لماذا الاخ بعيد عن اخته

[اشتك اشتك]

السلام عليكم

واش راكم خاوتي و خواتاتي

اليوم حبيت نهدر معاكم شويا على واش شفت من نهر لي دخات هاد المنتدى

كل يوم نشوف مواضيع تحكي على الحب و كل واحد و كيفاه قصتو معا حبيتو

ولى الطفله تحكي واش صرالها معا حبيبها

لاحضة انو مكان حتا واحد حكى على علاقتو معا اختو

و الا طفله تحكي على علاقتها معا خوها

ايا حبيت نقترح عليكم هاد الفكره


لازم شويا صراحه باه نقدرو نخرجو بنتيجه

وقتاه اخر مره شريت حاجه من المطعم و عرضة اختك على العشاء في الدار

ولى وقتاه قعدة مع اختك و حكيتلها واش كاين في قلبك

و هيا حكاتلك تاني

وقتاه ديت اختك في الطوموبيل و قلتلها ايا نروحو نحوسو شويا

اسكو سقسيت روحك واش راح تكون ردت فعلها كي تعزمها على حاجه من هاد لحوايج

كامل رانا نعرفو انها الاخت تحب يكون عندها اخ تفكيرو قريب من تفكيرها يحن عليها يصارحها و و و و

وعلاه متجيبش حاجه مليحا لختك تفرحها بيها

باه تقعد معاها لا

ديما مشغول

ديما معندك الوقت

ديما راك مزروب

مي كي تولي معا صحابك نورمال كاين الوقت و كل شيء

و هادا واحد من الاسباب لي تخلي الطفلى تروح تحوس على واحد يحن عليها و يلتى بيها

و حاجه باينه راح تطيح في ذوك الصيادين لي قاعدين هادي خدمتهم غير يصيدو في لبنات لي كيما هكدا

و كي تمشي معا كاش واحد تقول والله غير نقتلها و ندير و ندير

و انتم يا لبنات واش هو احساسكم لوكان تلقاو اهتمام من عند خاوتكم

موضوع حطيته بين يديكم

و بردودكم نوصلو الى فك العزله بين الاخ و اختو

اشتك يحييكم
​

 

[Anissa_vanissa]

ياوعندك الحق خويا اشتك اشتك
انا تاني نعاني منها صرت نحلم خويا يخليلي شوي وقت من عندو
ولا يعرضني على حاجة
بصح انا نعم الاخت:crying::crying:
كون يطلب عيني نمدهملو

 

[chiva.]

الله يهديهم مجرد اعجاب برك وتزول بارك الله فيك ان شاء الله يفيقو والله حشومة

 

[BARCA232]

انا والله الحمد لله عندي أخت واحدة ربي يبارك لي فيها
عشت احلى الأيام معها لكن للأسف هذا الصيف رايحة تتزوج
شكرا لك على
الموضوع
كاين اللي بينه وبين اخته قطيعة ابستمولوجية
شكرا لك
​

 

[aMiNa-K]

السلام عليكم

صح كاينة منها كاين اخ مايهدرش مع اختو كامل .. مانعرف وعلاه :confused1:
انا الحمد لله كاين علاقة متينة مع خاوتي :001_wub:
ساعة على ساعة واحد فيهم يجيبنا عشا للدار .. و يجيبو لي فيلم كل ليلة .. و اسرارهم كامل عندي :yahoo:

بصح تانيك ديفوا يكونو ديرونجمو نضل نضارب معاهم :cursing: .. اخرها البارح :glare: عضيت خويا ماحبش يخليني ترونكيل :cursing:.. جبدت عليه بعضة مازادش دار بيا كامل ههههههه

الله يقوي العلاقات بين الاخوة كامل .. خاوة خاوة :angel_not:​

 

[أفراح الجزائر]

أنا كان عندي أخ واحد وجامي شفت منو حاجة ماشي مليحة صح نداوسو لكن ماشي لدرجة نتقاطعو ....جامي تفارقنا حتى فلجامعة كنا مع بعض .....فرقتنا غير الموت​

 

[programmeur]

واش نقولك خويا
وليت كي نشوف مواضيع الحب في اللمة نشرب دوايا ونطفي الميكرو
وعندك الحق اخي في كلامك

 

[اشتك اشتك]

ياوعندك الحق خويا اشتك اشتك
انا تاني نعاني منها صرت نحلم خويا يخليلي شوي وقت من عندو
ولا يعرضني على حاجة
بصح انا نعم الاخت:crying::crying:
كون يطلب عيني نمدهملو

ربي يكثر من امثالك خيتي

و ربي يهدي خوك و يولي يمدلك بزااااف من وقتو ماشي غير شويا

​

 

[اشتك اشتك]

الله يهديهم مجرد اعجاب برك وتزول بارك الله فيك ان شاء الله يفيقو والله حشومة

ان شاء الله يا خويا

ربي يهدينا كامل
​

 

[اشتك اشتك]

انا والله الحمد لله عندي أخت واحدة ربي يبارك لي فيها
عشت احلى الأيام معها لكن للأسف هذا الصيف رايحة تتزوج
شكرا لك على
الموضوع
كاين اللي بينه وبين اخته قطيعة ابستمولوجية
شكرا لك
​

ربي يخليكم لبعضاكم خيي و زواج اختك يزيد فيك النص انتا خويا

ايا تهلا فيها و كثرلها من الكادوات في زواجها

ربي يهنيها و يسعدها يا ربي
​

 

[zagane]

el salam 3alaycom

dima hak wache dire

 

[القطة الزهرية]

سبقتني البارح خممت ندير موضوع في فرغ واش كاين في قلبك على الاخوة الله يقطع الاخوة زي الي عندي ((نكرهم))

 

[اشتك اشتك]

السلام عليكم

صح كاينة منها كاين اخ مايهدرش مع اختو كامل .. مانعرف وعلاه :confused1:
انا الحمد لله كاين علاقة متينة مع خاوتي :001_wub:
ساعة على ساعة واحد فيهم يجيبنا عشا للدار .. و يجيبو لي فيلم كل ليلة .. و اسرارهم كامل عندي :yahoo:

بصح تانيك ديفوا يكونو ديرونجمو نضل نضارب معاهم :cursing: .. اخرها البارح :glare: عضيت خويا ماحبش يخليني ترونكيل :cursing:.. جبدت عليه بعضة مازادش دار بيا كامل ههههههه

الله يقوي العلاقات بين الاخوة كامل .. خاوة خاوة :angel_not:​

ههههههههههههه

ايا قوليلي شويا اسرار من تاع خاوتك

نوعدك منقولش لحتى واحد

هههههههههههه

ربي يخليهملك

مي خليك من العضان راه ينقص من .......

منقولش

ههههههه
​

 

[بنـ MaPa ـت]

يا خويا مايخصنيش اخ ولا اخت راني متهنية وحدي خير نخبي همومي في قلبي وخلاص....مرسي موضوع جميل..تحياتي..​

 

[اشتك اشتك]

شوف صاحبي نقولك حاجة
الطفلة والديها راهم حين وقادرين على ارشادهن
الأخ ما عندوا حتى دخل في أخته
ونزيدكم :
شكون لحاسب روحه راجل ويتحكم في أخته يجيبلها هو راجل ويخاف عليها
وزيد هو من يتحمل ما بعد طلاقها لقدر الله .
وهكذا نعرفوا الراجل ليخاف على اخته
أم بالهدرة برك ما تكفيش وخلي كل شيىء على الوالدين
ومعذرة منك الأخ ومشكور على الموضوع
​

صحيت خويا على مرورك

مي اختك تبقى اختك و عندها حق عليك ديما قبل ما تتزوج و بعد ما تتزوج

و في كل وقت

ربي يخليك خويا


​

 

[اشتك اشتك]

أنا كان عندي أخ واحد وجامي شفت منو حاجة ماشي مليحة صح نداوسو لكن ماشي لدرجة نتقاطعو ....جامي تفارقنا حتى فلجامعة كنا مع بعض .....فرقتنا غير الموت​

الله يبارك عليكم خيتي مي مفهمتش هادي فرقتنا غير الموت

علاه خوك الله يرحمو مات؟؟؟
​

 

[سماح4]

البنت بطبيعتها تحتاج إلى الحماية يعني سند وتحتاج إلى رجل في حياتها باش تحس بهذيك الحماية ،سواء زوج اب صديق أو اخ وتقرب الاخ من أخته يسد ذلك الفراغ في حياتها ويحسسها بالأمان وهنا عندما تتقرب الاخت من اخيها تولي ما تحبش تزعفو وتصارحو بكل واش يصرالها في حياتها وخصوصا اذا كان متفهم ويحتويها ويحاول يعالج مشاكلها يعني بإختصار رايحة توفر مشاكل كثيرة عليها وعلى اخوها تحياتي ليك وهذا احد المواضيع المهمة لي ولات قليلة فعلا في المنتدى بالمناسبة نحييك على هذا الموضوع وتستاهل تقييم يا صاحب القلب الطيب...... يا أشتك .

بالمناسبة انا عندي خويا ربي يحفظولي والله بكل صراحة نحكيلو على أدق ادق التفاصيل في حياتي وهو إنسان هايل ومتفهم.

 

[اشتك اشتك]

el salam 3alaycom

dima hak wache dire

و عليكم السلام

واش تحب خويا ربي يهدي

​

 

[اشتك اشتك]

سبقتني البارح خممت ندير موضوع في فرغ واش كاين في قلبك على الاخوة الله يقطع الاخوة زي الي عندي ((نكرهم))

لالا خيتي عمرك ما تكرهي خوك

خوك يبقى خوك و عمرك ما راح تلقي واحد يحبك و يخاف عليك كيما خوك

قولي ربي يهديهم و حاولي انتي تقربي منهم و تحكي معاهم

بلاك ربي يهشش قلوبهم من جيهتك

اشتك يحييك
​

 

[منايا الجنة]

انا الحمد الله خويا لكبير نتفاهمو معاه خطرات خرجنا نحوسوا
والصغير هداك صغير بصح نعزهم بين زوج ربي يخليهم لنا