التغيير يبقى أمل ؟؟

[Black-Blossom]

السلام عليكم و رحمة الله تعالى وبركاته​

صباح / مساء الخير للغاشي​

واش راكم وواش دايرين؟​

ان شاء الله لاباس كامل ​

المهم واش نحكي ​

ماشاء الله... ماشاء الله مجتمعنا الموقر يعج بالشباب​

صح ولا لالا؟​

وين تروح تلقى الشبيبة تدور ...بصح في باطل؟ !​

يعني مجرد ملاحظة شفتها و ديما نشوفها​

هذا كامل فرغان شغل ؟؟ من يصبح الصباح​

ينوض الشاب الموقر ...يلبس و يخرج يشعل ​

اللي يشوف يقول هذا مدير شركة ولا حاجة كبيرة الله يبارك عليه على هاذيك الحطة ​

ممبعد لواشي...يحكملي هذاك الحيط هو و اللي كيفو
جماعتو..ولاد جيرانو المهم​

ماكانش حيط فارغ إلا و ملون بمجموعة من الفاشلين على حسب منظوري​

و ممبعد تبدا القصة....الهدرة الفارغة من جيهة (و اللي نصها تطياح مع احتراماتي)​

و الأروع كان عدات وحدة من الجنس اللطيف ...أولها خزرة السكانير نورمالمون يخي الاولى ليك و الثانية عليك..لالا حتان يخلوك تحسي راكي جاية من الفضاء الخارجي و لا كشما عندك حاجة خارجة عن نطاق الإنسانية​

و هذي العفسة نشوف مطبقة على المتحجبة و المتبرجة و حتى على اللي تلبس الجلباب ...الصغير، الكبيرة، و حتى المخطوبة و المتزوجة، الخدامة ، اللي تقرى، المليحة و الحايرة​

و بعدها يبدى اللعب...و الكلام الفارغ و التعليق الزايد​

و حتى كان ماداروش هكذا يبدالك يشكر في روحو و في أعمالو و إنجازاتو اللي الذبابة كبر منها و يبدا" أنا و ندير و ندير و **** و **** "و كل أنواع الكلام المعسل و البذيئ
​

وينو الإحترام؟؟ ماشي عيب تخلي طفلة تسمع الكلام هذا؟ و زيد هذا كامل وقت فارغ عندهم؟​

هذا من جيهة..من جيهة اخرى ويني الإنجازات و المشاريع الشبابية؟؟​

ويني حملات تنظيف البلاد؟؟ اللي ماش شايف تحت رجليه واش كاين و هو بعد يكمل من باطة الدخان تاعو يرميها و يمشي!!!!
​

من جيهة أخرى...يا الشاب ياللي تحس روحك مختلف على هكذا​

كي تشوف الظاهرة هاذي علاش ما تنهاش عن المنكر؟؟​

علاش ديما تتخبوا تحت هاذو الكلمات " راهي تعرفو...ماهدرلها غير راهي معاه...أو باين هي اللي جاباتو لروحها"​

شتا جاباتو ولا ماجاباتوش...لازم النصح ..مش العيب مثلا في اللي يغلط العيب في اللي ما يصلحلوش..و نص البنات مغلوب على امرهم يسكتوا من قلة الحيلة و الضعف اللي فيهم.​

نحب نقول لكل الشباب " اللي لقى منكم منكر كيما هكذا يصلحوا" خطراه اللي تمشي البرا هذي راهي في عوض أختك، بنتك، أو زوجتك و هي مسؤولة منك أنت اللي تجيبلها حقها ​

مش تعدي الطريق كيما يقولوا [وذن من طين وأخرى من عجين]​

هذا مما شفتو و سمعتو ​

و يعني ممكن يكون شوية تغيير؟
و لا يبقى غير أمل من غير عمل ؟
​

سلام​

​

 

[ماكانش]

أهلا بيك blossom
ياي مع من راكي تهدري يا طفلة
مشكان ضيعو قرايتهم ضيعو مستقبلهم على جال التمسخير
لاخدمة لاوالو حافظ ليبروقرام تاع الليسيات وهيا ماشية ...
يعطيك الصحة على الموضوع الباهي
تستاهلي تقييم
​

 

[وطني]

الله غالب .....ماكانش الحافز.....
ارواحي جوزي يامات و لانقلك غير جورني واحد في بلاصتي و تفهمي كلش.....
مي عندك الصح ....و ربي يهدينا اجمعين
شكرا

 

[ღحنين الروحღ]

السلام عليك اختي
موضوعك هايك وتنسيقك هايل
والصراحة موضوع في القمة +مشكلة كبيرة ولازم الانسان منا ينتابهلها
مي المشكل شكون الي يينتابه ولا شكون الي يقول هذا الشئ يهمني
ولا يقول لازم نتغير ولا لازم ننهي عن المنكر
عاد الانسان يقول غير تخطي راسي وخلاص
+شبابنا وجيل ليوم
يعرف غير الخرجة والهدرة الفارغة مع بنات الناس والدورة من وراهم
حتى ولو ماعبرتيهمش يلزم عليك تعبريه
والله كرهنا
+ كيما قلتي
ماخلاو حتى واحدة
المتحجبة وال ي مش متحجبة لعجوزة ولا صغير
يديهم وهدرتهم ونظراتهم طالت الجميع
لله يستر علينا
ويهديهم
شكرا ليك وموفقة
​

 

[القطة الزهرية]

سلام
هدي هي حنا الحيط مال وتشقق من كثرت ماقعدو عليه هذ الحطيس فارغيش شغل قاتلهم الفيد ربي يكون في العين راني معمرة منهم ....لي عودة نفرغ قلبي

 

[ALEXIS SANCHEZ]

قضية شادين الحيوط
هاذي الله غالب في بلادنا تقرا ولا تريح شاد شاد الحيط
اما تاع يعسو في بنات الناس
هاذي اذا قعد يطـgـع فيها راها توصل لحد الزنى
الله غالب كاين لي حاسبينها رجلة وهي رخس
ديجا تلقاي واحد يعس في بنات الناس ويهدر على هاذيك وين راحت وواش عملت
وهو اختو فالميـgـان بيري..
ياودي ربي يهدي
​

 

[Black-Blossom]

أهلا بيك blossom
ياي مع من راكي تهدري يا طفلة
مشكان ضيعو قرايتهم ضيعو مستقبلهم على جال التمسخير
لاخدمة لاوالو حافظ ليبروقرام تاع الليسيات وهيا ماشية ...
يعطيك الصحة على الموضوع الباهي
تستاهلي تقييم
​

أهلا بيك ثاني الأخ ماكانش....<الظاهر راك كاين هنا بصح xd
مع من نهدر؟؟ أني قلت مع اللي نقولو عليهم "الشباب الصالح" زعما
ايه صح هاذوك ضيعوا القراية تاعهم بصح لحد الآن مالقاوش شكون اللي ينصحهم
و يوريلهم باللي هاذ الشي غالط شتا بالعسر و لا اليسر

هاذي خدمة الآباء راني عارفة ...اللي دورهم مازال لحد الآن مابانش
بصح لازم النهي عن المنكر خويا..مشو حل تقول تخطي راسي و تسيح و تمشي
يعطيك الصحة على رأيك و شكرا





​

 

[Black-Blossom]

الله غالب .....ماكانش الحافز.....
ارواحي جوزي يامات و لانقلك غير جورني واحد في بلاصتي و تفهمي كلش.....
مي عندك الصح ....و ربي يهدينا اجمعين
شكرا

ماشي شرط الحافز خويا
هاذي الحاجة تاع العبد و كان كلاه قلبو على هاذ الشي و لا لالا
و كان صح راهو يحس باللي هاذ الشي غالط
و لازم هو يصلحو...و لازملو أصلا يصلح في الأرض
ماشي غير بأضعف الإيمان..هذا بصراحة للنساء فقط
انا لكان عقبت يوم في بلاصتك نعديه غير مورا هاذم نمرضهم في الخدمة هاذي اللي يديروا فيها ..المنكر هذا نصلحوا بلساني و بيدي ماشي بقلبي [كي الطفلة العاجزة]
شكرا لك أخي على رأيك
وربي يهدي كل الناس

 

[Black-Blossom]

السلام عليك اختي
موضوعك هايك وتنسيقك هايل
والصراحة موضوع في القمة +مشكلة كبيرة ولازم الانسان منا ينتابهلها
مي المشكل شكون الي يينتابه ولا شكون الي يقول هذا الشئ يهمني
ولا يقول لازم نتغير ولا لازم ننهي عن المنكر
عاد الانسان يقول غير تخطي راسي وخلاص
+شبابنا وجيل ليوم
يعرف غير الخرجة والهدرة الفارغة مع بنات الناس والدورة من وراهم
حتى ولو ماعبرتيهمش يلزم عليك تعبريه
والله كرهنا
+ كيما قلتي
ماخلاو حتى واحدة
المتحجبة وال ي مش متحجبة لعجوزة ولا صغير
يديهم وهدرتهم ونظراتهم طالت الجميع
لله يستر علينا
ويهديهم
شكرا ليك وموفقة
​

وعليكم السلام أختي العزيزة
المشكل ماشي زعما مش منتبهين
كيما قلتي الي يجي يقول تخطي راسي و تسيح
القلوب بردت..الله غالب كيما راني نشوف
حتى اللي حاسب نفسو لاباس بيه مادار حتى بصمة و لا هدة مليحة
و صح رايحة~ رايحة و تعبريه هذا الفارغ شغل ..حتى بخزرة احتقار و هي أضعف مايمكن أنو الطفلة تدير
شكرا ليك على رأيك أختي الهايل
ربي يحفظك من هاذو الأشكال
^_^

 

[Black-Blossom]

سلام
هدي هي حنا الحيط مال وتشقق من كثرت ماقعدو عليه هذ الحطيس فارغيش شغل قاتلهم الفيد ربي يكون في العين راني معمرة منهم ....لي عودة نفرغ قلبي

الحيط مال و تشقق و هوما حاكمينو لا يطيح
صح قاتلهم الفراغ ماقلناش ...يروحوا يشوفوا وين يقتلوه
و العيب فيه ..واللي مخليه
فرغي قلبك أختي هههههه
الصفحة راها ليك حنونة
^_^

 

[Black-Blossom]

قضية شادين الحيوط
هاذي الله غالب في بلادنا تقرا ولا تريح شاد شاد الحيط
اما تاع يعسو في بنات الناس
هاذي اذا قعد يطـgـع فيها راها توصل لحد الزنى
الله غالب كاين لي حاسبينها رجلة وهي رخس
ديجا تلقاي واحد يعس في بنات الناس ويهدر على هاذيك وين راحت وواش عملت
وهو اختو فالميـgـان بيري..
ياودي ربي يهدي
​

معليهش راني معاك
شاد الحيط...دارو من داخل فيها حيوط يشدهم على روحو كان حاس بالفشل تاعو
ماشي يشد الحيوط البرا
1. حاكم بلاصة على اللي رايح و اللي جاي ...ساعات العبد ما يلقاش وين يحط رجلو منهم..واحد قاعد وواحد ماد رجليه !!
2.قاعد غير للكلام الفاسد
و عليها رانا هكذا في مبدأ الصعود إلى الأسفل...نورمالمون حتى كان ما يقراش يروح يشوف حاجة تنفعو...و حتى كان ماعرفش واش ينفعو
الناس مسؤولة تنعتلو اللي ليه و اللي عليه و ينهوه كي يضال يجنن في بنات الناس
ماشي مخليين الما على البطيخ و ممبعد وشي " ربي يهدي "

شكرا ليك أخي على رايك