك قالت لي خليها على ربي هو يكملك
 
شكرا لمرورك و كلي امل بان تعجك بوقالتك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top