~~أماني2 ~ Bouchra02 ~ ايمان02 ~~ ... السرقة، Theft، Vol

أماني2

:: عضو بارز ::
أحباب اللمة
إنضم
14 أوت 2009
المشاركات
1,466
نقاط التفاعل
1
النقاط
37
6210.gif


~~أماني2 ~ Bouchra02 ~ ايمان02 ~~

واش أحوالكم أعضاء ورواد اللمة الجزائرية
إن شاء الله كامل تكونو بخير

اليوم بغينا نطرحو موضوع حول السرقة اللي راهي طغات بزاف في المجتمع تاعنا واللي راهي ولات كارثة حقيقية :surrender:
نحاولو اليوم نهدرو شوية على أسبابها وأنواعها مع بعض ونشوفو كل واحد و كيفاه يشوفها

لقوله تعالى في سورة المائدة(الآية:38-39): "

وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالًا مِنَ اللَّهِ وَاللَّهُ عَزِيزٌ حَكِيمٌ
"

صدق الله العظيم


السرقة ، Theft ، Vol
آفة من الآفات التي تعرض أمن المجتمعات إلى الخطر.وحتى الكثير من الشباب
اللي ولات بالنسبة ليهم حاجة عادية و ولات حرفة بالنسبة ليهم:scared:

والكل عارفين بلي الله نهانا عنها بالرغم من زيادتها

سبحان الله تخيلو لوكان جاو كامل هاذو اللي يسرقو يطبقو عليهم واش فال الله سبحانو بقطع الأيدي، هل كانو راح يسرقوا طبعا هذا ينطبق على اللي يسرقوا أشياء كبيرة أو ثمينة اللي تجعل صاحبها ينضر

كامل رانا نشوفو في أنواع السرقات من سرقة الأموال والأشياء الثمينة
السيارات ، سرقة البنوك، الأجهزة، الهواتف النقالة هاذي غالبيتها
ممكن نقولو 90% منا تعرض لسرقة هاتفه النقال بأي طريقة


مثلا ناس يموتو على جال البورتابل يقتل ولا يضرب بالموس وياخذ البورتابل اهنا يكون دار زوج جرائم في دقيقة واحدة الله يستر


والآن لحقت السرقة حتى في الأنترنت كسرقة الايميلات
وبلا ماننساو سرقة القلوووووب...يالطيف :scared:


464289.jpg


والسارق ممكن يكون في بالو يسرق وهذا لعدة أسباب ممكن يكون محتاج بزاااااف و كانت هاذي الطريقة الوحيدة بالنسبة ليه وقادر يكون ولات فيه عادة يسرق بالرغم من أنو مش محتاج


بصح الله غالب ولات حرفة و مايقدرش يستغنى عليها
وهذا مرض نفسي اكيد


thum_1232350028.jpg


sahha007.jpg

n1.jpg
وكل واحد فيكم اللي ممكن تكون عندو حكاية حول السرقة يرويهالنا ولا يكون هو ولا هي سرقولو بورتابلو كاش نهار:scared:


واللي حاب يولي سارق محترف ماعليه غير : :music_whistling:



ht_gta4_080124_ms.jpg



هاذي حلال عليكم...هههه
:music_whistling:


هاذي هي الله يهدي كل واحد وربي يسترنا و يحفظنا
نتمناو ماكناش طولنا عليكم

مع تحيات الثلاثي الشلفي :yahoo:اماني بشرى وايمان

سلاااااااام

6310.gif

 
صاحا Chlef Crew , لي عودة في الموضوع //
 
شكرا لك على الموضوع
10/10
 
السلام عليكم
واهلا ببنات شلف الفحلات تحية ليكم
الله غالب جيتو قاع خواتاتي ربي يخليكم
انا الصراحة جامي تسرقتلي حاجة برا؟
انا نودر حوايجي بصح مستحيل يسرقوني يخافوني اصلا
شكرا موضوع قمة
من ناس قمة
تحيتي

 
انا مزال ماصراتليش
بصح يلا كاش نهار سرقولي حاجة
النار قدات
 
يعطيكم الصحة الشلفيات
 
صحيتو خواتاتنااااااا

والله عندكم الحق . هاذي الظاهرة راهي منتشرة بزاف و ربي يستر برك منا للقدام منعرف واش يصرا
 
سرقة القلوب اخطر انواع السرقات
لالها عقاب ولاقانون يحمي منها :surrender:
 
قال [ايمآن];2893329:
السلام عليكم

واهلا ببنات شلف الفحلات تحية ليكم
الله غالب جيتو قاع خواتاتي ربي يخليكم
انا الصراحة جامي تسرقتلي حاجة برا؟
انا نودر حوايجي بصح مستحيل يسرقوني يخافوني اصلا
شكرا موضوع قمة
من ناس قمة
تحيتي
وعليكم السلام
اهلا بيك اختي
ربي يخليك
نتي اللي قمة يا اختي
ربي يهدي كل واحد
يعطيك الصحة
بارك الله فيك
 
سرقة القلوب اخطر انواع السرقات
لالها عقاب ولاقانون يحمي منها :surrender:

صح هي أخطر السرقات وصاحبها ينضر نفسيا

شكرا ليك أختي نورتي
 
يعطيكم الصحة الشلفيات

شكرا ليك خويا

بار الله فيك


صحيتو خواتاتنااااااا

والله عندكم الحق . هاذي الظاهرة راهي منتشرة بزاف و ربي يستر برك منا للقدام منعرف واش يصرا

يعطيك الصحة أختي

إن شاء الله

ربي يحفظنا


شكرا ليك نورتـــي
 
زوج اعباد نكرهم في حياتي السراق والكذاب وحد المرة كنت راكب في البيس
فب البلاد كان واحد السارق قدامي كان حاب يسرق المراة ماخليتوش كيما حاول
والو ولا راح لواحد ماعلابابيش واش صري امعاه المهم خصرتلو قاع السوق
انتاعو عاد مين ايشوفني يغير المكان ياخي حالا الربح السريع
بصح مادومش ايطيح في الشبكة ويخلص كلشي مع الف شكر اختي
 
موضوع حســــــــاس فعلا

لازملمو تجنيد صحيح .وانا شخصيا عندي قنــــــــــــاعة انو لوتطبق الشريعة في السارق ستنعدم السرقة فعلا.
 
وعليكم السلام
حبيباتي
موضوع جيد التنسيق
يصب نحو هدف اسمى
السرقة ظاهرة منتشرة بزاف
مرة سرقولنا القش من السيلان
والله بقيت حايرة كيفاه تسلقو الباطيما
ههههه
كون جاو يطبقو عليهم الشرع لي يسرق تتقطع يدو اكيد رايحيم يدرحو
بصح كي تعود من الفوق لتحت سراقين
عامة الناس علاه مايسرقوش
يقولك هاداك ينهب جات عليا غير انا
ابسط مثال عمو الخليفة ومسيرته المبهرة
ربي يسترنا برك
تقبلن مروري
 
هههههههه
السلام عليكم ربي يجيب الخير برك
هاكي انا جامي ولا تسرقت والحمد لله هادي نعمة منعند ربي سبحانه
اوكي هاكي انسة اماني وايمان وبشرى ادابغينا نحكيو على السرقة لازم نرجعو لاسباب السرقة
يا أختي تلقي شير عمره 25 26 سنة بدون اي مستقبل او موان يكون ديبلومي في هاد اللاج علابيها هنا يبقى يدراقي الله غالب زيد هادي هي حالتنا
زيدي لحباس تاعنا فيهم مهمة تدريب السراق ماشي تأديبهم غادي نفهمك واحدة يسرق حبة تاع بيض يدخل مع واحد سارق بونكا اي يعطيه ليسبيريون تاعه ايا مول البيضة يولي اكسبار في السريقة وهي رايحة
وفي الاخير كل شي من التربية تاعىالوالدين والوازع الديني ايضا
تعيشو اماني وايمان وبشرى بنات الشلف
خوكم مختار
 
انا الحمدالله ما سراتلي حتى سريقة

وان شاء الله ما تصراش

صحيتو خواتاتي
 
انا واحد الخطرة أستسيونيت السيارتي امام بيت من الأقارب و كان أبنهم واقف امام البيت و توجهت لصوالح و كي رجعت سرقولي بوست كسات غالي الثمن من السيارة و فيها ديسك نتاع القران الكريم عبد الباسط عبد الصمد


بعد 6 سنوات سمعت بان ذالك أبن موجود في السجن لانه سارق محترف للسيارات و عرفت بانه هو الذي سرق لي بوست من السيارة و طرطق لي الباب

و تذكرت كيف إني ساعدته بمظربة في زواجه و كثير من خير فعلته فيه

فكيف يسرق لي ؟؟؟؟؟؟؟؟؟؟؟

مهم حكمولوا 3 سنوات سجن حق سراقة اخرى


و عندي سؤال

هل وجدتم سارق توقف عن سراقة لانه أصبح ثري ؟؟؟؟؟؟؟؟؟؟


الجواب = لا

دائما يبقى جوعان فسارق لا براكة فيه و كل ما سرق يخرج منه من غير بال
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top