حال واحوال مستشفياتنا --*تضامن ابناء اللمة الجزائرية*--

[عفاف الجزائرية]

السلام عليكم ورحمة الله وتعالى وبركاته
صحا فطوركم
ان شالله تكونو بخير
اليوم وعلى حساب موضوعنا ومثلما قلت لبارح رحت انا وبنت خالتي وصديقة هم عضوات هنا معانا في اللمة رزنا مرضى المستشفى وطلينا عليهم ودينالهم بعض الهدايا للاطفال الصغار ولحاويج الضرورية للامهات وللمريضات جناح الاطفال وجناح النساء
والله والله والله الواحد مع الدخلة نتاع المستشفى يشوف احوال هكذاك يقول الحمد لله على نعمة الصحة
غير تدخل اللي تلقاه مكسور واللي تلقاها مشلولة واللي تلقاه يصفي في الدم واللي تلقاه يخيط في جروح واللي طايح
الواحد كي يكون في حياته العادية ممكن كي يسمع انه انسان صرالو اكسيدون صح يقلق ويقول الله اكبر مي لوكان يجبدو موضوع اخر نتاع كلام يندمج فيه وينسى الانسان اللي صرالو هذاك الحادث
مي كي يكون في موقع الحدث انا نظن عمرو ما رح ينسى واش شاف
طفلة مسكينة بيبي راسها يوزن اكثر من جسمها عندها ورم في راسها صدقو والله كي شافت الالعاب اللي في الكيس نتاعها ما قدرتش ترفد راسها ولا تتكلم عملتلنا غير باي باي بايدها
طفل مشلول في الكرسي شاف الكيس نتاعو عاد يصفق من الفرحة
اما النساء والعجايز اللي عندهم ب 3 اشهر والعام وهوما في مستشفى يشفو القلب
والله انا منين شفتهم وانا بالي عندهم
عجوزة مسكينة عندها عام و 6 اشهر وهي وحدها في المستشفى ماكانش اللي يجيها ولا يطل عليها
صراحة دخلت بالعقل خرجت بلا عقل من كثرة الاضرار اللي قايسة الناس
وحنا اللي تقيسو شوكة يقول راني مضرور
والله الواحد في هذو المواقف ما يقول غير الحمد لله على نعمة الصحة
والحمد لله راه مع اهله وناسه
في الاخير نقولولهم ربي يشفيهم ويبعد علينا كل الاضرار
الزيارة اللي عملتها كانت باسم منتدى اللمة الجزائرية واللي يسالني على اسم الجمعية نقوللو هذا منتدى اسمه اللمة الجزائرية جينا باسمه
والله فرحو بزاف وعمري كنت متخيلة انني نشوف ناس صح محتاجة اللي يكون معاها ويوقف معاها ويفرحها
على هذا لازم ما ننساوهمش على الاقل بالسؤال عليهم
ربي يثبت خطانا
​

 

[souhila_95]

ربي يشافيهم ويعافيهم انشاء الله آآآآآآآآآآآآآآآآآآآآآآآآآآآآآآآآآآآآآآآآآآآآآآمين والله يعطيك الصحة اختي على هذه المبادرة الطيبة وربي يجعلها في ميزان حسناتك نتمنى انو الجميع يكون مثلك ويديرها ربي ينجحك انشاء الله والحمد لله على نعمة الصحة الحمد لله واتمنى الشفاء العاجل لكل مسلم مريض آآآآآآآآآآآآآآآآآآآآآآآآآآآآآآآآمين يارب العالمين
​

 

[عفاف الجزائرية]

ربي يشافيهم ويعافيهم انشاء الله آآآآآآآآآآآآآآآآآآآآآآآآآآآآآآآآآآآآآآآآآآآآآآمين والله يعطيك الصحة اختي على هذه المبادرة الطيبة وربي يجعلها في ميزان حسناتك نتمنى انو الجميع يكون مثلك ويديرها ربي ينجحك انشاء الله والحمد لله على نعمة الصحة الحمد لله واتمنى الشفاء العاجل لكل مسلم مريض آآآآآآآآآآآآآآآآآآآآآآآآآآآآآآآآمين يارب العالمين
​

ان شالله اختي سهيلة والله اللي نتمناوه انه ربي يعطينا لصحة ويسترنا والله اللي شفته اليوم ما نرضاهش للعدو
احنا في رمضان مع الاهل والاحباب
وهوماماساكن ينتظرو ولو واحد يطل يسقسي عليهم
ربي يشفيهم ويعافيهم
واما اللي عملت هذا لوجه الله والله ولا شي وهذا من حقهم هوما تاني علينا

 

[BARCA232]

السلام عليكم ورحمة الله تعاتلى وبركاته
والله خطوة جبارة وجهد عظيم اختي عفاف
والله تجزون عليها احسن جزاء
ياريت كانت المبادرة وجدت اكبر صدى عند الأعضاء للأسف لايوجد عندنا مثلكم
والله لم اجد ما اقوله لك اختي عفاف
سوى ان بروكت اختاه
وشكرا لكل من ساهم في هاته المبادرة
بارك الله فيك
​

 

[عفاف الجزائرية]

السلام عليكم ورحمة الله تعاتلى وبركاته
والله خطوة جبارة وجهد عظيم اختي عفاف
والله تجزون عليها احسن جزاء
ياريت كانت المبادرة وجدت اكبر صدى عند الأعضاء للأسف لايوجد عندنا مثلكم
والله لم اجد ما اقوله لك اختي عفاف
سوى ان بروكت اختاه
وشكرا لكل من ساهم في هاته المبادرة
بارك الله فيك
​

ربي يجازيك خويا محمد على مرورك
اما فيما يخص خطوتنا هاذه واله لا تسوى ولا شي بين ايدي الاطفال وبين ابتسامتهم
والله الواحد يعجز على لكلام والحركة كي يشوف مواقف هكذا
اما فيما يخص المبادرة ما كنتش رح نتخيلها هكذا لانه فعلا هذا شي يحشم لانه كاين اعضاء من الولاية يحكيو وديما كونكتي مي في وقت الصح ما لقيتش ولا احد
انا كنت حابة اننا نكونو مجموعة ندخلو ونفرحوهم كامل
لكن ربي شاف فيها خير المهم الواحد ادى واجبة اتجاه المرضى وعمل ولو شي بسيط امام حقهم
ربي يشفيهم ويعافيهم يا رب

 

[BARCA232]

ربي يجازيك خويا محمد على مرورك
اما فيما يخص خطوتنا هاذه واله لا تسوى ولا شي بين ايدي الاطفال وبين ابتسامتهم
والله الواحد يعجز على لكلام والحركة كي يشوف مواقف هكذا
اما فيما يخص المبادرة ما كنتش رح نتخيلها هكذا لانه فعلا هذا شي يحشم لانه كاين اعضاء من الولاية يحكيو وديما كونكتي مي في وقت الصح ما لقيتش ولا احد
انا كنت حابة اننا نكونو مجموعة ندخلو ونفرحوهم كامل
لكن ربي شاف فيها خير المهم الواحد ادى واجبة اتجاه المرضى وعمل ولو شي بسيط امام حقهم
ربي يشفيهم ويعافيهم يا رب

والله فيما يخص الاعضاء هذا راجع لتربية الانسان
كل واحد كيفاش يخمم
والله ياريت وتمنيت لو كانت مستشفى عندنا تاع أطفال مرضى والله الخير امامك وانت هراب منه
لاحول ولاقوة الا بالله العظيم
كيف يعقل ان الخير وفي شهر الفضيل والاقبال يكون محتشم
ماعليش اختي عفاف البركة في القليل
شكرا لك على المبادرة واتمنى ان تبلغي شكري وتحيتي الى الجميع من كان معك
بارك الله فيكم
​

 

[DARINE05]

بارك الله فيك اختي عفاف يعطيك ماتتمناي راكي دخلتي الفرحة عليهم ربي يجازيك

 

[فراشة الايمان]

الحمد لله على نعمة الصحة
و ربي يشفيهم و يصبرهم

 

[عفاف الجزائرية]

والله فيما يخص الاعضاء هذا راجع لتربية الانسان
كل واحد كيفاش يخمم
والله ياريت وتمنيت لو كانت مستشفى عندنا تاع أطفال مرضى والله الخير امامك وانت هراب منه
لاحول ولاقوة الا بالله العظيم
كيف يعقل ان الخير وفي شهر الفضيل والاقبال يكون محتشم
ماعليش اختي عفاف البركة في القليل
شكرا لك على المبادرة واتمنى ان تبلغي شكري وتحيتي الى الجميع من كان معك
بارك الله فيكم
​

والله خويا ممحمد واش حنقولو ممكن ضروف بالرغم من انه ساعتين ولا ثلاث ماهيش رح تمنعهم لكن الغايب حجته معاه
المهم ربي يشفيهم ان شالله ويعافيهم يا رب

بارك الله فيك اختي عفاف يعطيك ماتتمناي راكي دخلتي الفرحة عليهم ربي يجازيك

ربي يبارك فيك اختي دارين والله هاذي ماكان حتى حاجة وهذا حقهم علينا لازم نقومو بيه

الحمد لله على نعمة الصحة
و ربي يشفيهم و يصبرهم

اللهم امين اختي مشكورة على مرورك

 

[BOUSS]

ربي ان شاء الله يجعلهالكم في ميزان الحسنات كيما فرحتو المرضة
ربي يفرحكم ان شاء الله ومدام العبد في عون اخيه فان الله دائما في عونه
لكم الف شكر وجزاكم الله

 

[ندى الجزائرية]

يعطيك الصحة اختي عفاف
وجزاكم الله خيرا وجعله في ميزان حسناتكم

 

[عفاف الجزائرية]

ربي ان شاء الله يجعلهالكم في ميزان الحسنات كيما فرحتو المرضة
ربي يفرحكم ان شاء الله ومدام العبد في عون اخيه فان الله دائما في عونه
لكم الف شكر وجزاكم الله

والله خويا سفيان هذا انا نعتبرو من حفهم وزيارة المريض واجبى
ربي يشفيهم هاذه هي الدعوة المليحة
مشكور لمرورك وربي يباركلك في لويزة وادريس ويحفظهم

يعطيك الصحة اختي عفاف
وجزاكم الله خيرا وجعله في ميزان حسناتكم

ربي يبارك فيك اختي ندى
مشكورة لمرورك

 

[AdNan31]

والله غير عندكم اجر كبير عند ربي

الله يقدرنا على فعل الخير

 

[جزائرية للابد18]

ربي يشافيهم ويعافيهم انشاء الله آآآآآآآآآآآآآآآآآآآآآآآآآآآآآآ آآآآآآآآآآآآآآآآمين والله يعطيك الصحة اختي على هذه المبادرة الطيبة وربي يجعلها في ميزان حسناتك

 

[عفاف الجزائرية]

والله غير عندكم اجر كبير عند ربي

الله يقدرنا على فعل الخير

والله خويا عدنان هاذا واجب

وربي يقدرنا على فعل الخير
مشكور لمرورك

 

[عفاف الجزائرية]

ربي يشافيهم ويعافيهم انشاء الله آآآآآآآآآآآآآآآآآآآآآآآآآآآآآآ آآآآآآآآآآآآآآآآمين والله يعطيك الصحة اختي على هذه المبادرة الطيبة وربي يجعلها في ميزان حسناتك

اللهم امين والله اذه الدعوات الي يحتاجوها يا رب
مشكورة اختي على رورك وانا ما فعلت ولا شي الا الواجب

 

[dana1993]

السلام اختي
والله صح مازال فالدنيا خير
جامي شت السبيطار كيما هك ليام هاذو نروحو لجدي كاين جمعيات تجي طل عليهم تطهلا فيهم شت السبيطار صافي 3 سنين قبيل كارثة ليزيرجونس يالطيف لواحد يموت و هوما ماشي لاتيين
بصح ذك رحمة ربي
حاجة وحدا اثرت فيا مريض قدام جدي طفل صغير مول 14 سنة يتيم عندو كونسار فالدم ربي يلطف المومنين كامل مسكين حالتو رايحا فيها بدا لاشيمي تيرابي تاعو ايييييييييييييييييه كي نشوفو هك نحمدو ربي على كل نعمة
ربي يخفف على المرضى كامل و يشفيهم ان شاء الله

 

[dana1993]

السلام اختي
والله صح مازال فالدنيا خير
جامي شت السبيطار كيما هك ليام هاذو نروحو لجدي كاين جمعيات تجي طل عليهم تطهلا فيهم شت السبيطار صافي 3 سنين قبيل كارثة ليزيرجونس يالطيف لواحد يموت و هوما ماشي لاتيين
بصح ذك رحمة ربي
حاجة وحدا اثرت فيا مريض قدام جدي طفل صغير مول 14 سنة يتيم عندو كونسار فالدم ربي يلطف المومنين كامل مسكين حالتو رايحا فيها بدا لاشيمي تيرابي تاعو ايييييييييييييييييه كي نشوفو هك نحمدو ربي على كل نعمة
ربي يخفف على المرضى كامل و يشفيهم ان شاء الله

 

[nassim007]

ربي شفيهم ان شاء الله

وكيما يقولو مايحس بالنعمة غير ل تروحلو

بارك الله فيك على الموضوع
​

 

[N@riM@N]

والله مانقدر نقول غير الحمد لله ع نعمة الصحه حتا انا كنت نهار لخميس فسبيطار نطل ع جدتي
مقدرتش نشوف ,,,,,,,ربي يتقبل منا ومنك صالح الاعمال