~'*¤!||!¤*'~`أرواحو تصيفوا معانا و تنحو على خاطركم`~'*¤!||!¤*'~`

[Rochdi.dz]

كيما تعرفو رانا في عمي الصيف والدعوة راهي سخونة أقلاص​

كي نسمعو كلمة الصيف كي شغل سمعنا كلمة هاج بركان​

في الصيف الناس كامل قاعدة سيرتو في خالي أوت​

الناس تخرج كونجي كي حالتي وتروح تنحي على روحها في البحر​

اللي عندو يروح و اللي ما عندوش يدبرهم بالسيف المهم يتبحر​

​

​

وبخلاف البحر الصيف معروف بالمناسبات و سيرتو العراسات نتاع الزواج​

و في الصيف تاني تخرج النيجة نتاع الباك آسيدي و الأهلية​

و السيزيام المهم وش نقلكم مابين فرحة وفرحة كاين فرحة​

الميضوع هذا يحكي على الصيف​

واش يصرى في الصيف من أحداث و تحواس و مناسبات ​

و حوايج بزاف؟؟؟؟؟ مي نتوما اللي رايحين تحكيولنا​

الحوايج هدوما؟؟؟؟؟​

بإختصار الميضوع فيه خمس حوايج​

راهم مختصرين في الفوطو الجاي​

​

​

و درك ندخلو في الديطاي​

نبداو باللولة و الي هي

​

يخي علابالكم في الصيف يصرى العجب من الديقوطاج ​

يعني كامل راح تصرالكم عفايس قادرين يكونو ملاح و قادرين يكونو مش ملاح​

ايا مالا أنا حاب اللي تصرالو منكم كش عفسة يحكيهالنا ​

باش نفروحو و نبكيو معاه​

مثال يصرالو كيما المخلوق هذا​

​

​

ونروحو لثانية و الي هي كيما


راكم تشوفوا

​

أمبوسيبل واحد ما يخرج من مدينتو في الصيف على الأقل​

يخرج مرة ولا زوج يبدل الجو​

دونك نحبكم تحكيولنا إذا خرجتو وشفتو بلايص شابين بزاف​

كيما هذي​

بلاما نطول عليكم نروحو لثالثة واللي كاثرة بزاف​

​

​

​

كيما قلتلكم الفوق الصيف غير فرحات​

وهد ليامات رايحة تجي الريزيلطا نتاع الباك​

ايا اللي عندهم عرس ولا نجاح في الباك يقوللنا​

باش نفرحوا معاه كامل​

​

​

​

و خفيف ظريف نديرو طلة للرابعة و اللي هي​

​

​

يصراو بزاف في الصيف عفايس يضحكو سيرتو كي يروحو ​

جماعة مع​

بعضاهم يتبحرو راح يصراو لقطات يقعدو في الذاكرة​

إمالا اللي صارتلو عفسة تضحك يحكيلنا واش صرالو​

ويضحكنا كيما المخلوق هدا​

​

​

​

و أون فان لحقنا للنهاية علابالي طولت عليكم​

قتلكم الحاجة الخامسة هي​

​

​

هدي نتاع الجماعة اللي تبحرت وشافت حوايج صراو في الشط​

لقطات بيزار و لا يضحكو ​

ولا صراتولو عفسة كي كان يعوم ​

كيما نضر هذا التمسوح​

​

ايا تهالو في رواحكم و تهلاولي في الميضوع​

أيا على خير

http://files02.arb-up.com/i/00098/zv7cewgtkys7.png​

​

​

​

 

[هــــيلدا]

طريقة طرح الموضوع جميلة جدا،،
يعطيك الصحة

 

[Rochdi.dz]

طريقة طرح الموضوع جميلة جدا،،
يعطيك الصحة

مرسي هيلدا خيتو

ربي يحفظك​

 

[زهرة البيلسان]

موضوع روعة خويا يعطيك الصحة
والله يستاهل التثبيت

 

[Rochdi.dz]

موضوع روعة خويا يعطيك الصحة
والله يستاهل التثبيت

الله يسلمك
ومرسي على المرور الجميل​

 

[DARINE05]

راك فور يا رشيد موضع يهبل تقيم

 

[ماكانش]

يعطيك الصحة خويا
انا في الصيف نحوس وندور ونبدل الولاية والعباد والجو هههه​

 

[NICHA03]

يعطيك الصحة خويا رشيد موضوع شباب بزااااااااااااااااااااااااااااااااااااااااااااااااااف

 

[soussoubatna]

 

[~ مستشـآرهـ طـرزآنـ ~]

الله يعطيك النو آ رشدي...هذا ميضوع ولا خلّي
يعطيك الصحة
علابالك ميضوعك يستاهل الغلق آ التقييم
ان شاء الله كي يصرى معايا كاش pـوزيسيون نجي نحكيلكم عليها
أيا على خييير
​

 

[wziane]

موضوع جميل حنا في بسكرة النار شاعلة ابعثلي شويا برود

 

[Rochdi.dz]

يعطيك الصحة خويا
انا في الصيف نحوس وندور ونبدل الولاية والعباد والجو هههه​

الله يسلمك خويا ماكان والو ههههههههه

هيه كي تبدل العقلية أرواح أحكيلنا

شكرا​

 

[Rochdi.dz]

يا ولد البلاد راك نتا
هو le grand

مرسي​

 

[said prince of p]

بصح انت ليتدينا للبحر داكور ولا لا

 

[Rochdi.dz]

الله يعطيك النو آ رشدي...هذا ميضوع ولا خلّي
يعطيك الصحة
علابالك ميضوعك يستاهل الغلق آ التقييم
ان شاء الله كي يصرى معايا كاش pـوزيسيون نجي نحكيلكم عليها
أيا على خييير
​

الله يعطيك الوي يا ختي............... هذا رد ولا أدي

يسلمك آ سيدي

علابالك ردك يستاهل الحذف آ الردف

يا ربي و تصرالك أنسيدونس مش مليحة

هههههههههه​

 

[RIDHA REAL]

يعطيك الصحة​

 

[Rochdi.dz]

موضوع جميل حنا في بسكرة النار شاعلة ابعثلي شويا برود

ههههههههههههههههه

تستاهل يا البسكري

 

[amouna.dz]

موضوع هايل يا خويا يعطيك الصحة وبارك الله فيك
ان شاء الله الموضوع نلقاو فيه شويا تفاعل من الاعضاء هكا باش نضحكو ونبكيو كيف كيف و نعقبو صيف فور في اللمة
مييييرسي ربي يخليك
​

 

[ايمان 02]

فوووووووووووووووووووووور بزاف يعطيك الصحة

 

[Rochdi.dz]

بصح انت ليتدينا للبحر داكور ولا لا

وي باينة طول أنا هو اللي نديكم تتبحرو

​